|
ਡੇਰੇਦਾਰਾਂ,
ਅਖੌਤੀ ਟਕਸਾਲਾਂ, ਕਿਸੇ ਅਖੌਤੀ ਸੰਪਰਦਾ ਨਾਲ ਜੁੜੇ ਲੋਕਾਂ ਵਿੱਚ ਇਹ ਅਕਸਰ ਹੀ ਮੰਨਦੇ
ਹਨ ਕਿ ਫਲਾਣੀ ਥਾਂ 'ਤੇ ਸ਼ਹੀਦ ਸਿੰਘਾਂ ਦਾ ਪਹਿਰਾ ਲੱਗਦਾ ਹੈ, ਕਿਸੇ ਪਹਾੜੀ
'ਤੇ ਲਗਦਾ ਹੈ, ਫਲਾਣਾ ਪਾਠ ਕਰਣ ਨਾਲ ਪਹਿਰਾ ਲਗਦਾ ਹੈ, ਨੰਦਸਰ ਵਿਖੇ ਗੁਰੂ ਨਾਨਕ
ਸਾਹਿਬ ਦੀ ਆਖੀ ਜਾਂਦੀ ਤਸਵੀਰ ਤੇ ਗੁਰੂ ਗ੍ਰੰਥ ਸਾਹਿਬ ਦੇ ਵਿਚਕਾਰ ਥਾਂ 'ਤੇ ਪਹਿਰਾ
ਲਗਦਾ ਹੈ... ਆਦਿ...
ਗੁਰਬਾਣੀ ਦੀ ਵੀਚਾਰ ਤੋਂ ਸੱਖਣੇ ਲੋਕ ਇਸ ਭਰਮ ਜਾਲ ਵਿੱਚ ਫਸ ਜਾਂਦੇ ਹਨ,
ਤੇ ਬਿਨਾ ਵਿਚਾਰ ਕੀਤੇ ਐਸੇ ਗਪੌੜ ਨੂੰ ਸੱਚ ਮੰਨ ਬੈਠਦੇ ਹਨ।
ਉਸ ਤਰ੍ਹਾਂ ਆਖਿਆ ਜਾਂਦਾ ਹੈ ਕਿ ਜਿਹੜਾ ਗੁਰਮੁੱਖ ਹੁੰਦਾ
ਉਹ ਜਨਮ ਮਰਣ ਦੇ ਗੇੜ ਤੋਂ ਬੱਚ ਜਾਂਦਾ, ਫਿਰ ਜਿਨ੍ਹਾਂ ਸਿੰਘਾਂ ਨੇ ਆਪਣੀ ਜਾਨ ਦੀ
ਪਰਵਾਹ ਨਾ ਕਰਦਿਆਾਂ ਗੁਰੂ ਸਾਹਿਬ ਲਈ, ਮਨੁੱਖਤਾ ਲਈ, ਜਰਵਾਣਿਆਂ ਵਿਰੁੱਧ ਆਪਣੀਆਂ
ਸ਼ਹੀਦੀਆਂ ਦਿੱਤੀਆਂ, ਉਹ ਹਾਲੇ ਵੀ ਇਸ ਘੁੰਮਣਘੇਰੀ 'ਚ ਫਸੇ ਹੋਏ ਨੇ!
ਹੈ ਨਾ ਵਿਡੰਬਨਾ!!!
ਪਰ ਕਦੀ
ਸਿੰਘਣੀਆਂ ਦਾ ਪਹਿਰਾ ਸੁਣਿਆ??? ਕੀ ਸਿੰਘਣੀਆਂ ਸ਼ਹੀਦ ਨਹੀਂ ਹੋਈਆਂ? ਇੱਥੇ
ਵੀ ਬੀਬੀਆਂ ਨਾਲ ਵਿਤਕਰਾ!
ਜੇ ਇਸ ਮਿੱਥ ਨੂੰ ਮੰਨ ਵੀ ਲਿਆ ਜਾਵੇ ਫਿਰ, ਕੀ
ਅਸੀਂ ਉਨ੍ਹਾਂ ਸ਼ਹੀਦ ਸਿੰਘਾਂ ਦੀ ਕਰਣੀ ਉੱਤੇ ਪਾਣੀ ਨਹੀਂ ਫੇਰ ਰਹੇ? ਫਿਰ ਜਦੋਂ...
ਗੁਰੂ ਸਾਹਿਬ ਦੇ ਸ਼ਰੀਰਕ ਰੂਪ ਵਿੱਚ ਇਸ ਫਾਨੀ ਸੰਸਾਰ ਤੋਂ ਜਾਣ ਤੋਂ ਬਾਅਦ,
ਸ਼ਹੀਦ ਸਿੰਘ ਕਿੱਥੇ ਸੀ, ਜਦੋਂ...
- ਹਜ਼ਾਰਾਂ ਸਿੰਘ ਸਿੰਘਣੀਆਂ ਭੁਜੰਗੀ ਮੁਗਲਾਂ ਵੱਲੋਂ ਮਾਰੇ ਗਏ?
- ਛੋਟਾ ਤੇ ਵੱਡਾ ਘੱਲੂਘਾਰਾ ਵਾਪਰਿਆ?
- 1947 ਵੇਲੇ ਲੱਖਾਂ ਸਿੱਖ ਮਾਰੇ ਗਏ
- 1984 ਵੇਲੇ ਦਰਬਾਰ ਸਾਹਿਬ ਅੰਮ੍ਰਿਤਸਰ, ਅਕਾਲ ਤਖ਼ਤ 'ਤੇ, ਪਰਿਸਰ ਵਿੱਚ, ਸਰੋਵਰ
ਵਿੱਚ, ਦਿੱਲੀ, ਕਾਨਪੁਰ, ਅਤੇ ਪੂਰੇ ਭਾਰਤ ਵਿੱਚ ਹਜ਼ਾਰਾਂ ਸਿੱਖ ਮਾਰੇ ਗਏ!
.... ਹੈਂ.... ਕੀ ਸਿਰਫ ਇਹ ਸ਼ਹੀਦ ਸਿਰਫ ਜੇਹਲਾਂ ਵਿੱਚ
ਹੀ ਜਾਂਦੇ ਹਨ, ਜਾਂ ਗਪੌੜ ਸ਼ੰਖ ਠਾਕੁਰ ਸਿੰਘ
ਨੂੰ ਦਿਸਦੇ ਹਨ ਜਾਂ
ਦੀਪ ਸਿੱਧੂ ਨੂੰ
ਦਿਸਦੇ ਹਨ?
ਜੇ ਸ਼ਹੀਦ ਸਿੰਘਾਂ ਦਾ ਪਹਿਰਾ ਜੇਹਲਾਂ
ਵਿੱਚ ਚਲੇ ਜਾਂਦਾ ਹੈ, ਤਾਂ ਮੋਦੀ ਵਰਗਾ ਜਿਹੜਾ ਖੁੱਲ਼ਾ ਹੀ ਤੁਰਿਆ ਫਿਰਦਾ ਉਹਦੇ ਬਾਰੇ
ਕੁੱਝ ਕਿਉਂ ਨਹੀਂ ਕਰਦੇ? ਕੋਰੋਨਾ ਕਰਕੇ ਭਾਰਤ ਦਾ ਐਨਾ ਬੁਰਾ ਹਾਲ ਹੈ, ਕਿਉਂ
ਨਹੀਂ ਕੁੱਝ ਕਰਦੇ?
ਕਿਉਂ ਲੋਕਾਂ ਨੂੰ ਬੇਵਕੂਫ ਬਣਾ ਰਹੇ
ਹੋ? ਕਿਉਂ ਸ਼ਹੀਦਾਂ ਦਾ ਅਪਮਾਨ ਕਰ ਰਹੇ ਹੋ? ਸ਼ਹੀਦਾਂ ਦੀ ਕਰਣੀ ਨੂੰ ਯਾਦ
ਕਰਕੇ ਉਨ੍ਹਾਂ ਵਰਗੀ ਦ੍ਰਿੜਤਾ, ਦਲੇਰੀ ਤੇ ਗੁਰੂ ਗੁਰਬਾਣੀ ਉੱਤੇ ਭਰੋਸਾ ਰੱਖੋ, ਤੇ
ਐਸੇ ਭਰਮਾਂ ਤੋਂ ਬਾਹਰ ਆਉ।
ਮੈਨੂੰ ਇਹ ਪਤਾ ਹੈ ਕਿ ਬਹੁਤਾਤ ਕਥਿਤ ਸਿੱਖਾਂ ਦੀਆਂ ਭਾਵਨਾਵਾਂ ਭੜਕਣਗੀਆਂ, ਤੇ ਕਈ
ਗਾਲ਼ੀ ਗਲ਼ੌਚ ਵੀ ਕਰਣਗੇ, ਪਰ ... ਪਰਵਾਹ ਨਾਹੀ ਕਿਸੈ ਕੇਰੀ
ਬਾਝੁ ਸਚੇ ਨਾਹ॥
ਗੁਰੂ ਸਮਤਿ ਬਖਸ਼ੇ। |