Main News Page

🚩 ਉਨ ਤਾਂ ਲਕੀਰ ਕੱਦ ਦੀ ਖਿੱਚ ਰੱਖੀ, ਮੈਂ ਈ ਐਵੇਂ ਨਹੁੰ ਮਾਸ ਦੇ ਗੇੜ ਵਿੱਚ ਪਿਆ ਰਹਿੰਨਾ।

🇨🇳 ਭਾਈ ਭਾਈ ਹਮੇਸ਼ਾਂ ਕਮਜ਼ੋਰ ਵਲੋਂ ਆਖਿਆ ਜਾਂਦਾ ਜਿਵੇਂ ਮੋਦੀ ਕੇ ਚੀਨ ਨੂੰ ਪਹਿਲਾਂ ਟਰੰਪ ਨੂੰ ਤੇ ਸਾਡੇ ਵਾਲੇ ਹਿੰਦੂ ਨੂੰ।

👉 ਤਗੜੇ ਨੂੰ ਮਾੜੇ ਦਾ ਭਾਈ ਬਣਨ ਵਿੱਚ ਕੋਈ ਰੁਚੀ ਨਾ ਪ੍ਰਵਾਹ। ਮਾੜਾ ਈ ਐਵੇਂ ਮੋਦੀ ਦੀਆਂ ਜੱਫੀਆਂ ਤਰਾਂ ਗਲ ਨਾਲ ਚਿੰਬੜੀ ਜਾਊ, ਤਗੜਾ ਤਾਂ ਹੱਥ ਵੀ ਟੁੱਟੇ ਹੱਥਾਂ ਵਰਗਾ ਮਿਲਾਓਂਦਾ।

😶 ਮਰਦਾ ਹਮੇਸ਼ਾਂ ਓਹ ਜਿਹੜਾ ਮੌਤ ਤੋਂ ਡਰਦਾ, ਮਰਦ ਤਾਂ ਲੰਘ ਜਾਂਦੇ ਪਾਰ। ਕਲ ਜਿਹੜੇ ਭਾਈ ਸਾਡੇ ਨਿਆਣੇ ਮਰਵਾਉਣ ਦੇ ਖਦਸ਼ਿਆਂ ਵਿੱਚ ਗੋਤੇ ਖਾ ਰਹੇ ਸਨ, ਤੁਹਾਨੂੰ ਕੀ ਲਗਦਾ ਪਤਾ ਨਹੀਂ ਓਨ੍ਹਾਂ ਨੂੰ ਕਿ ਪੰਜਾਬ ਦੀ ਮੌਤ ਤਾਂ ਤੈਅ ਹੈ, ਯਾਣੀ ਦਿੱਲੀ ਵਿੱਚ ਲਿਖੀ ਜਾ ਚੁਕੀ ਹੋਈ, ਓਹ ਚਾਹੇ ਤੁਹਾਨੂੰ ਡੋਬ ਕੇ ਮਾਰ ਦੇਣ, ਚਿੱਟਿਆਂ ਨਾਲ ਜਾਂ ਗੋਲੀਆਂ ਨਾਲ, ਨਹੀਂ ਤਾਂ ਸਾਹਵੇਂ ਲਿਖਿਆ ਦਿਸ ਰਿਹਾ ਕਿ ਡੈਮ ਓਦੋਂ ਖੋਲ੍ਹੇ ਗਏ ਜਦ ਐਨ ਉਛਲਣ ਲਗ ਗਏ, ਨਹੀਂ ਤਾਂ ਇਨੀ ਗਲ ਤਾਂ ਪਤਾ ਈ ਹੁੰਦੀ ਕਿ ਪਾਣੀ ਉਛਾਲ ਕੇ ਨਹੀਂ ਛੱਡੇ ਜਾਂਦੇ। ਅਤੇ ਯਾਦ ਰਖਣਾ ਇਹ ਪਹਿਲੀ ਵਾਰ ਨਹੀਂ ਹੋਇਆ।

👽 ਮੋਦੀ ਨੂੰ ਅਫਗਾਨਸਤਾਨ ਨਾਲ ਤਾਂ ਹਮਦਰਦੀ ਹੈ, ਪਰ ਤੁਹਾਡੇ ਖਾਤਰ ਦੋ ਅੱਖਰ ਨਹੀਂ ਕਹਿਣ ਨੂੰ ਉਸ ਕੋਲੇ, ਤਾਂ ਤੁਸੀਂ ਹਾਲਾਂ ਵੀ ਭੁਲੇਖੇ ਵਿਚ ਕਿ ਉਨ ਲਕੀਰ ਨਹੀਂ ਖਿੱਚੀ।

👳‍♂️ ਸਾਡੇ ਭਾਈਆਂ ਨੂੰ ਲਗਦਾ ਕਿ ਵੱਡੇ ਅਫਸਰ ਬਣਕੇ ਸ਼ਾਇਦ ਬੱਚ ਜਾਈਦਾ, ਪਰ ਮਾਰਨ ਵਾਲੇ ਓਨਾ ਹੀ ਅਫਸਰਾਂ ਰਾਹੀਂ ਤੁਹਾਡੀ ਮੌਤ ਦੇ ਹਰਫ ਲਿਖਦੇ ਨੇ, ਨਹੀਂ ਲਿਖੇ ਤਾਂ ਕੋਈ ਦੱਸੇ।

🇮🇳 ਓਨਾ ਦੀ ਖਿੱਚੀ ਲਕੀਰ ਜੇ ਹਾਲਾਂ ਵੀ ਕਿਸੇ ਨੂੰ ਨਹੀਂ ਦਿਸਦੀ, ਤਾਂ ਅੱਖਾਂ ਦੇ ਇਲਾਜ ਦੀ ਜ਼ਰੂਰਤ ਤਾਂ ਹੈ ਈ, ਸਗੋਂ ਕੰਨਾਂ ਦੀ ਵੀ ਕਿ ਦਰਿਆਵਾਂ ਦੇ ਸ਼ੂਕਦੇ ਵਹਿਣ ਨਹੀਂ ਸੁਣੇ ਜਾ ਰਹੇ।

<< ਸ੍ਰ. ਗੁਰਦੇਵ ਸਿੰਘ ਸੱਧੇਵਾਲੀਆ ਦੀਆਂ ਹੋਰ ਲਿਖਤਾਂ >> ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ। ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥ ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।

Disclaimer: Khalsanews.org does not necessarily endorse the views and opinions voiced in the news / articles / audios / videos or any other contents published on www.khalsanews.org and cannot be held responsible for their views.  Read full details....