ਗੁਰੂ
ਨਾਨਕ ਸਾਹਿਬ ਜੀ ਦੀ ੫੫੦ ਸਾਲਾ ਸ਼ਤਾਬਦੀ ਨੂੰ ਮੁੱਖ ਰਖਦਿਆ ਕਈ ਜਥੇਬੰਦੀਆਂ ਵਲੋਂ ਨਗਰ
ਕੀਰਤਨ ਤੇ ਯਾਤਰਤਵਾਂ ਉਲੀਕੀਆਂ ਜਾ ਰਹੀਆਂ ਹਨ, ਇੰਨਾਂ ਨਗਰ ਕੀਰਤਨ ਤੇ ਯਾਤਰਵਾਂ
ਨੂੰ ਉਲੀਕਣ ਵਾਲੇ ਜਵਾਬ ਦੇਵਾਗੇਂ ਕੀ ਇੰਨਾਂ ਯਾਤਰਵਾਂ ਤੇ ਨਗਰ ਕੀਰਤਨ ਰਾਹੀਂ ਕੌਮ ਨੂੰ
ਕੀ ਲਾਭ ਹੋਵੇਗਾ ..? ਕੁਝ ਸਵਾਲ ਆਪ ਦੇ ਸਨਮੁਖ ਹਨ ..
- ਕੀ ੫੫੦ ਸਾਲਾ ਗੁਰੂ ਨਾਨਕ ਸਾਹਿਬ ਦੀ ਸ਼ਤਾਬਦੀ .. ਨਗਰ ਕੀਰਤਨ,
ਯਾਤਰਾਵਾਂ ਜਾਂ ਥਾਂ-ਥਾਂ ਲੰਗਰ ਲਾਉਣ ਨਾਲ ਸਫਲ਼ ਹੋ ਜਾਵੇਗੀ ...?
- ਕੀ ਇਸ ਤਰਾਂ ੫੫੦ ਸਾਲਾ ਸ਼ਤਾਬਦੀ ਮਨਾਉਣ ਨਾਲ ਵਹਿਮਾਂ ਭਰਮਾਂ ਕਰਮਕਾਂਡਾ ਵਿਚ ਫੱਸੀ
ਲੁਕਾਈ ਅਗਿਆਨਤਾ ਵਿਚੋਂ ਬਾਹਰ ਆ ਜਾਵੇਗੀ ..?
- ਕੀ ਇਸ ਤਰਾਂ ੫੫੦ ਸਾਲਾ ਸ਼ਤਾਬਦੀ ਮਨਾਉਣ ਨਾਲ ਗੁਰੂ ਨਾਨਕ ਸਾਹਿਬ {ਗੁਰਬਾਣੀ ਦੀ ਸਿਖਿਆ}
ਦਾ ਸਦੇਸ਼ ਘਰ ਘਰ ਪਹੁੰਚ ਜਾਵੇਗਾ ....? {"ਘਰਿ ਘਰਿ ਅੰਦਰਿ
ਧਰਮਸਾਲ ਹੋਵੈ ਕੀਰਤਨੁ ਸਦਾ ਵਿਸੋਆ।" (ਭਾਈ ਗੁਰਦਾਸ ਜੀ) }
- ਕੀ ਗੁਰ ਸਾਹਿਬਾਨਾਂ ਦੇ ਜੀਵਨ ਕਾਲ ਦੇ ਦੌਰਾਨ ਵਿਚ ਵੀ ਸਿੱਖਾਂ ਨੇ ਇੰਝ ਹੀ ਸ਼ਤਾਬਦੀ
ਦਿਵਸ ਮਨਾਏ ਸੀ ..?
ਭਲਿਓ ਗੁਰੂ ਨਾਨਕ ਸਾਹਿਬ ਦਾ ੫੫੦ ਸਾਲਾ ਮਨਾਇਆ ਤਾਂ ਹੀ ਸਫ਼ਲ
ਹੈ ਜਦੋਂ ਗੁਰੂ ਨਾਨਕ ਸਾਹਿਬ ਦੀ ਸਿਖਿਆ ਘਰ ਘਰ ਪਹੁੰਚੇ... ਨਹੀਂ ਤੇ ਜਿੰਨੀ
ਮਰਜ਼ੀ ਯਾਤਰਾਵਾਂ ਤੇ ਨਗਰ ਕੀਰਤਨ ਕੱਢ ਲਓ ਕੋਈ ਲਾਭ ਨਹੀਂ, ਕਿਉਂਕੀ ਬਹੁਤਾਤ ਲੁਕਾਈ
ਗਿਆਨ ਤੋਂ ਹੀਣੀ ਹੋ ਕੇ "ਪਰਜਾ ਅੰਧੀ ਗਿਆਨ ਬਿਨੁ..."
ਅਖੌਤੀ ਸਾਧਾਂ, ਮੂਰਤਾਂ, ਵਹਿਮਾਂ, ਭਰਮਾਂ, ਕਰਮਕਾਂਡਾ ਵਿਚ ਫਸੀ ਹੋਈ ਹੈ ।
ਭਲਿਓ ਜੇ ੫੫੦ ਸਾਲਾ ਸ਼ਤਾਬਦੀ ਦਿਵਸ ਮਨਾਉਣਾ ਹੀ ਹੈ ਤੇ ਪਿੰਡ-ਪਿੰਡ, ਘਰ-ਘਰ ਜਾ ਕੇ
ਗੁਰਬਾਣੀ ਦਾ ਗਿਆਨ ਵੰਡੋ, ਲੋਕਾਂ ਨੂੰ ਗੁਰਬਾਣੀ ਨਾਲ ਜੋੜੋ ਤਾਂ ਕੀ ਲੋਕਾਂ ਵਿਚ ਜਾਗ੍ਰਤੀ
ਆ ਸਕੇ, ਲੋਕੀ ਅਪਣੇ ਫ਼ਰਜਾ ਪ੍ਰਤੀ ਸੁਚੇਤ ਹੋ ਸਕਣ, ਗੁਰਬਾਣੀ ਦੀ ਸਿਖਿਆ ਨੂੰ ਅਪਣੇ
ਜੀਵਨ ਵਿਚ ਅਪਣਾ ਕੇ ਅਪਣਾ ਜੀਵਨ ਸਫ਼ਲਾ ਕਰ ਸਕਣ ਤਾਂ ਹੀ ਇਹ ਸਾਡਾ ੫੫੦ ਸਾਲਾ ਮਨਾਇਆ
ਸਫਲ ਹੈ ।
ਨੋਟ:
ਗੁਰੂ ਨਾਨਕ ਸਾਹਿਬ ਦਾ ਪ੍ਰਕਾਸ਼ ਪੁਰਬ ੧੪ ਅਪ੍ਰੈਲ ਨੂੰ ਹੁੰਦਾ
ਹੈ।