Main News Page

⚠️ ਜਿਸ ਦਿਨ ਦਾ ਸ਼੍ਰੋਮਣੀ ਕਮੇਟੀ ਵੱਲੋਂ ਕੌਮੀ ਨਿਸ਼ਾਨ (ਝੰਡੇ) ਦੇ ਰੰਗਾਂ ਬਾਰੇ ਸਿੱਖ ਰਹਿਤ ਮਰਯਾਦਾ 'ਚ ਦਰਜ ਸੁਰਮਈ ਤੇ ਬਸੰਤੀ ਰੰਗਾਂ ਬਾਰੇ ਐਲਾਨ ਹੋਇਆ ਹੈ, ਖ਼ਾਲਸਾ ਨਿਊਜ਼ ਨੇ ਉਸੇ ਦਿਨ ਲਿਖਿਆ ਸੀ ਕਿ... ‼️ ਚੰਗੀ ਗੱਲ ਹੈ ਜੇ ਇਹ ਲਾਗੂ ਹੋ ਜਾਵੇ, ਪਰ ਇੱਕ ਗੱਲ ਧਿਆਨ ਰੱਖਿਓ ਇਸ ਦਾ ਵਿਰੋਧ ਸਾਧ ਲਾਣਾ, ਟਕਸਾਲੀ ਤੇ ਪੰਜਾਬ ਤੋਂ ਬਾਹਰਲੇ ਦੋ ਤਖ਼ਤ ਕਰਣਗੇ, ਕਿਉਂ ਜੁ ਉਨ੍ਹਾਂ ਦੀ ਆਪਣੀ ਮਰਯਾਦਾ ਹੈ। ‼️ .............ਤੇ ਉਹੀ ਹੋਇਆ। ਸਭ ਤੋਂ ਪਹਿਲਾਂ ਵਿਰੋਧ ਟਕਸਾਲੀ+ਨਿਹੰਗ+ਪਖੰਡੀ ਸਾਧਾਂ ਦਾ "ਮਿਲਗੋਭਾ" ਬੰਤਾ ਸਿੰਘ ਤੇ ਹੱਦ ਦਰਜੇ ਦੇ ਮੂਰਖ ਅਜਨਾਲੇ ਵੱਲੋਂ ਕੀਤਾ ਗਿਆ ਹੈ।

💢 ਜੇ ਇਸ ਫੈਸਲੇ ਦਾ ਵਿਰੋਧ ਕਿਤੇ ਕਿਸੇ ਗੁਰੂ ਗ੍ਰੰਥ ਸਾਹਿਬ ਦੀ ਮੰਨਣ ਵਾਲੇ ਕਿਸੇ ਗੁਰਮਤਿ ਦੇ ਪ੍ਰਣਾਏ ਸਿੱਖ ਜਾਂ ਪ੍ਰਚਾਰਕ ਨੇ ਕੀਤਾ ਹੁੰਦਾ ਤਾਂ ਇਨ੍ਹਾਂ ਨੇ ਦੂਜੇ ਪਾਸੇ ਖੜ ਜਾਣਾ ਸੀ ਕਿ ਦੇਖੋ ਇਹ ਕੌਮੀ ਫੈਸਲੇ ਦਾ ਵਿਰੋਧ ਕਰਦੇ। ❎ ਇਨ੍ਹਾਂ ਅਕਲੋਂ ਪੈਦਲ ਲੋਕਾਂ ਦਾ ਕੰਮ ਹੈ ਹਰ ਇੱਕ ਚੰਗੇ ਫੈਸਲੇ ਦਾ ਵਿਰੋਧ ਕਰਨਾ। ਉਸ ਤਰ੍ਹਾਂ ਇਹ ਅਕਾਲ ਤਖ਼ਤ ਦੇ ਮੁੱਦਈ ਬਣਦੇ ਹਨ, ਪਰ ਜਦੋਂ ਇਨ੍ਹਾਂ ਦੀ ਸੋਚ ਵਿਰੁੱਧ ਕੋਈ ਫੈਸਲਾ ਆਵੇ ਤਾਂ ਇਨ੍ਹਾਂ ਦੇ ਸੱਤੀਂ ਕਪੜੀਂ ਅੱਗ ਲੱਗ ਜਾਂਦੀ ਹੈ, ਕਿਉਂਕਿ ਇਹ ਆਪਣੇ ਆਪ ਨੂੰ ਹੀ ਪੰਥਕ ਸਮਝਦੇ ਹਨ।

🙏 ਗੁਰੂ ਵੀ ਇਨ੍ਹਾਂ ਨੂੰ ਸੁਮਤਿ ਨਹੀਂ ਬਖਸ਼ ਸਕਦਾ, ਕਿਉਂਕਿ ਇਨ੍ਹਾਂ ਦਾ ਅਕਲ ਦਾ ਭਾਂਡਾ ਮੂਧਾ (ਊਂਧਾ) ਹੈ, ਤੇ ਗੁਰਬਾਣੀ ਦਾ ਫੁਰਮਾਨ ਹੈ:

🔹 ਊਂਧੈ ਭਾਂਡੈ ਕਛੁ ਨ ਸਮਾਵੈ ਸੀਧੈ ਅੰਮ੍ਰਿਤੁ ਪਰੈ ਨਿਹਾਰ ॥ ਪੰਨਾਂ 503
ਪੁੱਠੇ ਭਾਂਡੇ ਵਿੱਚ ਕੁੱਝ ਨਹੀਂ ਸਮਾ ਸਕਦਾ, ਸਿੱਧੇ ਵਿੱਚ ਅੰਮ੍ਰਿਤ ਪੈ ਜਾਂਦਾ ਹੈ।

🔹 ਕਬੀਰ ਸਾਚਾ ਸਤਿਗੁਰੁ ਕਿਆ ਕਰੈ ਜਉ ਸਿਖਾ ਮਹਿ ਚੂਕ ॥
ਅੰਧੇ ਏਕ ਨ ਲਾਗਈ ਜਿਉ ਬਾਂਸੁ ਬਜਾਈਐ ਫੂਕ ॥158॥ ਪੰਨਾਂ 1372

ਹੇ ਕਬੀਰ! ਜੇ ਸਿੱਖਾਂ ਵਿਚ ਉਕਾਈ ਹੋਵੇ, ਤਾਂ "ਸਤਿਗੁਰੂ" ਭੀ ਕੁਝ ਸੰਵਾਰ ਨਹੀਂ ਸਕਦਾ। ਜੋ ਮਨੁੱਖ ਅਹੰਕਾਰ ਵਿਚ ਅੰਨ੍ਹਾ ਹੋਇਆ ਰਹੇ, ਗੁਰੂ ਦੀ ਸਿੱਖਿਆ ਦੀ ਕੋਈ ਭੀ ਗੱਲ ਉਸ ਨੂੰ ਪੋਹ ਨਹੀਂ ਸਕਦੀ। ਜਿਵੇਂ ਫੂਕ ਮਾਰਿਆਂ ਬਾਂਸ (ਦੀ ਬੰਸਰੀ) ਵੱਜਣ ਲੱਗ ਪੈਂਦੀ ਹੈ (ਪਰ ਫੂਕ ਇਕ ਸਿਰੇ ਤੋਂ ਲੰਘ ਕੇ ਦੂਜੇ ਸਿਰੇ ਰਾਹ ਬਾਹਰ ਨਿਕਲ ਜਾਂਦੀ ਹੈ, ਤਿਵੇਂ ਅਹੰਕਾਰੀ ਦੇ ਇਕ ਕੰਨ ਤੋਂ ਦੂਜੇ ਕੰਨ ਰਾਹੀਂ ਉਹ ਸਿੱਖਿਆ ਅਸਰ ਕਰਨ ਤੋਂ ਬਿਨਾ ਹੀ ਨਿਕਲ ਜਾਂਦੀ ਹੈ। ਚੁੰਚ-ਗਿਆਨੀ ਉਹ ਭਾਵੇਂ ਬਣ ਜਾਏ।) ।158।

👉 ਬਾਕੀ ਨਿਰਣਾ ਤੁਸੀਂ ਆਪ ਹੀ ਕਰ ਲਵੋ।

ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ। ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥ ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।

Disclaimer: Khalsanews.org does not necessarily endorse the views and opinions voiced in the news / articles / audios / videos or any other contents published on www.khalsanews.org and cannot be held responsible for their views.  Read full details....