Share on Facebook

Main News Page

🐔ਮਾਈ ਦਾ ਮੁਰਗਾ 🐓
-: ਗੁਰਦੇਵ ਸਿੰਘ ਸੱਧੇਵਾਲੀਆ
23.08.2021
#KhalsaNews #GurdevSingh #Sadhewalia #Dhadrianwala #Murga #Harnek #GurdasMann #LaddiShah #MuradShah

👉 ਗੁਆਂਢੀ ਨਾਲ ਲੜਕੇ ਮਾਈ ਨੇ ਕਹਿੰਦੇ ਮੁਰਗੇ ਦੀ ਧੌਣ ਲਾਹ ਮਾਰੀ ਤੇ ਕਹਿੰਦੀ ਹੁਣ ਦੇਖੂੰ ਜੇ ਪਿੰਡ ਸੁੱਤਾ ਹੀ ਨਾ ਰਹਿ ਗਿਆ।

👳 ਕੁੱਝ ਬੰਦਿਆਂ ਆਪਣੇ ਮੇਮਣੇ ਮੁੰਨ ਸੁੱਟੇ ਕਿ ਦੇਖਦੇਂ ਹੁਣ ਸਿੱਖੀ ਦਾ ਦਿਨ ਕਿਵੇਂ ਚੜਦਾ। ਇਕ ਉਠਿਆ ਉਨ ਖੁਦ ਹੀ ਅਪਣੀ ਮੁੰਡੀ ਮੁੰਨ ਕੱਢੀ ਕਿ ਦਿਨ ਤਾਂ ਚੜਨੋਂ ਹਟਿਆ ਹੀ ਨਾ, ਹੁਣ ਕੋਈ ਵੱਡਾ ਇਨਕਲਾਬ ਕਰ ਵੇਹਦੇਂ ਆਂ। ਪਰ ਦਿਨ ਫਿਰ ਵੀ ਚੜੀ ਓ ਈ ਜਾਂਦਾ।

👸 ਓਧਰ ਰਾਣੀ ਦਾ ਮੁਰਗਾ ਯਾਣੀ ਬਾਬਾ ਤੋਤਾ 🐦 ਕਹਿੰਦਾ ਤੁਸੀਂ ਗੁਰੂ ਰਾਮਦਾਸ ਵਾਲੇ ਸਾਰੇ ਰਲਕੇ ਮੇਰੇ ਬਰਾਬਰ ਤਾਂ ਦੀਵਾਨ ਲਾ ਕੇ ਦਿਖਾਓ ਫਿਰ ਦੇਖਦੇਂ ਕਲਾ ਕਿਸ ਦੀ ਵਰਤਦੀ ਮੇਰੀ ਜਾਂ ਗੁਰੂ ਰਾਮਦਾਸ ਦੀ। ਇਹ ਬਾਂਗ ਤਾਂ ਓਸ ਮੁਰਗੇ ਵਰਗੀ ਸੀ ਜਿਹੜਾ ਬਾਂਗ ਦਿੰਦਾ ਦਿੰਦਾ ਖੁਦ ਦੀਆਂ ਹੀ ਲੱਤਾਂ ਚੁੱਕ ਬੈਠਾ।

🚬ਉਧਰ ਬੀੜੀਆਂ ਫੂਕਣੇ ਗੁਰਦਾਸ ਮਾਨ ਦਾ ਹਾਲ ਦੇਖ ਲਓ, ਓਹ ਆਵਦੀਆਂ ਹੀ ਬੇਸੁਰੀਆਂ ਬਾਗਾਂ ਦਈ ਜਾਂਦਾ ਕਿ ਅਸਲੀ ਕਰਾਮਾਤ ਤਾਂ ਸਾਰੀ ਮੇਰੇ ਵਾਲੇ ਮੁਰਗੇ ਯਾਣੀ ਲਾਡੀ ਸ਼ਾਹ ਦੀ ਹੈ ਦਿਨ ਤਾਂ ਚੜਦਾ ਹੀ ਓਸ ਕਰਕੇ ਸੀ ਅਤੇ ਉਨ ਸਿੱਧਾ ਹੀ ਗੁਰੂ ਅਮਰਦਾਸ ਪਾਤਸ਼ਾਹਾਂ ਨਾਲ ਜਾ ਜੋੜਿਆ। ਇਸਨੂੰ ਕਹਿੰਦੇ ਕਿਥੇ ਰਾਜਾ ਭੋਜ ਕਿਥੇ ਗੰਗੂ ਤੇਲੀ। ਕਿਥੇ ਰਾਮ ਰਾਮ ਕਿਥੇ ਟੈਂ ਟੈਂ।

🎀 ਹਰੇਕ ਸਾਧ ਦਾ ਚੇਲਾ ਅਪਣਾ ਅਪਣਾ ਮੁਰਗਾ ਚੁਕੀ ਫਿਰਦੇ ਕਿ ਜੇ,,,? ਮਾਰਡਨ ਚੇਲਿਆਂ ਆਪਦਾ ਮੁਰਗਾ ਸੰਤ ਤੋਂ ਭਾਈ ਸਾਹਬ ਬਣਾ ਲਿਆ ਪਰ ਕੰਮ ਓਹੀ ਅੰਨਿਆਂ ਵਾਲੇ ਕਿ ਸਾਡੇ ਮੁਰਗੇ ਤੋਂ ਬਿਨਾ ਦਿਨ ਕਿਥੇ । ਪਿੱਛੇ ਬੈਠੇ ਸੋਹੀ ਵਰਗਿਆਂ ਅਤੇ ਤੂਲ ਦੇਣ ਵਾਲੇ ਕਾਮਰੇਡਾਂ ਜਾਪਦਾ ਮੁਰਗਾ ਆਪਦਾ ਵੱਢਵਾ ਬੈਠਣਾ ਮੁੜਕੇ ਖੁੱਲੀਆਂ ਕਵਿਤਾਵਾਂ ਰਾਹੀਂ ਖੁਦ ਬਾਗਾਂ ਦੇਣ ਬੈਠ ਜਾਣਾ ਕਿ ਸਿੱਖ ਹੁੱਲੜਬਾਜ ਨੇ ਅਤੇ ਪਹਿਰਾ ਦਿਆਂਗੇ ਠੋਕ ਕੇ। ਪਹਿਰਾ ਸਵਾਹ ਦੇਣਾ ਹੁੰਦਾ ਮੁਰਗਾ ਵਢਵਾਓਂਵਾ ਲੈਂਦੇ ਆਵਦੀਆਂ ਕਵਿਤਾਵਾਂ ਦਾ ਜੁਗਾੜ ਕਰਨ ਖਾਤਰ।

💣 ਉਂਝ ਗੋਲੀਆਂ ਚਲੀਆਂ ਜਾਂ ਸਿਰ ਵਿੱਚ ਫੋੜਿਆਂ, ਜਾਂ ਸਿਰ ਦੁਖਦਿਆਂ ਦੇ ਬਹਾਨੇ ਮੁੰਡੀਆਂ ਕਟਾਉਣ ਵਾਲਿਆਂ ਲਈ ਸੁਨਹਿਰੀ ਮੌਕਾ ਕਿ ਸਿੱਧੇ ਹੋ ਕੇ ਹੀ ਲੁਹਾ ਛੱਡੋ ਘੱਟੋ ਘੱਟ ਨਵੀਆਂ ਪਿਰਤਾਂ ਦੇ ਖਾਤੇ ਤਾਂ ਗਿਣੇ ਜਾਣਗੇ ਯਾਣੀ ਇਨਕਲਾਬੀ ਸ਼ਹੀਦ।

☝️ ਪਰ ਇਹ ਨਾ ਭੁਲਣਾ ਕਿ ਸਾਡਾ ਦਿਨ ਚੜਨੋ ਕੋਈ ਦੁਨੀਆਂ ਦੀ ਤਾਕਤ ਰੋਕ ਨਹੀਂ ਸਕਦੀ, ਚਾਹੇ ਤੁਸੀਂ ਆਵਦੇ ਸਾਰੇ ਮੁਰਗੇ ਕਿਓਂ ਨਾ ਵੱਢ ਸੁੱਟੋ।


<< ਸ੍ਰ. ਗੁਰਦੇਵ ਸਿੰਘ ਸੱਧੇਵਾਲੀਆ ਦੀਆਂ ਹੋਰ ਲਿਖਤਾਂ >>


ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ।


ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥
ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ।
ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।

Disclaimer: Khalsanews.org does not necessarily endorse the views and opinions voiced in the news / articles / audios / videos or any other contents published on www.khalsanews.org and cannot be held responsible for their views.  Read full details....

Go to Top