ਪਿੱਛਲੇ ਸਮੇ ਅਸੀਂ ਸਿੱਖਸ ਫਾਰ ਜਸਟਿਸ ਦੀਆਂ ਗਤੀ ਵਿਧੀਆਂ ਬਾਰੇ
ਕੌਮ ਨੂੰ ਦੱਸਣ ਦੀ ਕੋਸ਼ਿਸ਼ ਕੀਤੀ ਸੀ ਕਿ ਮਿਸਟਰ ਗੁਰਪਤਵੰਤ ਪੰਨੂੰ ਐਂਡ ਪਾਰਟੀ ਦੀਆਂ
ਬਹੁਤੀਆਂ ਗੱਲਾਂ ਜਾਂ ਅਮਲ ਕੇਵਲ ਤੇ ਕੇਵਲ ਕੌਮ ਨੂੰ ਗੁੰਮਰਾਹ ਕਰਨ ਵਾਲੇ ਸ਼ੋਸ਼ੇ ਹੀ ਸਨ।
ਇਸ ਖ਼ਬਰ ਨੂੰ ਲੈ ਕੇ ਸਾਡੇ ਕੁਝ ਭਰਾਵਾਂ ਨੇ ਬੁਰਾ ਮਨਾਇਆ ਸੀ ਅਤੇ ਘੁਸਰ-ਮੁਸਰ ਵੀ ਕੀਤੀ
ਸੀ ਕਿ ਇਹ ਤਾਂ ਏਜੰਸੀਆਂ ਕਰਵਾ ਰਹੀਆਂ ਹਨ। ਇਥੇ ਤੱਕ ਕਿ ਕੁਝ ਭਰਾਵਾਂ ਤਾਂ ਇਸ ਖ਼ਬਰ
ਵਿਰੁਧ 'ਕਾਰ-ਸੇਵਾ' ਅਰੰਭਦਿਆਂ ਖ਼ਬਰਦਾਰ ਨੂੰ ਐਡਜ਼ ਦੇਣ ਵਾਲੇ ਕੁਝ ਲੋਕਾਂ ਤੱਕ ਵੀ ਪਹੁੰਚ
ਕੀਤੀ ਸੀ ਅਤੇ ਕੁਝ ਹੱਦ ਤੱਕ ਸ਼ਾਇਦ ਕਾਮਯਾਬ ਵੀ ਹੋਏ ਸਨ।
ਪਰ ਸਾਡੀ ਮੁਸ਼ਕਲ
ਹੀ ਇਹ ਹੈ ਕਿ ਅਸੀਂ ਗੱਲਾਂ ਦੇ ਕੜਾਹ ਉਪਰ ਬਹੁਤ ਛੇਤੀ ਰੀਝਦੇ ਹਾਂ ਅਤੇ ਵੱਡੀਆਂ ਅੱਤੇ
ਲੁਭਾਉਂਣੀਆਂ ਗੱਲਾਂ ਕਰਨ ਵਾਲਿਆਂ ਮਗਰ ਛੇਤੀ ਦੌੜ ਪੈਂਦੇ ਹਾਂ।
ਅਸੀਂ ਉਸ ਖ਼ਬਰ ਵਿਚ ਕੁੱਝ ਕਨੂੰਨੀ ਨੁਕਤੇ ਉਠਾਉਂਣ ਤੋਂ ਬਿਨਾ
ਇਹ ਵੀ ਸਾਬਤ ਕੀਤਾ ਸੀ ਕਿ ਮਿਸਟਰ ਪੰਨੂੰ ਐਂਡ ਪਾਰਟੀ ਦੇ ਬਾਦਲਾਂ ਦੇ ਜਰਖਰੀਦ ਮਿਸਟਰ
ਕਰਨੈਲ ਸਿੰਘ ਪੀਰ-ਮੁਹੰਮਦ ਨਾਲ ਸਬੰਧ ਹੀ ਨਹੀਂ ਬਲਕਿ 'ਸਿੱਖਸ ਫਾਰ ਜਸਟਿਸ' ਦਾ ਪੰਜਾਬ
ਦਾ ਸੰਚਾਲਕ ਹੀ ਉਹ ਹੈ। ਯਾਣੀ ਅਸਿੱਧੇ ਤੌਰ 'ਤੇ
ਸਿੱਖਸ ਫਾਰ ਜਸਟਿਸ ਬਾਦਲਾਂ ਦੇ ਹੱਥਾਂ ਵਿਚ ਹੈ!!! ਅਜਿਹੇ ਹਲਾਤਾਂ ਵਿਚ ਇਨਸਾਫ
ਕਿਥੇ ਤੇ ਕਿਹੜਾ ਖਾਲਿਤਸਤਾਨ? ਲੋਕਾਂ ਵਿਚ ਇਸ ਗੱਲ ਦੀ ਵੀ ਚਰਚਾ ਹੈ ਕਿ ਕਿਸੇ ਸੰਭਾਵੀ
ਨਵੀਂ ਉੱਠ ਰਹੀ ਲਹਿਰ ਦੇ ਖਦਸ਼ੇ ਕਾਰਨ ਅਗਲਿਆਂ ਪਹਿਲਾਂ ਹੀ ਬਾਨਣੂੰ ਬੰਨ ਰੱਖੇ ਹਨ ਅਤੇ
ਕੌਮ ਦਾ ਸਰਮਾਇਆ ਅਤੇ ਤਾਕਤ ਨੂੰ ਗਲਤ ਰਾਹਾਂ 'ਤੇ ਪਾ ਕੇ ਜ਼ਾਇਆ ਕੀਤਾ ਜਾ ਰਿਹਾ ਹੈ।
...ਅਤੇ ਹੁਣ ਤੱਕ ਕਿੰਨੇ ਕੁ ਮੁਲਕ ਹਨ ਜਿਹੜੇ ਨੈੱਟ 'ਤੇ ਬਣਾਏ ਜਾ
ਚੁੱਕੇ ਹਨ? ਇੰਟਰਨੈੱਟ ਦੇ ਯੁੱਗ ਦਾ ਮੱਤਲਬ ਇਹ ਹਰਗਿਜ਼ ਨਹੀਂ
ਕਿ ਤੁਸੀਂ ਘਰੇ ਬੈਠੇ ਉਂਗਲਾਂ ਮਾਰ ਕੇ ਕੋਈ ਮੁਲਕ ਖੜਾ ਕਰ ਲਵੋਂ! ਇਹ ਸਿਵਾਏ ਨਿਆਣਿਆਂ
ਦੀ ਖੇਡ ਤੋਂ ਕੁੱਝ ਨਹੀਂ।
ਲੋਕਾਂ ਵਿਚ ਤਾਂ ਇਹ ਵੀ ਚਰਚਾ ਹੈ ਕਿ 2020 ਦੇ ਨੇੜੇ ਜਾ ਕੇ
ਬੱਚਿਆਂ ਵਾਂਗ ਹੱਸ ਕੇ ਦਿਖਾ ਦਿੱਤਾ ਜਾਵੇਗਾ ਕਿ ਇਹ ਤਾਂ ਜੀ ਸਾਡਾ ਪ੍ਰਾਪੇਗੰਡਾ ਕਰਨ ਦਾ
ਤਰੀਕਾ ਸੀ, ਜਿਵੇਂ ਕਿ ਪਿੱਛਲੇ ਸਮੇਂ ਬਾਦਲਾਂ ਜਾਂ ਹੋਰਾਂ ਦੇ ਵਰੰਟ ਕਢਾਉਂਣ ਦੀਆਂ ਗੱਲਾਂ
ਵੇਲੇ ਹੋਇਆ ਹੈ। ਵਾਰ ਵਾਰ ਇੰਝ ਕਰਨ ਨਾਲ ਲੋਕਾਂ ਦਾ ਵਿਸਵਾਸ਼ ਉੱਠ ਜਾਏਗਾ ਅਤੇ ਉਹ ਅੱਗੇ
ਤੋਂ ਸੱਚੀਂ ਹੀ ਕਿਸੇ ਉੱਠਣ ਲੱਗੀ ਗੰਭੀਰ ਲਹਿਰ ਤੋਂ ਕਿਨਾਰਾ ਕਰ ਜਾਣਗੇ। ਇੰਝ ਗੁਰਬਖਸ਼
ਸਿੰਘ ਵੇਲੇ ਹੋਇਆ ਹੈ।
ਲਹਿਰਾਂ ਦਾ ਮੱਚ ਮਾਰਨ ਵਾਸਤੇ ਇਹ ਕਾਰਗਰ ਹਥਿਆਰ ਹੈ, ਕਿ ਸ਼ੇਰ ਆਇਆ
ਸ਼ੇਰ ਆਇਆ ਦਾ ਰੌਲਾ ਪਾ ਦਿਓ, ਪਰ ਜਦ ਆਵੇ ਤਾਂ ਲੋਕ ਹੀ ਨਾ ਆਉਂਣ। ਕਿਸੇ ਲਹਿਰ ਨੂੰ ਮਾਰਨ
ਲਈ ਊਠ ਦਾ ਬੁੱਲ ਦਿਖਾ ਦਿਉ ਨਾ ਉਹ ਡਿੱਗੇ ਨਾ ਝਾਕ ਮੁੱਕੇ, ਤੇ ਆਖਰ ਲੋਕ ਇਤਬਾਰ ਕਰਨਾ
ਹੀ ਛੱਡ ਦੇਣ। ਇੰਝ ਸਾਡੇ ਨਾਲ ਕਈ ਵਾਰ ਹੋਇਆ ਹੈ।
ਇੱਕ ਵਾਰੀ
ਜਦ ਗੁੰਮਟੀ ਵਾਲਾ ਕੋਈ ਸਾਧ ਸ਼ੋਸ਼ਾ ਛੱਡ ਕੇ ਬੈਠ ਗਿਆ ਕਿ 97 ਵਿਚ ਅਟਾਰੀ ਵਲੋਂ 96 ਕ੍ਰੋੜ
ਖਾਲਸਾ ਆਵੇਗਾ ਤੇ ਸਾਰੇ ਹਿੰਦੋਸਤਾਨ ਵਿਚ ਰਾਜ ਕਰੇਗਾ।
ਦੂਜੀ ਵਾਰ
ਜਦ ਬਾਬਾ ਠਾਕੁਰ ਸਿਉਂ 22 ਸਾਲ ਸਿੱਖਾਂ ਨੂੰ ਲਾਰਾ ਲਾਈ ਗਿਆ ਕਿ ਬਾਬਾ ਜਰਨੈਲ ਸਿੰਘ ਆ
ਰਹੇ ਨੇ ਤੇ ਬੱਅਸ ਆ ਹੀ ਰਹੇ ਨੇ।
ਮਿਸਟਰ ਪੰਨੂੰ ਐਂਡ ਪਾਰਟੀ ਵਲੋਂ ਵੀ
ਕਿਤੇ 2020 ਦਾ ਲਾਰਾ ਲਾ ਕੇ ਕੌਮ ਨੂੰ ਖੜੋਤਿਆਂ ਤਾਂ ਨਹੀਂ ਕੀਤਾ ਜਾ ਰਿਹਾ?
...ਤੇ ਯਾਦ ਰਹੇ ਕਿ ਕਿਸੇ ਵੀ ਲਹਿਰ ਵਿਚ ਆਈ ਖੜੌਤ ਉਸ ਦਾ ਦਮ ਤੋੜ
ਦਿੰਦੀ ਹੈ, ਤੇ ਮੁੜ ਉੱਠਣ ਗੋਚਰੀ ਵੀ ਨਹੀਂ ਰਹਿੰਦੀ।
2020 ਦੇ ਰਿਫਰੰਡਮ ਬਾਰੇ ਜੋ ਸਵਾਲ ਸ੍ਰ. ਸਿਮਰਨਜੀਤ ਸਿੰਘ ਮਾਨ
ਹੋਰਾਂ ਉਠਾਏ ਹਨ, ਉਹ ਪੂਰੀ ਕੌਮ ਦਾ ਧਿਆਨ ਮੰਗਦੇ ਹਨ ਅਤੇ ਮਿਸਟਰ ਗੁਰਪਤਵੰਤ ਪੰਨੂੰ
ਉਨ੍ਹਾਂ ਸਵਾਲਾਂ ਦਾ ਜਵਾਬ-ਦੇਹ ਹੈ ਕਿ ਕਰਵਾਇਆ ਜਾ ਰਿਹਾ
ਰਿਫੰਰਡਮ ਕਿਸੇ ਸੱਚ ਦੀ ਕੱਸਵੱਟੀ ਉਪਰ ਖਰਾ ਵੀ ਉਤਰਦਾ ਜਾਂ ਇਹ ਵੀ ਮਿਸਟਰ ਪੰਨੂੰ ਦਾ
ਸ਼ੋਸ਼ਾ ਹੀ ਹੈ?