Main News Page

🙏ਵੈਸੇ ਤਾਂ ਗੁਰੂ ਗ੍ਰੰਥ ਸਾਹਿਬ ਦੀਆਂ ਪਰਿਕਰਮਾ ਕਰਣ ਨਾਲ ਹੋਣਾ ਕੁੱਝ ਨਹੀਂ, ਜਦੋਂ ਤੱਕ ਗੁਰੂ ਦੀ ਸਿੱਖਿਆ ਨੂੰ ਦ੍ਰਿੜ ਕਰਕੇ ਗਹਿਆ ਨਹੀਂ ਜਾਂਦਾ, ਜਿੰਨੇ ਮਰਜ਼ੀ ਗੇੜੇ ਕੱਢੀ ਚੱਲੋ ਭਾਂਵੇਂ ਸਿੱਧੇ ਤੇ ਭਾਂਵੇਂ ਪੁੱਠੇ। ਭਾਈ ਗੁਰਦਾਸ ਜੀ ਅਖਦੇ ਹਨ:

🔺ਪੂਛਤ ਪਥਕਿ ਤਿਹ ਮਾਰਗ ਨ ਧਾਰੈ ਪਗਿ ਪ੍ਰੀਤਮ ਕੈ ਦੇਸ ਕੈਸੇ ਬਾਤਨੁ ਕੇ ਜਾਈਐ ॥
ਪੂਛਤ ਹੈ ਬੈਦ ਖਾਤ ਅਉਖਦ ਨ ਸੰਜਮ ਸੈ ਕੈਸੇ ਮਿਟੈ ਰੋਗ ਸੁਖ ਸਹਜ ਸਮਾਈਐ ॥
ਪੂਛਤ ਸੁਹਾਗਨ ਕਰਮ ਹੈ ਦੁਹਾਗਨਿ ਕੈ ਰਿਦੈ ਬਿਬਿਚਾਰ ਕਤ ਸਿਹਜਾ ਬੁਲਾਈਐ ॥
ਗਾਏ ਸੁਨੇ ਆਂਖੇ ਮੀਚੈ ਪਾਈਐ ਨ ਪਰਮਪਦੁ ਗੁਰ ਉਪਦੇਸੁ ਗਹਿ ਜਉ ਲਉ ਨ ਕਮਾਈਐ ॥439॥

⭕ਪਰਿਕਰਮਾ ਦੇ ਸੰਬੰਧ ਵਿੱਚ ਸ਼੍ਰੋਮਣੀ ਕਮੇਟੀ ਦੀ ਰਹਿਤ ਮਰਿਆਦਾ ਵਿੱਚ "ਗੁਰੁਦੁਆਰੇ" ਸਿਰਲੇਖ ਹੇਠ ਇਹ ਜ਼ਿਕਰ ਮਿਲਦਾ ਹੈ:

🔹ਙ) ਗੁਰਦੁਆਰੇ ਅੰਦਰ ਜਾਣ ਲੱਗਿਆਂ ਜੋੜੇ ਬਾਹਰ ਲਾਹ ਕੇ, ਸੁਥਰਾ ਹੋ ਕੇ ਜਾਣਾ ਚਾਹੀਏ, ਜੇ ਪੈਰ ਮੈਲੇ ਜਾਂ ਗੰਦੇ ਹੋਣ, ਤਾਂ ਜਲ ਨਾਲ ਧੋ ਲੈਣੇ ਚਾਹੀਏ। ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਅਥਵਾ ਗੁਰਦੁਆਰੇ ਨੂੰ ਆਪਣੇ "ਸੱਜੇ ਪਾਸੇ" ਰੱਖ ਕੇ ਪ੍ਰਕਰਮਾ ਕਰਨੀ ਚਾਹੀਏ।

🔸"ਅਨੰਦ ਸੰਸਕਾਰ" ਸਿਰਲੇਖ ਹੇਠ ਇਹ ਜ਼ਿਕਰ ਮਿਲਦਾ ਹੈ:

💢ਙ) ...ਉਪਦੇਸ਼ ਦੀਆਂ ਗੱਲਾਂ ਪ੍ਰਵਾਨ ਕਰਦੇ ਹੋਏ ਵਰ ਤੇ ਕੰਨਿਆਂ ਦੋਵੇਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਅੱਗੇ ਮੱਥਾ ਟੇਕਣ। ਫਿਰ ਲੜਕੀ ਦਾ ਪਿਤਾ ਜਾਂ ਮੁਖੀ ਸੰਬੰਧੀ ਲੜਕੇ ਦਾ ਪੱਲਾ ਲੜਕੀ ਦੇ ਹੱਥ ਫੜਾਵੇ ਤੇ ਤਾਬਿਆ ਬੈਠਾ ਸੱਜਣ ਸੂਹੀ ਮਹਲਾ 4 ਵਿਚ ਦਿਤੀਆਂ ਲਾਵਾਂ ਦਾ ਪਾਠ ਸੁਣਾਵੇ। ਹਰੇਕ ਲਾਂਵ ਦਾ ਪਾਠ ਹੋਣ ਮਗਰੋਂ ਅੱਗੇ ਵਰ ਤੇ ਪਿੱਛੇ ਕੰਨਿਆਂ, ਵਰ ਦਾ ਪੱਲਾ ਫੜ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀਆਂ ਚਾਰ ਪ੍ਰਕਰਮਾਂ ਕਰਨ।

☣️ਸ਼ੇਰ ਸਿੰਘ ਜੋ ਕਿ ਇੱਕ ਨਿਹੰਗ ਸੰਪਰਦਾ ਦਾ ਮੁਖੀ ਹੈ, ਨੇ ਅਮਰੀਕਾ ਦੇ ਇੱਕ ਗੁਰਦੁਆਰੇ ਵਿੱਖੇ ਆਨੰਦ ਕਾਰਜ ਦੀ ਰਸਮ ਕਰਵਾਰੀ ਜਿਸ ਵਿੱਚ ਜੋੜੀ ਨੇ ਆਮ ਰਵਾਇਤ ਤੋਂ ਉਲਟ ਪੁੱਠੇ ਫੇਰੇ ਲਏ। ਇਹ ਲੋਕ ਜਿਹੜੇ ਧਰਮ ਦੇ ਠੇਕੇਦਾਰ ਅਖਵਾਉਂਦੇ ਹਨ, ਆਪ ਹੀ ਅਕਾਲ ਤਖ਼ਤ ਦੀ ਮਰਿਆਦਾ ਤੋਂ ਉਲਟ ਕਾਰੇ ਕਰਦੇ ਹਨ, ਤੇ ਜੇ ਕੋਈ ਹੋਰ ਕਰੇ ਤਾਂ ਹਾਏ ਤੌਬਾ ਮਚਾਉਂਦੇ ਹਨ। ਵੈਸੇ ਨਿਹੰਗਾਂ ਤੇ ਟਕਸਾਲੀਆਂ ਦੀ ਇਹ ਮਨੌਤ ਹੈ ਕਿ ਗੁਰੂ ਸਾਹਿਬ ਉਨ੍ਹਾਂ ਦੇ ਸ਼ਸਤਰਾਂ ਦਾ ਮੁਆਇਨਾ ਕਰਦੇ ਹਨ, ਇਸ ਲਈ ਉਹ ਸ਼ਸਤਰਾਂ ਨੂੰ ਦਿਖਾਉਣ ਲਈ ਖੱਬੇ ਤੋਂ ਸੱਜੇ ਪਾਸੇ ਨੂੰ ਪਰਿਕਰਮਾ ਕਰਦੇ ਹਨ।

📍 ਖ਼ਾਲਸਾ ਨਿਊਜ਼ ਨੂੰ ਕੋਈ ਫਰਕ ਨਹੀਂ ਕਿ ਕੋਈ ਸਿੱਧੇ ਗੇੜੇ ਕੱਢੇ ਜਾਂ ਪੁੱਠੇ, ਸਾਡੇ ਲਈ ਤਾਂ ਗੁਰੂ ਦਾ ਉਪਦੇਸ਼ ਆਰਾਮ ਨਾਲ ਬੈਠ ਕੇ ਸੁਣਨ ਦੀ ਜ਼ਿਆਦਾ ਮਹੱਤਤਾ ਹੈ, ਫੇਰੇ ਲੈਣਾ ਵੀ ਅਨਮਤੀ ਰਿਵਾਜ਼ਾਂ ਦੀ ਹੀ ਨਕਲ ਮਾਤਰ ਹੈ। ਵੈਸੇ ਮੰਨਦਾ ਤਾਂ ਕੋਈ ਨਹੀਂ ਇਸ ਮਰਿਆਦਾ ਨੂੰ, ਨਾ ਟਕਸਾਲੀ, ਨਾ ਨਿਹੰਗ, ਨਾ ਡੇਰੇਦਾਰ, ਨਾ ਕੋਈ ਹੋਰ ਸੰਪਰਦਾਈ, ਨਾ ਜਾਗਰੂਕ, ਬਸ ਮਿਸ਼ਨਰੀ ਪ੍ਰਚਾਰਕ ਇਸਦੀਆਂ ਖਾਮੀਆਂ ਬਾਰੇ ਜਾਣਦੇ ਬੁਝਦੇ ਹੋਏ ਗੁਰੂ ਆਸ਼ੇ ਤੋਂ ਉਲਟ ਇਸਨੂੰ ਮੰਨੀ ਤੁਰੇ ਆ ਰਹੇ ਹਨ।

👳ਸਿੱਖ ਰਹਿਤ ਮਰਿਆਦਾ ਵਿੱਚ ਸੋਧ ਹੋਣੀ ਬਹੁਤ ਜ਼ਰੂਰੀ ਹੈ, 1932-36 ਵਿੱਚ ਜਿਹੜਾ ਖਰੜਾ ਤਿਆਰ ਕੀਤਾ ਗਿਆ ਤੇ 1945 ਵਿੱਚ ਲਾਗੂ ਕੀਤਾ ਗਿਆ, ਹਾਲੇ ਵੀ ਉਸੇ ਤਰ੍ਹਾਂ ਹੀ ਰੋਲ਼ ਘਚੋਲ਼ੇ 'ਚ ਹੈ। ਸਮੇਂ ਦੇ ਬਦਲਾਅ ਨਾਲ ਇਸ ਵਿੱਚ ਸੋਧਾਂ ਹੋਣੀਆਂ ਬਹੁਤ ਜ਼ਰੂਰੀ ਹਨ।

ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ। ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥ ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।

Disclaimer: Khalsanews.org does not necessarily endorse the views and opinions voiced in the news / articles / audios / videos or any other contents published on www.khalsanews.org and cannot be held responsible for their views.  Read full details....