Main News Page

⚠️ ਜਿਸ ਕੌਮ ਦਾ ਅਖੌਤੀ ਜਥੇਦਾਰ ਹੀ ਗੁਰਮਤਿ ਹੀਣਾ ਹੋਵੇ, ਤਾਂ ਉਸ ਕੌਮ ਦੇ ਲੋਕ ਤਾਂ ਜੁੱਤੀਆਂ ਨੂੰ ਮੱਥਾ ਟੇਕਣਗੇ ਹੀ, ਕਿ ਨਹੀਂ? ਆਹ ਗੜਗੱਜ ਬਾਰੇ ਬਹੁਤ ਪ੍ਰਚਾਰਿਆ ਗਿਆ ਕਿ ਇਹ ਮਿਸ਼ਨਰੀ ਕਾਲੇਜ ਵਿੱਚੋਂ ਪੜ੍ਹਿਆ ਹੈ, ਪਰ ਇਸਦੀਆਂ ਕਰਤੂਤਾਂ ਦਸਦੀਆਂ ਕਿ ਇਹ ਵੀ ਕਿਸੇ ਸੰਪਰਦਾਈ ਸਾਧ ਦਾ ਚੇਲਾ ਹੀ ਹੈ।

⛔ ਜਿਹੜਾ ਥਾਂ ਥਾਂ ਜਾਕੇ ਸਾਧਾਂ ਦੇ ਡੇਰਿਆਂ 'ਤੇ ਲਿਫਾਫੇ ਇੱਕਠਾ ਕਰਦਾ ਹੋਵੇ, ਤੇ ਗੁਰੂ ਗ੍ਰੰਥ ਸਾਹਿਬ ਦੇ ਨਾਲ ਸ਼ਸਤਰਾਂ ਨੂੰ ਬਾਰ ਬਾਰ ਮੱਥਾ ਟੇਕਦਾ ਹੋਵੇ, ਉਸ ਤੋਂ ਗੁਰਮਤਿ ਦੀ ਅਤੇ ਅਕਲ ਦੀ ਆਸ ਕਰਨੀ ਹੀ ਮੂਰਖਤਾ ਹੈ।

❗ ਜਿਹੜੇ ਤਖ਼ਤ #ਕੇਸਗੜ੍ਹ #ਸਾਹਿਬ ਦਾ ਇਹ #ਸ਼ਰਮਨਾਕ #ਦ੍ਰਿਸ਼ ਹੈ, ਜਿੱਥੇ ਗੁਰੂ ਗ੍ਰੰਥ ਸਾਹਿਬ ਤਾਂ ਬਾਹਰ #ਦਰਬਾਨ ਵਾਂਙ ਨਿੱਕੇ ਜਿਹੇ ਪੀੜ੍ਹੇ 'ਤੇ ਸੁਸ਼ੋਭਿਤ ਕੀਤੇ ਹੋਣ, ਤੇ ਅੰਦਰ ਵਿਸ਼ੇਸ਼ ਕਮਰੇ ਵਿੱਚ ਸ਼ਸਤਰ ਰੱਖੇ ਹੋਣ, ਉਹ ਵੀ ਵੱਡੇ ਤਖ਼ਤ ਉੱਤੇ, ਤਾਂ ਸਿੱਖ ਅਖਵਾਉਣ ਵਾਲਿਆਂ ਨੂੰ ਸਮਝ ਲੈਣਾ ਚਾਹੀਦਾ ਹੈ ਕਿ ਗੁਰੂ ਗ੍ਰੰਥ ਸਾਹਿਬ ਨਾਲੋਂ ਇਹ ਸ਼ਸਤਰ ਜ਼ਿਆਦਾ ਅਹਿਮੀਅਤ ਰੱਖਦੇ ਹਨ।

🧿 ਮੰਨਿਆ ਕਿ ਇਹ ਸ਼ਸਤਰ ਗੁਰੂ ਸਾਹਿਬ ਦੇ ਹੋ ਸਕਦੇ ਹਨ, ਤਾਂ ਇਨ੍ਹਾਂ ਨੂੰ ਅਜਾਇਬਘਰ ਵਿੱਚ ਰੱਖੋ, ਨਾ ਕਿ ਗੁਰੂ ਨੂੰ ਇਨ੍ਹਾਂ ਸ਼ਸਤਰਾਂ ਦਾ #ਅਰਦਲੀ, #ਚੋਬਦਾਰ, #ਸੇਵਾਦਾਰ ਬਣਾ ਕੇ ਬਾਹਰ ਰੱਖੋ। ਸਿੱਖ ਲਈ ⚔️🏹 #ਸ਼ਸਤਰ ਵਿਸ਼ੇਸ਼ ਹਨ, ਪਰ ਸ਼ਸਤਰ ਪੀਰ ਨਹੀਂ, ਗੁਰੂ ਨਹੀਂ। ਗੁਰੂ ਸਿਰਫ ਤੇ ਸਿਰਫ ਗੁਰੂ ਗ੍ਰੰਥ ਸਾਹਿਬ ਹਨ।

🙏 ਜਦੋਂ ਗੁਰਬਾਣੀ ਵਿੱਚ ਗੁਰੂ ਨਾਨਕ ਸਾਹਿਬ ਆਖ ਰਹੇ ਹੋਣ...
ਸੋਰਠਿ ਮਹਲਾ ੧ ਘਰੁ ੧ ਅਸਟਪਦੀਆ ਚਉਤੁਕੀ ੴ ਸਤਿਗੁਰ ਪ੍ਰਸਾਦਿ ॥
👉 #ਦੁਬਿਧਾ ਨ ਪੜਉ ਹਰਿ ਬਿਨੁ ਹੋਰੁ ਨ ਪੂਜਉ ਮੜੈ ਮਸਾਣਿ ਨ ਜਾਈ ॥.......
ਸਬਦੁ ਗੁਰ ਪੀਰਾ ਗਹਿਰ ਗੰਭੀਰਾ ਬਿਨੁ ਸਬਦੈ ਜਗੁ ਬਉਰਾਨੰ ॥

▪️ ਅਰਥ: ਮੈਂ ਅਕਾਲਪੁਰਖ ਤੋਂ ਬਿਨਾ ਕਿਸੇ ਹੋਰ ਆਸਰੇ ਦੀ ਭਾਲ ਵਿਚ ਨਹੀਂ ਪੈਂਦਾ, ਮੈਂ ਪ੍ਰਭੂ ਤੋਂ ਬਿਨਾ ਕਿਸੇ ਹੋਰ ਨੂੰ ਨਹੀਂ ਪੂਜਦਾ, ਮੈਂ ਕਿਤੇ ਸਮਾਧਾਂ ਤੇ ਮਸਾਣਾਂ ਵਿਚ ਭੀ ਨਹੀਂ ਜਾਂਦਾ। ਅਖੀਰ 'ਤੇ ਜਾ ਕੇ ਆਖਦੇ ਹਨ ਕਿ ਗੁਰੂ ਪੀਰ ਦੇ ਸ਼ਬਦ ਨੂੰ (ਹਿਰਦੇ ਵਿਚ ਟਿਕਾ ਕੇ) ਉਹ ਗਹਿਰ ਗੰਭੀਰ (ਡੂੰਘੇ ਜਿਗਰੇ) ਵਾਲਾ ਬਣ ਜਾਂਦਾ ਹੈ। ਪਰ ਗੁਰ-ਸ਼ਬਦ ਤੋਂ ਖੁੰਝ ਕੇ ਜਗਤ (ਮਾਇਆ ਦੇ ਮੋਹ ਵਿਚ) ਬਉਰਾਨਾ (ਕਮਲਾ) ਹੋਇਆ ਫਿਰਦਾ ਹੈ।

📛 ਕੀ ਕਦੇ ਇਸ ਅਖੌਤੀ ਜਥੇਦਾਰ ਨੇ ਇਹ ਸ਼ਬਦ ਨਾ ਪੜ੍ਹਿਆ ਹੋਊ? ਲਗਦਾ ਤਾਂ ਨਹੀਂ, ਇਸੇ ਲਈ ਬਉਰਾਨੇ ਦੀ ਤਰ੍ਹਾਂ ਕਮਲਾ ਹੋਇਆ ਥਾਂ ਥਾਂ ਮੱਥੇ ਟੇਕੀ ਜਾਂਦਾ।

👳 ਸਿੱਖ ਅਖਵਾਉਣ ਵਾਲੇ ਆਖੀ ਤਾਂ ਜਾਂਦੇ ਹਨ ਕਿ ਸਾਡਾ ਗੁਰੂ, ਗੁਰੂ ਗ੍ਰੰਥ ਸਾਹਿਬ ਹੈ, ਪਰ ਮੰਨ ਉਹ ਅਖੌਤੀ ਦਸਮ ਗ੍ਰੰਥ ਨੂੰ ਰਹੇ ਹਨ, ਜਿੱਥੇ ਲਿਖਿਆ ਹੈ...
❌ ਅਸ ਕ੍ਰਿਪਾਨ ਖੰਡੋ ਖੜਗ ਤੁਪਕ ਤਬਰ ਅਰੁ ਤੀਰ ॥
ਸੈਫ ਸਰੋਹੀ ਸੈਹਥੀ ਯਹੈ ਹਮਾਰੈ ਪੀਰ ॥੩॥
ਪੰਨਾ ਨੰ. 717 ਬਚਿਤ੍ਰ ਨਾਟਕ ਗ੍ਰੰਥ

💥 ਕੀ ਇਹ ਕਹਿਣਾ ਜਾਇਜ਼ ਨਹੀਂ ਕਿ ਜੁੱਤੀਆਂ ਤੇ ਸ਼ਸਤਰ ਹੀ ਸਿੱਖਾਂ ਦੇ ਗੁਰੂ ਹਨ, ਨਾ ਕਿ ਗੁਰਬਾਣੀ? ਕੀ ਇਹ ਕੌਮ ਗੁਰੂ ਦ੍ਰੋਹੀ ਨਹੀਂ? ਗੁਰੂ ਗ੍ਰੰਥ ਸਾਹਿਬ ਤਾਂ ਸਿਰਫ ਮੱਥੇ ਟੇਕਣ, ਵਿਆਹ ਸ਼ਾਦੀਆਂ, ਜੰਮਣ ਮਰਣ ਆਦਿ ਦੇ ਰਸਮਾਂ ਰਿਵਾਜ਼ਾਂ ਲਈ ਹੀ ਰਹਿ ਗਿਆ ਹੈ, ਤੇ ਗੁਰਦੁਆਰਾ ਕਮੇਟੀਆਂ ਲਈ ਕਮਾਈ ਦਾ ਜ਼ਰੀਆ, ਕਿ ਨਹੀਂ?❓

ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ। ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥ ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।

Disclaimer: Khalsanews.org does not necessarily endorse the views and opinions voiced in the news / articles / audios / videos or any other contents published on www.khalsanews.org and cannot be held responsible for their views.  Read full details....