Main News Page

🙏ਭਗਤ ਨਾਮਦੇਵ ਜੀ ਪੰਡਤ ਨੂੰ ਸੰਬੋਧਤ ਹੋ ਕੇ ਕਹਿੰਦੇ ਹਨ:

👉ਤੂ ਕਹੀਅਤ ਹੀ ਆਦਿ ਭਵਾਨੀ ॥ ਮੁਕਤਿ ਕੀ ਬਰੀਆ ਕਹਾ ਛਪਾਨੀ ॥4॥

ਹੇ ਭਵਾਨੀ! ਤੂੰ ਸਭ ਦਾ ਮੁੱਢ ਅਖਵਾਉਂਦੀ ਹੈਂ, ਪਰ (ਆਪਣੇ ਭਗਤਾਂ ਨੂੰ) ਮੁਕਤੀ ਦੇਣ ਵੇਲੇ ਤੂੰ ਭੀ, ਪਤਾ ਨਹੀਂ, ਕਿੱਥੇ ਲੁਕੀ ਰਹਿੰਦੀ ਹੈਂ (ਭਾਵ, ਮੁਕਤੀ ਭਵਾਨੀ ਪਾਸ ਭੀ ਨਹੀਂ ਹੈ) ।੪।

👁️ਪਰ ਕਿੰਨੀ ਹੈਰਾਨੀ ਦੀ ਗੱਲ ਹੈ ਕਿ ਗੁਰੂ ਗ੍ਰੰਥ ਸਾਹਿਬ ਵਿੱਚ ਦਰਜ ਇਸ ਸ਼ਬਦ ਨੂੰ ਸਿੱਖ ਅਖਵਾਉਣ ਵਾਲੇ ਪੜ੍ਹੀ ਵੀ ਜਾਂਦੇ ਹਨ, ਪਰ ਅਰਦਾਸ ਵੇਲੇ ਕਹਿੰਦੇ ਹਨ "ਪ੍ਰਿਥਮ ਭਗਉਤੀ ਸਿਮਰ ਕੈ"!!! ਹੈ ਨਾ ਦੋਗਲਾਪਨ!!! ਦੇ ਦਿਮਾਗੀ ਦਿਵਾਲੀਆਪਨ!!!❗

⚠️"ਆਦਿ" ਦਾ ਮਤਲਬ ਮੁੱਢ, ਪਹਿਲਾਂ, ਸ਼ੁਰੂ ਤੇ "ਪ੍ਰਿਥਮ" ਦਾ ਮਤਲਬ ਵੀ ਪਹਿਲਾ, ਸ਼ੁਰੂਆਤ, ਗਿਣਤੀ 'ਚ ਸਭ ਤੋਂ ਪਹਿਲਾ ਅੰਕ / ਨੰਬਰ ☝️

🙏ਗੁਰੂ ਗ੍ਰੰਥ ਸਾਹਿਬ 'ਚ ਦਰਜ ਗੁਰਬਾਣੀ ਤਾਂ "ਭਵਾਨੀ" ਨੂੰ ਨਾਕਰਦੀ ਹੋਵੇ, ਪਰ ਸਿੱਖ ਗੁਰੂ ਗ੍ਰੰਥ ਸਾਹਿਬ ਨੂੰ ਨਕਾਰ ਕੇ "ਪ੍ਰਿਥਮ ਭਗਉਤੀ" ਕਹੀ ਜਾਣ, ਹੈ ਨਾ ਸ਼ੁਦਾਈਪੁਣਾ?❓

☣️ਭਵਾਨੀ ਕੌਣ ਹੈ?
🕉️ ਹਿੰਦੂ ਮੱਤ ਵਿੱਚ ਸ਼ਿਵ ਦੇ ਘਰ ਵਾਲ਼ੀ ਨੂੰ ਪਾਰਬਤੀ ਕਿਹਾ ਜਾਂਦਾ ਹੈ । ਪਾਰਬਤੀ ਦੇ ਵੱਖ-ਵੱਖ ਰੂਪ ਹਨ ਜਿਨ੍ਹਾਂ ਨੂੰ ਵੱਖ-ਵੱਖ ਨਾਵਾਂ ਨਾਲ਼ ਦੇਵੀਆਂ ਕਿਹਾ ਜਾਂਦਾ ਹੈ । ਇਨ੍ਹਾਂ ਨਾਵਾਂ ਵਿੱਚ ਭਵਾਨੀ, ਭਗਵਤੀ, ਭਗਉਤੀ, ਸ਼ਿਵਾ, ਦੁਰਗਾ, ਚੰਡੀ, ਗਿਰਿਜਾ, ਕਾਲਿਕਾ, ਕਾਲ਼ੀ, ਸਰਸਵਤੀ, ਅੰਬਿਕਾ, ਜੰਬਿਕਾ, ਤੋਤਲਾ, ਆਦਿਕ ਕਈ ਨਾਂ ਸ਼ਾਮਲ ਹਨ ਜੋ ਅਖੌਤੀ ਦਸਮ ਗ੍ਰੰਥ ਵਿੱਚ ਲਿਖੇ ਹੋਏ ਹਨ।

♻️ਪਾਰਬਤੀ ਦਾ ਨਾਂ ਭਵਾਨੀ ਕਿਉਂ ਹੈ?
ਜੰਗ ਵਿੱਚ ਲੜਨ ਵਾਲ਼ੀ ਦੇਵੀ ਨੂੰ ਭਵਾਨੀ ਵੀ ਕਿਹਾ ਹੈ ਪਰ ਇਹ ਪਾਰਬਤੀ ਹੀ ਹੈ ਕਿਉਂਕਿ ਇੰਦ੍ਰ ਤਾਂ ਪਾਰਬਤੀ ਕੋਲ਼ ਆਪਣਾ ਦੁੱਖ ਰੋਣ ਲਈ ਗਿਆ ਸੀ । ਲੜਦੀ ਤਾਂ ਪਾਰਬਤੀ ਹੈ ਪਰ ਲਿਖਾਰੀ ਨੇ ਉਸ ਦੇ ਵੱਖ-ਵੱਖ ਨਾਂ ਵੀ ਲਿਖ ਦਿੱਤੇ ਹਨ ।

✴️ਪਾਰਬਤੀ ਲਈ ਭਵਾਨੀ ਸ਼ਬਦ ਦੀ ਵਰਤੋਂ:
ਪ੍ਰਮਾਣ- ਇੰਦ੍ਰ ਨੂੰ ਰਾਜ ਕੇ ਪਾਰਬਤੀ ਨੇ ਹੀ ਅਲੋਪ ਹੋਣਾ ਸੀ ਪਰ ਕਵੀ ਨੇ ਉਸ ਪਾਰਬਤੀ ਨੂੰ ਭਵਾਨੀ ਨਾਂ ਨਾਲ਼ ਵੀ ਯਾਦ ਕੀਤਾ ਹੈ, ਜਿਵੇਂ-

ਹੋਈ ਅਲੋਪ ਭਵਾਨੀ ਦੇਵਾਂ ਨੂੰ ਰਾਜੁ ਦੇ ॥ ਈਸਰ ਦੀ ਬਰਦਾਨੀ ਹੋਈ ਜਿੱਤ ਦਿਨ ॥
ਸੁੰਭ ਨਿਸੁੰਭ ਗੁਮਾਨੀ ਜਨਮੇ ਸੂਰਮੇ ॥ ਇੰਦ੍ਰ ਦੀ ਰਜਧਾਨੀ ਤੱਕੀ ਜਿੱਤਨੀ ॥22॥
{ਵਾਰ ਦੁਰਗਾ ਕੀ}

⚠️ਇੱਕੋ ਬੰਦ ਵਿੱਚ ਪਾਰਬਤੀ ਨੂੰ ਭਵਾਨੀ ਅਤੇ ਦੁਰਗਾ ਲਿਖਿਆ:
ਪਾਰਬਤੀ ਭਵਾਨੀ ਦੇ ਰੂਪ ਵਿੱਚ ਮੁੜ ਇੰਦ੍ਰ ਦੀ ਮੱਦਦ ਲਈ ਆਉਂਦੀ ਹੈ ਅਤੇ ਦੈਂਤ ਕਹਿੰਦੇ ਹਨ ਕਿ ਭਵਾਨੀ ਮੁੜ ਕੇ ਆ ਗਈ ਹੈ ਚਲੋ ਦੁਰਗਾ ਨੂੰ ਬੰਨ੍ਹ ਕੇ ਲੈ ਆਈਏ । ਪ੍ਰਮਾਣ-

ਆਈ ਫੇਰ ਭਵਾਨੀ ਖਬਰੀ ਪਾਈਆਂ ॥ ਦੈਤ ਵਡੇ ਅਭਿਮਾਨੀ ਹੋਏ ਏਕਠੇ ॥
ਲੋਚਨ ਧੂਮ ਗੁਮਾਨੀ ਰਾਇ ਬੁਲਾਇਆ ॥ ਜਗ ਵਿਚ ਵਡਾ ਦਾਨੋ ਆਪ ਕਹਾਇਆ ॥
ਸੱਟ ਪਈ ਖਰਚਾਮੀ ਦੁਰਗਾ ਲਿਆਵਣੀ ॥ 26॥

✅ਗੁਰਬਾਣੀ ਵਿੱਚੋਂ "ਭਵਾਨੀ" ਨੂੰ ਨਕਾਰਣ ਦੇ ਪ੍ਰਮਾਣ:

👉ਗੁਰੁ ਈਸਰੁ ਗੁਰੁ ਗੋਰਖੁ ਬਰਮਾ ਗੁਰੁ ਪਾਰਬਤੀ ਮਾਈ॥
ਪਾਰਬਤੀ ਸ਼ਬਦ ਦੀ ਵਰਤੋਂ ਕਰ ਕੇ ਧੰਨੁ ਗੁਰੂ ਨਾਨਕ ਸਾਹਿਬ ਜੀ ਪਹਿਲਾਂ ਹੀ ਸਿੱਖਾਂ ਨੂੰ ਸੁਚੇਤ ਕਰ ਚੁੱਕੇ ਹਨ ਕਿ ਸਿੱਖਾਂ ਨੇ ਪਾਰਬਤੀ ਜਾਂ ਕਿਸੇ ਦੇਵਤੇ ਤੋਂ ਕੁੱਝ ਵੀ ਲੈਣਾ ਨਹੀਂ ਹੈ । ਗੁਰੂ ਹੀ ਸੱਭ ਕੁੱਝ ਹੈ । ਗੁਰੂ ਤੋਂ ਉੱਪਰ ਕੋਈ ਦੇਵੀ ਜਾਂ ਦੇਵਤਾ ਨਹੀਂ ਹੈ । ਅਜਿਹੇ ਸਪੱਸ਼ਟ ਉਪਦੇਸ਼ ਦੀ ਰੌਸ਼ਨੀ ਛੱਡ ਕੇ ਹਨ੍ਹੇਰੇ ਵਿੱਚ ਟੱਕਰਾਂ ਮਾਰਦੇ ਸਿੱਖ ਪਤਾ ਨਹੀਂ ਪਾਰਬਤੀ ਦੇਵੀ ਤੋਂ ਕੀ ਮੰਗਣਾ ਚਾਹੁੰਦੇ ਹਨ ।

✍️ਵਿਚਾਰ: ਗੁਰਬਾਣੀ ਵਿੱਚ ਮਹਾ ਮਾਈ ਅਤੇ ਭਵਾਨੀ ਪਾਰਬਤੀ ਵਾਸਤੇ ਹੀ ਵਰਤੇ ਹਨ । ਅਖੌਤੀ ਦਸਮ ਗ੍ਰੰਥ ਵਿੱਚ ਵੀ ਪਾਰਬਤੀ ਨੂੰ ਮਹਾਂ ਮਾਈ, ਜਗ ਮਾਈ, ਜਗ ਮਾਤਾ ਅਤੇ ਭਵਾਨੀ ਲਿਖਿਆ ਗਿਆ ਹੈ ।

☝️ ਗੁਰਬਾਣੀ ਨੇ ਸਪੱਸ਼ਟ ਕਹਿ ਦਿੱਤਾ ਹੈ ਕਿ ਭਵਾਨੀ ਦੀ ਪੂਜਾ ਅਤੇ ਸਿਫ਼ਤਿ ਸਾਲਾਹ ਕਰਨ ਵਾਲ਼ਾ ਨਰ ਤੋਂ ਨਾਰਿ ਬਣ ਕੇ ਜਨਮ ਲਵੇਗਾ । ਭਵਾਨੀ ਮੋਹ ਮਾਇਆ ਤੋਂ ਮੁਕਤੀ ਦੇਣ ਦੇ ਸਮਰੱਥ ਨਹੀਂ ਹੈ । ਆਪਣੇ ਪੁਜਾਰੀਆਂ ਨੂੰ ਮੁਕਤੀ ਨਾ ਦਿੰਦੀ ਹੋਈ ਲੁਕ ਜਾਂਦੀ ਹੈ । ਅਜਿਹੀ ਭਵਾਨੀ ਦੀ ਸਿਫ਼ਤਿ ਕਰ ਕਰ ਸਿੱਖ ਨੇ ਕੀ ਖੱਟਣਾਂ ਹੈ? ਪੂਰਾ ਸ਼ਬਦ ਇਉਂ ਹੈ:

ਗੋਂਡ ॥ ਭੈਰਉ ਭੂਤ ਸੀਤਲਾ ਧਾਵੈ ॥ ਖਰ ਬਾਹਨੁ ਉਹੁ ਛਾਰੁ ਉਡਾਵੈ ॥੧॥
ਹਉ ਤਉ ਏਕੁ ਰਮਈਆ ਲੈਹਉ ॥ ਆਨ ਦੇਵ ਬਦਲਾਵਨਿ ਦੈਹਉ ॥੧॥ ਰਹਾਉ ॥
ਸਿਵ ਸਿਵ ਕਰਤੇ ਜੋ ਨਰੁ ਧਿਆਵੈ ॥ ਬਰਦ ਚਢੇ ਡਉਰੂ ਢਮਕਾਵੈ ॥੨॥
ਮਹਾ ਮਾਈ ਕੀ ਪੂਜਾ ਕਰੈ ॥ ਨਰ ਸੈ ਨਾਰਿ ਹੋਇ ਅਉਤਰੈ ॥੩॥
ਤੂ ਕਹੀਅਤ ਹੀ ਆਦਿ ਭਵਾਨੀ ॥ ਮੁਕਤਿ ਕੀ ਬਰੀਆ ਕਹਾ ਛਪਾਨੀ ॥੪॥
ਗੁਰਮਤਿ ਰਾਮ ਨਾਮ ਗਹੁ ਮੀਤਾ ॥ ਪ੍ਰਣਵੈ ਨਾਮਾ ਇਉ ਕਹੈ ਗੀਤਾ ॥੫॥੨॥੬॥
{ਪੰਨਾ 874}

👳ਸਿੱਖ ਦਾ ਇਸ਼ਟ ਕੇਵਲ ਗੁਰੂ ਗ੍ਰੰਥ ਸਾਹਿਬ ਜੀ ਹੈ । ਇਸ ਸੱਚੇ ਗੁਰੂ ਜੀ ਤੋਂ ਬਿਨਾਂ ਜੋ ਹੋਰ ਕਿਸੇ ਦੇਵੀ ਦੇਵਤੇ ਦੇ ਗੁਣ ਗਾਇਨ ਕਰੇਗਾ ਉਸ ਉੱਤੇ ਮਨਮੁਖਤਾਈ ਦੀ ਮੁਹਰ ਗੁਰੂ ਜੀ ਲਾ ਦਿੰਦੇ ਹਨ । ਅਖੌਤੀ ਦਸਮ ਗ੍ਰੰਥ ਇਹ ਮਨਮੁਖਤਾਈ ਸਿਖਾਉਂਦਾ ਹੈ । ਦੇਵੀ ਦੇਵਤਿਆਂ ਦੀ ਪੂਜਾ ਹਿੰਦੂ ਮੱਤ ਹੈ ।

💥ਸਿੱਖ ਹੁਣ ਵੀ ਅਖੌਤੀ ਦਸਮ ਗ੍ਰੰਥ ਦੀ ਭਗਉਤੀ ਨੂੰ ਅਕਾਲਪੁਰਖ, ਕਿਰਪਾਨ ਆਦਿ ਕਹੀ ਜਾਣ ਤਾਂ ਉਨ੍ਹਾਂ ਦੀ ਤਰਸ ਹੀ ਕੀਤਾ ਜਾ ਸਕਦਾ ਉਨ੍ਹਾਂ ਦੀ ਅਕਲ 'ਤੇ, ਹੋਰ ਕੁੱਝ ਨਹੀਂ, ਜਿਹੜੇ ਅਰਦਾਸ ਵਿੱਚ ਬਿਬੇਕ ਦਾਨ ਤਾਂ ਮੰਗਦੇ ਹਨ, ਪਰ ਬਿਬੇਕ ਬੁੱਧੀ ਦੀ ਵਰਤੋਂ ਕਰਣ ਵਾਲਿਆਂ ਨੂੰ ਕਾਮਰੇਡ ਅਤੇ ਹੋਰ ਨੀਚ ਗਾਹਲ਼ਾਂ ਨਾਲ ਨਵਾਜਦੇ ਹਨ, ਪਰ ਗੁਰਸਿੱਖ ਨੂੰ ਇਨ੍ਹਾਂ ਗਾਹਲ਼ਾਂ ਆਦਿ ਦਾ ਕੋਈ ਅਸਰ ਨਹੀਂ ਹੁੰਦਾ ਕਿਉਂਕਿ ਉਹ ਬੇਪਰਵਾਹ ਹੋਕੇ ਗੁਰਬਾਣੀ ਗਾਡੀ ਰਾਹ 'ਤੇ ਆਪਣੇ ਗੁਰੂ ਦੀ ਓਟ ਨਾਲ ਤੁਰਿਆ ਜਾਂਦਾ ਹੈ।

👉ਨੋਟ: ਇਸ ਲੇਖ ਦੇ ਕੁੱਝ ਕੁ ਅੰਸ਼ ਪ੍ਰੋ. ਕਸ਼ਮੀਰਾ ਸਿੰਘ ਦੇ ਖ਼ਾਲਸਾ ਨਿਊਜ਼ 'ਤੇ ਪਏ ਲੇਖ 'ਚੋਂ ਲਏ ਗਏ ਹਨ।

ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ। ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥ ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।

Disclaimer: Khalsanews.org does not necessarily endorse the views and opinions voiced in the news / articles / audios / videos or any other contents published on www.khalsanews.org and cannot be held responsible for their views.  Read full details....