ਬੀਤੇ ਦਿਨ
"ਵੈਸਾਖੀ" - "ਖ਼ਾਲਸਾ ਸੰਪੂਰਣਤਾ
ਦਿਹਾੜੇ" 'ਤੇ ਕੀਰਤਨੀਆਂ ਨੇ ਅਤੇ
ਪ੍ਰਚਾਰਕਾਂ ਨੇ ਸੰਗਤ ਦੀ ਝੋਲੀ ਵਿਚ
ਕੀ ਪਾਇਆ ..? ਸਿਰਫ਼ ਬੀਤੇ ਦਿਨ ਹੀ ਨਹੀਂ ਹਰ ਇਕ
ਗੁਰਮਤਿ ਸਮਾਗਮ ਵਿਚ ਇਹ ਰਾਗੀ ਪ੍ਰਚਾਰਕ ਸੰਗਤ ਦੀ ਝੋਲੀ ਵਿਚ ਮਹਾਕਾਲ ਸ਼ਿਵਾ ਭਗੌਤੀ ਕਾਲਕਾ
ਦੇ ਬੀਜ ਪਾਉਂਦੇ ਹਨ, ਦੱਸੋ ਭਲਾ ਹੈ ਕੋਈ ਇਹੋ ਜਿਹਾ ਕੋਈ ਗੁਰਮਤਿ ਸਮਾਗਮ ਜਿਸ ਵਿਚ ਇਹ
ਬੀਜ ਨਾ ਪਾਏ ਜਾਂਦੇ ਹੋਣ ..?
ਭਲਿਓ ਇਹ ਉਹ ਬੀਜ ਨੇ ਜਿੰਨਾਂ ਨੇ ਉਨਾਂ ਅੰਦਰ ਪ੍ਰਫ਼ਲਿਤ ਹੋ ਜਾਣਾ, ਜਿੰਨਾ ਨੂੰ ਇੰਨਾ
ਦੇ ਅਰਥ ਨਹੀਂ ਪਤਾ, ਭਲਿਓ ਉਨਾਂ ਨੂੰ ਤੇ ਨਹੀਂ ਪਤਾ 'ਤੁਸੀਂ ਤੇ ਜਾਣੂ ਹੋ, ਕਿਉਂ ਲੱਖਾਂ
ਰੁਪਈਆ ਲੈਕੇ ਸੰਗਤ ਨੂੰ ਗੁਮਰਾਹ ਕਰਦੇ ਹੋ, ਕਿਉਂ ਨਹੀਂ ਉਨਾਂ ਦੀ ਝੋਲੀ ਨਿਰੋਲ ਗੁਰਮਤਿ
ਪਾਉਂਦੇ .. ਹੈ ਜਵਾਬ ਤੁਹਾਡੇ ਕੋਲ ..?
ਮਿਤ੍ਰ ਪਿਆਰੇ ਨੂੰ ਹਾਲ ਮੁਰੀਦਾ ਦਾ ਕਹਣਾ। ਤੁਧੁ ਬਿਨੁ ਰੋਗੁ ਰਜਾਇਯਾ ਦਾ ਓਢਣੁ ਨਾਗੁ
ਨਿਵਾਸਾ ਦਾ ਰਹਿਣਾ। {ਅਖੌਤੀ ਦਸਮ ਗ੍ਰੰਥ}
'ਗੁਰੁ ਸਿਮਰ ਮਨਾਈ ਕਾਲਕਾ ਖੰਡੇ ਕੀ ਵੇਲਾ'
{ਭਾਈ ਗੁਰਦਾਸ ਦੂਜਾ}
'ਅਸ ਕ੍ਰਿਪਾਨ ਖੰਡੋ ਖੜਗ ਤੁਪਕ ਤਬਰ ਅਰੁ ਤੀਰ, ਸੈਫ ਸਰੋਹੀ ਸੈਹਥੀ ਯਹੈ ਹਮਾਰੈ ਪੀਰ'
{ਅਖੌਤੀ
ਦਸਮ ਗ੍ਰੰਥ}
ਦੇਹ ਸਿਵਾ ਬਰ ਮੋਹਿ ਇਹੈ ਸੁਭ ਕਰਮਨ ਤੇ ਕਬਹੂੰ ਨ ਟਰੋਂ ॥ {ਅਖੌਤੀ ਦਸਮ ਗ੍ਰੰਥ}
ਭਲਿਓ ਜਿਹੜੇ 'ਅਸ ਕ੍ਰਿਪਾਨ ਖੰਡੋ ਖੜਗ ਤੁਪਕ ਤਬਰ ਅਰੁ ਤੀਰ , ਸੈਫ ਸਰੋਹੀ ਸੈਹਥੀ ਯਹੈ
ਹਮਾਰੈ ਪੀਰ' ਇਸ ਸ਼ਬਦ ਨੂੰ ਤੁਸੀ ਬੜੇ ਚਾਉਂ ਨਾਲ ਪੜ੍ਹਦੇ ਹੋ, ਦੱਸੋਗੇ ਭਲਾ 'ਕਿ
ਪੀਰ {ਗੁਰੂ} ਵੀ ਛੋਟਾ ਵੱਡਾ ਹੋ ਸਕਦਾ ਹੈ ..? ਪਰ ਜਿਸ ਸ਼ਸਤਰਾਂ ਨੂੰ ਤੁਸੀਂ ਪੀਰ ਬਣਾ ਕੇ
ਪੜ੍ਹਦੇ ਹੋ, ਉਹ ਤਾਂ ਛੋਟਾ ਵੱਡਾ ਹੋ ਸਕਦਾ ਹੈ, ਫਿਰ ਉਹ ਪੀਰ ਕਿਵੇਂ ..? , ਨਹੀਂ
ਵਿਸ਼ਵਾਸ ਤੈ ਲਾ ਜਾਓ ਅਪਣੇ ਗੁਰੂ ਨੂੰ ਲੁਹਾਰ ਕੋਲ ਫਿਰ ਦਸਿਓ ਉਹ ਛੋਟਾ ਵੱਡਾ ਹੋ ਸਕਦਾ
ਹੈ ਕਿ ਨਹੀਂ ਅਤੇ ਅਪਣੀ ਮਣਮਰਜ਼ੀ ਦਾ ਗੁਰੂ ਬਣਵਾ ਸਕਦੇ ਹੋ .. ਹੈਂ ਭਲਾ ਦੱਸੋ ਅਪਣੀ
ਮਨਮਰਜ਼ੀ ਦਾ ਵੀ ਗੁਰੂ ਹੁੰਦਾ ਹੈ ..? , ਪਰ ਤੁਸੀਂ ਤਾਂ ਉਸ ਨੂੰ ਅਪਣਾ ਪੀਰ {ਗੁਰੂ}
ਬਣਾਈ ਫਿਰਦੇ ਹੋ ।
ਗੁਰਬਾਣੀ ਆਖਦੀ ਹੈ
"ਸਬਦੁ ਗੁਰ ਪੀਰਾ ਗਹਿਰ ਗੰਭੀਰਾ" .. ਗੁਰ ਪਾਤਸ਼ਾਹ ਆਖ ਰਹੇ ਨੇ ਇਹ "ਸ਼ਬਦ
ਗੁਰੂ" ਮੈਂ ਨਹੀਂ ਬਣਾਇਆ ਗੁਰਬਾਣੀ ਦਾ ਫੁਰਮਾਣ ਹੈ "ਜੈਸੀ ਮਹਿ ਆਵੈ ਖਸਮ ਕੀ ਬਾਣੀ" ਰੱਬ
ਨੇ ਬਣਾਇਆ ਹੈ .... ਉਹ ਕਹਿ ਰਿਹਾ 'ਧੁਰ ਕੀ ਬਾਣੀ ਆਈ' .... ਪਰ ਕਿੰਨੀ ਅਜੀਬ ਗੱਲ ਜਿਸ
ਨੂੰ ਤੁਸੀੰ ਅਖੌਤੀ ਦਸਮ ਗ੍ਰੰਥ ਅਨੁਸਾਰ ਗੁਰੂ ਮੰਨ ਰਹੇ ਹੋ ਉਹ ਆਖ ਰਿਹਾ 'ਸ਼ਸਤਰ ਮੇਰਾ
ਗੁਰੂ' ਹੈ ..। 'ਜਪੁ' ਜੀ ਸਾਹਿਬ ਸਾਡਾ ਪੀਰ 'ਸੁਖਮਨੀ' ਸਾਹਿਬ ਸਾਡਾ ਪੀਰ ਹੈ ਉਸ ਨੂੰ
ਕੋਈ ਛੋਟਾ ਵੱਡਾ ਨਹੀਂ ਕਰ ਸਕਦਾ ਕਿਉਂਕੀ ਰੱਬ ਨੇ ਬਣਾਇਆ ਹੈ ..।
ਭਲਿਓ ਲੱਖਾਂ ਰੁਪਈਆ ਸੰਗਤਾਂ ਕੋਲੋਂ ਲੈਣ ਵਾਲਿਓ
! ਜੇ ਜਮੀਰ ਜਾਗਦੀ ਨੇ ਤੇ ਗੁਰੂ ਪ੍ਰਤੀ
ਵਫ਼ਾਦਾਰ ਬਣ ਕੇ ਇਸਦਾ ਸੱਚ ਸਾਹਮਣੇ ਰੱਖੋ, ਨਹੀਂ ਤਾਂ ਇਹ ਬੀਜ ਇਕ ਦਿਨ ਨਾਸੂਰ ਬਣ ਕੇ
ਤੁਹਾਡੇ ਅੰਦਰ ਹੀ ਚੁਭਣਗੇ ।