Main News Page

ਬਾਦਲਾਂ ਦੀਆਂ ਵਿਗੜੈਲ ਕਾਕੀਆਂ ਐਵੇਂ ਕੰਧਾਂ ਵਿੱਚ ਵੱਜਦੀਆਂ ਰਹਿੰਦੀਆਂ ਹਨ। ਕਿਸ ਨੂੰ ਸ਼ੱਕ ਹੈ ਇਹਨਾਂ ਦੀ ਧੇਲੇ ਜਿੰਨੀ ਭੀ ਔਕਾਤ ਨਹੀਂ ਪਰ ਫਿਰ ਭੀ ਢੁੱਚਰਾਂ ਡਾਹੁਣ ਤੋਂ ਬਾਜ ਨਹੀਂ ਆਉਂਦੇ।

ਪੰਜਾਬ ਅੰਦਰ ਭਾਸ਼ਾ ਦੰਮ ਤੋੜ ਰਹੀ ਹੈ, ਫਰਜ਼ੀ ਪਾਦਰੀਆਂ ਦਾ ਜਾਲ ਦਿਨੋਂ ਦਿਨ ਫੈਲ ਰਿਹਾ ਹੈ, ਆਰ.ਐਸ.ਐਸ. ਜੋ ਐਸੇ ਅਖੌਤੀ ਜਥੇਦਾਰਾਂ ਦੀ ਮਾਂ ਸਮਾਨ ਹੈ, ਉਹਨਾਂ ਦੇ ਏਕਲ-ਵਿਦਿਆਲਿਆ ਆਪਣਾ ਕੰਮ ਚੱਕ ਰਹੇ ਹਨ, ਆਮ ਸਿੱਖ ਹੀ ਨਹੀਂ ਸਗੋਂ ਇਹਨਾਂ ਦੇ ਚਹੇਤੇ ਪ੍ਰਚਾਰਕ ਭੀ ਜੜਾਵਾਂ ਵਾਲੇ ਸਾਧ ਪ੍ਰੇਮਾ ਨੰਦ ਅੱਗੇ ਡੰਡਾਉਤ ਕਰ ਰਹੇ ਹਨ। ਦਹਾਕਿਆਂ ਤੋਂ ਸਿੰਘ ਜੇਲਾਂ ਵਿੱਚ ਬੈਠੇ ਹਨ, ਸਿੱਖਾਂ ਦੀ ਨਵੀਂ ਪਨੀਰੀ ਧੱਕੇ ਨਾਲ ਚੱਕ ਕੇ ਸਟੇਟ ਤੋਂ ਬਾਹਰ ਦੀਆਂ ਜੇਲਾਂ ਵਿੱਚ ਕਾਲੇ ਪਾਣੀ ਵਾਂਗ ਤਾੜ ਦਿੱਤੀ ਹੈ ਅਤੇ ਇਹ ਪੂਛ ਹਿਲਾਊ ਫਰਜ਼ੀ ਜਥੇਦਾਰ ਰਘਬੀਰ ਸਿੰਘ ਪ੍ਰੋ ਦਰਸ਼ਨ ਸਿੰਘ ਵੱਲੋਂ ਕੀਤੇ ਜਾ ਰਹੇ ਨਿਰੋਲ ਸਿੱਖੀ ਪ੍ਰਚਾਰ 'ਤੇ ਪਾਬੰਦੀ ਲਾਉਣ ਤੁਰ ਪਏ ਹਨ।

ਫਰਕ ਕੇਵਲ ਇਹ ਹੈ ਕਿ ਪ੍ਰੋ ਦਰਸ਼ਨ ਸਿੰਘ ਕਹਿੰਦੇ ਕਿ ਮੈਂ ਤੁਹਾਡੀ ਪੰਜਾਂ ਦੀ ਸਿਆਸੀ ਚੰਡਾਲ ਚੌਂਕੜੀ ਅੱਗੇ ਪੇਸ਼ ਨਹੀਂ ਹੋਣਾ ਕਿਉਂ ਕਿ ਮਸਲਾ ਕੌਮੀ ਹੈ ਫਿਰ ਪਰਦੇ ਅੰਦਰ ਗੱਲ ਕਿਉਂ ਹੋਵੇ? ਸਾਹਮਣੇ ਆ ਕੇ ਗੱਲ ਕਰੋ ਪਰ ਇਹਨਾਂ ਦੀ ਇੰਨੀ ਹਿੰਮਤ ਨਾ ਪਈ ਸਗੋਂ ਝੂਠ ਬੋਲ ਦਿੱਤਾ ਕਿ ਪ੍ਰੋ. ਦਰਸ਼ਨ ਸਿੰਘ ਅਕਾਲ ਤਖ਼ਤ ਤੇ ਆਇਆ ਹੀ ਨਹੀਂ, ਹੈ ਨਾ ਕਮਾਲ ਦਾ ਇੰਨਸਾਫ?

ਉੱਧਰ ਸਾਰੀ ਕੌਮ ਨੂੰ ਵੇਚ ਕੇ ਖਾਣ ਵਾਲੇ ਅਤੇ ਝੂਠੇ ਪੁਲਿਸ ਮਕਾਬਲਿਆਂ ਦੇ ਨਿਰਮਾਤਾ ਬਾਦਲ ਨੂੰ ਫਕਰ-ਏ -ਕੌਮ ਦੇ ਕੇ ਇਹ ਦਰਸਾ ਦਿੱਤਾ ਕਿ "ਕੁੜ ਕੁੜ ਕਿਤੇ ਤੇ ਆਂਡੇ ਕਿਤੇ" ਪਲਣਾ ਗੁਰੂ ਦਰਬਾਰ ਦੀਆਂ ਗੋਲਕਾਂ ਉੱਤੇ ਅਤੇ ਝਾੜੂ ਬਰਦਾਰੀ ਬਾਦਲਾਂ ਅਤੇ ਡੇਰਾਵਾਦੀਆਂ ਦੀ।

ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ। ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥ ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।

Disclaimer: Khalsanews.org does not necessarily endorse the views and opinions voiced in the news / articles / audios / videos or any other contents published on www.khalsanews.org and cannot be held responsible for their views.  Read full details....