Main News Page

ਹਰਬ ਧਾਲੀਵਾਲ ਕਹਿ ਰਿਹਾ ਮੈਂ ਬਹੁਤ ਵੱਡਾ ਕਿਉਂਕਿ ਮੈਂ 100 ਫਿਲਮਾਂ ਕੀਤੀਆਂ ਅਤੇ ਇਸ ਤੋਂ ਵੀ ਵੱਡਾ ਕਿਉਂਕਿ 7 ਫਿਲਮਾਂ ਬਾਲੀਵੁੱਡ ਵਿਚ ਨੇ ਮੇਰੀਆਂ।

ਯਾਣੀ ਅੱਜ ਦੇ ਜੁੱਗ ਵਿੱਚ ਵਡਾ ਹੋਣ ਲਈ ਬੰਦਾ ਬਣਨ ਦੀ ਲੋੜ ਨਹੀਂ, ਨਾਚਾ ਜਾਂ ਭੰਡ ਕਾਫੀ ਰਹੇਗਾ। ਅਤੇ ਓਹ ਸੱਚ ਕਹਿ ਰਿਹਾ ਕਿ ਓਹ ਵੱਡਾ ਬੰਦਾ ਹੈ ਕਿਉਂਕਿ ਅੱਜ ਦੇ ਗਲੈਮਰ ਜੁੱਗ ਦੀ ਇਹੀ ਪਛਾਣ ਹੈ।

ਕੈਮਰੇ ਸਾਹਵੇਂ ਜਿੰਨਾ ਜਿਆਦਾ ਨੱਚ ਸਕੋਂ ਜਾਂ ਔਰਤ ਜਿੰਨਾ ਜਿਆਦਾ ਨੰਗੀ ਹੋ ਸਕੇ, ਓਨੀ ਓਹ ਵੱਡੀ, ਓਨੀ ਓਹ ਟੀਸੀ ਉਪਰ ਓਨੀ ਓਹ ਮਹਾਨ ਓਨੀ ਪਤਵੰਤੀ।

ਪਿਛੇ ਜਿਹੇ ਪੰਜਾਬ ਦੀ ਕੁੜੀ ਜਦ ਸੰਸਾਰ ਮਿਸ ਬਣੀ ਤਾਂ ਬਾਕੀ ਛਡੋ ਧਾਰਮਿਕ ਗਲਿਆਰਿਆਂ ਵਿਚ ਵੀ ਉਸ ਦੀ 'ਕਰਣੀ ਕਮਾਈ' ਦੇ ਢੋਲ ਪਾਟਣੇ ਕਰ ਛੱਡੇ ਲੋਕਾਂ।

ਹਿੰਦੁਸਤਾਨ ਕਿਹੜਾ ਹੀਰੋ ਪੈਦਾ ਕਰ ਸਕਿਆ ਹੁਣ ਤੱਕ ਸਿਵਾਏ ਨੱਚਣ ਗਾਓਂਣ ਵਾਲਿਆਂ ਦੇ। ਲੋਕਾਂ ਨੂੰ ਆਪਦੀ ਔਰਤ ਸਾਂਭਣ ਦਾ ਇਨਾ ਫਿਕਰ ਨਹੀਂ ਹੁੰਦਾ ਜਿੰਨਾ ਇੱਕ ਛੜੇ ਐਕਟਰ ਦੇ ਵਿਆਹ ਦਾ ਯਣੀ ਉਸ ਦੀ ਬੁੱਢੀ ਆਓਂਣ ਦਾ।

ਪਿਛੇ ਜਿਹੇ ਲੋਕਾਂ ਦੀਆਂ ਧੀਆਂ ਦੇ ਲੱਕ ਮਿਣਨ ਵਾਲੇ ਅਤੇ ਔਰਤਾਂ ਦੇ ਲਹਿੰਗਿਆਂ 'ਤੇ ਸ਼ਰਾਬ ਡੋਲਣ ਵਾਲੇ ਦਲਜੀਤ ਪਿਛੇ ਹੀ ਲੋਕ ਮੁੜਕੋ ਮੁੜਕੀ ਹੋਏ ਰਹੇ ਕਿ ਪਾ ਧੁੰਮਾ ਦਿੱਤੀਆਂ ਜੱਟ ਨੇ। ਲੋਕਾਂ ਦਾ ਖੂਨ ਪੀਣ ਵਾਲੀਆਂ ਜੋਕਾਂ ਮੂਹਰੇ ਬਾਦਰਾਂ ਤਰਾਂ ਨਚਣਾ ਹੀ ਧੁੰਮਾਂ ਪਾਓਣੀਆਂ ਯਾਣੀ ਵੱਡਾ ਹੋਣ ਦਾ ਪੈਮਾਨਾ।

ਓਹ ਲੋਕ ਜੇ ਵੱਡਾ ਹੋਣ ਦਾ ਦਾਅਵਾ ਕਰ ਰਹੇ ਨੇ ਤਾਂ ਠੀਕ ਹੀ ਤਾਂ ਕਰ ਰਹੇ ਨੇ ਕਿਉਂਕਿ ਲੋਕਾਂ ਨੇ ਅਜਿਹੇ ਲੋਕਾਂ ਨੂੰ ਹੀ ਵੱਡਾ ਮੰਨ ਲਿਆ ਹੋਇਆ।
ਪੰਜਾਬ ਦਾ ਸਭਿਆਚਾਰ ਕਦੇ ਵੀ ਨੱਚਣ ਗਾਓਂਣ ਵਾਲਿਆਂ ਵਿਚੋਂ ਨਾ ਸੀ ਆਇਆ, ਨਾ ਹੀਰਾਂ ਰਾਝਿਆਂ ਵਿਚੋਂ। ਇਹ ਸਾਭਿਆਚਾਰ ਖਾਲਸੇ ਦੇ ਕਰੈਟਰ ਨੂੰ ਖਹਿ ਕੇ ਵਗਦਾ ਰਿਹਾ ਅਤੇ ਬੁਲੰਦੀਆਂ ਛੂੰਹਦਾ ਰਿਹਾ, ਪਰ ਹੁਣ ਖੁਦ ਦਾ ਪਿੰਡ ਹੀ ਕੁੜੀ ਦਾ ਸਹੁਰਾ ਅਤੇ ਪੇਕਾ ਹੈ।

ਜਿੰਨਾ 'ਗਰੀਬਾਂ' ਦੀ ਬਹੁਤ ਜਿਆਦਾ ਵਡਿਆਂ ਹੋਣ ਦੀ ਪੇਸ਼ ਨਹੀਂ ਜਾਂਦੀ ਉਨ ਛੋਟਾ ਜਿਹਾ ਵੱਡਾ ਹੋਣ ਖਾਤਰ ਘਰੇ ਹੀ ਕੈਮਰੇ ਖੋਹਲ ਲਏ ਨੇ ਅਤੇ ਕਈ ਤਾਂ ਪੰਜਾਹਾਂ ਨੂੰ ਢੁੱਕਦੀਆਂ ਮਾਈਆਂ ਨੂੰ ਵੀ ਜਵਾਨੀ ਠਾਠਾਂ ਮਾਰ ਚੜ ਆਈ ਅਤੇ ਰੰਗਾਂ ਹੇਠ ਝੁਰੜੀਆਂ ਵਾਲਾ ਮੂੰਹ ਲੁਕਾਈ ਵਡਿਆਂ ਹੋਣ ਦੀ ਮਜਬੂਰ ਕੋਸ਼ਿਸ਼ ਵਿਚ ਜੁੱਟ ਗਈਆਂ ਨੇ।

ਬੰਦੇ ਨੇ ਬੰਦਾ ਬਣਨ ਦਾ ਪੈਮਾਨਾ ਛਡ ਕੇ ਮੂੰਹ ਗਲਤ ਪਾਸੇ ਚੁਕ ਲਿਆ ਹੋਇਆ ਅਤੇ ਜੇ ਅਜ ਕੋਈ ਹਰਬ ਧਾਲੀਵਾਲ ਵੱਡਾ ਹੋਣ ਦਾ ਦਾਅਵਾ ਕਰ ਰਿਹਾ ਤਾਂ ਕੋਈ ਹੈਰਾਨੀ ਦੀ ਗਲ ਨਹੀਂ। ਕਿ ਹੈ?

<< ਸ੍ਰ. ਗੁਰਦੇਵ ਸਿੰਘ ਸੱਧੇਵਾਲੀਆ ਦੀਆਂ ਹੋਰ ਲਿਖਤਾਂ >> ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ। ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥ ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।

Disclaimer: Khalsanews.org does not necessarily endorse the views and opinions voiced in the news / articles / audios / videos or any other contents published on www.khalsanews.org and cannot be held responsible for their views.  Read full details....