Main News Page

🌎 ਸੰਸਾਰ ਉਪਰ ਇਨਾ ਉਜੱਡ ਸਿਸਟਮ ਹੋਵੇ ਤਾਂ ਦੱਸਣਾ ਜਿੱਥੇ ਥਾਂ ਥਾਂ ਅਵਾਰਾ ਪਸ਼ੂ ਅਤੇ ਕੁੱਤੇ ਲੋਕਾਂ ਦੀ ਮੌਤ ਦਾ ਕਾਰਣ ਬਣਨ। ਰਾਜਬੀਰ ਜਵੰਦਾ ਇਕ ਨਹੀਂ, ਪਤਾ ਕਿੰਨੇ ਮਾਵਾਂ ਦੇ ਪੁੱਤ ਇਸ ਮਾਤਾ ਦੀ ਬਲੀ ਚੜ ਚੁਕੇ, ਚੜਦੇ ਰਹਿੰਦੇ ਅਤੇ ਰਹਿਣਗੇ।

🔹ਪਿਛਲੇ ਹੀ ਮਹੀਨੇ ਸਾਢੂੰ ਮੇਰਾ ਪੰਡੀਏ ਦੀ ਮਾਤਾ ਦੀ ਬਲੀ ਚੜਦਾ ਚੜਦਾ ਬਚਿਆ, ਪਰ ਨਵੀਂ ਗਡੀ ਪੂਰੀ ਦੀ ਪੂਰੀ ਕਬਾੜ ਕਰ ਮਾਰੀ ਜਿਹੜੀ ਕਿ ਉਸ ਦੀ ਮਿਹਨਤ ਦੀ ਸੀ। ਇਥੇ ਗੋਰੇ ਇਕ ਦੀਆਂ ਗਾਵਾਂ ਫੈਂਸ ਭੰਨ ਕੇ ਅਵਾਰਾ ਹੋ ਨਿਕਲੀਆਂ ਤਾਂ ਪੁਲਿਸ ਨੇ ਜਿਆਦਾ ਅਵਾਰਾ ਫਿਰਦੀ ਗਾਂ ਦੇ ਸਿੱਧੀ ਮੱਥੇ ਵਿੱਚ ਗੋਲੀ ਮਾਰੀ। ਗੋਰੇ ਲਗੇ ਰੌਲਾ ਜਿਹਾ ਪਾਓਂਣ ਪਰ ਪੁਲਿਸ ਆਂਹਦੀ ਸਾਡੇ ਕੰਮ ਵਿਚ ਦਖਲ ਦਿੱਤਾ ਤਾਂ ਚੱਕ ਕੇ ਸਾਰੇ ਅੰਦਰ ਮਾਰਨੇ, ਅਸੀਂ ਬੰਦੇ ਨਹੀਂ ਮਰਵਾਓਂਣੇ ਇਨਾ ਤੋਂ।

😥 #ਰਾਜਬੀਰ #ਜਵੰਦਾ ਨੂੰ ਲੈ ਕੇ ਅਰਦਾਸਾਂ ਕਰਨ ਵਾਲਿਆਂ ਸਿਸਟਮ ਦੇ ਗਲਾਵੇਂ ਨੂੰ ਹੱਥ ਪਾਓਂਣ ਵੰਨੀ ਧਿਆਨ ਕਿਓਂ ਨਹੀਂ ਦਿੱਤਾ? ਘੱਟੋ ਘੱਟ ਅਵਾਰਾ ਫਿਰਦੀਆਂ ਪੰਜ ਚਾਰ ਵੱਢ ਕੇ ਪਾਰਲੀਮੈਂਟ ਮੂਹਰੇ ਸੁੱਟਦੇ ਕਿ ਆਹਾ ਸਾਂਭੋਂ ਅਪਣੀਆਂ ਮਾਵਾਂ, ਪਰ ਜੇ ਨਾ ਸਾਭੀਆਂ ਹੋਰ ਆਓਂਣਗੀਆਂ। ਕਿਓਂ ਕਤਲਗਾਹ ਬਣਾ ਰਖਿਆ ਪੂਰਾ ਮੁਲਖ ਇਨਾ ਅਖੌਤੀ ਮਾਵਾਂ ਕਾਰਣ? ਕਿੰਨੇ ਗਰੀਬਾਂ ਦੇ ਇਨਾ ਡੰਗਰਾਂ ਘਰ ਉਜਾੜੇ, ਕਿੰਨਿਆਂ ਦਾ ਰੁਜਗਾਰ ਖੋਹਿਆ, ਕਿੰਨਿਆਂ ਦੇ ਹੱਡ ਗੋਡੇ ਭੰਨ ਦਿੱਤੇ, ਫਸਲਾਂ ਉਜਾੜਦੇ ਇਹ ਅਵਾਰਾ ਪਸ਼ੂ, ਪਰ ਪੂਰਾ ਮੁਲਖ ਤਮਾਸ਼ਬੀਨ।

👉 ਬਾਕੀ ਛੱਡੋ ਸਾਡੇ ਵਾਲਿਆਂ ਦੇ ਸਿਰ ਨੂੰ ਮਾਂ ਚੜੀ ਹੋਈ ਜਿਹੜੇ ਬੱਕਰਾ ਕੱਟਾ ਤਾਂ ਵੱਢ ਕੇ ਛੱਕ ਜਾਣਗੇ, ਪਰ ਗਾਂ 'ਤੇ ਆ ਕੇ ਮੌਤ ਪੈ ਜਾਂਦੀ। ਆਹਾ ਆਵਦੇ ਛਿਆਨਵੇਂ ਕਰੋੜੀਆਂ ਨੂੰ ਹੀ ਪੁਛ ਦੇਖੋ ਜੀਹਨਾ ਦਾ ਬਕਰਾਂ ਤਾਂ ਸ਼ਹੀਦ, ਪਰ ਗਾਂ 'ਤੇ ਕੇ ਮਾਂ ਹੋ ਜਾਂਦੀ ਅਤੇ ਇਸ ਅਵਾਰਾ ਮੌਤ ਨੂੰ ਸੜਕਾਂ 'ਤੇ ਲਈ ਫਿਰਨ ਵਾਲੇ ਪਾਲੇ ਨੂੰ ਉਲਟਾ ਰੱਬ ਬਣਾ ਧਰਿਆ।

🕳️ ਸੜਕਾਂ 'ਤੇ ਤੁਰੀ ਫਿਰਦੀ ਮੌਤ ਐ ਇਹ ਅਵਾਰਾ ਗਾਵਾਂ ਅਤੇ ਢੱਟੇ ਅਤੇ ਕੁੱਤੇ। ਅੱਜ ਤੇਰਾ, ਪਰ ਕਲ ਨੂੰ ਮੇਰਾ ਨਿਆਣਾ ਵੀ ਇਹ ਮੌਤ ਨਿਗਲ ਸਕਦੀ, ਫਿਰ ਦੂਜੇ ਅਰਦਾਸਾਂ ਕਰੀ ਜਾਣਗੇ। ਇਸ ਅਵਾਰਾ ਮੌਤ ਨੂੰ ਨੱਥ ਪਾਓਂਣ ਦੀ ਬਜਾਇ ਸਾਰਾ ਜ਼ੋਰ ਤੇ ਧਿਆਨ ਅਰਦਾਸਾਂ ਵੰਨੀ ਮੋੜ ਦਿੱਤਾ ਗਿਆ, ਪਰ ਇਹ ਤਾਂਡਵ ਨਾਚ ਫਿਰ ਵੀ ਜਾਰੀ।

<< ਸ੍ਰ. ਗੁਰਦੇਵ ਸਿੰਘ ਸੱਧੇਵਾਲੀਆ ਦੀਆਂ ਹੋਰ ਲਿਖਤਾਂ >> ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ। ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥ ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।

Disclaimer: Khalsanews.org does not necessarily endorse the views and opinions voiced in the news / articles / audios / videos or any other contents published on www.khalsanews.org and cannot be held responsible for their views.  Read full details....