Main News Page

👉 ਨੋਟ : ਇਹ ਤਸਵੀਰ ਦਿੱਲੀ ਚਾਂਦਨੀ ਚੌਂਕ #ਦਸਹਿਰਾ #ਮਹਾਤਮ ਦੀ ਹੈ, ਜਦ ਕਿ ਗੁਰਮਤਿ ਵਿਚ ਇਹ ਜਿਹੇ ਮਹਾਤਮ ਦੀ ਕੋਈ ਥਾਂ ਨਹੀਂ।

ਕੀ ਇਹ ਹੈ ਗੁਰੂ ਦੀ ਸਿੱਖੀ ?
🔹 ਸ਼ਸਤਰਾਂ ਦੀ ਆਰਤੀ ਕਰਨੀ !
🔸 ਸ਼ਸਤਰਾਂ ਦੀ ਪੂਜਾ ਕਰਨੀ !
🔹 ਸ਼ਸਤਰਾਂ 'ਤੇ ਚੌਰ ਝੁਲਾਉਣਾ !

⚠️ ਕਿੱਥੇ ਗਵਾਚ ਗਿਆ ਗੁਰਬਾਣੀ ਦਾ ਸਿਧਾਂਤ "ਸਬਦੁ ਗੁਰ ਪੀਰਾ ਗਹਿਰ ਗੰਭੀਰਾ ਬਿਨੁ ਸਬਦੈ ਜਗੁ ਬਉਰਾਨੰ ॥"? ਅਸਲ ਵਿੱਚ ਇਹ "ਸ਼ਬਦ" ਤੋਂ ਟੁੱਟ ਹੋਏ ਹਨ, ਭਾਵ ਸ਼ਬਦ ਗੁਰੂ ਤੋਂ ਟੁੱਟ ਹੋਏ ਹਨ, ਜੇ ਅਸਲ ਵਿਚ ਇਹਨਾਂ ਨੇ ਸ਼ਬਦ ਗੁਰੂ ਨੂੰ "ਪੀਰ" ਮੰਨਿਆ ਹੁੰਦਾ ਤੇ ਇਹੋ ਜਿਹੇ ਕੰਮ ਨਾ ਕਰਦੇ, ਇਹੋ ਜਿਹਾ ਲਈ ਗੁਰਬਾਣੀ ਦਾ ਫੁਰਮਾਨ ਹੈ ....

‼️ ਗਿਆਨ ਹੀਣੰ ਅਗਿਆਨ ਪੂਜਾ ॥ ਅੰਧ ਵਰਤਾਵਾ ਭਾਉ ਦੂਜਾ ॥ ॥੨੨॥ {ਪੰਨਾ 1412}

ਜਿਹੜੇ ਮਨੁੱਖ ਆਤਮਕ ਜੀਵਨ ਦੀ ਸੂਝ ਤੋਂ ਸੱਖਣੇ ਹੁੰਦੇ ਹਨ, ਉਹ ਆਤਮਕ ਜੀਵਨ ਵਲੋਂ ਬੇ-ਸਮਝੀ ਨੂੰ ਹੀ ਸਦਾ ਪਸੰਦ ਕਰਦੇ ਹਨ। (ਜਿਨ੍ਹਾਂ ਮਨੁੱਖਾਂ ਦੇ ਅੰਦਰ) ਮਾਇਆ ਦਾ ਮੋਹ (ਸਦਾ ਟਿਕਿਆ ਰਹਿੰਦਾ ਹੈ, ਉਹਨਾਂ ਦਾ) ਵਰਤਣ-ਵਿਹਾਰ (ਆਤਮਕ ਜੀਵਨ ਵਲੋਂ) ਅੰਨ੍ਹਾ (ਬਣਾਈ ਰੱਖਣ ਵਾਲਾ ਹੁੰਦਾ) ਹੈ।22।

⛔ ਇਹ #ਭੇਖੀ #ਲੋਕ ਗੁਰੂ ਦੇ ਸਿੱਖ ਨਹੀਂ "ਕਾਲ ਤੁਹੀ ਕਾਲੀ ਤੁਹੀ" ਦੇ ਸਿੱਖ ਹਨ ਤੇ ਇਹਨਾਂ ਦਾ ਪੀਰ ਸ਼ਸਤਰ ਹਨ "ਸੈਫ ਸਰੋਹੀ ਸੈਹਥੀ ਯਹ ਹਮਾਰੈ ਪੀਰ", ਜੇ ਇਹ ਗੁਰੂ ਦੇ ਸਿੱਖ ਹੁੰਦੇ ਤੇ ਇਹਨਾਂ ਅੰਦਰ ਗੁਰੂ ਨਾਨਕ ਸਾਹਿਬ ਦਾ ਬਾਣੀ ਸਿਧਾਂਤ ਵੀ ਹੁੰਦਾ "ਸਬਦੁ ਗੁਰ ਪੀਰਾ ਗਹਿਰ ਗੰਭੀਰਾ"। ਗੁਰੂ ਰਾਖਾ।
====================
✍️ ਟਿੱਪਣੀ: ਸੰਪਾਦਕ ਖ਼ਾਲਸਾ ਨਿਊਜ਼

⚔️#ਸ਼ਸਤਰ ਭਾਂਵੇਂ #ਤਲਵਾਰ ਹੈ, ਚਾਹੇ #ਬੰਦੂਕ ਹੈ, ਜਿਸ ਦੇ ਕੋਲ ਹੈ, ਉਸੇ ਦਾ ਹੈ। ਜੇ ਚਲਾਉਂਦਿਆਂ ਚਲਾਉਂਦਿਆਂ ਡਿੱਗ ਪਵੇ, ਦੂਜਾ ਚੁੱਕ ਲਵੇ, ਫਿਰ ਉਹ ਦੂਜੇ ਦਾ ਹੈ, ਇਹ ਕਿਸੇ ਦਾ ਸਕਾ ਨਹੀਂ... ਤੇ ਜਿਹੜਾ ਸਕਾ ਨਹੀਂ...ਉਹ ਪੀਰ ਕਿਵੇਂ ?

🏹 ਦੂਜੇ ਪਾਸੇ ਜਿਸ ਕੋਲ ਸਬਦੁ ਦਾ ਗਿਆਨ ਹੈ, ਉਹ ਕੋਈ ਖੋਹ ਨਹੀਂ ਸਕਦਾ, ਸਬਦੁ ਆਪਣਾ ਬਣ ਜਾਂਦਾ ਹੈ, ਕੋਈ ਜ਼ੁਬਾਨ ਵੀ ਕੱਟ ਲਵੇ, ਹੱਥ ਪੈਰ ਵੀ ਵੱਡ ਦੇਵੇ, ਪਰ ਗਿਆਨ ਨਹੀਂ ਖੋਹ ਸਕਦਾ... ਗਿਆਨ ਸਕਾ ਹੈ... ਤੇ ਇਸ ਲਈ ਗੁਰੂ ਨੇ ਸਬਦੁ ਨੂੰ ਹੀ #ਪੀਰ ਕਿਹਾ... ਤੇ ਇਹੀ ਪੀਰ ਸਕਾ ਹੈ। ਤੇ ਇਸ ਤੋਂ ਬਿਨਾਂ ਸਿੱਖ, ਮਨੁੱਖ ਬਉਰਾ ਹੈ, ਪਾਗਲ, ਗਿਆਨ ਵਿਹੂਣਾ ਕੋਈ ਵੀ, ਬਉਰਾ ਹੀ ਤਾਂ ਕਹਿਲਾਉਂਦਾ ਹੈ !!! ਕਿ ਨਹੀਂ ?

🙏ਗੁਰੂ ਕਹਿੰਦੇ ਹਨ:
ਸਬਦੁ ਗੁਰ ਪੀਰਾ ਗਹਿਰ ਗੰਭੀਰਾ ਬਿਨੁ ਸਬਦੈ ਜਗੁ ਬਉਰਾਨੰ ॥

ਸਿੱਖ ਦਾ ਗੁਰੂ ਪੀਰ ਸਬਦੁ ਹੈ, ਗੁਰਬਾਣੀ ਹੈ, ਜੋ ਗੁਰੂ ਗ੍ਰੰਥ ਸਾਹਿਬ ਜੀ ਵਿੱਚ ਦਰਜ ਹੈ। ਤੇ ਸਬਦੁ ਸਦੀਵੀ ਹੈ, ਕੋਈ ਖੋਹ ਨਹੀਂ ਸਕਦਾ, ਨੀਜੀ ਹੈ, ਤੇ ਜੋ ਨੀਜੀ ਹੈ, ਉਹ #ਖ਼ਾਲਸਾ ਹੈ।

ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ। ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥ ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।

Disclaimer: Khalsanews.org does not necessarily endorse the views and opinions voiced in the news / articles / audios / videos or any other contents published on www.khalsanews.org and cannot be held responsible for their views.  Read full details....