Main News Page

💢 ਫੌਜਾਂ ਦਾ ਰੋਲ ਹੁੰਦਾ, ਪਰ ਅਸਲ ਰੋਲ #ਜਰਨੈਲ ਦਾ ਹੁੰਦਾ। ਤਗੜਾ ਜਰਨੈਲ ਮਾੜੀਆਂ ਫੌਜਾਂ ਵੀ ਲੜਾ ਜਾਂਦਾ, ਪਰ ਕਮਜ਼ੋਰ ਜਰਨੈਲ ਤਗੜੀਆਂ ਫੌਜਾਂ ਦੀਆਂ ਵੀ ਗੋਡਣੀਆਂ ਲਵਾ ਜਾਂਦਾ।

#ਚਮਕੌਰ ਦੀ ਗੜੀ ਦੀ ਲੜਾਈ ਕਿਸੇ ਪੱਖੋਂ ਵੀ ਬਰਾਬਰ ਦੀ ਲੜਾਈ ਨਹੀਂ ਸੀ, ਪਰ ਅੰਦਰ ਬੈਠੇ ੪੦ ਫਿਰ ਵੀ ਹੌਸਲੇ ਵਿਚ ਸਨ। ਪਰ ਕਿਉਂ? ਕਿਉਂਕਿ ਉਨ੍ਹਾਂ ਚਾਲੀਆਂ ਦਾ ਜਰਨੈਲ ਗੁਰੂਬਾਜਾਂ ਵਾਲਾ ਖੁਦ ਸੀ, ਨਹੀਂ ਤਾਂ ਲੱਖਾਂ 'ਤੇ ਚਾਲ਼ੀਆਂ ਦਾ ਕੋਈ ਮੇਲ ਨਾ ਸੀ।

#ਮਹਾਰਾਜਾ ਰਜਣਜੀਤ ਸਿੰਘ ਵਿਚ ਲੱਖ ਕਮਜੋਰੀਆਂ ਰਹੀਆਂ ਹੋਣਗੀਆਂ ਪਰ ਉਸ ਜੋਧੇ ਦੀ ਕਮਾਂਨ ਹੇਠ ਫੌਜਾਂ ਲੜੀਆਂ ਕਿਤੇ। ਆਹੂ ਲਾਹ ਛੱਡੇ ਦੁਸ਼ਮਣਾ ਦੇ ਤੇ ਜਿਧਰ ਗਿਆ ਫਤਹਿ ਹੀ ਕਰਦਾ ਗਿਆ। ਉਸ ਦੇ ਮਰਨ ਉਪਰੰਤ ਵੀ ਤਾਂ ਉਹੀ ਫੌਜਾਂ ਸਨ ਪਰ...?

🇮🇳 ਸਾਰੇ #ਹਿੰਦੋਸਤਾਨ ਵਿਚ ਫੈਲੀ ਅੰਗਰੇਜਾਂ ਦੀ ਸਲਤਨਤ ਪਰ ਜੁਅਰਤ ਨਹੀ ਸੀ ਕਿ ਪੰਜਾਬ ਵੰਨੀ ਦੇਖ ਵੀ ਜਾਣ ਅੰਗਰੇਜ ਕਿਉਂਕਿ ਜਰਨੈਲ ਮਹਾਰਾਜਾ ਰਣਜੀਤ ਸਿੰਘ ਸੀ।

🏹 ਲੜਾਈਆਂ ਲੜੀਆਂ ਤੇ ਜਿੱਤੀਆਂ ਹੀ ਜਰਨੈਲਾ ਦੇ ਸਿਰ ਜਾਂਦੀਆਂ ਹਨ। ਅੱਜ ਵੀ ਪੰਜਾਬ ਉਹੀ ਹੈ, ਪਰ ਬਾਬਾ ਜਰਨੈਲ ਸਿੰਘ ਨਹੀਂ ਹੈ। ਬਾਬਾ ਜਰਨੈਲ ਸਿੰਘ ਤੋਂ ਬਾਅਦ ਵੀ ਤਾਂ ਟਕਸਾਲ ਉਹੀ ਹੈ, ਪਰ ਜਰਨੈਲ? ਬਾਬਾ #ਠਾਕੁਰ #ਸਿਉਂ ਯਾਣੀ ਗੂੰਗਾ 'ਜਰਨੈਲ'। ਓਹ ਸਮਾਂ ਬਾਬੇ ਮਾਨੋਚਾਹਲ ਵਰਗੇ ਜਰਨੈਲਾਂ ਦੀ ਮੰਗ ਕਰਦਾ ਸੀ ਪਰ,,?

#ਜਰਨੈਲ ਉਹ ਹੁੰਦਾ ਜਿਸ ਦੇ ਅੰਦਰ ਵੀ ਅਤੇ ਅਵਾਜ ਵਿਚ ਵੀ ਅੱਗ ਹੋਵੇ। ਬਾਬਾ ਠਾਕੁਰ ਸਿਉਂ ਵਰਗਾ ਗਰੀਬੜਾ ਜਿਹਾ ਬੰਦਾ ਦੱਸੋ ਕਿਸ ਨੂੰ ਜੰਗੇ-ਮੈਦਾਨ ਤੁਰਦਾ ਕਰ ਲਏਗਾ।?

🩸 ਪਰ ਉਧਰ ਤਗੜਾ ਜਰਨੈਲ ਉਹ ਡਿੱਗਦੀਆਂ ਫੌਜਾਂ ਵੀ ਖੜੀਆਂ ਕਰ ਜਾਂਦਾ ਉਹ ਮਰਦੇ ਮਰਦੇ ਬੰਦੇ ਭਿੜਾ ਕੱਢਦਾ ਜਿਹੜੇ ਲਾਸ਼ਾਂ ਹੇਠ ਦੱਬੇ ਵੀ ਦੁਸ਼ਮਣ ਉਪਰ ਗੋਲੀਆਂ ਚਲਾਈਆਂ ਜਾਂਦੇ ਸਨ।

👳‍♂️ਮੇਰੀ ਕੌਮ ਦੀ ਪਰ ਹੋਣੀ ਦੇਖੋ ਕਿ ਉਸ ਨੇ ਗੂੰਗੇ ਜਰਨੈਲਾਂ ਦੇ ਮੂੰਹ ਵੰਨੀ ਦੇਖਦਿਆਂ ਹੀ ੨੨ ਸਾਲ ਲੰਘਾ ਦਿੱਤੇ ਅਤੇ ਚੰਗੇ ਚੰਗੇ ਜਰਨੈਲ ਗੋਲੀਆਂ ਮੂਹਰੇ ਕਰਕੇ ਮਰਵਾ ਛਡੇ। ਰਹਿੰਦੀ ਕਸਰ #ਧੁੰਮੇ #ਵਰਗਾ #ਮਰਿਆ #ਸੱਪ ਕੌਮ ਦੇ ਗਲ ਪਾ ਦਿੱਤਾ। ਚੋਣ ਤੋਂ ਸਮਝ ਨਹੀਂ ਲਗਦੀ ਕਿ ਬਾਬਾ ਠਾਕੁਰ ਸਿੰਘ ਕਿਹੋ ਜਿਹਾ ਜਰਨੈਲ ਰਿਹਾ ਹੋਵੇਗਾ ਓਹ ਵੀ 22 ਸਾਲ?

👳 ਪੰਜਾਬ ਜਰਨੈਲ ਤੋਂ ਬਿਨਾ ਹਾਰ ਗਿਆ, ਕਿਉਂਕਿ ਪੰਜਾਬ ਵਿੱਚ ਜਰਨੈਲ ਚੁਣਨ ਦੀ ਸਮਰਥਾ ਨਹੀਂ ਸੀ ਅਤੇ ਉਹ ਗੁੰਗੇ ਜਰਨੈਲਾਂ ਨੂੰ ਹੀ ਜਰਨੈਲ ਮੰਨੀ ਗਿਆ ਤੇ ਹਾਲਤ?

👁️ ਔਖਾ ਤਾਂ ਲਗਣਾ ਬੰਦੇ ਅਪਣਿਆਂ ਨੂੰ ਇਹ ਸੁਣਨਾ, ਪਰ ਮੇਰੀ ਨਾ ਮੰਨ ਕੇ ਖੁਦ ਦਾ ਅੰਦਰ ਰਿੜਕ ਦੇਖਣਾ।

🫵 ਜੁੱਅਰਤਾਂ ਨਾਲ ਲੜਾਈਆਂ ਲੜਨ ਵਾਲੇ ਜਰਨੈਲ ਜੰਗਾਂ ਲੜਦੇ ਅਤੇ ਜਿੱਤਦੇ, ਪਰ ਕੌਮ ਮੇਰੀ ਦਾ ਅੱਧਾ ਹਿੱਸਾ ਤਾਂ ਅੱਜ ਵੀ ਓਨਾ ਨੂੰ ਜਿਹਲੀਂ ਦੇਖ ਲੱਡੂ ਵੰਡ ਰਿਹਾ।

👉 #ਯਾਦ ਰੱਖਣਾ, ਜੰਗਾਂ ਜਿੱਤਣ ਲਈ ਜਰਨੈਲਾਂ ਦੀ ਲੋੜ ਹੁੰਦੀ, ਗੂੰਗਿਆਂ ਦੀ ਨਹੀਂ।

<< ਸ੍ਰ. ਗੁਰਦੇਵ ਸਿੰਘ ਸੱਧੇਵਾਲੀਆ ਦੀਆਂ ਹੋਰ ਲਿਖਤਾਂ >> ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ। ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥ ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।

Disclaimer: Khalsanews.org does not necessarily endorse the views and opinions voiced in the news / articles / audios / videos or any other contents published on www.khalsanews.org and cannot be held responsible for their views.  Read full details....