Main News Page

🪯 ਗੁਰਦੁਆਰਾ ਯਾਣੀ ਗੁਰੂ ਦਾ ਦਰ। ਦਰ ਉਪਰ ਮੈਂ ਰਾਜਾ ਨਹੀਂ, ਭਿਖਾਰੀ ਤਾਂ ਬਣ ਕੇ ਜਾ ਸਕਦਾ ਕਿ ਝੋਲੀ ਮੇਰੀ ਨਾਮ ਦਾ ਕਿਣਕਾ ਪੈ ਜਾਏ ਤੇ ਜੀਵਨ ਮੇਰਾ ਧੰਨ ਹੋ ਜਾਏ।

👉 ਗੁਰੂ ਦਰ ਤੋਂ ਤਾਂ ਬੇਹਾ ਟੁਕਰ ਵੀ ਮਿਲ ਜਾਏ ਤਾਂ ਧੰਨਭਾਗ ਨੇ ਪਰ ਮੇਰੀ ਜਿਹਬ ਵਿਚ ਆਏ ਚਾਰ ਛਿਲੜਾਂ ਨੇ ਅਦਬ ਗਾਇਬ ਕਰ ਦਿਤਾ ਅਤੇ ਮੈਂ ਗੁਰਦੁਆਰੇ ਨੂੰ ਬੈਂਕੁਇਟ ਹਾਲ Banquet Hall ਬਣਾਓਂਣ ਵੰਨੀ ਤੁਰ ਪਿਆ ਹੋਇਆਂ।

👳 ਬੇਟੇ ਲਈ ਗੁਰਦੁਆਰਾ ਬੁੱਕ ਕਰਾਓਂਣ ਗਏ ਤਾਂ ਓਨਾ ਤਿੰਨ ਰੇਟ ਦਸੇ। 'ਆਮ ਲੰਗਰ', ਥੋੜਾ ਹਾਈ ਕਲਾਸ ਲੰਗਰ ਤੇ ਤੀਜਾ ਪੂਰਾ ਹਾਈ ਫਾਈ ਲੰਗਰ। ਇਹ ਦੱਸਣ ਦੀ ਲੋੜ ਨਹੀਂ ਕਿ ਕੀ ਕੀ ਐਡ ਹੋਵੇਗਾ ਵਿਚ। ਪਰ ਜਦ ਪੁਛਿਆ ਕਿ ਆਮ ਲੰਗਰ ਮਤਲਬ? ਜੀ ਦਾਲ, ਮਿਕਸ ਸਬਜੀ, ਦਹੀਂ ਅਤੇ ਇੱਕ ਕੁੱਝ ਮਿੱਠਾ, ਪਹਿਲਾਂ ਚਾਹ ਪਕੌੜੇ। ਮੈਂ ਹੈਰਾਨ ਕਿ ਆਮ ਲੰਗਰ ਤਾਂ ਇਹ ਵੀ ਨਹੀਂ ਯਾਣੀ ਆਮ ਤੈਂ ਅੱਗੇ ਹਜੇ ਖਾਸ ਹੋਰ ਹੈਗਾ ਹਾਲਾਂ? ਪਰ ਚਲੋ ਇਹ ਰੋਜ਼ਾਨਾ ਵਰਤਦਾ ਕਰਕੇ ਸ਼ਾਇਦ ਆਮ ਲੰਗਰ ਹੋਵੇ।

🥘 #ਲੰਗਰ ਦਾ ਖਰਚਾ ਕੁੜੀ ਵਾਲੇ ਦਿੰਦੇ ਜਦ ਕਿ ਮੇਰਾ ਮੰਨਣਾ ਕਿ ਮੁੰਡੇ ਵਾਲਿਆਂ ਦਾ ਦੇਣਾ ਬਣਦਾ, ਕੁੜੀ ਵਾਲੇ ਤਾਂ ਪਹਿਲਾਂ ਈ ਦਿਲ ਵਿਚੋਂ ਰੁਗ ਭਰਕੇ ਤੁਹਾਨੂੰ ਦੇ ਚੁਕੇ ਹੁੰਦੇ ਹਨ। ਵਿਆਹ ਦਾ ਸਾਰਾ ਖਰਚਾ ਈ ਮੁੰਡੇ ਵਾਲਿਆਂ ਨੂੰ ਕਰਨਾ ਬਣਦਾ, ਕੁੜੀ ਵਾਲੇ ਪਹਿਲਾਂ ਈ ਕੁੜੀ ਉਪਰ ਕਰ ਚੁਕੇ ਹੁੰਦੇ। ਖੈਰ ਇਹ ਹਾਲਾਂ ਬਾਅਦ ਦੀ 'ਲੜਾਈ'।

👳‍♂️ ਮੈਂ ਓਨਾ ਨੂੰ ਕਿਹਾ ਕਿ ਸਾਨੂੰ ਤਾਂ ਤੁਹਾਡਾ ਆਮ ਵੀ ਜਿਆਦਾ ਲਗਦਾ ਦਾਲ ਫੁਲਕਾ ਵੀ ਚਲੂ ਕਿਉਂਕਿ ਅਸੀਂ ਨਹੀਂ ਚਾਹੁੰਦੇ ਕਿ ਅਸੀਂ ਕਾਰਣ ਬਣੀਏ ਕਿ ਗੁਰੂਦੁਆਰੇ ਨੂੰ ਬੈਂਕੁਇਟ ਹਾਲ ਬਣਾਇਆ ਜਾਵੇ ਅਤੇ ਬਾਹਰੋਂ ਕੇਟਰਿੰਗ ਦੇ ਨਾਂ 'ਤੇ ਹਲਵਾਈਆਂ ਦੀ ਜੂਠ ਮਿਠ ਗੁਰੂ ਕੇ ਲੰਗਰ ਵਿਚ ਵਰਤਾਈ ਜਾਵੇ। ਤੇ ਜਿਹੜਾ ਵਿਆਹ ਆਇਆ ਪ੍ਰਾਹੁਣਾ ਗੁਰੂਆਰਿਓਂ ਸਾਦਾ ਲੰਗਰ ਛੱਕਣ ਤੇ ਰੁਸਦਾ ਉਸਦੇ ਰੁੱਸਣ ਦੀ ਪ੍ਰਵਾਹ ਕਰਨੀ ਬਣਦੀ ਹੀ ਨਹੀਂ ਅਤੇ ਨਾ ਕੋਈ ਇਓਂ ਰੁਸਦਾ ਹੀ ਹੈ। ਬਾਹਰ ਜਾ ਕੇ ਬਥੇਰਾ ਤੂੜਨਾ ਤੂੜ ਲਵੋ, ਪਰ ਗੁਰਦੁਆਰੇ ਨੂੰ ਗੁਰੂ ਦਾ ਦਰ ਹੀ ਰਹਿਣ ਦਿਓ।

▪️ ਦੂਜਾ ਕੈਮਰਿਆਂ ਵਾਲਿਆਂ ਦੀਆਂ ਬਾਂਦਰ ਟਪੂਸੀਆਂ ਘੱਟ ਕੀਤੀਆਂ ਜਾਣ।

▪️ ਤੀਜਾ ਮਾਈਆਂ ਦਾ ਆਵਦੀਆਂ ਉਡਦੀਆਂ ਫਿਰਦੀਆਂ ਫੁਲਝੜੀਆਂ ਜਿਹੀਆਂ ਦਾ ਸਾਂਭ ਕੇ ਰਖਣਾ ਆਦਰ ਐ ਗੁਰੂ ਦਰ ਦਾ।

▪️ ਚੌਥਾ ਇੱਕ ਵਰਦੀ ਵਿੱਚ ਪਲਟਨਓ ਬੰਨ ਬੰਨ ਰਾਜਿਆਂ ਤਰਾਂ ਗੁਰੂ ਘਰ 'ਐਂਟਰ' ਹੋਣਾ ਸੋਭਾ ਨਹੀਂ ਦਿੰਦਾ ਬਾਹਰ ਜਾ ਕੇ ਬਥੇਰਾ ਕੁੱਝ ਕਰਨਾ ਹੁੰਦਾ ਤੁਸੀਂ ਝਖ ਮਾਰੀ ਜਾਓ। ਇਥੇ ਗੁਨਾਹ ਬਖਸ਼ਾਓਂਣ ਆਈਦਾ, ਨਾ ਕਿ ਹਓਂ ਦੀਆਂ ਪੰਡਾਂ ਹੋਰ ਭਾਰੀਆਂ ਕਰੀ ਦੀਆਂ।

ਮਾਂ ਬਾਪ ਦੀ ਸਾਰੀ ਉਮਰ ਦੀ ਕਮਾਈ ਹੁੰਦੀ ਉਸ ਦੀ ਔਲਾਦ ਅਤੇ ਖੁਸ਼ੀ ਹੁੰਦੀ, ਪਰ ਇਸ ਖੁਸ਼ੀ ਵਿੱਚ ਗੁਰਾਂ ਦੇ ਅਨਾਦਰ ਦਾ ਕਾਰਣ ਨਾ ਬਣੋ, ਇਨਾ ਸਰਦਾਰੀਆਂ ਤੱਕ ਪਹੁੰਚਦਿਆਂ ਸਿਰਾਂ ਦੇ ਅੰਬਾਰ ਲਗ ਚੁਕੇ ਹੋਏ ਖਾਲਸੇ ਦੇ।

📛 ਪਤਾ ਨਹੀਂ ਪਰ ਮੈਂ ਸੁਣਿਆ ਵੈਨਕੂਵਰ ਵਾਲੇ ਪਾਸੇ 100-100 ਡਾਲਰ ਵੀ ਲੈਂਦੇ ਪਲੇਟ ਦਾ ਅਤੇ ਓਥੇ ਗੁਰੂ ਦਰ ਬਫੇ () ਰੈਸਤਰਾਂ ਬਣਾਇਆ ਪਿਆ ਹੁੰਦਾ, ਜਿੱਥੇ ਤਰ੍ਹਾਂ ਤਰ੍ਹਾਂ ਦੀ ਆਈੲਕਰੀਮਾਂ, ਪੀਜ਼ੇ, ਬਰਗਰ ਵੀ ਸ਼ਾਮਲ ਹੁੰਦੇ।

⚠️ ਸਾਰੇ ਨਹੀਂ, ਪਰ ਕੁਝ ਗੁਰਦੁਆਰਿਆਂ ਦੀ ਇਹ ਗਲਤ ਪਿਰਤ ਗੁਰੂ ਦੇ ਦਰ ਨੂੰ ਬੈਂਕੁਇਟ ਹਾਲਾਂ ਵਿੱਚ ਬਦਲ ਦਏ, ਇਸ ਤੋਂ ਪਹਿਲਾਂ ਹੀ ਬੀਮਾਰੀ ਫੜ ਲੈਣੀ ਚਾਹੀਦੀ।

<< ਸ੍ਰ. ਗੁਰਦੇਵ ਸਿੰਘ ਸੱਧੇਵਾਲੀਆ ਦੀਆਂ ਹੋਰ ਲਿਖਤਾਂ >> ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ। ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥ ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।

Disclaimer: Khalsanews.org does not necessarily endorse the views and opinions voiced in the news / articles / audios / videos or any other contents published on www.khalsanews.org and cannot be held responsible for their views.  Read full details....