Main News Page

⛔ ਦਿੱਲੀ ਗੋਲਕ ਲੁੱਟ ਕਮੇਟੀ ਨਾਲ ਰਲ਼ ਕੇ ਭਾਜਪਾ ਦੇ ਕੇਂਦਰੀ ਮੰਤਰੀ #ਹਰਦੀਪ #ਪੁਰੀ ਜਿਸ ਦੇ ਪ੍ਰਵਾਰ ਕੋਲ (ਆਖਿਆ ਜਾਂਦਾ ਹੈ ਕਿ) ਗੁਰੂ ਗੋਬਿੰਦ ਸਿੰਘ ਜੀ ਅਤੇ ਮਾਤਾ ਸਾਹਿਬ ਕੌਰ ਦੇ ਪੈਰੀਂ ਪਾਏ ਜੋੜੇ ਹਨ, ਜੋ ਕਿ ਪਟਨਾ ਸਾਹਿਬ ਵਿਖੇ ਅਜਾਇਬ ਘਰ ਵਿੱਖੇ ਰੱਖੇ ਜਾਣੇ ਹਨ, ਜੋ ਕਿ ਦਿੱਲੀ ਤੋਂ #ਜਲੂਸ ਦੇ ਰਾਹੀਂ ਲੈਕੇ ਜਾਣਗੇ ਤਾਂ ਜੋ ਸਿੱਖ ਅਖਵਾਉਣ ਵਾਲੇ "#ਮੂਰਖਾਂ" ਦੀ ਮਾਲੀ ਲੁੱਟ ਹੋ ਸਕੇ। ਇਨ੍ਹਾਂ ਕਥਿਤ ਸਿੱਖਾਂ ਕੋਲ ਹੁਣ ਗੁਰਮਤਿ ਦਾ ਗਿਆਨ ਲੈਣ ਦੀ ਸਮਰਥਾ ਤਾਂ ਹੈ ਨਹੀਂ, ਬਸ ਕਦੇ ਗੰਗਾ ਸਾਗਰ, ਕਦੇ ਗੁਰੂ ਅਮਰਦਾਸ ਸਾਹਿਬ ਦੀ ਜੁੱਤੀ, ਕਦੇ ਕਪੱੜੇ, ਕਦੇ ਸ਼ਸਤਰ, ਕਦੇ ਗੁਰੂ ਗੋਬਿੰਦ ਸਿੰਘ ਜੀ ਦੀ ਕਲਗੀ, ਕਦੇ ਘੋੜਾ, ਕਦੇ ਘੋੜੇ ਦੀ ਲਿੱਦ ਦਾ ਪ੍ਰਸ਼ਾਦ, ਤੇ ਹੁਣ ਇਹ ਕਥਿਤ ਜੋੜੇ।

👉 ਜੇ ਇਹ #ਚੀਜ਼ਾਂ ਵਾਕਿਆ ਵੀ ਗੁਰੂ ਸਾਹਿਬ ਦੀਆਂ ਹੋਣ ਤਾਂ ਵੀ ਕੀ? ਇਨ੍ਹਾਂ ਨੂੰ ਬਜਾਇ ਲੋਕਾਂ ਦੀ ਆਰਥਕ ਲੁੱਟ ਕੀਤਿਆਂ ਅਜਾਇਬਘਰ ਵਿੱਚ ਰੱਖਿਅ ਨਹੀਂ ਜਾ ਸਕਦਾ? ਪਰ ਨਹੀਂ... ਕਿਉਂਕਿ #ਅਜੋਕਾ #ਧਰਮ ਇੱਕ #ਧੰਦਾ ਹੈ, ਤੇ ਇਹ ਵਪਾਰੀ ਲੋਕਾਂ ਨੂੰ ਪਤਾ ਹੈ ਕਿ ਧਰਮ ਦੇ ਨਾਮ 'ਤੇ ਗੁਰਬਾਣੀ ਰਾਹੀਂ ਤਾਂ ਪੈਸੇ ਨਹੀਂ ਬਣਨੇ, ਐਸੇ #ਗੋਰਖ ਧੰਦਿਆਂ ਨਾਲ ਹੀ ਗੋਲਕ ਭਰ ਸਕਦੀ ਹੈ, ਨਾਲੇ ਜਦੋਂ ਦੇਸ਼ ਦਾ ਪ੍ਰਧਾਨਮੰਤਰੀ ਮੋਦੀ ਵੀ ਸ਼ਾਮਲ ਹੋਵੇ ਤਾਂ ਇਸ ਪਿੱਛੇ ਲੁਕੇ ਮਨੋਰਥ ਨੂੰ ਸਮਝਣਾ ਅਕਲ ਵਾਲੇ ਲੋਕਾਂ ਲਈ ਕੋਈ ਰਾਕੇਟ ਸਾਈਂਸ #rocketscience ਨਹੀਂ।

🙏 ਗੁਰਬਾਣੀ ਤਾਂ ਗੁਰੂ ਦੇ ਉਪਦੇਸ਼ ਨੂੰ ਗੁਰੂ ਦੇ ਚਰਣ ਆਖਦੀ ਹੈ...
ਹਿਰਦੈ ਚਰਣ ਸਬਦੁ ਸਤਿਗੁਰ ਕੋ ਨਾਨਕ ਬਾਂਧਿਓ ਪਾਲ ॥੨॥੭॥੩੮॥ {ਪੰਨਾ 680}

▪️ ਅਰਥ: ਜਿਸ ਮਨੁੱਖ ਨੇ ਸਤਿਗੁਰੂ ਦੀ ਬਾਣੀ ਪੱਲੇ ਬੰਨ੍ਹ ਲਈ ਉਸ ਦੇ ਹਿਰਦੇ ਵਿਚ ਗੁਰੂ ਦੇ ਉਪਦੇਸ਼ ਰੂਪੀ ਚਰਣ ਵਸੇ ਰਹਿੰਦੇ ਹਨ।

👇 ਹੋਰ ਵੀ ਪ੍ਰਮਾਣ ਹਨ, ਜਿਨ੍ਹਾਂ ਤੋਂ ਸਾਫ ਪਤਾ ਲਗਦਾ ਹੈ ਕਿ ਗੁਰੂ ਦੇ ਚਰਣ, ਗੁਰੂ ਦਾ ਉਪਦੇਸ਼ ਹਨ, ਨਾ ਕਿ ਪੈਰ:

- #ਚਰਣ ਭਜੇ ਪਾਰਬ੍ਰਹਮ ਕੇ ਸਭਿ ਜਪ ਤਪ ਤਿਨਹੀ ਕੀਤਿ ॥ ਮ:5, ਪੰਨਾਂ 48
- #ਚਰਣ ਕਮਲ ਗੁਰਿ ਧਨੁ ਦੀਆ ਮਿਲਿਆ ਨਿਥਾਵੇ ਥਾਉ ॥ ਮ:5, ਪੰਨਾਂ 48
- ਗੁਰ ਕੇ #ਚਰਣ ਸਰੇਵਣੇ ਤੀਰਥ ਹਰਿ ਕਾ ਨਾਉ ॥ ਮ:5, ਪੰਨਾਂ 52
- #ਚਰਣ ਕਮਲ ਕਰਿ ਬੋਹਿਥੁ ਕਰਤੇ ਸਹਸਾ ਦੂਖੁ ਨ ਬਿਆਪੈ ॥ ਮ:5, ਪੰਨਾਂ 79
- ਜਪਿ ਹਰਿ #ਚਰਣ ਮਿਟੀ ਖੁਧਿ ਤਾਸੁ ॥1॥ ਰਹਾਉ ॥ ਮ:5, ਪੰਨਾਂ 195

👳 ਪਰ ਜਦੋਂ ਸਿੱਖਾਂ ਨੇ ਗੁਰਬਾਣੀ ਪੜ੍ਹਨੀ, ਸਮਝਣੀ ਹੀ ਨਹੀਂ, ਬਸ ਮੱਥੇ ਟੇਕੀ ਜਾਣੇ ਹਨ, ਗੁਰਪੁਰਬਾਂ, ਦਿਵਾਲੀ, ਮੱਸਿਆ, ਪੂਰਨਮਾਸੀ, ਸੰਗਰਾਂਦਾਂ, ਨਵੇਂ ਸਾਲ ਆਦਿ 'ਤੇ ਹੇੜਾਂ ਦੀਆਂ ਹੇੜਾਂ ਗੁਰਦੁਆਰਿਆਂ ਦੀਆਂ ਸਿਰਫ ਗੋਲਕਾਂ ਭਰਣ 'ਤੇ ਲੱਗੀਆਂ ਹੋਣ, ਤਾਂ ਐਸੀ ਕੌਮੀ #ਦੁਰਦਸ਼ਾ ਹੋਣੀ ਸੁਭਾਵਕ ਹੈ, ਕਿ ਨਹੀਂ?❓

ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ। ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥ ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।

Disclaimer: Khalsanews.org does not necessarily endorse the views and opinions voiced in the news / articles / audios / videos or any other contents published on www.khalsanews.org and cannot be held responsible for their views.  Read full details....