Main News Page

😈 #ਮੱਸਾ #ਰੰਘੜ ਜੱਦ ਵੱਢ ਕੇ ਸਿੰਘਾਂ ਔਹ ਮਾਰਿਆ, ਤਾਂ ਮੱਸੇ ਦੀ ਔਰਤ ਮੱਸੇ ਦੀ ਬਿਨਾ ਸਿਰ ਲੋਥ ਚੱਕ ਕੇ ਲਾਹੌਰ ਜਾ ਪਿੱਟੀ। ਜਕਰੀਏ ਨੇ ਇਲਾਕੇ ਦੇ ਸਾਰੇ ਟਾਊਟ ਸੱਦ ਲਏ ਕਿ ਦੱਸੋ ਕੌਣ ਸੀ ਇਹ ਇੰਨੀ ਜ਼ੁੱਅਰਤ ਵਾਲਾ।

ਓਸ ਸਮੇਂ ਦੀ ਵੱਡੀ #ਕਾਲੀ #ਬਿੱਲੀ🐈‍⬛#ਹਰਿਭਗਤ #ਨਰੰਜਨੀਏ ਦਸਿਆ ਕਿ ਮੀਰਾਂ ਕੋਟੀਆਂ ਮਹਿਤਾਬ ਸਿੰਘ ਅਤੇ ਮਾੜੀ ਕੰਬੋਕੀ ਵਾਲਾ ਸੁੱਖਾ ਸਿੰਘ। ਨਾਲ ਇਹ ਖਬਰ ਵੀ ਦੇ ਦਿਤੀ ਕਿ ਓਹ ਕੁੰਡਲੀਏ ਤਾਂ ਉੱਡ ਗਏ ਮਾਰਕੇ ਡੰਗ, ਓਹ ਨਹੀਂ ਲੱਭਣੇ, ਪਰ ਮਹਿਤਾਬ ਸਿੰਘ ਦਾ ਪੁੱਤ ਨੱਥੇ ਪੰਚ ਦੇ ਘਰ ਰਹਿ ਰਿਹਾ।

👹 ਜਕਰੀਏ ਨੇ ਨੂਰਦੀਨ ਦੀ ਕਮਾਂਡ ਹੇਠ ਚਾਹੜ ਫੌਜਾਂ ਦਿਤੀਆਂ। ਨਾਲ ਮੱਸੇ ਰੰਘੜ ਦੇ ਭਰਾ ਅਤੇ ਭਤੀਜੇ ਅਤੇ ਓਸ ਸਮੇਂ ਦਾ ਵਡਾ ਟਾਊਟ ਹਰਿਭਗਤ ਨਰੰਜਨੀਆਂ। ਜਾ ਪਿੰਡ ਨੂੰ ਘੇਰ ਪਾਇਆ ਅਤੇ ਬਾਬੇ ਨੱਥੇ ਨੂੰ ਪੇਸ਼ ਹੋਣ ਦਾ ਹੁਕਮ ਹੋਇਆ ਅਤੇ ਸ੍ਰ ਮਹਿਤਾਬ ਸਿੰਘ ਦੇ ਛੋਟੇ ਜਿਹੇ ਪੁੱਤਰ ਰਾਇ ਸਿੰਘ ਨੂੰ ਹਵਾਲੇ ਕਰਨ ਦਾ।

☹️ #ਨੱਥਾ ਨੀਵੀਂ ਪਾਈ ਘਰ ਨੂੰ ਤੁਰਿਆ ਜਾਂਦਾ ਮਨ 'ਚ ਖਿਆਲ ਆਇਆ ਨੱਥਿਆ ਆਪਣੀ ਮਿੱਟੀ ਬਚਾਓਂਣ ਖਾਤਰ ਮਾਸੂਮ ਜਰਵਾਣਿਆਂ ਹਵਾਲੇ ਕਰੇਂਗਾ? ਕੀ ਜਵਾਬ ਦਏਂਗਾ ਆਪਣੇ ਯਾਰ ਮਹਿਤਾਬ ਸਿੰਘ ਨੂੰ ਕਿ ਤੇਰਾ ਪੁੱਤ ਨਹੀਂ ਬਚਾ ਸਕਿਆ ਮੈਂ?
ਤੇ ਬਾਬਾ ਨੱਥਾ ਕਰੀਬਨ ਦੌੜ ਹੀ ਪਿਆ।

👉ਘਰੇ ਜਾ ਕੇ ਜੱਦ ਗਲ ਕੀਤੀ ਤਾਂ ਜਵਾਨ ਪੁੱਤ ਬਾਬੇ ਨੱਥੇ ਦਾ ਆਂਹਦਾ ਬਾਪੂ ਜੇ ਇਓਂ ਐ ਤਾਂ ਰਾਇ ਸਿੰਘ ਤਾਂ ਹੁਣ ਸਾਡੀਆਂ ਲਾਸ਼ਾਂ ਲੰਘ ਕੇ ਹੀ ਫੜ ਹੋਊ। ਨਾਲ ਖੜਾ ਬਾਬੇ ਨੱਥੇ ਦਾ ਭਾਣਜਾ, ਸੀਰੀ ਅਤੇ ਪਹਿਰੇਦਾਰ ਵੀ ਬਰਛਾ ਗੱਡ ਖੜੋਤੇ ਕਿ ਸਿਰ ਫਿਰ ਹੁਣ ਸਾਡੇ ਵੀ ਲੱਥਣਗੇ ਨਾਲ ਈ। ਰਾਇ ਸਿੰਘ ਨੂੰ ਲੈ ਕੇ ਪੰਜੇ ਜਦ ਵਾਹਣੋ ਵਾਹਣੀ ਹੋ ਲਏ ਤਾਂ ਕਿਸੇ ਖਬਰ ਜਾ ਦਿਤੀ ਨੂਰਦੀਨ ਨੂੰ ਕਿ ਬੰਦੇ ਦੌੜ ਗਏ ਈ।

⭕ ਘੇਰਾ ਪੈ ਗਿਆ ਅਸਾਵੀਂ ਲੜਾਈ ਸ਼ੁਰੂ ਹੋ ਗਈ। ਮੱਸੇ ਦੇ ਬਦਲਾ ਲੈਣ ਆਏ ਭਰਾ ਅਤੇ ਭਤੀਜੇ ਸਭ ਤੋਂ ਮੂਹਰੇ ਇਓਂ ਦੋੜ ਰਹੇ ਸਨ ਜਿਵੇਂ ਵਰਤਦੀ ਦੇਗ ਮੁੱਕ ਚਲੀ ਹੋਵੇ। ਪਰ ਓਨਾ ਨੂੰ ਪਤਾ ਨਾ ਸੀ ਕਿ ਅਗਿਓਂ ਸੂਰਮੇ ਖੱਫਣ ਬੰਨੀ ਖੜੇ ਸਨ ਸਿਰਾਂ 'ਤੇ। ਦੋ ਭਤੀਜੇ ਅਤੇ ਇੱਕ ਮੱਸੇ ਦਾ ਭਰਾ ਬਾਬੇ ਨੱਥੇ ਹੋਰਾਂ ਜਾਂਦਿਆਂ ਈ ਇਓਂ ਦਬੋਚ ਲਏ ਜਿਵੇਂ ਬਾਜ ਉਡਦੀ ਘੁੱਗੀ ਦਬੋਚਦਾ। ਮੱਸੇ ਦੇ ਬਾਕੀ ਬਚਦੇ ਇਓਂ ਦੌੜ ਨਿਕਲੇ ਜਿਵੇਂ ਫਿੱਡੂ ਕੌਡੀ ਪਾ ਕੇ ਭਜਦਾ ਕਿ ਇਕ ਮੱਸਾ ਤਾਂ ਮਰ ਗਿਆ ਸੋ ਮਰ ਗਿਆ ਤਿੰਨ ਲਾਸ਼ਾਂ ਹੋਰ ਚੁਕਣੀਆਂ ਪੈ ਗਈਆਂ ਟੱਬਰ ਦੀਆਂ। ਸਾਨੂੰ ਨਹੀਂ ਚਾਹੀਦਾ ਬਦਲਾ ਵਦਲਾ।

⚠️ ਆਖਰ ਸਾਰੀ ਫੌਜ ਪੈ ਨਿਕਲੀ। ਗੋਲ਼ੀਆਂ ਨਾਲ ਵਿੰਨਿਆ ਬਾਬੇ ਨੱਥੇ ਦਾ ਜਵਾਨ ਪੁੱਤ, ਭਾਣਜਾ ਅਤੇ ਨਾਲ ਵਾਲੇ ਸ਼ਹੀਦੀਆਂ ਪਾ ਗਏ, ਪਰ ਬਾਬਾ ਨੱਥਾ ਓਨਾਂ ਚਿਰ ਤੀਰ ਚਲਾਓਂਣੋ ਨਾ ਹੱਟਿਆ ਜਿੰਨੀ ਦੇਰ ਉਸ ਦਾ ਆਖਰੀ ਸਾਹ ਚਲਦਾ ਰਿਹਾ ਅਤੇ ਸਾਰੀ ਲੜਾਈ ਵਿੱਚ ਛੋਟਾ ਜਿਹਾ ਰਾਇ ਸਿੰਘ ਭੰਗੂ ਬਾਬੇ ਨੱਥੇ ਦੀਆਂ ਲੱਤਾਂ ਨੂੰ ਇਓਂ ਚਿੰਬੜਿਆ ਰਿਹਾ ਜਿਵੇਂ ਸਕੇ ਪਿਓ ਦੀਆਂ ਨੂੰ।

👳‍♀️ ਮਾਸੂਮ ਰਾਇ ਸਿੰਘ ਨੂੰ ਵੀ ਜਰਵਾਣੇ ਆਪਦੇ ਵਲੋਂ ਵੱਢ ਕੇ ਸੁੱਟ ਗਏ ਪਰ ਰਾਇ ਸਿੰਘ ਬੱਚ ਨਿਕਲਿਆ ਅਤੇ ਰਾਇ ਸਿੰਘ ਦਾ ਅਗਿਓਂ ਪੁੱਤਰ ਰਤਨ ਸਿੰਘ ਭੰਗੂ ਜਿਹੜਾ ਖਾਲਸੇ ਦੇ ਇਤਿਹਾਸ ਦਾ ਇਕ ਖੂਬਸੂਰਤ ਸੋਮਾ ਪੈਦਾ ਕਰ ਗਿਆ ਜਿੱਥੋਂ ਹਾਲਾਂ ਤੱਕ ਇਤਿਹਾਸ ਦੇ ਆਸ਼ਕ ਬੂੰਦਾਂ ਪੀ ਪੀ ਲੰਘਦੇ।

🙏 ਬਾਬੇ ਨੱਥੇ ਨੂੰ ਸਲੂਟ, ਸਿਜਦਾ, ਪ੍ਰਣਾਮ ਜਿਹੜਾ ਯਾਰੀ ਖਾਤਰ ਸਮੇਤ ਜਵਾਨ ਪੁੱਤ ਸਭ ਕੁਝ ਲੇਖੇ ਲਾ ਗਿਆ।

<< ਸ੍ਰ. ਗੁਰਦੇਵ ਸਿੰਘ ਸੱਧੇਵਾਲੀਆ ਦੀਆਂ ਹੋਰ ਲਿਖਤਾਂ >> ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ। ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥ ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।

Disclaimer: Khalsanews.org does not necessarily endorse the views and opinions voiced in the news / articles / audios / videos or any other contents published on www.khalsanews.org and cannot be held responsible for their views.  Read full details....