Khalsanews

ਦਿੱਲੀ ਕਮੇਟੀ ਦਾ ਵੱਡਾ ਗੁਨਾਹ - ਗੁਰੂ ਗ੍ਰੰਥ ਸਾਹਿਬ ਦੇ ਪਹਿਲੇ ਪ੍ਰਕਾਸ਼ ਪੁਰਬ ਮੌਕੇ ਅਖੌਤੀ ਦਸਮ ਗ੍ਰੰਥ ਦੀ ਕਥਾ
-: ਸੰਪਾਦਕ ਖ਼ਾਲਸਾ ਨਿਊਜ਼ 31.08.2020
#KhalsaNews #BanglaSahib #DasamGranthKatha #Banta #Sirsa #Kalka

ਦਿੱਲੀ ਗੁਰਦੁਆਰਾ ਮੈਨੇਜਮੈਂਟ ਕਮੇਟੀ ਅਤੇ ਦਿੱਲੀ ਦੇ ਕਥਿਤ ਸਿੱਖਾਂ ਨੂੰ ਦੁਨੀਆਂ ਭਰ ਤੋਂ ਲੱਖ ਲਾਹਨਤਾਂ।

ਸ਼ਰਮ ਕਰੋ ਥੋੜ੍ਹੀ ਜਿਹੀ, ਕਿਉਂ ਬੇਸ਼ਰਮੀ 'ਤੇ ਟੱਕ ਬੰਨ੍ਹਿਆ! ਪਹਿਲਾਂ ਮਿਥਿਹਾਸਕ ਰਾਮ ਦੇ ਮੰਦਰ ਦੇ ਉਧਘਾਟਨ ਮੌਕੇ ਮੋਦੀ ਦੇ ਇਸ਼ਾਰੇ ਉੱਤੇ ਇਕਬਾਲ ਚੰਦ ਵਲੋਂ ਸਿੱਖਾਂ ਨੂੰ ਲਵ ਕੁਸ਼ ਦੀ ਔਲਾਦ ਕਹਿਣਾ, ਤੇ ਹੁਣ ਦਿੱਲੀ ਕਮੇਟੀ 'ਤੇ ਕਾਬਜ਼ ਮਨਜਿੰਦਰ ਸਿਰਸਾ, ਹਰਮੀਤ ਕਾਲਕਾ ਅਤੇ ਬਾਕੀ ਮੈਂਬਰਾਂ ਵੱਲੋਂ ਇਕ ਬੂਝੜ ਬੰਤਾ ਸਿੰਘ ਕੋਲੋਂ ਅਖੌਤੀ ਦਸਮ ਗ੍ਰੰਥ ਦੀ ਕਥਾ।

ਬੇੜਾ ਬਹਿ ਜਾਏ ਤੁਹਾਡਾ ਦਿੱਲੀ ਵਾਲਿਉ... ਕੋਈ ਹੈ ਨਹੀਂ ਦਿੱਲੀ ਵਿੱਚ ਜਾਗਦੀ ਜ਼ਮੀਰ ਵਾਲਾ ਸਿੱਖ!!! ਜਿਹੜੀ ਦਿੱਲੀ ਵਿੱਚ ਗੁਰੂ ਤੇਗ ਬਹਾਦਰ ਸਾਹਿਬ ਦਾ ਸੀਸ ਅਤੇ ਧੜ ਲਿਆਉਣ ਲਈ ਦੋ ਸਿੱਖ ਬਹੁੜੇ ਸਨ, ਹੁਣ ਕੀ ਸਿੱਖਾਂ ਦਾ ਕਾਲ਼ ਪੈ ਗਿਆ ? ਦਿੱਲੀ ਵਾਲਿਉ ਪਹਿਲਾਂ ਤੁਸੀਂ ਆਰ.ਐਸ.ਐਸ. ਹੇਠ ਕੰਮ ਕਰਦੇ ਸਿਰਸਾ ਅਤੇ ਕਾਲਕਾ ਵਰਗਿਆਂ ਨੂੰ ਵੋਟਾਂ ਪਾਕੇ ਜਿਤਾਇਆ, ਤੇ ਹੁਣ ਉਹੀ ਲੋਕ ਗੁਰੂ ਗ੍ਰੰਥ ਦੇ ਸ਼ਰੀਕ ਦੀ ਕਥਾ ਕਰਵਾ ਰਹੇ ਹਨ। ਉਹ ਕੋਈ ਤਾਂ ਜਾਗੋ... ਨਹੀਂ ਤਾਂ ਬਹੁਤ ਦੇਰ ਹੋ ਚੁਕੀ ਹੋਵੇਗੀ, ਤੁਹਾਡੀਆਂ ਆਉਣ ਵਾਲੀਆਂ ਨਸਲਾਂ ਤੁਹਾਡੇ 'ਤੇ ਲਾਹਨਤਾਂ ਪਾਉਣਗੀਆਂ।

ਸਰਨਾ ਧੜੇ ਦੇ ਪਰਮਜੀਤ ਸਿੰਘ ਸਰਨਾ ਲਈ ਵੀ ਇਮਤੀਹਾਨ ਦੀ ਘੜੀ ਹੈ ਕਿ ਉਹ ਇਸ ਵੇਲੇ ਕੀ ਫੈਸਲਾ ਕਰਦੇ ਹਨ।

ਪਾਠਕਾਂ ਨੂੰ ਦੱਸ ਦਈਏ ਕਿ ਸਿੰਘਨਾਦ ਟੀ.ਵੀ, ਉੱਤੇ ਅਗਲੇ ਹਫਤੇ ਸੋਮਵਾਰ ਤੋਂ ਸ਼ੁੱਕਰਵਾਰ ਤੱਕ ਗੁਰੂ ਗ੍ਰੰਥ ਸਾਹਿਬ ਦੇ ਵੱਖ ਵੱਖ ਵਿਸ਼ੇ ਜਿਸ ਤਰ੍ਹਾਂ ਬੀੜ ਦਾ ਇਤਿਹਾਸ, ਸਮਾਜਿਕ ਪੱਖ, ਆਰਥਿਕ ਪੱਖ, ਸੰਗੀਤਕ ਪੱਖ ਅਤੇ ਹੋਰ ਪੱਖਾਂ 'ਤੇ ਵੱਖ ਵੱਖ ਵਿਦਵਾਨਾਂ ਨਾਲ ਵੀਚਾਰਾਂ ਹੋਣਗੀਆਂ। ਤੇ ਉਸ ਤੋਂ ਅਗਲੇ ਹਫਤੇ 7-11 ਸਤੰਬਰ ਤੱਕ ਅਖੌਤੀ ਦਸਮ ਗ੍ਰੰਥ ਉੱਤੇ ਲਗਾਤਾਰ ਪ੍ਰੋਗਰਾਮ ਹੋਣਗੇ ਜਿਸ ਵਿੱਚ ਜਾਪੁ, ਚੌਪਈ, ਅਕਾਲ ਉਸਤਤ, ਚਰਿਤ੍ਰੋਪਾਖਿਯਾਨ ਅਤੇ ਹੋਰ ਕੂੜ ਰਚਨਾਵਾਂ ਬਾਰੇ ਖਾਸ ਵੀਚਾਰਾਂ ਹੋਣਗੀਆਂ।


	ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ।

	ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥ ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।


Disclaimer: Khalsanews.org does not necessarily endorse the views and opinions voiced in the news। articles। audios । videos or any other contents published on www.khalsanews.org and cannot be held responsible for their views. Read full details....