Main News Page

👉 ਇੱਕ ਵੀਰ ਪੁੱਛਦਾ ਸੀ ਤੁਹਾਡੇ ਪ੍ਰਚਾਰਕ, ਰਾਗੀ, ਢਾਡੀ ਸਟੇਜਾਂ 'ਤੇ ਬਹੁਤ ਰੌਲਾ ਪਾਉਂਦੇ ਹਨ ਕਿ "ਸਿੱਖ ਕੌਮ ਇੱਕ ਵੱਖਰੀ ਕੌਮ ਹੈ", ਕਹਿੰਦਾ ਮੈਨੂੰ ਦੱਸੋ ਤੁਹਾਡਾ ਕੀ ਵੱਖਰਾ ਹੈ? ਲੈ ਬਈ ਵੀਰਾ ਆ ਥੱਲੇ ਲਿਖੇ ਕੁੱਝ ਕੁ ਪੁਆਇੰਟ ਧਿਆਨ ਨਾਲ ਅੱਖਾਂ ਖੋਲ ਕੇ ਪੜ ਲੈ, ਤੇ ਜਿਹੜੇ ਲਿਖਣੋਂ ਰਹਿ ਗਏ ਉਹ ਹੁਣ ਤੈਨੂੰ ਆਪਣੇ ਆਪ ਹੀ ਸਮਝ ਆ ਜਾਣਗੇ ਕਿ ਸਾਡਾ ਕੀ ਵੱਖਰਾ ਹੈ..!✍️

🔹 ਉਹ ਸ਼ਿਵਲਿੰਗ, ਨੰਦੀ ਬਲਦ ਤੇ ਚੂਹੇ ਨੂੰ ਪੂਜਦੇ ਹਨ, ਤੇ ਅਸੀਂ ਬੇਰੀ, ਸ਼ਸਤਰਾਂ, ਜੁੱਤੀਆਂ, ਨਿਸ਼ਾਨ ਸਾਹਿਬ ਆਦਿ ਨੂੰ ਮੱਥੇ ਟੇਕਦੇ ਹਾਂ
🔸 ਉਹ ਪੱਥਰਾਂ ਨੂੰ ਦੁੱਧ ਨਾਲ ਸ਼ੁੱਧ ਕਰਦੇ ਹਨ, ਤੇ ਅਸੀਂ ਨਿਸ਼ਾਨ ਸਾਹਿਬ ਦੇ ਚਬੂਤਰੇ ਤੇ ਫ਼ਰਸ਼ ਨੂੰ ਸ਼ੁੱਧ ਕਰਦੇ ਹਾਂ
🔹 ਉਹ ਮੂਰਤੀਆਂ ਨੂੰ ਭੋਗ ਲਵਾਉਂਦੇ ਨੇ, ਤੇ ਅਸੀਂ ਕਿਰਪਾਨ ਨਾਲ ਕੜਾਹ ਤੇ ਲੰਗਰ ਨੂੰ ਭੋਗ ਲਵਾਉਂਦੇ ਹਾਂ
🔸 ਉਹ ਦੇਵੀ ਦੇਵਤਿਆਂ ਦੀਆਂ ਤਸਵੀਰਾਂ ਨੂੰ ਪੂਜਦੇ ਨੇ, ਤੇ ਅਸੀਂ ਸੋਭਾ ਸਿੰਘ ਦੀਆਂ ਬਣਾਈਆਂ ਮਿਥਿਹਾਸਕ ਤਸਵੀਰਾਂ ਨੂੰ ਗੁਰੂਆਂ ਦੀਆਂ ਕਹਿ ਕੇ ਪੂਜਦੇ ਹਾਂ
🔹 ਉਹ ਟੱਲ ਖੜਕਾਉਂਦੇ ਨੇ, ਤੇ ਅਸੀਂ ਸ਼ੰਖ, ਘੰਟੀ ਤੇ ਨਗਾਰਾ ਖੜਕਾਉਂਦੇ ਹਾਂ
🔸 ਉਹ ਮੂਰਤੀਆਂ ਦੀ ਆਰਤੀ ਕਰਦੇ ਹਨ, ਤੇ ਅਸੀਂ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਆਰਤੀ ਕਰਦੇ ਹਾਂ
🔹 ਉਹ ਮੂਰਤੀਆਂ ਨੂੰ ਸੁਨਹਿਰੀ ਕੱਪੜਿਆਂ ਵਿੱਚ ਢਕਦੇ ਨੇ, ਤੇ ਅਸੀਂ ਗੁਰੂ ਗ੍ਰੰਥ ਸਾਹਿਬ ਜੀ ਨੂੰ ਸੁਨਹਿਰੀ ਕੱਪੜਿਆਂ ਵਿੱਚ ਢਕਦੇ ਹਾਂ
🔸 ਉਹ ਮੂਰਤੀਆਂ ਨੂੰ ਲੱਦ ਕੇ ਧਾਰਮਿਕ ਜਲੂਸ ਕੱਢਦੇ ਨੇ, ਤੇ ਅਸੀਂ ਗੁਰੂ ਗ੍ਰੰਥ ਸਾਹਿਬ ਜੀ ਨਾਲ ਧਾਰਮਿਕ ਜਲੂਸ ਕੱਢਦੇ ਹਾਂ
🔹 ਉਹ ਹਵਨ ਤੇ ਯੱਗ ਕਰਦੇ ਨੇ, ਤੇ ਅਸੀਂ ਅਖੰਡ ਪਾਠਾਂ ਦੀਆਂ ਲੜੀਆਂ, ਯੱਗ ਵੀ ਕਰਦੇ ਹਾਂ
🔸 ਉਹਨਾਂ ਮਨੁੱਖਤਾ ਨੂੰ ਬ੍ਰਾਹਮਣ, ਖੱਤਰੀ, ਵੈਸ਼, ਸ਼ੂਦਰ ਵਿੱਚ ਵੰਡਿਆ ਹੈ, ਤੇ ਅਸੀਂ ਜੱਟ, ਮਜ਼ਬੀ, ਰਵਿਦਾਸੀਏ, ਅਰੋੜੇ, ਭਾਪਿਆਂ ਆਦਿ ਦੇ ਨਾਮ 'ਤੇ ਗੁਰਦੁਆਰੇ ਤੇ ਸ਼ਮਸ਼ਾਨ ਘਾਟ ਉਸਾਰੇ ਹੋਏ ਨੇ..!
🔹 ਉਹ ਹਰਿਦੁਆਰ ਅਸਥੀਆਂ ਪਾਉਂਦੇ ਹਨ, ਅਸੀਂ ਕੀਰਤਪੁਰ
--------------------------------------
👇 ਆਹ ਹੇਠਾਂ ਹੋਰ ਜੋੜੇ ਹਨ, ਤੇ ਹੋਰ ਵੀ ਬਹੁਤ ਹੋ ਸਕਦੇ ਹਨ...
-: ਸੰਪਾਦਕ ਖ਼ਾਲਸਾ ਨਿਊਜ਼

🔹 ਉਹ ਪੂਜਾ ਕਰਕੇ ਪੁਜਾਰੀ ਅਖਵਾਉਂਦੇ ਹਨ, ਅਸੀਂ ਗ੍ਰੰਥੀ, ਪਾਠੀ, ਅਰਦਾਸੀਆ
🔸 ਉਹ ਰਾਮਾਇਣ, ਮਹਾਭਾਰਤ ਦਾ ਅਖੰਡ ਪਾਠ ਕਰਦੇ ਹਨ, ਅਸੀਂ ਗੁਰੂ ਗ੍ਰੰਥ ਸਾਹਿਬ ਦਾ
🔹 ਉਹ ਭੇਟਾਂ ਗਾਉਣ ਵਾਲੇ, ਸਾਡੇ ਵਾਲੇ ਰਾਗ ਛੱਡ ਗਾਣਿਆਂ ਦੀ ਤਰਜ਼ਾਂ ਤੇ ਬਾਣੀ ਗਾਉਣ ਵਾਲੇ, ਅਜ਼ਾਨ ਵਾਂਙ ਹੇਕ ਲਾਉਣ ਵਾਲੇ
🔸 ਉਹ ਦੁਰਗਾ, ਸ਼ਿਵ ਅਤੇ ਹੋਰਨਾਂ ਨੂੰ ਪੂਜਦੇ ਹਨ, ਅਸੀਂ ਵੀ ਦੁਰਗਾ ਅੱਗੇ ਰੋਜ਼ ਅਰਦਾਸ ਕਰਦੇ ਹਾਂ, ਮਹਾਂਕਾਲ ਨੂੰ ਪੂਜਦੇ ਹਾਂ
🔹 ਉਹ ਖੀਰ ਪੂੜੇ ਖਾਂਦੇ ਹਨ, ਅਸੀਂ ਕੜਾਹ ਪ੍ਰਸ਼ਾਦ
🔸 ਉਹ ਜਨੇਊ ਪਾਉਂਦੇ ਹਨ, ਅਸੀਂ ਗਾਤਰਾ
🔹 ਉਹ ਸ਼ੰਖ, ਘੜਿਆਲ ਵਜਾਉਂਦੇ ਹਨ, ਅਸੀਂ ਵੀ
🔸 ਉਹ ਮਾਲਾ, ਰੁਦ੍ਰਾਕਸ਼ ਪਾਉਂਦੇ ਹਨ, ਅਸੀਂ ਵੀ
🔹 ਉਹ ਵੇਦਾਂ, ਉਪਨਿਸ਼ਦ, ਗੀਤਾ ਦਾ ਕਹਿਣਾ ਨਹੀਂ ਮੰਨਦੇ, ਅਸੀਂ ਵੀ ਗੁਰੂ ਗ੍ਰੰਥ ਸਾਹਿਬ ਦੀ ਨਹੀਂ ਮੰਨਦੇ
🔸 ਉਹ ਪੁਰਾਣਾਂ ਦੀਆਂ ਜਾਦੂਮਈ ਕਥਾ ਕਹਾਣੀਆਂ ਸੁਣੀ ਜਾਂਦੇ, ਅਸੀਂ ਵੀ ਸੂਰਜ ਪ੍ਰਕਾਸ਼, ਅਖੌਤੀ ਦਸਮ ਗ੍ਰੰਥ, ਗੁਰ ਬਿਲਾਸ ਪਾ.6/10 ਵੀਂ, ਬਾਲੇ ਵਾਲੀ ਜਨਮਸਾਖੀ, ਸੌ ਸਾਖੀ, ਅਤੇ ਹੋਰ ਕੂੜ ਕਬਾੜ ਸਾਖੀਆਂ ਸੁਣੀ ਜਾਂਦੇ
🔹 ਉਹ ਤਸਵੀਰਾਂ, ਮੂਰਤੀਆਂ ਨੂੰ ਪੂਜਦੇ, ਅਸੀਂ ਵੀ

💢............ ਫਿਰ ਫਰਕ ਕਿੱਥੇ ਹੈ?❓ ਬਸ #ਭੇਖ ਦਾ ਫਰਕ... ਤੇ #ਗੁਰਬਾਣੀ ਭੇਖ ਨੂੰ ਮੰਨਦੀ ਹੀ ਨਹੀਂ... ਗੁਰੂ ਨਾਨਕ ਸਾਹਿਬ ਆਖਦੇ ਹਨ...

▪️ ਭੇਖ ਵਰਨ ਦੀਸਹਿ ਸਭਿ ਖੇਹ ॥ ਪੰਨਾਂ 352
ਝੂਠ ਆਦਿਕ ਵਿਕਾਰ ਸਰੀਰ ਵਾਸਤੇ ਭਾਰੀ ਕਸ਼ਟ (ਦਾ ਮੂਲ) ਜਾਪਦੇ ਹਨ, (ਜਗਤ-ਵਿਖਾਵੇ ਵਾਲੇ) ਸਾਰੇ ਧਾਰਮਿਕ ਭੇਖ ਤੇ ਵਰਨ (ਆਸ਼੍ਰਮਾਂ ਦਾ ਮਾਣ) ਮਿੱਟੀ ਸਮਾਨ ਦਿੱਸਦੇ ਹਨ।

▪️ ਸਲੋਕ ॥ ਅਨਿਕ ਭੇਖ ਅਰੁ ਙਿਆਨ ਧਿਆਨ ਮਨਹਠਿ ਮਿਲਿਅਉ ਨ ਕੋਇ ॥
ਕਹੁ ਨਾਨਕ ਕਿਰਪਾ ਭਈ ਭਗਤੁ ਙਿਆਨੀ ਸੋਇ ॥੧॥ ਪੰਨਾਂ 251

📛 ਅਨੇਕਾਂ ਧਾਰਮਿਕ ਭੇਖ ਕੀਤਿਆਂ, ਧਰਮ-ਚਰਚਾ ਕਰਨ ਨਾਲ, ਮਨ ਦੇ ਹਠ ਨਾਲ ਸਮਾਧੀਆਂ ਲਾਇਆਂ ਕੋਈ ਮਨੁੱਖ ਪਰਮਾਤਮਾ ਨੂੰ ਨਹੀਂ ਮਿਲ ਸਕਦਾ। ਹੇ ਨਾਨਕ! ਆਖ– ਜਿਸ ਤੇ ਪ੍ਰਭੂ ਦੀ ਮਿਹਰ ਹੋਵੇ, ਉਹੀ ਭਗਤ ਬਣ ਸਕਦਾ ਹੈ, ਉਹੀ ਪਰਮਾਤਮਾ ਨਾਲ ਡੂੰਘੀ ਸਾਂਝ ਪਾ ਸਕਦਾ ਹੈ।1।

🎯 ਵਖਰੇ ਹੋਣ ਲਈ ਗੁਰੂ ਦੀ ਬਾਣੀ ਦਾ ਆਸਰਾ ਲੈਣਾ ਪੈਣਾ, ਜੋ ਕਿ ਅਸੀਂ ਛੱਡ ਚੁਕੇ ਹਾਂ, ਪਾਠ ਕਰਨਾ ਬਾਣੀ ਦਾ ਸਹਾਰਾ ਲੈਣਾ ਨਹੀਂ, #ਪਾਠ #Lesson ਹੈ, ਉਸ ਤੋਂ ਅਗਾਂਹ ਵੱਧਣਾ ਹੈ, ਪਰ ਅਸੀਂ ਇਸੇ ਪੌਡੇ ਦੇ ਖੜੇ ਟਪੂਸੀਆਂ ਮਾਰੀ ਜਾ ਰਹੇ ਹਾਂ, ਤੇ ਸਦੀਆਂ ਤੋਂ ਉਥੇ ਹੀ ਖੜੇ ਹਾਂ, ਤੇ ਸਿਰਫ ਦਮਗੱਜੇ ਹੀ ਮਾਰ ਰਹੇ ਹਾਂ, ਫਰਕ ਕੋਈ ਨਹੀਂ, ਕੋਈ ਵਿਰਲਾ ਹੀ ਹੋਣਾ। ਸਾਡੀ ਦੌੜ ਕੰਨ (ਧੁਨਾਂ Tunes) ਤੋਂ ਢਿੱਡ (ਲੰਗਰ) ਤੱਕ ਦੀ ਹੀ ਹੈ। ਕਿ ਨਹੀਂ?❓

👉 #ਬਾਹਰਲਾ ਭੇਖ #ਕੌਮੀ ਹੈ, #ਧਰਮ ਨਾਲ ਇਸਦਾ ਕੋਈ ਸਰੋਕਾਰ ਨਹੀਂ।

ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ। ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥ ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।

Disclaimer: Khalsanews.org does not necessarily endorse the views and opinions voiced in the news / articles / audios / videos or any other contents published on www.khalsanews.org and cannot be held responsible for their views.  Read full details....