Share on Facebook

Main News Page

ਇੱਕ ਪੜਚੋਲ ਬਚਿੱਤਰ ਨਾਟਕ {ਕਥਿਤ ਦਸਮ ਗ੍ਰੰਥ} ਦੇ ਲਿਖਾਰੀ ਦੀ ਬ੍ਰਾਹਮਣੀ ਮੱਤ ਨਾਲ
-: ਆਤਮਜੀਤ ਸਿੰਘ, ਕਾਨਪੁਰ

ਕਥਿਤ ਦਸਮ ਗ੍ਰੰਥ ਦਾ ਲਿਖਾਰੀ ਬ੍ਰਾਹਮਣੀ ਮੱਤ ਦਾ ਹੈ, ਉਸਦੀ ਸੋਚ ਦਾ 'ਇਕ ਪ੍ਰਮਾਣ ਆਪ ਜੀ ਨਾਲ ਸਾਂਝਾ ਕਰ ਰਿਹਾ ਹਾਂ, ਜਿਸ ਰਾਹੀਂ ਪਤਾ ਚਲਦਾ ਹੈ ਕਿ ਇਹ ਲਿਖਾਰੀ ਬ੍ਰਾਹਮਣੀ ਮੱਤ ਦਾ ਹੈ ਅਤੇ ਹਿੰਦੂ ਮਿਥਾਹਾਸਿਕ ਗ੍ਰੰਥਾਂ ਦਾ ਉਤਾਰਾ ਕਰ ਰਿਹਾ ਹੈ...

ਇਹ ਬ੍ਰਾਹਮਣੀ ਮੱਤ ਦਾ ਸ਼ਲੋਕ ਹੈ:

त्रिया चरित्रं त्रिया पुरषस्य भाग्यम देवो न जानाति कुतो मनुष्यः ।

ਹੁਣ ਜਦ ਅਸੀਂ ਕਥਿਤ ਦਸਮ ਗ੍ਰੰਥ ਦੇ ਲਿਖਾਰੀ ਦੀ ਸੋਚ ਦਾ ਟਾਕਰਾ ਇਸ ਬ੍ਰਾਹਮਣੀ ਮਤ ਦੇ ਸ਼ਲੋਕ ਰਾਹੀਂ ਜਦ ਕਥਿਤ ਦਸਮ ਗ੍ਰੰਥ ਵਿਚੋਂ ਕਰਦੇ ਹਾਂ ਤਾਂ ਪਤਾ ਚਲਦਾ ਹੈ, ਕਿ ਇਹ ਲਿਖਾਰੀ ਬ੍ਰਾਹਮਣੀ ਮੱਤ ਦਾ ਹੀ ਹੈ, ਕਥਿਤ ਦਸਮ ਗ੍ਰੰਥ ਦਾ ਲਿਖਾਰੀ ਚਰਿਤ੍ਰੋਪਾਖਿਆਨ ਦੇ ਪਹਿਲੇ ਚਰਿਤ੍ਰ ਵਿੱਚ ਭਗਵਤੀ ਭਾਵ ਚੰਡੀ ਦੀ ਉਸਤਿਤ ਕਰਦਾ ਹੋਇਆ ਆਪਣੇ ਮੱਤ ਨੂੰ ਜਾਹਿਰ ਕਰਦਾ ਹੈ ਤੇ ਉਸ ਦੀ ਕਿਰਪਾ ਸਦਕਾ ਕੁੱਛ ਲਿਖਣ ਦਾ ਹੌਸਲਾ ਕਰਦਾ ਹੈ।

ਅਰਘ ਗਰਭ ਨ੍ਰਿਪ ਤ੍ਰਿਯਨ ਕੋ ਭੇਦ ਨ ਪਾਯੋ ਜਾਇ ॥
ਤਊ ਤਿਹਾਰੀ ਕ੍ਰਿਪਾ ਤੇ ਕਛੁ ਕਛੁ ਕਹੋ ਬਨਾਇ ॥
੪੪॥

ਭਾਵ - ਮੋਤੀ, ਗਰਭ, ਰਾਜਾ ਅਤੇ ਤ੍ਰਿਆ ਦਾ ਭੇਦ ਨਹੀਂ ਪਾਇਆ ਜਾ ਸਕਦਾ, ਹੇ ਦੇਵੀ ਤੇਰੀ ਕਿਰਪਾ ਨਾਲ ਕੁਛ-ਕੁਛ ਬਣਾ ਕੇ ਕਹ ਦੇਂਦਾ ਹਾਂ ਅਤੇ ਲਿਖਾਰੀ ਦੀ ਇਸ ਮੱਤ ਦੀ ਪੁਸ਼ਟੀ ਚਰਿਤ੍ਰਾਂ ਵਿਚੋਂ ਵੀ ਮਿਲਦੀ ਹੈ, ਉਹ ਚਰਿਤ੍ਰਾਂ ਵਿਚ ਕਹਿੰਦਾ ਹੈ ਕਿ ਕਰਤਾਰ ਵੀ ਇਨ੍ਹਾਂ ਦੇ ਚਰਿਤ੍ਰਾਂ ਨੂੰ ਸਮਝ ਨ ਸਕਿਆ ਅਤੇ ਇਨ੍ਹਾਂ ਨੂੰ ਬਣਾ ਕੇ ਪਛਤਾ ਰਿਹਾ ਹੈ।

ਇਹ ਛਲ ਬਰਿਯੋ ਬਾਲ ਪਤਿ ਤੌਨੇ ॥ ਮਨ ਮਹਿ ਚੁਭਿਯੋ ਚਤੁਰਿ ਕੈ ਜੌਨੇ ॥
ਇਨ ਇਸਤ੍ਰਿਨ ਕੇ ਚਰਿਤ ਅਪਾਰਾ ॥ ਸਜਿ ਪਛੁਤਾਨ੍ਯੋ ਇਨ ਕਰਤਾਰਾ ॥
੨੫॥ ਚਰਿਤ੍ਰ 322

ਚੰਚਲਾਨ ਕੇ ਚਰਿਤ ਕੋ ਸਕਤ ਨ ਕੋਈ ਬਿਚਾਰ ॥
ਬ੍ਰਹਮ ਬਿਸਨ ਸਿਵ ਖਟ ਬਦਨ ਜਿਨ ਸਿਰਜੀ ਕਰਤਾਰ ॥
੧੨॥ ਚਰਿਤ੍ਰ 336

ਹੁਣ ਤੁਸੀਂ ਆਪ ਸੋਚੋ ਜਿਸ ਗ੍ਰੰਥ ਦਾ ਲਿਖਾਰੀ ਬ੍ਰਾਹਮਣੀ ਮੱਤ ਦਾ ਹੋਵੇ ਅਤੇ ਅਸੀਂ ਉਸ ਗ੍ਰੰਥ ਨੂੰ ਗੁਰੂ ਗੋਬਿੰਦ ਸਿੰਘ ਦੇ ਨਾਂ ਨਾਲ ਜੋੜੀ ਜਾਈਏ ਇਸ ਤੋਂ ਵੱਡਾ ਗੁਨਾਹ ਹੋਰ ਕੀ ਹੋ ਸਕਦਾ ਹੈ???

ਓਇ ਭਲਿਓ ਆਪ ਪੜੋ ਅਤੇ ਵਿਚਾਰੋ ਇਹ ਗ੍ਰੰਥ ਗੁਰੂ ਗੋਬਿੰਦ ਸਿੰਘ ਜੀ ਲਿਖਤ ਨਹੀਂ ਹੋ ਸਕਦਾ।


ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ।


ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥
ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ।
ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।



Disclaimer: Khalsanews.org does not necessarily endorse the views and opinions voiced in the news। articles। audios videos or any other contents published on www.khalsanews.org  and cannot be held responsible for their views.  Read full details....

Go to Top