Main News Page

ਨਿਊਯਾਰਕ, 9 ਅਪ੍ਰੈਲ (ਮਨਜੀਤ ਸਿੰਘ):🚩ਹਿੰਦੂ ਰਾਸ਼ਟਰ ਦੀ ਮੁੱਦਈ ਭਾਜਪਾ ਸਰਕਾਰ ਭਾਰਤ ਨੂੰ ‘ਹਿੰਦੋਸਤਾਨ’ ਦਾ ਨਾਂ ਦੇਣ ਪ੍ਰਤੀ ਸਮੁੱਚੇ ਦੇਸ਼ ਵਾਸੀਆਂ ਨੂੰ ਗੁੰਮਰਾਹ ਕਰ ਰਹੀ ਹੈ।

🙏ਗੁਰੂ ਗ੍ਰੰਥ ਸਾਹਿਬ ਅੰਦਰਲੇ ਬਾਬੇ ਨਾਨਕ ਦੇ ਹਵਾਲੇ “ਹਿੰਦੋਸਤਾਨ ਸਮਾਲਸੀ ਬੋਲਾ” ਨਾਲ ਗੁਰਸਿੱਖਾਂ ਨੂੰ ਅਤੇ ਮੌਲਾਨਾ ਇਕਬਾਲ ਦੇ ਤਰਾਨੇ “ਸਾਰੇ ਜਹਾਂ ਸੇ ਅੱਛਾ ਹਿੰਦੋਸਤਾਂ ਹਮਾਰਾ” ਨਾਲ ਮੁਸਲਮਾਨਾਂ ਨੂੰ ਸਮਝਾਇਆ ਜਾ ਰਿਹਾ ਹੈ ਕਿ ਜਿਹੜਾ ਨਾਂ ਜਗਤ-ਗੁਰ ਬਾਬਾ ਨਾਨਕ ਅਤੇ ਸ਼ੈਰ-ਏ-ਮਸ਼ਰਕ ਮੌਲਾਨਾ ਇਕਬਾਲ ਵਰਤਦੇ ਹੋਣ, ਉਹ ਦੇਸ਼ ਵਾਸੀਆਂ ਲਈ ਗ਼ਲਤ ਕਿਵੇਂ ਹੋ ਸਕਦਾ ਹੈ?

👉ਪ੍ਰੰਤੂ ਇਹ ਪੱਖ ਨਹੀਂ ਪ੍ਰਗਟਾਉਂਦੇ ਕਿ ਉਨ੍ਹਾਂ ਦੇ ਵੇਲੇ ਦਾ ਹਿੰਦੋਸਤਾਨ 1947 ਤੋਂ ਪਿਛੋਂ ਭਾਰਤ, ਪਾਕਿਸਤਾਨ ਤੇ ਬੰਗਲਾ ਦੇਸ਼ ਦੇ ਨਾਵਾਂ ਹੇਠ ਤਿੰਨ ਭਾਗਾਂ ਵਿੱਚ ਵੰਡ ਚੁੱਕਾ ਹੈ । ਇਸ ਲਈ ਹੁਣ ਭਾਰਤ ਨੂੰ ‘ਹਿੰਦੋਸਤਾਨ’ ਕਹਿਣਾ ਸੰਵਿਧਾਨਕ ਉਲੰਘਣਾ ਹੈ । ਇਹ ਲ਼ਫ਼ਜ਼ ਹਨ ਗਿਆਨੀ ਜਗਤਾਰ ਸਿੰਘ ਜਾਚਕ ਦੇ, ਜੋ ਉਨ੍ਹਾਂ ਨਿਊਯਾਰਕ ਤੋਂ ਭੇਜੇ ਈਮੇਲ ਪ੍ਰੈਸਨੋਟ ਵਿੱਚ ਕਹੇ ।

✍️ਉਨ੍ਹਾਂ ਸਪਸ਼ਟ ਕੀਤਾ ਕਿ ਗੁਰੂ ਨਾਨਕ ਸਾਹਿਬ ਵੇਲੇ ਮੁਗਲ ਰਾਜ ਸੀ ਤੇ ਰਾਜਸੀ-ਭਾਸ਼ਾ ਫ਼ਾਰਸੀ ਵਿੱਚ ‘ਹਿੰਦੋਸਤਾਨ’ ਦਾ ਅਰਥ ਸੀ - ਗ਼ੁਲਾਮਾਂ (ਹਿੰਦੂਆਂ) ਦੀ ਧਰਤੀ । ਇਉਂ ਜਾਪਦਾ ਹੈ ਉਸ ਵਕਤ ਤਾਂ ਸਾਰੇ ਦੇਸ਼ ਵਾਸੀ (ਹਿੰਦੂ) ਮੁਗਲਾਂ ਦੇ ਗ਼ੁਲਾਮ ਸਨ, ਪ੍ਰੰਤੂ ਹੁਣ ਉਸ ਨਾਂ ਦੀ ਆੜ ਹੇਠ ਮੰਨੂ-ਵਾਦੀ ਸੰਵਿਧਾਨ ਲਾਗੂ ਕਰਕੇ ਬ੍ਰਾਹਮਣ ਸ਼੍ਰੇਣੀ ਬਾਕੀ ਦੇ ਲੋਕਾਂ ਨੂੰ ਆਪਣੇ ਗ਼ੁਲਾਮ ਬਨਉਣਾ ਚਹੁੰਦੀ ਹੈ । ਅਬਾਦੀ ਪੱਖੋਂ ਹੁਣ ਵੀ ਉਹ 3% ਹੁੰਦੇ ਹੋਏ ਸੁਪਰੀਮ ਕੋਰਟ ਦੇ ਜੱਜਾਂ ਤੱਕ 85% ਪਦ-ਪਦਵੀਆਂ 'ਤੇ ਕਬਜਾ ਕਰੀ ਬੈਠੇ ਹਨ ।

☝️ਯਾਦ ਰੱਖਣ ਦੀ ਲੋੜ ਹੈ ਕਿ ਆਲ-ਇੰਡੀਆ ਮੁਸਲਿਮ ਲੀਗ ਦੇ 1940 ਲਾਹੌਰ ਦੇ ਮਤੇ ਨੇ ਬ੍ਰਿਟਿਸ਼ ਭਾਰਤ ਦੇ ਉੱਤਰ-ਪੱਛਮ ਤੇ ਉੱਤਰ-ਪੂਰਬ ਵਿੱਚ ਮੁਸਲਿਮ ਬਹੁਗਿਣਤੀ ਵਾਲੇ ਇਲਾਕਿਆਂ ਲਈ ਪ੍ਰਭੂਸੱਤਾ ਦੀ ਮੰਗ ਕੀਤੀ ਸੀ, ਜਿਸ ਨੂੰ ਉਹ ‘ਪਾਕਿਸਤਾਨ’ ਕਹਿੰਦੇ ਸਨ ਤੇ ਬਾਕੀ ਦੇ ਖੇਤਰ ਨੂੰ ‘ਹਿੰਦੋਸਤਾਨ’। ਬ੍ਰਿਟਿਸ਼ ਅਧਿਕਾਰੀਆਂ ਨੇ ਵੀ ਇਨ੍ਹਾਂ ਦੋਵਾਂ ਨਾਵਾਂ ਨੂੰ ਚੁਣ ਕੇ ਅਧਿਕਾਰਤ ਰੂਪ ਵਿੱਚ ਇਸਤੇਮਾਲ ਕਰਨਾ ਸ਼ੁਰੂ ਕਰ ਦਿੱਤਾ ਸੀ। ਪ੍ਰੰਤੂ 1947 ਦੀ ਅਜ਼ਾਦੀ ਤੇ ਦੇਸ਼ ਦੀ ਵੰਡ ਪਿੱਛੋਂ ਹਿੰਦੂਆਂ ਦੀ ਧਰਤੀ ਵਾਲੇ ਪ੍ਰਭਾਵਿਤ ਅਰਥਾਂ ਕਾਰਣ ਹਿੰਦੋਸਤਾਨ ਨਾਮ ਨੂੰ ਭਾਰਤੀ ਨੇਤਾਵਾਂ ਦੀ ਸੰਵਿਧਾਨਕ ਮਨਜ਼ੂਰੀ ਨਾ ਮਿਲੀ, ਕਿਉਂਕਿ ਸਿੱਖ ਮੁਸਲਮਾਨ ਤੇ ਈਸਾਈ ਆਦਿਕ ਇਸ ਨਾਂ ਨੂੰ ਬ੍ਰਾਹਮਣੀ ਮਤ ਨਾਲ ਜੋੜ ਕੇ ਵੇਖਦੇ ਸਨ।

🇮🇳 ਭਾਰਤੀ ਸੰਵਿਧਾਨ ਸਭਾ ਨੇ ਦੇਸ਼ ਦਾ ਸਰਬ-ਸਾਂਝਾ ਤੇ ਧਰਮ ਨਿਰਪੱਖ ਅਧਿਕਾਰਤ ਨਾਮ ‘ਭਾਰਤ’ (ਭਾ+ਰਤ) ਪ੍ਰਵਾਨ ਕੀਤਾ, ਕਿਉਂਕਿ ਇਸ ਦਾ ਅਰਥ ਹੈ : ਗਿਆਨ ਨੂੰ ਪਿਆਰ ਕਰਨ ਵਾਲਾ ਦੇਸ਼ ।

👳👨ਇਸ ਲਈ ਦੇਸ਼ ਵਾਸੀਆਂ ਨੂੰ ਹੁਣ ਬਹੁਤ ਸੁਚੇਤ ਹੋਣ ਦੀ ਲੋੜ ਹੈ, ਕਿਉਂਕਿ ‘ਬਾਮ ਸੇਫ ਇੰਟਰਨੈਸ਼ਨਲ’ ਨੇ ਇੱਕ ਵੀਡੀਓ ਰਾਹੀਂ ਆਰ.ਐਸ.ਐਸ ਦੁਆਰਾ ਤਿਆਰ ਕੀਤੇ ਭਾਰਤੀ ਸੰਵਿਧਾਨ ਦੀ ਕਾਪੀ ਵਖਾਉਂਦਿਆਂ ਦਾਵਾ ਕੀਤਾ ਹੈ ਕਿ ਉਸ ਵਿੱਚ ਸ੍ਰੀ ਰਾਮਚੰਦਰ, ਹਨੂੰਮਾਨ, ਬ੍ਰਹਮਾ ਤੇ ਦੁਰਗਾ ਦੇਵੀ ਆਦਿਕ ਦੇ ਕਈ ਚਿੱਤ੍ਰ ਲਗਾ ਕੇ ਦੇਸ਼ ਦੇ ਅਧਿਕਾਰਤ ਨਾਂ ‘ਭਾਰਤ’ ਨੂੰ ਬਦਲ ਕੇ ‘ਹਿੰਦੁਸਤਾਨ’ ਲਿਖ ਦਿੱਤਾ ਹੈ।

⚠️ਵੱਡੀ ਸੰਭਾਵਨਾ ਹੈ ਕਿ ਜੇ ਭਾਜਪਾ ਜਿੱਤ ਗਈ ਤਾਂ ਸੰਨ 2024 ਤੋਂ ਪਿੱਛੋਂ ਹਿੰਦੂਤਵੀ ਮੋਦੀ ਸਰਕਾਰ ਰਾਮ ਮੰਦਰ ਦੀ ਉਸਾਰੀ ਵਾਂਗ ਅਜਿਹੇ ਮਨੂੰਵਾਦੀ ਸੰਵਿਧਾਨ ਨੂੰ ਵੀ ਪ੍ਰਵਾਨਗੀ ਦੇ ਦੇਵੇ। ਆਰ.ਪੀ ਸਿੰਘ ਸਿੱਖੀ ਭੇਸ ਵਿੱਚ ਭਾਜਪਾ ਦਾ ਬੁਲਾਰਾ ਹੈ, ਇਸੇ ਲਈ ਗੁਰਬਾਣੀ ਦੇ ਸਹਾਰੇ ਗੁਰਸਿੱਖਾਂ ਸਮੇਤ ਸਮੁੱਚੇ ਦੇਸ਼-ਭਗਤ ਲੋਕਾਂ ਨੂੰ ਗੁੰਮਰਾਹ ਕਰਨ ਦਾ ਯਤਨ ਕਰ ਰਿਹਾ ਹੈ।

ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ। ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥ ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।

Disclaimer: Khalsanews.org does not necessarily endorse the views and opinions voiced in the news / articles / audios / videos or any other contents published on www.khalsanews.org and cannot be held responsible for their views.  Read full details....