Main News Page

🙏 ਮੰਨੀ ਜਾਂਦੀ ਸੱਚੀ ਦਰਗਾਹ ਅਕਾਲ ਤਖਤ ਦੀ ਵਸੀਲ ਤੋਂ ਅੱਜ ਫ਼ਿਰ ਝੂਠ ਬੋਲਿਆ ਜਾ ਰਿਹਾ ਸੀ ਕਿ "ਸਾਡੇ ਛੇਕੇ ਹੋਏ ਦਰਸ਼ਨ ਸਿੰਘ ਕੋਲੋਂ ਗੁਰਬਾਣੀ ਕੀਰਤਨ ਸੁਣਨ ਕਾਰਨ ਜੰਮੂ ਦੇ ਪ੍ਰਬੰਧਕ ਦੋਸ਼ੀ ਹਨ"।

✅ ਗੁਰੂ ਨੇ ਪਛਾਣ ਲਿਆ ਕਿ "ਸਾਚੀ ਦਰਗਹ ਬੋਲੇ ਕੂੜੁ ॥ ਸਿਰੁ ਹਾਥ ਪਛੋੜੈ ਅੰਧਾ ਮੂੜੁ ॥" .... "ਜਿਨਾ ਅੰਦਰਿ ਕੂੜੁ ਵਰਤੈ ਸਚੁ ਨ ਭਵਾਈ ॥ ਜੇ ਕੋ ਬੋਲੈ ਸਚੁ ਕੂੜਾ ਜਲ ਜਾਵਈ ॥ ਕੂੜਿਆਰੀ ਰਜੈ ਕੂੜਿ ਜਿਉ ਵਿਸਟਾ ਕਾਗੁ ਖਾਵਈ ॥" .... "ਗੁਰਮੁਖਿ ਕੂੜੁ ਨ ਭਾਵਈ ਸਚਿ ਰਤੇ ਸਚ ਭਾਇ ॥ ਸਾਕਤ ਸਚੁ ਨ ਭਾਵਈ ਕੂੜੈ ਕੂੜੀ ਪਾਂਇ ॥" .... ਇਸ ਲਈ ਕਾਲਕਾ ਪੰਥ ਅਤੇ ਖਾਲਸਾ ਪੰਥ ਦਾ ਹੁਣ ਕੋਈ ਰਿਸ਼ਤਾ ਨਹੀਂ ਰਿਹਾ, ਗੁਰੂ ਕਹਿੰਦੇ ਨੇ .... "ਹਰਿ ਕੇ ਦਾਸ ਸਿਉ ਸਾਕਤ ਨਹੀ ਸੰਗੁ ॥ ਓਹੁ ਬਿਖਈ ਓਸੁ ਰਾਮ ਕੋ ਰੰਗੁ ॥"

👉 ਗੁਰੂ ਨੇ ਸਮਝਾਇਆ...
"ਹਰਿ ਸਾਕਤ ਸੇਤੀ ਸੰਗੁ ਨ ਕਰੀਅਹੁ ਓਇ ਮਾਰੇ ਸਿਰਜਣਹਾਰੇ" ਝੂਠ ਅੰਧੇਰਾ ਸੱਚ ਚਾਨਣ ਦਾ ਸਾਹਮਣਾ ਕਦੇ ਨਹੀਂ ਕਰ ਸਕਦਾ ਇਹ ਕਰਤੇ ਦੀ ਕੁਦਰਤ ਦਾ ਨਿਯਮ, ਇਹ ਉਸ ਦਿਨ ਹੀ ਪ੍ਰਤਖ ਹੋ ਗਿਆ ਸੀ ਜਦੋਂ ਸਪਸ਼ਟੀਕਰਨ ਦੇਣ ਦੇ ਰੂਪ 'ਚ ਸੱਚ ਦੀ ਬਾਣੀ ਦਾ ਚਾਨਣ ਹੱਥ ਲੈ ਕੇ ਦਾਸ ਅਕਾਲ ਤਖਤ ਨਾਮ ਦੇ ਅਸਥਾਨ 'ਤੇ ਹਾਜ਼ਰ ਹੋਇਆ ਤਾਂ ਇਹ ਹਨੇਰਾ ਉਸ ਅਸਥਾਨ ਨੂੰ ਛੱਡ ਕੇ ਆਪਣੀ ਕਾਲ ਕੋਠੜੀ ਵਿੱਚ ਛੁੱਪ ਗਿਆ, ਸਾਹਮਣਾ ਕਰਨ ਲਈ ਬਾਹਰ ਨਹੀਂ ਆਇਆ ਬੜੀ ਦੇਰ ਉਡੀਕ ਕੀਤੀ, ਕਈ ਸੰਦੇਸ਼ ਭੇਜੇ ਪਰ ਸਾਹਮਣੇ ਆਉਣ ਦੀ ਇਸ ਹਨੇਰੀ ਦੀ ਜੂਅਰਤ ਨਾ ਹੋਈ ਅਤੇ ਹਮੇਸ਼ਾ ਲਈ ਸੱਚ ਦੇ ਚਾਨਣ ਤੋਂ ਡਰਦਿਆਂ ਛੇਕਣ ਦਾ ਡਰਾਮਾ ਰਚ ਲਿਆ।

☝️ ਚਲੋ ਇਸ ਵਿੱਚ ਵੀ ਭਲਾ ਹੈ, ਹੁਣ ਤੁਹਾਡਾ ਤੇ ਮੇਰਾ ਕੋਈ ਵਾਸਤਾ ਨਹੀਂ, ਤੁਸੀਂ ਮੈਨੂੰ ਛੇਕਤਾ ਮੈਂ ਤੁਹਾਨੂੰ ਛੇਕਤਾ, ਖ਼ਾਲਸਾ ਪੰਥ ਕਾਫ਼ਲਾ ਜਾਣਦਾ ਹੈ ਮੈਂ ਹਰ ਸਾਲ ੨੯ ਜਨਵਰੀ ਨੂੰ ਮੈਂ ਆਪਣਾ #ਆਜ਼ਾਦੀ #ਦਿਨ ਮਨਾਉਂਦਾ ਹਾਂ ਇਸ ਦਿਨ ਕਾਲਕਾ ਪੰਥ ਤੋਂ ਮੈਂ ਵੱਖ ਹੋਇਆ, ਤੁਹਾਡਾ ਕਾਲਕਾ ਪੰਥ ਅਤੇ ਕਾਲ ਕੋਠੜੀ ਅਤੇ ਕਾਲ ਕੋਠੜੀ ਵਿੱਚ ਹਾਜਰ ਹੋਣ ਵਾਲੇ ਕੁਝ ਲੋਕ ਉਹਨਾਂ ਨੂੰ ਮੁਬਾਰਕ ਹੋਵੇ,।

🙏ਦਾਸ ਸੱਚੇ ਅਕਾਲ ਪੁਰਖ ਦੇ ਸੰਗਤ ਰੂਪ ਤਖ਼ਤ ਦੇ ਹਮੇਸ਼ਾ ਸਨਮੁੱਖ ਹੈ, ਦੇਸ਼ ਵਿਦੇਸ਼ ਵਿੱਚ ਸੰਗਤ ਤੁਹਾਡੇ ਕਾਲਕਾ ਪੰਥ ਨੂੰ ਪਛਾਣ ਚੁੱਕੀ ਹੈ, ਭਲਿਓ ਉੱਥੇ ਖਾਲਸਾ ਪੰਥ ਦਾ ਵੱਡਾ ਕਾਫਲਾ ਬਣ ਚੁੱਕਾ ਹੈ ਅਤੇ ਵੱਧ ਰਿਹਾ ਹੈ ਮੇਰੀ ਗੁਰੂ ਅੱਗੇ ਅਰਦਾਸ ਹੈ .... "ਤੁਮ ਲਾਵਹੁ ਤਉ ਲਾਗਹ ਸੇਵ ॥ ਹਮ ਤੇ ਕਛੂ ਨ ਹੋਵੈ ਦੇਵ ॥੧॥ ਰਹਾਉ ॥ ਤੁਧੁ ਭਾਵੈ ਤਾ ਗਾਵਾ ਬਾਣੀ ॥ ਤੁਧੁ ਭਾਵੈ ਤਾ ਸਚੁ ਵਖਾਣੀ ॥"

💯 ਹੇ ਮੇਰੇ ਸਤਿਗੁਰੂ ਤੇਰੀ ਰਹਿਮਤ ਸਦਕਾ ਹੀ ਸੱਚ ਦੀ ਬਾਣੀ ਸੱਚ ਦੇ ਪਾਂਧੀਆਂ ਦੇ ਰਾਹ ਵਿਚ ਖਲੋ ਕੇ ਗਾ ਰਿਹਾ ਹਾਂ। ਪਰ ਮੈਨੂੰ ਇਨ੍ਹਾਂ ਸਬੀਲ 'ਤੇ ਖਲੋਤੇ ਲੋਕਾਂ ਤੇ ਵੀ ਤਰਸ ਆਉਂਦਾ ਹੈ। ਭਲਿਓ ਇੰਨੇ ਕਮਜ਼ੋਰ ਵੀ ਨਾ ਬਣੋ ਜਿਗਰਾ ਰੱਖੋ, ਜੇ ਮੈਂ ਕਾਨਪੁਰ ਸੱਚ ਦੀ ਬਾਣੀ ਗਾ ਰਿਹਾ ਹੋਵਾ, ਜੇ ਪੂਨੇ, ਦਿੱਲੀ ਜਾਂ ਦੇਸ ਪ੍ਰਦੇਸ ਵਿਚ ਜਾਂ ਕਿਤੇ ਵੀ ਸੱਚ ਦੀ ਬਾਣੀ ਵਿਚਾਰਨ ਵਾਲਿਆਂ ਦਾ ਕਾਫਲਾ ਇਕੱਠਾ ਹੋ ਜਾਂਦਾ ਹੈ, ਜਾਂ ਜੰਮੂ ਵਿੱਚ ਸੱਚ ਦੀ ਬਾਣੀ ਦੀ ਗੂੰਜ ਦਾ ਪਤਾ ਲੱਗ ਜਾਵੇ ਤੁਹਾਡੀ ਅੰਮ੍ਰਿਤਸਰ ਕਾਲ ਕੋਠੜੀ ਵਿਚ ਬੈਠਿਆਂ ਦੀ ਲੱਤਾਂ ਕਿਉ ਕੰਬਣ ਲੱਗ ਜਾਂਦੀਆਂ ਨੇ, ਦਿਲ ਕਿਉਂ ਕੰਬਣ ਲੱਗ ਜਾਂਦੇ ਨੇ? ਵੇਖਿਓ ਕਿਤੇ ਦਿਲ ਫੇਲ ਨਾ ਹੋ ਜਾਵੇ, ਇਸ ਕਾਫਲੇ ਨੇ ਤਾਂ ਦਿਨ ਬਾ ਦਿਨ ਵਧਣਾ ਹੈ, ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਸਿੱਖੀ ਨੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਦੁਆਲੇ ਇਕੱਠੇ ਹੋਣਾ ਹੈ।

💢 ਯਕੀਨ ਕਰਿਓ ਮੈਂ ਹੋਵਾਂ ਨਾ ਹੋਵਾਂ ਸੱਚ ਦੀ ਬਾਣੀ ਦੀਆਂ ਗੂੰਜਾਂ ਸਾਰੇ ਸੰਸਾਰ ਵਿੱਚ ਪੈਣਗੀਆਂ ਕਿਉਂਕਿ "ਸਚ ਕੀ ਬਾਣੀ ਨਾਨਕੁ ਆਖੈ ਸਚੁ ਸੁਣਾਇਸੀ ਸਚ ਕੀ ਬੇਲਾ" .... "ਜਨੁ ਨਾਨਕੁ ਬੋਲੈ ਅੰਮ੍ਰਿਤ ਬਾਣੀ ॥ ਗੁਰਸਿਖਾਂ ਕੈ ਮਨਿ ਪਿਆਰੀ ਭਾਣੀ ॥"

✌️ ਦੂਜੀ ਗੱਲ ਇਹ ਵੀ ਯਾਦ ਰੱਖਣਾ ਜਿਹੜੀ ਤੁਹਾਡੇ ਭਲੇ ਲਈ ਹੈ ਜੋ ਜਥੇਦਾਰ ਸਿਆਸੀ ਲੀਡਰਾਂ ਦੇ ਗੁਲਾਮ ਹੋ ਜਾਂਦੇ ਨੇ ਉਹਨਾਂ ਗੁਲਾਮਾਂ ਨੂੰ ਆਪਣੇ ਦਰ ਦਾ ਕੂਕਰ ਸਮਝ ਕੇ ਜਿਵੇਂ ਵਰਤਦੇ ਨੇ ਉਸ ਦਾ ਜ਼ਿਕਰ ਗੁਰਬਾਣੀ ਵਿੱਚ ਹੈ ਸਤਿਗੁਰ ਆਖਦੇ ਨੇ .... "ਰਾਜੇ ਸੀਹ ਮੁਕਦਮ ਕੁਤੇ ॥ ਜਾਇ ਜਗਾਇਨ੍ਹ੍ਹਿ ਬੈਠੇ ਸੁਤੇ ॥ ਚਾਕਰ ਨਹਦਾ ਪਾਇਨ੍ਹ੍ਹਿ ਘਾਉ ॥ ਰਤੁ ਪਿਤੁ ਕੁਤਿਹੋ ਚਟਿ ਜਾਹੁ ॥"

🧐 ਦੇਖ ਲਿਓ ਸੱਚ ਦੀ ਬਾਣੀ ਤੇ ਪਾਬੰਦੀਆਂ ਲਾਉਣ ਵਾਲੇ ਅਨੇਕਾਂ ਉੱਠ ਗਏ ਅਤੇ ਬਾਕੀ ਵੀ ਉੱਠ ਜਾਣਗੇ, ਵਿਸ਼ਵਾਸ ਰੱਖਿਓ "ਸਚ ਕੀ ਬਾਣੀ" ਰਹੇਗੀ ਇਸ ਲਈ ਇਸ ਤਰ੍ਹਾਂ ਪਰੇਸ਼ਾਨ ਹੋ ਕੇ ਇਸ 'ਤੇ ਪਾਬੰਦੀਆਂ ਲਾ ਕੇ ਇਸਨੂੰ ਰੋਕਣ ਦੀ ਕੋਸ਼ਿਸ਼ ਨਾ ਕਰੋ।

ਗੁਰੂ ਰਾਖਾ ।
ਬੋਲ ਪ੍ਰੋ. ਦਰਸ਼ਨ ਸਿੰਘ ਖ਼ਾਲਸਾ, ਉਤਾਰਾ ਕਰਤਾ ਆਤਮਜੀਤ ਸਿੰਘ ਕਾਨਪੁਰ

ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ। ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥ ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।

Disclaimer: Khalsanews.org does not necessarily endorse the views and opinions voiced in the news / articles / audios / videos or any other contents published on www.khalsanews.org and cannot be held responsible for their views.  Read full details....