 |
💥 ਬੰਤਾ ਸਿੰਘ ਜੀ,
ਅਸੀਂ ਤੁਹਾਡੇ ਸੋਸ਼ਲ ਮੀਡੀਆ ਰਾਹੀਂ ਫੈਲਾਏ ਇਸ ਸੱਦੇ ਨੂੰ ਕਬੂਲ ਕਰਦੇ ਹਾਂ 💥
-: ਭਾਈ ਸਰਬਜੀਤ ਸਿੰਘ ਧੂੰਦਾ
20.08.2023
#KhalsaNews #Dhoonda #BantaSingh #Challenge
🙏ਵਾਹਿਗੁਰੂ ਜੀ ਕਾ ਖਾਲਸਾ ॥ ਵਾਹਿਗੁਰੂ ਜੀ ਕੀ ਫਤਹਿ ॥
🔺ਭਾਈ ਬੰਤਾ ਸਿੰਘ ਜੀ ਤੁਹਾਡਾ ਇਸ਼ਤਿਹਾਰ ਮਿਲਿਆ ਹੈਰਾਨੀ ਹੈ ਕੇ "ਹੋਇ ਇਕਤ੍ਰ
ਮਿਲਹੁ ਮੇਰੇ ਭਾਈ ਦੁਬਿਧਾ ਦੂਰਿ ਕਰਹੁ"ਵਾਲੀ ਗੱਲ ਤੁਸੀਂ ਘੱਟ ਕੀਤੀ ਮੇਹਣੇ ਤੇ
ਆਮ ਲੋਕਾਂ ਨੂੰ ਗੁਮਰਾਹ ਕਰਨ ਦੀ ਚਲਾਕੀ ਭਰੀ ਕੋਸ਼ਿਸ਼ ਜ਼ਿਆਦਾ ਕੀਤੀ ਹੈ ਤੁਸੀਂ
ਇਸ਼ਤਿਹਾਰ ਵਿੱਚ ਸਾਡੇ ਤੇ ਇਲਜ਼ਾਮਾਂ ਦੀ ਬੁਛਾੜ ਕਰਦੇ ਕਿਹਾ ਕੇ ਅਸੀਂ ਸਿੱਖ
ਧਰਮ ਦਾ ਖੰਡਨ ਕਰਦੇ ਹਾਂ, ਗੁਰੂ ਗ੍ਰੰਥ ਸਾਹਿਬ ਨੂੰ ਨਹੀਂ ਮੰਨਦੇ, ਇਤਿਹਾਸ
ਨੂੰ, ਅਕਾਲ ਤਖ਼ਤ ਨੂੰ ਨਹੀਂ ਮੰਨਦੇ ਜੇ ਇਹਨਾਂ ਕੁਝ ਤੁਸੀਂ ਪਹਿਲਾਂ ਹੀ ਮੰਨ
ਕੇ ਬੈਠੋ ਹੋ ਤਾਂ ਮੇਰੀ ਸਮਝ ਤੋਂ ਇਹ ਗੱਲਾਂ ਵੈਸੇ ਬਾਹਰ ਹਨ ਕੇ ਫਿਰ ਵਿਚਾਰ
ਦਾ ਅਰਥ ਹੀ ਕੀ ਰਹਿ ਜਾਂਦਾ ਹੈ ?
👉ਸਾਡਾ ਮੰਨਣਾ ਤਾਂ ਵੈਸੇ ਇਹ ਹੈ ਵੀ ਕੇ ਤੁਸੀਂ ਆਪਣੀ ਗੱਲ ਰੱਖੋ ਤੇ ਅਸੀਂ ਜੋ
ਸਮਝਿਆ ਗੁਰਬਾਣੀ, ਇਤਿਹਾਸ ਬਾਰੇ ਉਹ ਰੱਖ ਰਹੇ ਹਾਂ ਗੁਰੂ ਗ੍ਰੰਥ ਸਾਹਿਬ ਜੀ ਦੀ
ਬਾਣੀ ਪੜਨ ਸਮਝਣ ਵਾਲੀ ਸੰਗਤ ਫੈਸਲਾ ਆਪੇ ਕਰ ਲਵੇਗੀ, ਸੰਗਤਾਂ ਦੀ ਦੁਬਿਧਾ ਜੇ
ਕੋਈ ਹੋਵੇ ਉਸ ਬਾਰੇ ਤਾਂ ਅਸੀਂ ਨਵਿਰਤੀ ਕਰਨ ਦੀ ਕੋਸ਼ਿਸ਼ ਤਕਰੀਬਨ ਕਰਦੇ ਹੀ
ਹਾਂ ਕਿਉਂ ਕਿ ਮੈਂ ਤਾਂ ਨਿਰੰਤਰ ਕਥਾ ਕਰ ਰਿਹਾ ਹਾਂ।
☝️ਪਰ ਭਾਈ ਬੰਤਾ ਸਿੰਘ ਜੀ ਜੇ ਤੁਸੀਂ ਲੋੜਦੇ ਹੋ ਕੇ ਤੁਹਾਡੇ ਨਾਲ ਵਿਚਾਰ ਚਰਚਾ
ਕਰਨ ਤੋਂ ਬਾਅਦ ਕੌਮ ਵਿਚ ਹੁੰਦੀਆਂ ਮਨਮਤਾਂ ਨੂੰ ਠੱਲ੍ਹ ਪਵੇਗੀ, ਭੰਗ ਨਸ਼ਿਆਂ,
"ਇਕਾ ਬਾਣੀ ਇਕੁ ਗੁਰੁ" ਵਾਲੀ ਗੱਲ ਚੱਲੇਗੀ ਤੇ ਪੰਥ ਭਲਾਈ ਹੋਵੇਗੀ, ਸੋ ਜੇ
ਤੁਸੀਂ ਸਲੀਕੇ ਨਾਲ ਵਿਚਾਰ ਕਰਨ ਨੂੰ ਤਿਆਰ ਹੋ ਤਾਂ ਮੈਂ ਵੀ ਤਿਆਰ ਹਾਂ, ਕਿਉਂ
ਕਿ ਇਹ ਮੇਰੀ ਲਈ ਕੋਈ ਨਵੀਂ ਗੱਲ ਨਹੀਂ, ਸੋ ਇਹ ਜ਼ਰੂਰੀ ਹੈ ਕੇ ਵਿਚਾਰ ਹੋਛੇਪਣ
ਜਾਂ ਬੱਲੇ ਬੱਲੇ ਲਈ ਨਹੀਂ ਬਲਕਿ ਸੰਜੀਦਗੀ ਨਾਲ ਹੋਵੇਗੀ,ਨਾਂ ਕਿ ਅੱਗੇ ਪਿੱਛੇ
ਘੁੰਮਦੇ ਸਮੱਰਥਕਾਂ ਤੋਂ ਤਾੜੀਆਂ ਮਰਵਾਉਣ ਲਈ।
📍ਵਿਚਾਰ ਕਰਨ ਦੇ ਢੰਗ ਤਰੀਕੇ ਤੇ ਫੈਸਲਾ, ਫ਼ੈਸਲੇ ਨੂੰ ਮੰਨਣ ਦੇ ਪਾਬੰਦ ਦੀ
ਜਿੰਮੇਵਾਰੀ ਵੀ ਚੁੱਕਣੀ ਪਵੇਗੀ।
💢ਵਿਚਾਰ ਇਕ ਦਿਨ ਵਿੱਚ ਨਿਬੇੜਾ ਕਰਨ ਤੇ ਸਿਆਸੀ ਬੰਦਿਆਂ ਵਾਂਗ ਪਿਛਲੱਗਾਂ ਨੂੰ
ਖੁਸ਼ ਕਰਨ ਦਾ ਵਿਸ਼ਾ ਨਾਂ ਹੋ ਕੇ, ਪੜਾਅ ਦਰ ਪੜਾਅ ਚੱਲੇਗੀ।
👳ਸਿੱਖ ਰਹਿਤ ਮਰਯਾਦਾ ਅਕਾਲ ਤਖ਼ਤ, ਗੁਰੂ ਗ੍ਰੰਥ ਸਾਹਿਬ, ਇਤਿਹਾਸ ਤੇ ਸਿੱਖ
ਧਰਮ ਦਾ ਖੰਡਨ ਇਲਜ਼ਾਮਾਂ ਆਦਿਕ ਵਿਸ਼ਿਆ ਤੇ ਪੜਾਅ ਦਰ ਪੜਾਅ ਹੋਵੇਗੀ, ਵਿਸ਼ਿਆਂ
ਦੇ ਮਾਹਰ ਵੀ ਸ਼ਿਰਕਤ ਕਰਨਗੇ ਕਿਉਂਕਿ ਆਮ ਸੰਗਤ ਸ਼ਾਇਦ ਨੂੰ ਕਈ ਵਾਰ ਪੂਰਾ ਪਤਾ
ਨਹੀਂ ਲੱਗਦਾ ਤਾਂ ਕੇ ਉਨ੍ਹਾਂ ਨੂੰ ਵੀ ਸਮਝ ਆ ਸਕੇ।
🙏ਤੁਸੀਂ ਇਹ ਵੀ ਸਪੱਸ਼ਟ ਕਰਨਾ ਕਿ ਤੁਸੀਂ ਆਪਣੀ ਸੰਪਰਦਾ ਵੱਲੋਂ ਆ ਰਹੇ ਹੋ
ਜਾਂ ਵੈਸੇ ਹੀ ਹੰਸਰੇ ਦੇ ਪੋਸਟਰ ਵੇਖ ਕੇ,ਬਾਕੀ ਹੋ ਸਕੇ ਤਾਂ ਨਾਨਕਸਰੀਆਂ ਦੇ
ਇਸ ਵਿਸ਼ੇਸ਼ ਚੇਲੇ ਨੂੰ ਵੀ ਨਾਲ ਲੈ ਆਇਓ।
🇺🇸 ਅਮਰੀਕਾ ਦੇ ਉਹਨਾਂ ਜ਼ਿੰਮੇਵਾਰ ਬੰਦਿਆਂ ਦੇ ਵੀ ਨਾਂ ਜ਼ਰੂਰ ਨਸਰ ਕਰੋ ਜੋ
ਤੁਹਾਡੀ ਜਿੰਮੇਵਾਰੀ ਲੈਣ ਕੇ ਭਵਿੱਖ ਵਿੱਚ ਤੁਸੀਂ ਜੇ ਵਿਚਾਰ ਤੋਂ ਬਾਅਦ ਮਰਿਆਦਾ,
ਇਤਿਹਾਸ ਤੇ ਗੁਰਬਾਣੀ ਸਿਧਾਂਤ ਦੇ ਵਿਸ਼ਿਆਂ ਤੇ ਜੋ ਇਲਜ਼ਾਮ ਤਰਾਸ਼ੀ ਤੁਸੀਂ
ਕੀਤੀ ਹੈ ਨਿਬੇੜੇ ਤੋ ਬਾਅਦ ਥਿੜਕਦੇ ਹੋ ਤਾਂ ਤੁਹਾਨੂੰ ਬਾਂਹ ਫੜ ਕੇ ਰੋਕ ਸਕਣ।
🙏ਅਸੀਂ ਤੁਹਾਡੇ ਸੋਸ਼ਲ ਮੀਡੀਆ ਰਾਹੀਂ ਫੈਲਾਏ ਇਸ
ਸੱਦੇ ਨੂੰ ਕਬੂਲ ਕਰਦੇ ਹਾਂ, ਬੇਸ਼ੱਕ ਕਿਉਂ ਕਿ ਤਾਰੀਖ਼ ਤੁਸੀਂ ਸਾਨੂੰ
ਬਿਨਾਂ ਸਲਾਹ ਗੱਲਬਾਤ ਤੋਂ ਹੀ ਪਾ ਦਿੱਤੀ ਹੈ, ਸੋ ਪੂਰੀ ਰੂਪ ਰੇਖਾ ਲਈ ਤਾਰੀਖ਼
ਅੱਗੇ ਪਿੱਛੇ ਜ਼ਰੂਰ ਹੋ ਸਕਦੀ ਹੈ, ਵਿਚਾਰ ਦੀ ਰੂਪ ਰੇਖਾ ਤਿਆਰ ਕਰਕੇ ਤੇ
ਉਪਰੋਕਤ ਗੱਲਾਂ ਬਾਰੇ ਆਪ ਜੀ ਵੀ ਦੱਸੋ, ਤੇ ਅਸੀਂ ਵੀ ਸੰਪਰਕ ਕਰਾਂਗੇ।
|
|
|
 |
 ਜੇ
ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ। |
|
|
 |
ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥
ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ
ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ
ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ,
ਸੰਤ, ਬਾਬੇ,
ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ
ਅਤੇ ਕਰਦੇ ਰਹਾਂਗੇ।
ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ
ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ
ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ
ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ
ਹਿੰਮਤ ਰੱਖਦਾ ਹੋਵੇ। |
|
|
Disclaimer: Khalsanews.org
does not necessarily endorse the views and opinions voiced in
the news / articles / audios / videos or any other contents
published on www.khalsanews.org and
cannot be held responsible for their views.
Read full
details.... |
 |
|
