Main News Page

🧿 ਬੰਕਿਮ ਚੰਦਰ ਚੈਟਰਜੀ ਦੇ ਨਾਵਲ 'ਅਨੰਦ ਮੱਠ' ਵਿੱਚੋਂ ਲਿਆ ਗਿਆ ਗੀਤ 'ਵੰਦੇ ਮਾਤਰਮ' ਦੇਸ਼ ਨੂੰ ਦੁਰਗਾ ਦੇਵੀ ਦੇ ਰੂਪ ਵਿੱਚ ਪੇਸ਼ ਕਰਦਾ ਹੈ।

📒 ਬੰਕਿਮ ਚੰਦਰ ਚੈਟਰਜੀ ਦੇ ਨਾਵਲ 'ਅਨੰਦ ਮੱਠ' (Anandamath) ਵਿੱਚ, ਦੇਸ਼ (ਮਾਤ ਭੂਮੀ) ਨੂੰ ਸਿੱਧੇ ਤੌਰ 'ਤੇ ਦੇਵੀ ਦੁਰਗਾ (Goddess Durga) ਦੇ ਰੂਪ ਵਿੱਚ ਪਛਾਣਿਆ ਗਿਆ ਹੈ। ਗੀਤ 'ਵੰਦੇ ਮਾਤਰਮ' ਵਿੱਚ ਕਵੀ ਲਿਖਦੇ ਹਨ:

👉 "ਤ੍ਵੰ ਹੀ ਦੁਰਗਾ ਦਸ਼ਪ੍ਰਹਰਣਧਾਰਿਣੀ"👈
(ਤੂੰ ਹੀ ਦਸ ਹਥਿਆਰਾਂ ਵਾਲੀ ਦੇਵੀ ਦੁਰਗਾ ਹੈਂ)

👳 ਪਰ ਸਿੱਖੀ ਦਾ ਬੁਨਿਆਦੀ ਅਸੂਲ ਹੈ-"ਏਕਸੁ ਸਿਉ ਚਿਤੁ ਲਾਇ"। ਇੱਥੇ "ਮਾਤਰਮ੍" ਸ਼ਬਦ ਦਾ ਭਾਵ ਕੇਵਲ ਮਾਤ-ਭੂਮੀ ਜਾਂ ਧਰਤੀ ਨਹੀਂ ਹੈ, ਸਗੋਂ ਦੇਸ਼ ਨੂੰ ਦੁਰਗਾ ਦੇਵੀ ਦੇ ਰੂਪ ਵਿੱਚ ਮਾਨਤਾ ਦੇ ਕੇ ਉਸ ਦੀ ਉਪਾਸਨਾ ਕੀਤੀ ਗਈ ਹੈ। ਸਿੱਖ ਸਿਧਾਂਤ ਅਨੁਸਾਰ ਸਾਡਾ ਸੀਸ ਕੇਵਲ ਇੱਕ 'ਅਕਾਲ ਪੁਰਖ' ਅੱਗੇ ਹੀ ਝੁਕ ਸਕਦਾ ਹੈ। ਇਸ ਲਈ, ਕਿਸੇ ਦੇਵੀ ਜਾਂ ਮੂਰਤੀ ਦੀ ਬੰਦਨਾ ਕਰਨਾ ਸਿੱਖੀ ਮਰਯਾਦਾ ਅਤੇ ਗੁਰਮਤਿ ਦੇ ਉਲਟ ਹੈ, ਜਿਸ ਕਾਰਨ ਇੱਕ ਸਿੱਖ ਲਈ 'ਵੰਦੇ ਮਾਤਰਮ' ਦਾ ਉਚਾਰਨ ਕਰਨਾ ਪੂਰਨ ਤੌਰ 'ਤੇ ਵਰਜਿਤ (ਹਰਾਮ) ਹੈ।

🙏 ਸਿੱਖ ਧਰਮ ਦਾ ਬੁਨਿਆਦੀ ਸਿਧਾਂਤ 'ਇੱਕ ਅਕਾਲ ਪੁਰਖ' ਦੀ ਪੂਜਾ ਹੈ। ਗੁਰਬਾਣੀ ਦਾ ਫੁਰਮਾਨ ਹੈ: "ਸਾਹਿਬੁ ਮੇਰਾ ਏਕੋ ਹੈ ॥ ਏਕੋ ਹੈ ਭਾਈ ਏਕੋ ਹੈ ॥" (ਅੰਗ 350) ਜਦੋਂ 'ਵੰਦੇ ਮਾਤਰਮ' ਵਿੱਚ ਦੇਸ਼ ਨੂੰ ਇੱਕ 'ਦੇਵੀ' (ਦੁਰਗਾ ਜਾਂ ਕਾਲੀ) ਦੇ ਰੂਪ ਵਿੱਚ ਪੇਸ਼ ਕਰਕੇ ਉਸ ਦੀ ਬੰਦਨਾ ਕੀਤੀ ਜਾਂਦੀ ਹੈ, ਤਾਂ ਇਹ ਸਿੱਖੀ ਦੇ ਤੌਹੀਦ (Monotheism) ਜਾਂ ਇੱਕ ਪ੍ਰਮਾਤਮਾ ਦੇ ਸਿਧਾਂਤ ਨਾਲ ਸਿੱਧਾ ਟਕਰਾਉਂਦਾ ਹੈ। ਬੁੱਤ-ਪ੍ਰਸਤੀ ਅਤੇ ਦੇਵੀ ਪੂਜਾ ਦਾ ਖੰਡਨ ਸਿੱਖ ਵਿਚਾਰਧਾਰਾ ਦੇਵੀ-ਦੇਵਤਿਆਂ ਦੀ ਪੂਜਾ ਜਾਂ ਉਹਨਾਂ ਅੱਗੇ ਸਿਰ ਝੁਕਾਉਣ ਦੀ ਇਜਾਜ਼ਤ ਨਹੀਂ ਦਿੰਦੀ।
====================
✍️#ਟਿੱਪਣੀ: ਸੰਪਾਦਕ ਖ਼ਾਲਸਾ ਨਿਊਜ਼
💯 ਸ. ਅਜੈਪਾਲ ਸਿੰਘ ਦੇ ਇਸ ਲਿਖਤ ਦੇ ਵੀਚਾਰ ਬਿਲਕੁਲ ਸਹੀ ਹਨ।
ਨਾਲ ਨਾਲ ਸਾਨੂੰ ਵਿਚਾਰਨਾ ਤਾਂ ਇਹ ਵੀ ਪੈਣਾ ਹੈ ਕਿ ਅਸੀਂ ❗ਵੰਦੇ ਮਾਤਰਮ❗ ਦੀ ਥਾਂ ਉੱਤੇ ਕਿਤੇ ▪️"ਦੇਹ ਸ਼ਿਵਾ ਬਰ ਮੋਹਿ ਇਹੈ ਸੁਭ ਕਰਮਨ ਤੇ ਕਬਹੂੰ ਨਾ ਟਰੋਂ"▪️ ਨੂੰ ਨਾ ਚੱਕ ਲਈਏ! ਉਹ ਵੀ ਤਾਂ ਦੁਰਗਾ (ਸ਼ਿਵਾ = ਪਾਰਬਤੀ = ਦੁਰਗਾ) ਦੀ ਉਪਾਸਨਾ ਹੀ ਹੈ। ⚠️ ਫਿਰ ਸਿੱਖਾਂ ਦੀ ਆਖੀ ਜਾਂਦੀ #ਅਰਦਾਸ ਵੀ "ਪ੍ਰਿਥਮ ਭਗੌਤੀ ਸਿਮਰ ਕੈ..." ਇਥੇ ਵੀ ਭਗੌਤੀ = ਸ਼ਿਵਾ = ਪਾਰਬਤੀ = ਦੁਰਗਾ ਹੀ ਹੈ।

🚩 ਜਦੋਂ ਤੱਕ ਸਿੱਖ ਅਖਵਾੳਣ ਵਾਲੇ ਲਕੀਰ ਨਹੀਂ ਖਿੱਚਦੇ ਕਿ ਸਾਡਾ ਗੁਰੂ ਸਿਰਫ "ਗੁਰਬਾਣੀ" ਹੈ, ਜੋ ਕਿ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਵਿੱਚ ਦਰਜ ਹੈ (ੴ ਤੋਂ ਲੈ ਕੇ ਨਾਨਕ ਨਾਮੁ ਮਿਲੈ ਤਾਂ ਜੀਵਾਂ ਤਨੁ ਮਨੁ ਥੀਵੈ ਹਰਿਆ॥" ਤੱਕ (ਰਾਗਮਾਲਾ ਗੁਰਬਾਣੀ ਨਹੀਂ), ਤੱਦ ਤੱਕ ਭੰਬਲਭੂਸਾ ਬਣਿਆ ਰਹਿਣਾ। ਕਿ ਨਹੀਂ?❓

ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ। ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥ ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।

Disclaimer: Khalsanews.org does not necessarily endorse the views and opinions voiced in the news / articles / audios / videos or any other contents published on www.khalsanews.org and cannot be held responsible for their views.  Read full details....