Khalsanews

ਭਾਵੇਂ ਰੋ ਤੇ ਭਾਵੇਂ ਹੱਸ ! (ਨਿੱਕੀ ਕਹਾਣੀ)
-: ਬਲਵਿੰਦਰ ਸਿੰਘ ਬਾਈਸਨ

ਸਿੱਖਾਂ ਵਿੱਚ ਜਾਗ੍ਰਿਤੀ ਤਾਂ ਆ ਰਹੀ ਹੈ, ਪਰ ਅਜੇ ਵੀ ਕਿਸੀ ਮੁੱਦੇ ਉੱਤੇ ਬੈਠ ਕੇ ਕੋਈ ਫੈਸਲਾ ਕਰਨ ਦੀ ਥਾਂ, ਉਸ ਮੁੱਦੇ ਨੂੰ ਠੰਡੇ ਬਸਤੇ ਵਿੱਚ ਪਾ ਕੇ ਇਹ ਜਿਆਦਾ ਖੁਸ਼ ਹਨ ! (ਗੁੱਡੀ (ਪਤੰਗ) ਉਡਾ ਰਹੇ ਖੁਸ਼ਵੰਤ ਸਿੰਘ ਨੇ ਆਪਣਾ ਦਿਲ ਖੋਲ ਕੇ ਕਿਹਾ)

ਹਾ ਹਾ ਹਾ .... ਤੇ ਬਾਅਦ ਵਿੱਚ ਉਨ੍ਹਾਂ ਠੰਡੇ ਬਸਤਿਆਂ ਵਿੱਚੋਂ ਮੁੱਦੇ ਕੱਢ-ਕੱਢ ਕੇ ਆਪਸ ਵਿੱਚ ਲੜਦੇ ਹਨ ਤੇ ਇਸ ਤਰੀਕੇ ਪੂਰੇ ਪੰਥ ਦਾ ਦਿਲ ਪਰਚਾਵਾਂ ਹੁੰਦਾ ਹੈ ! ਪਰ ਅਫਸੋਸ ਇਸ ਗੱਲ ਦਾ ਹੈ ਕੀ ਇਸ ਦਿਲ ਪਰਚਾਵੇਂ ਕਰਕੇ ਸਹਿਜੇ ਸਹਿਜੇ ਇੱਕ ਘਰੇਲੂ ਜੰਗ ਦਾ ਮਾਹੌਲ ਬਣਦਾ ਜਾ ਰਿਹਾ ਹੈ ! (ਪੰਥਪ੍ਰੇਮ ਸਿੰਘ ਨੇ ਚਰਖੜੀ ਤੇ ਮਾਂਝਾ ਲਪੇਟਦੇ ਹੋਏ ਜਵਾਬ ਦਿੱਤਾ)

ਖੁਸ਼ਵੰਤ ਸਿੰਘ : ਵੱਡੇ ਵੱਡੇ ਵਿਦਵਾਨ ਵੀ "ਗੁੰਝਲ ਪੈਣ ਦੇ ਡਰ" ਤੋਂ ਇਹ ਪੰਥਕ ਮਸਲੇ ਸੁਲਝਾਉਣ ਵਾਲੇ "ਢੀਲ ਦੇ ਪੇਚੇ" ਲਾ ਨਹੀਂ ਪਾ ਰਹੇ ਤੇ ਖਿੱਚਾ ਲਾਉਣ ਦੀ ਤਾਬ ਕਿਸੀ ਵੀ ਧਾਰਮਿਕ ਜਾਂ ਸਿਆਸੀ ਲੀਡਰ ਵਿੱਚ ਦਿਸਦੀ ਨਹੀਂ ! ਸਭ ਆਪਣੇ ਆਪਣੇ ਟੀਚੇ ਮਿੱਥ ਕੇ ਉਨ੍ਹਾਂ ਦੇ ਦੁਆਲੇ ਆਪਣੀਆਂ ਗੁੱਡੀਆਂ ਉੜਾ ਰਹੇ ਹਨ ਤੇ ਜਾਹਿਰ ਕਰ ਰਹੇ ਹਨ ਕੀ ਉਨ੍ਹਾਂ ਤੋਂ ਵੱਡਾ ਪੇਚੇਬਾਜ਼ ਕੋਈ ਵੀ ਨਹੀਂ ਹੈ, ਪਰ ਅਸਲ ਵਿੱਚ ਉਨ੍ਹਾਂ ਸਭਨਾਂ ਨੂੰ ਆਪਣੀ ਗੁੱਡੀ ਕੱਟੇ ਜਾਣ ਦਾ ਡਰ ਹੈ, ਇਸ ਕਰਕੇ ਤੁਨਕੇ ਮਾਰੀ ਜਾਂਦੇ ਹਨ ਪਰ ਪੇਚੇ ਕੋਈ ਨਹੀਂ ਲਾਉਂਦਾ !

ਪੰਥਪ੍ਰੇਮ ਸਿੰਘ : ਗੁੱਡੀ ਤਾਂ ਅਖੀਰ ਸਭ ਦੀ ਹੀ ਕੱਟੀ ਜਾਣੀ ਹੈ ! ਆਮ ਸੰਗਤ ਨੂੰ ਚਾਹੀਦਾ ਹੈ ਕੀ ਹੁਣ ਓਹ ਖੁਦ ਸੜਕਾਂ ਤੇ ਆਵੇ ਅੱਤੇ ਆਪਣੇ ਆਪਣੇ ਇਲਾਕੇ ਦੇ ਮੈਂਬਰਾ ਦੀ ਨੱਕ ਵਿੱਚ ਨਕੇਲ ਪਾਵੇ! ਅਸੀਂ ਸ਼ਾਇਦ ਇਨ੍ਹਾਂ ਵੱਡੀਆਂ ਕਮੇਟੀਆਂ ਨਾਲ ਇਸ ਵੇਲੇ ਲੜ ਨਹੀਂ ਸਕਦੇ, ਪਰ ਕੱਲੇ-ਕੱਲੇ ਮੈਂਬਰ ਨੂੰ ਰੋਕਣਾ ਸੌਖਾ ਹੈ !

ਖੁਸ਼ਵੰਤ ਸਿੰਘ : ਸਹੀ ਕਹਿੰਦੇ ਹੋ ! ਕਿਸੀ ਵੀ ਕਮੇਟੀ ਮੇੰਬਰ ਵਿੱਚ ਇਤਨਾ ਹੌਸਲਾ ਨਹੀਂ ਹੋਵੇਗਾ, ਕੀ ਉਹ ਸੰਗਤ ਦੇ ਖਿਲਾਫ਼ ਜਾ ਕੇ ਗੁਰਮਤ ਵਿਰੋਧੀ ਕਾਰਜ ਕਰ ਸਕੇ ! ਹਰ ਇਲਾਕੇ ਤੋਂ ਵੀਹ-ਪੱਚੀ ਬੰਦੇ ਵੀ ਹੱਲਾ ਮਾਰ ਕੇ ਇੱਕ-ਸੁਰ ਆਪਣੇ ਆਪਣੇ ਇਲਾਕੇ ਵਿੱਚ ਗੁਰਮਤ ਤੇ ਪਹਿਰਾ ਦੇਣ ਤਾਂ ਇਨ੍ਹਾਂ ਮੈਂਬਰਾਂ ਨੂੰ ਝੱਕ ਮਾਰ ਕੇ ਸੁਧਰਨਾ ਹੀ ਪਵੇਗਾ !

ਪੰਥਪ੍ਰੇਮ ਸਿੰਘ : ਗੱਲ ਤਾਂ ਠੀਕ ਹੈ ! ਖਿਚੜੀ ਵੀ ਵਿਚੋਂ ਗਰਮਾ ਗਰਮ ਖਾਣ ਦੀ ਕੋਸ਼ਿਸ਼ ਕੀਤੀ ਜਾਵੇ, ਤਾਂ ਮੁੰਹ ਸੜ੍ਹ ਜਾਂਦਾ ਹੈ, ਪਰ ਸਹਿਜੇ ਸਹਿਜੇ ਕਿਨਾਰਿਆਂ ਤੋਂ ਖਾਦੀ ਜਾਵੇ ਤਾਂ
ਸਾਰੀ ਖਿਚੜੀ ਪੂਰਾ ਸੁਆਦ ਲੈਂਦੇ ਹੋਏ ਖਾਦੀ ਜਾ ਸਕਦੀ ਹੈ ! ਖਿੱਚਾ ਲਾਉਣ ਨਾਲ ਹੱਥ ਕਟਣ ਦਾ ਖਤਰਾ ਹੁੰਦਾ ਹੈ, ਤੇ ਨਾਲ ਮਾਝਾ ਗੁੰਝਲ ਸਕਦਾ ਹੀ, ਪਰ ਜੇਕਰ ਇੱਕ ਬੰਦਾ ਢੀਲ ਦੇ ਪੇਚੇ ਲਾਵੇ ਤੇ ਦੂਜੇ ਨੇ ਚਰਖੜੀ ਫੜੀ ਹੋਵੇ ਤਾਂ ਢੀਲ ਦੇ ਪੇਚੇ ਸੁਆਦਲੇ ਹੋ ਜਾਂਦੇ ਹਨ ਤੇ ਮਾਂਝਾ ਵੀ ਖਰਾਬ ਨਹੀਂ ਹੁੰਦਾ, ਭਾਵ ਮਿਲ ਕੇ ਤਾਂ ਪੰਥਕ ਮਸਲੇ ਸੁਲਝਾਏ ਜਾ ਸਕਦੇ ਹਨ ਪਰ ਆਪਸ ਵਿੱਚ ਖਿਚ-ਧਰੂ ਕਰ ਕੇ ਗੁੱਸੇ ਵਿੱਚ ਇਰਫ਼ ਇੱਕ ਦੂਜੇ ਦੀ ਗੁੱਡੀ ਹੀ ਫਾੜੀ ਜਾ ਸਕਦੀ ਹੈ !

ਹੱਥਾਂ ਦੀਆਂ ਦਿੱਤੀਆਂ ਦੰਦਾਂ ਨਾਲ ਖੋਲਣੀਆਂ ਪੈਂਦੀਆਂ ਹਨ ! ਗੁੰਝਲ ਪਾਉਣੀ ਸੌਖੀ ਹੈ ਪਰ ਗੁੰਝਲ ਨੂੰ ਸੁਲਝਾਉਣਾ ਇੱਕ ਵੱਡਾ ਕੰਮ ਹੈ .... ਪਰ ਜੇਕਰ ਗੁੰਝਲ ਪੈ ਹੀ ਚੁੱਕੀ ਹੈ ਤਾਂ ਫਿਰ ਸੁਲਝਾਉਣੀ ਤਾਂ ਪੈਣੀ ਹੀ ਹੈ ਭਾਵੇਂ ਰੋ ਕੇ ਸੁਲ੍ਝਾਓ ਤੇ ਭਾਵੇ ਹੱਸ ਕੇ ! (ਖੁਸ਼ਵੰਤ ਸਿੰਘ ਨੇ ਗੱਲ ਮੁਕਾਈ)

<< ਸ੍ਰ. ਬਲਵਿੰਦਰ ਸਿੰਘ ਬਾਈਸਨ ਦੀਆਂ ਨਿੱਕੀਆਂ ਕਹਾਣੀਆਂ >>
http://nikkikahani.com/ Now you can Download & Install NIKKI KAHANI on your ANDROID MOBILE, just go to PLAY STORE and search for NIKKI KAHANI

ਵਾਹਿਗੁਰੂ ਜੀ ਕਾ ਖ਼ਾਲਸਾ, ਵਾਹਿਗੁਰੂ ਜੀ ਕੀ ਫ਼ਤਹਿ॥
ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।


Disclaimer: Khalsanews.org does not necessarily endorse the views and opinions voiced in the news। articles। audios । videos or any other contents published on www.khalsanews.org and cannot be held responsible for their views. Read full details....