Main News Page

⛔ ਗੁਰੂ ਤੋਂ ਆਕੀ #ਸ਼੍ਰੀ #ਚੰਦ, ਸਾਧ #ਨਾਭ #ਕੰਵਲ ਅਤੇ #ਹਜ਼ਾਰਾ #ਸਿਓਂ ਨਿੱਕੇ ਘੁੰਮਣ ਵਾਲੇ ਵਰਗੇ ਜੇ ਸਿੱਖੀ ਦਾ ਪ੍ਰਚਾਰ ਕਰਦੇ ਰਹੇ ਹੋਣ, ਤੇ ਆਪਣੇ ਉੱਤੇ ਗੁਰਮਤਿ ਦਾ ਭੋਰਾ ਵੀ ਅਸਰ ਨਾ ਹੋਇਆ ਹੋਵੇ, ਤੇ ਲੋਕ ਇਨ੍ਹਾਂ ਮਲੰਗਾਂ ਨੂੰ ਬ੍ਰਹਮਗਿਆਨੀ ਆਖਦੇ ਹੋਣ, ਤਾਂ ਸਿੱਖੀ ਦਾ ਬੇੜਾ ਗਰਕ ਹੋਣ ਤੋਂ ਕੋਈ ਨਹੀਂ ਬਚਾ ਸਕਦਾ।

✅ #ਕਬੀਰ ਸਾਚਾ ਸਤਿਗੁਰੁ ਕਿਆ ਕਰੈ ਜਉ ਸਿਖਾ ਮਹਿ ਚੂਕ ॥
ਅੰਧੇ ਏਕ ਨ ਲਾਗਈ ਜਿਉ ਬਾਂਸੁ ਬਜਾਈਐ ਫੂਕ ॥158॥ ਪੰਨਾਂ 1372

#ਕਬੀਰ ਸਾਹਿਬ ਫੁਰਮਾਉਂਦੇ ਹਨ... ਜੇ ਸਿੱਖਾਂ ਵਿਚ ਉਕਾਈ ਹੋਵੇ, ਤਾਂ ਸਤਿਗੁਰੂ ਭੀ ਕੁਝ ਸੰਵਾਰ ਨਹੀਂ ਸਕਦਾ, ਜੋ ਮਨੁੱਖ ਅਹੰਕਾਰ ਵਿਚ ਅੰਨ੍ਹਾ ਹੋਇਆ ਰਹੇ, ਗੁਰੂ ਦੀ ਸਿੱਖਿਆ ਦੀ ਕੋਈ ਭੀ ਗੱਲ ਉਸ ਨੂੰ ਪੋਹ ਨਹੀਂ ਸਕਦੀ। ਜਿਵੇਂ ਫੂਕ ਮਾਰਿਆਂ ਬਾਂਸ (ਦੀ ਬੰਸਰੀ) ਵੱਜਣ ਲੱਗ ਪੈਂਦੀ ਹੈ (ਪਰ ਫੂਕ ਇਕ ਸਿਰੇ ਤੋਂ ਲੰਘ ਕੇ ਦੂਜੇ ਸਿਰੇ ਰਾਹ ਬਾਹਰ ਨਿਕਲ ਜਾਂਦੀ ਹੈ, ਤਿਵੇਂ ਅਹੰਕਾਰੀ ਦੇ ਇਕ ਕੰਨ ਤੋਂ ਦੂਜੇ ਕੰਨ ਰਾਹੀਂ ਉਹ ਸਿੱਖਿਆ ਅਸਰ ਕਰਨ ਤੋਂ ਬਿਨਾ ਹੀ ਨਿਕਲ ਜਾਂਦੀ ਹੈ।)

🪬 ਨੰਗੇ ਰਹਿਣ, ਪੈਦਲ ਤੁਰਣ, ਮੌਨ ਰੱਖਣ ਵਾਲੇ, ਸਿਰ 'ਚ ਸਵਾਹ ਪਾੳਣ ਵਾਲੇ, ਜਟਾਵਾਂ ਰੱਖਣ ਆਦਿ ਨੂੰ ਧਰਮ ਸਮਝਣ ਵਾਲੇ ਬਾਰੇ ਵੀ ਗੁਰਬਾਣੀ ਆਖਦੀ ਹੈ:

ਬਸਤ੍ਰ ਨ ਪਹਿਰੈ ਅਹਿਨਿਸਿ ਕਹਰੈ ॥ ਮੋਨਿ ਵਿਗੂਤਾ ਕਿਉ ਜਾਗੈ ਗੁਰ ਬਿਨੁ ਸੂਤਾ ॥
ਪਗ ਉਪੇਤਾਣਾ ਅਪਣਾ ਕੀਆ ਕਮਾਣਾ ॥ ਅਲੁ ਮਲੁ ਖਾਈ ਸਿਰਿ ਛਾਈ ਪਾਈ ॥
ਮੂਰਖਿ ਅੰਧੈ ਪਤਿ ਗਵਾਈ ॥
☝️..... ਤੇ ਇਹ ਸਾਰੇ ਕੰਮ ਸ਼੍ਰੀ ਚੰਦ ਕਰਦਾ ਰਿਹਾ, ਜਿਸ ਨੂੰ ਅਜੋਕੇ ਸਿੱਖ ਗੁਰੂ ਪੁੱਤਰ ਮੰਨ ਕੇ ਪੂਜੀ ਜਾ ਰਹੇ ਹਨ। ਵਾਹ!

🙏 ਗੁਰਬਾਣੀ ਵਿੱਚ "ਰਾਮਕਲੀ ਕੀ ਵਾਰ ਰਾਇ ਬਲਵੰਡ ਤਥਾ ਸਤੈ ਡੂਮਿ ਆਖੀ " ਹੇਠ ਲਿਖਿਆ ਹੈ...
ਪੁਤ੍ਰੀ ਕਉਲੁ ਨ ਪਾਲਿਓ ਕਰਿ ਪੀਰਹੁ ਕੰਨ੍‍ ਮੁਰਟੀਐ ॥
ਦਿਲਿ ਖੋਟੈ ਆਕੀ ਫਿਰਨ੍‍ ਬੰਨ੍‍ ਭਾਰੁ ਉਚਾਇਨ੍‍ ਛਟੀਐ ॥ ਪੰਨਾਂ 966

✍️ ਭਾਈ ਗੁਰਦਾਸ ਜੀ ਵੀ ਲਿਖਦੇ ਹਨ..
ਉਲਟੀ ਗੰਗ ਵਹਾਈਓਨਿ ਗੁਰ ਅੰਗਦੁ ਸਿਰਿ ਉਪਰਿ ਧਾਰਾ ॥
ਪੁਤਰੀ ਕਉਲੁ ਨ ਪਾਲਿਆ ਮਨਿ ਖੋਟੇ ਆਕੀ ਨਸਿਆਰਾ ॥

😎 #ਅੰਧ #ਭਗਤਾਂ ਨੇ ਇਹ ਆਖ ਕੇ ਮੰਨਣਾ ਫਿਰ ਨਹੀਂ ਕਿ ਸ਼੍ਰੀ ਚੰਦ ਦਾ ਨਾਮ ਕਿੱਥੇ ਲਿਖਿਆ ਹੈ? ਤੇ ਉਹ ਲੋਕ ਗੁਰਬਾਣੀ ਆਪ ਪੜ੍ਹ ਕੇ ਦੇਖ ਲੈਣ ਕਿ ਇਹ ਤੁੱਕ ਲਿਖੀ ਕਿੱਥੇ ਹੈ, ਕਿਸ ਪ੍ਰਥਾਏ ਲਿਖੀ ਹੈ, ਤੇ ਕੀਹਨੇ ਲਿਖੀ ਹੈ, ਆਪਣੇ ਆਪ ਸਾਫ ਹੋ ਜਾਂਦਾ ਹੈ। ਪਰ ਜਦੋਂ ਮੈਂ ਨਾ ਮਾਨੂੰ ਵਾਲੀ ਬਿਰਤੀ ਹੋਵੇ ਤਾਂ ਕੁੱਝ ਨਹੀਂ ਕੀਤਾ ਜਾ ਸਕਦਾ। ਖੈਰ...

👳 ਇੱਕ ਪਾਸੇ ਦਾਹੜੀ ਕੱਟੇ ਬੰਦੇ ਨੂੰ ਅਕਾਲ ਤਖ਼ਤ 'ਤੇ ਪੇਸ਼ ਨਹੀਂ ਹੋਣ ਦਿੱਤਾ ਜਾਂਦਾ, ਵਖਰੇ ਕਮਰੇ ਵਿੱਚ ਸੱਦਿਆ ਜਾਂਦਾ ਕਿਉਂਕਿ ਉਹ ਪਤਿਤ ਆਖ ਦੁਰਕਾਰਿਆ ਜਾਂਦਾ ਹੈ, ਤੇ ਦੂਜੇ ਪਾਸੇ ਐਸੇ ਦਾਹੜੀ ਕੱਟੇ ਉਮਰ ਦਰਾਜ਼ ਬੰਦੇ ਨੂੰ ਪੂਰਣ ਬ੍ਰਹਮਗਿਆਨੀ ਧੰਨ ਧੰਨ ਬਾਬਾ ਹਜ਼ਾਰਾ ਸਿੰਘ ਆਖਿਆ ਜਾਂਦਾ ਹੈ, ਡੇਰਾ ਵੀ ਬਣਿਆ ਹੈ ਜਿੱਥੇ ਨਾਮੀ ਅਖਵਾਏ ਜਾਂਦੇ ਗੁਰਬਾਣੀ ਨੂੰ ਵਰਤ ਕੇ ਫਿਲਮੀ ਧੁਨਾਂ ਗਾਉਣ ਵਾਲੇ ਸਾਬਤ ਸੂਰਤ ਕਲਾਕਾਰ, ਸੰਘ ਪਾੜੂ ਢਾਡੀ, ਹੋਰ ਸਾਧ, ਖੱਪਗ੍ਰੇਡ ਸਾਧ ਢੱਡਰੀਆਂਵਾਲਾ ਤੇ ਹੋਰ ਅਨੇਕਾਂ ਪਖੰਡੀ, ਮੂਰਖ ਲੋਕਾਂ ਦੇ ਪੈਸੇ 'ਤੇ ਪਲਣ ਵਾਲੀਆਂ ਜੋਕਾਂ ਆਦਿ ਉਥੇ ਮੱਥਾ ਵੀ ਟੇਕਦੇ ਹਨ, ਤੇ ਪੈਸਾ ਵੀ ਚੜਾਉਂਦੇ ਹਨ।

🤔 ਸਭ ਤੋਂ ਵੱਧ ਹੈਰਾਨਗੀ ਉਦੋਂ ਹੁੰਦੀ ਹੈ ਜਦੋਂ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਹੀ ਪਖੰਡੀਆਂ ਦੇ ਡੇਰਿਆਂ ਨੂੰ ਪ੍ਰਫੁੱਲਤ Promote ਕਰਨ ਲੱਗ ਵਿਚ ਲਗੀ ਹੋਵੇ, ਸਿੱਖ ਕੌਮ ਦਾ ਰੱਬ ਹੀ ਰਾਖਾ ਹੈ। ਭਾਈ ਗੁਰਦਾਸ ਜੀ ਦੀ ਵਾਰ ਚੇਤੇ ਆਉਂਦੀ ਹੈ...

🚣 #ਬੇੜੀ ਡੋਬੈ ਪਾਤਣੀ ਕਿਉ ਪਾਰਿ ਉਤਾਰਾ ॥ ਆਗੂ ਲੈ ਉਝੜਿ ਪਵੈ ਕਿਸੁ ਕਰੈ ਪੁਕਾਰਾ ॥

ਜੇ ਕਿਸ਼ਤੀ (ਬੇੜੀ) ਨੂੰ ਪਾਰ ਉਤਰਣ ਵਾਲਾ ਆਪ ਹੀ ਬੇੜੀ ਡੋਬ ਦੇਵੇ, ਤਾਂ ਬੇੜੀ ਨੂੰ ਕੌਣ ਬਚਾ ਸਕਦਾ ਹੈ? ਇਸੇ ਤਰ੍ਹਾਂ ਜੇ ਆਗੂ ਹੀ ਲੋਕਾਂ ਨੂੰ #ਕੁਰਾਹੇ ਪਾਵੇ ਤਾਂ ਕਿਸ ਅੱਗੇ ਪੁਕਾਰ ਕੀਤੀ ਜਾਵੇ?

🎯 ਹੈ ਨਾ #ਮੂਰਖਾਂ ਵਾਲੇ ਕੰਮ ਸਿੱਖ ਕੌਮ ਦੇ? ਕੀ ਸਿੱਖ ਅਖਵਾਉਣ ਵਾਲਿਆਂ ਦਾ ਆਪਣੇ ਗੁਰੂ ਸਾਹਿਬਾਨਾਂ ਤੋਂ ਵਿਸ਼ਵਾਸ ਉੱਠ ਚੁਕਾ ਹੈ? ਕੀ ਸਿੱਖੀ ਹੁਣ ਇਨ੍ਹਾਂ ਮਲੰਗਾਂ ਦੇ ਸਹਾਰੇ ਹੈ?❓

ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ। ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥ ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।

Disclaimer: Khalsanews.org does not necessarily endorse the views and opinions voiced in the news / articles / audios / videos or any other contents published on www.khalsanews.org and cannot be held responsible for their views.  Read full details....