Main News Page

❌ਕਬਿਯੋ ਬਾਚ ਬੇਨਤੀ ਚੌਪਈ "ਹਮਰੀ ਕਰੋ ਹਾਥ ਦੇ ਰੱਛਾ..." ਪੜ੍ਹਨ ਵਾਲੇ 99% ਕਥਿਤ ਸਿੱਖਾਂ ਨੂੰ ਇਹ ਪਤਾ ਨਹੀਂ, ਕਿ ਇਹ ਰਚਨਾਂ ਕਿੱਥੇ ਲਿਖੀ ਹੋਈ ਹੈ ਅਤੇ ਇਸਦਾ ਅਰਥ ਕੀ ਹਨ। ਜੇੜ੍ਹੇ 1% ਸਿੱਖ ਇਹ ਜਾਣਦੇ ਨੇ ਕਿ ਇਹ ਰਚਨਾ ਬਚਿੱਤਰ ਨਾਟਕ ਦਾ ਇਕ ਹਿੱਸਾ ਹੈ, ਉਨ੍ਹਾਂ ਵਿਚੋਂ ਵੀ ਕੁੱਝ ਕੁ ਸਿੱਖ ਜਾਣਬੁੱਝ ਕੇ ਇਹ ਦਲੀਲ ਦਿੰਦੇ ਨੇ ਕਿ, 'ਇਹ ਰਚਨਾ ਗੁਰੂ ਗੋਬਿੰਦ ਸਿੰਘ ਸਾਹਿਬ ਦੀ ਉਚਾਰੀ ਹੋਈ ਹੈ, ਇਸਨੂੰ ਕਿਸੇ ਸਾਜਿਸ਼ ਦੇ ਅਧੀਨ "ਬਚਿਤ੍ਰ ਨਾਟਕ" ਦੇ "ਚਰਿਤ੍ਰ ਪਖਿਯਾਨ" ਵਿਚ ਜੋੜ ਦਿਤਾ ਗਇਆ ਹੈ।'

👳ਐਸੇ ਵੀਰਾਂ ਦੇ ਮੁਗਾਲਤੇ ਨੂੰ ਦੂਰ ਕਰਨਾਂ ਸਾਡਾ ਫਰਜ ਹੈ ਕਿ ਇਹ ਸਾਬਿਤ ਕਰ ਦੇਈਏ ਕਿ "ਪਾਹੁਲ ਸੰਸਕਾਰ ਅਤੇ ਨਿਤਨੇਮ ਵਾਲੀ ਇਹ ਚੌਪਈ" ਨਾ ਤਾਂ ਬਾਅਦ ਵਿਚ ਜੋੜੀ ਗਈ ਹੈ ਅਤੇ ਨਾ ਹੀ ਇਹ ਗੁਰੂ ਗੋਬਿੰਦ ਸਿੰਘ ਸਾਹਿਬ ਜੀ ਦੀ ਉਚਾਰੀ ਹੋਈ ਰਚਨਾ ਹੈ।

🌽ਚਰਿਤ੍ਰ ਪਖਿਯਾਨ ਦੇ ਕੁਲ 404 ਚਰਿਤ੍ਰਾਂ ਦੇ ਅਖੀਰਲੇ ਚਰਿਤ੍ਰ, ਯਾਨੀ 404ਵੇਂ ਚਰਿਤ੍ਰ ਵਿਚ ਇਸ "ਚੌਪਈ" ਦੀਆਂ ਕੁਲ 405 ਪੌੜ੍ਹੀਆਂ ਹਨ ਜਿਦੇ ਵਿਚੋਂ 100% ਸਿੱਖ ਪੂਰੀ ਚੌਪਈ (405 ਬੰਦ) ਨਹੀਂ ਪੜਦੇ। ਬਲਕਿ ਇਸਦੀ 377ਵੀਂ ਪੌੜ੍ਹੀ ਤੋਂ ਲੈ ਕੇ 405ਵੀਂ ਪੌੜ੍ਹੀ ਤਕ (ਕੁਲ 28 ਬੰਦ) ਹੀ ਪੜ੍ਹਦੇ ਨੇ। ਉਨ੍ਹਾਂ 100% ਸਿੱਖਾਂ ਨੂੰ ਤਾਂ ਇਹ ਵੀ ਪਤਾ ਨਹੀ ਹੁੰਦਾ ਕਿ ਇਸ ਪੂਰੀ ਚੌਪਈ ਦਾ ਅਰਥ ਕੀ ਹਨ। ਇਸ ਵਿਚ ਲੜ ਰਹੇ ਖੜਗਕੇਤੁ, ਮਹਾਕਾਲ, ਸ਼੍ਰੀ ਅਸਧੁਜ, ਕਾਲਕਾ , ਜਗਮਾਤਾ, ਸ਼੍ਰੀ ਅਸਿਪਾਨ ਤੇ ਦੇਵੀ ਦੇਵਤੇ ਅਤੇ ਰਾਖਸ਼ ਹਨ, ਜੋ ਕੋਈ ਯੁਧ ਲੜ ਰਹੇ ਹਨ। ਕਵੀ ਇਨ੍ਹਾਂ ਦੇਵੀ ਦੇਵਤਿਆਂ ਦੇ ਅਗੇ ਹੀ ਇਸ ਚੌਪਈ ਰਾਂਹੀ ਜੋਦੜੀ ਕਰ ਰਿਹਾ ਹੈ, "ਹਮਰੀ ਕਰੋ ਹਾਥ ਦੇ ਰੱਛਾ.....ਆਦਿਕ।

👉ਇਸ "ਚੌਪਈ" ਦਾ ਚਰਿਤ੍ਰ ਨੰਬਰ 404 ਹੈ ਅਤੇ ਇਸ ਚਰਿਤ੍ਰ ਤੋਂ ਦੋ ਚਰਿਤ੍ਰ ਪਹਿਲਾਂ, ਨੰਬਰ 402 ਵਿੱਚ ਕਵੀ ਲਿਖ ਰਿਹਾ ਹੈ-

💃ਆਪ ਗਈ ਰਾਜਾ ਕੇ ਪਾਇ ॥ ਕਾਮ ਭੋਗ ਕੀਨਾਂ ਲਪਟਾਇ ॥23॥
ਪੋਸਤ ਭਾਂਗ ਅਫੀਮ ਮਿਲਾਇ॥ ਆਸਨ ਤਾ ਤਰ ਦਿਯੋ ਬਨਾਇ॥

💋ਚੁੰਬਨ ਰਾਇ ਅਲਿੰਗਨ ਲਏ॥ ਲਿੰਗ ਦੇਤ ਤਿਹ ਭਗ ਮੋ ਭਏ॥24॥
ਭਗ ਮੋ ਲਿੰਗ ਦਿਯੋ ਰਾਜਾ ਜਬ॥ ਰੁਚਿ ਉਪਜੀ ਤਰਨੀ ਕੇ ਜਿਯ ਤਬ॥

🤝ਲਪਟਿ ਲਪਟਿ ਆਸਨ ਤਰ ਗਈ ॥ ਚੁੰਬਨ ਕਰਤ ਭੂਪਨ ਕੋ ਭਈ॥25॥
ਗਹਿ ਗਹਿ ਤਿਹ ਕੋ ਗਰੇ ਲਗਾਵਾ॥ ਆਸਨ ਸੌ ਆਸਨਹਿ ਛੁਹਾਵਾ॥

💑ਅਧਰਨ ਸੌ ਦੋਊ ਅਧਰ ਲਗਾਈ ॥ ਦੁਹੂੰ ਕੁਚਨ ਸੌ ਕੁਚਨ ਮਿਲਾਈ॥26॥
ਪੰਨਾ ਨੰ 1358, ਚਰਿਤ੍ਰ 402, ਬਚਿਤ੍ਰ ਨਾਟਕ ਗ੍ਰੰਥ (ਅਖੌਤੀ ਦਸਮ ਗ੍ਰੰਥ)

💄ਅਰਥ: ਉਹ ਆਪ ਰਾਜੇ ਕੋਲ ਗਈ॥ ਉਸਨੂੰ ਲਿਪਟਾ ਕੇ ਕਾਮ ਭੋਗ ਕੀਤਾ॥ ਪੋਸਤ ਭੰਗ ਤੇ ਅਫੀਮ ਮਿਲਾ ਕੇ॥ ਕਈ ਪ੍ਰਕਾਰ ਦੇ ਆਸਨ ਬਣਾ ਕੇ॥ ਰਾਜੇ ਨੇ ਉਸ ਦੇ ਚੁੰਬਨ ਅਤੇ ਆਲਿੰਗਨ ਲਏ॥ ਅਪਣਾਂ ਲਿੰਗ ਉਸਦੀ ਯੋਨੀ ਵਿਚ ਪਾਇਆ॥24॥ ਆਪਣਾਂ ਲਿੰਗ ਜਦੋ ਉਸ ਦੀ ਯੋਨੀ ਵਿਚ ਪਾਇਆ॥ ਉਸ ਇਸਤਰੀ ਦੇ ਮਨ ਵਿਚ ਬਹੁਤੀ ਕਾਮ ਇੱਛਾ ਪੈਦਾ ਹੋ ਗਈ॥ ਉਹ ਰਾਜੇ ਨਾਲ ਚੰਬੜ ਚੰਬੜ ਕੇ ਆਸਨ ਲੀਨ ਹੋ ਗਈ॥ ਚੁੰਬਨ ਕਰਕੇ ਉਹ ਰਾਜੇ ਦੀ ਹੋ ਗਈ॥25॥ ਫੜ ਫੜ ਕੇ ਉਸਨੂੰ ਗਲੇ ਲਾਇਆ॥ ਹੇਠਲੇ ਅੰਗਾਂ ਨਾਲ ਹੇਠਲੇ ਅੰਗ ਛੁਆ ਦਿੱਤੇ॥ ਬੁੱਲਾਂ ਨਾਲ ਆਪਣੇ ਬੁਲ ਲਾ ਦਿੱਤੇ॥ ਉਸ ਦੀਆਂ ਦੋਹਾਂ ਛਾਤੀਆਂ ਨਾਲ ਆਪਣੀ ਛਾਤੀ ਲਾ ਦਿੱਤੀ॥26॥ ਪੰਨਾ ਨੰ 1358, ਚਰਿਤ੍ਰ 402, ਬਚਿਤ੍ਰ ਨਾਟਕ ਗ੍ਰੰਥ (ਅਖੌਤੀ ਦਸਮ ਗ੍ਰੰਥ)

😠ਕਬਿਉ ਬਾਚ ਬੇਨਤੀ॥ ਚੌਪਈ॥ ਪੜ੍ਹਨ ਵਾਲੇ ਨਿਤਨੇਮੀਉ ! ਅਤੇ ਅਖੌਤੀ ਅੰਮ੍ਰਿਤਧਾਰੀਉ ! ਇਹ "ਚੌਪਈ" ਵੀ ਤਾਂ ਉਸੇ ਦੀ ਲਿਖੀ ਹੋਈ ਹੈ, ਜੋ ਇਹ ਸਾਰਾ ਗੰਦ ਲਿਖ ਰਿਹਾ ਹੈ। ਆਉ ਵੀਚਾਰ ਕਰੀਏ... www.KhalsaNews.org

❓ ਕੀ ਚੌਪਈ ਦੀਆਂ ਸਾਰੀਆਂ 405 ਪੌੜ੍ਹੀਆਂ ਦੇ ਅਰਥ ਸਮਝਣ ਦੀ ਸਾਨੂੰ ਲੋੜ ਨਹੀਂ? ਕੀ ਚੌਪਈ ਪੜ੍ਹਨ ਵਾਲਿਆਂ ਨੂੰ ਇਸਦੇ ਅਰਥ ਪਤਾ ਹਨ ?
❓ ਕੀ ਪੂਰੀ ਚੌਪਈ ਵਿੱਚ ਇਕ ਵਾਰ ਵੀ ਲਿਖਾਰੀ ਦਾ ਨਾਂ / ਗੁਰੂ ਸਾਹਿਬ ਦਾ ਨਾਂ / ਮਹਲਾ 10 ਜਾਂ ਨਾਨਕ ਸ਼ਬਦ ਆਉਂਦਾ ਹੈ?
❓ ਕੀ ਚਰਿਤ੍ਰ ਪਖਿਯਾਨ ਲਿਖਣ ਵਾਲੇ ਦੋ ਕਵੀ ਸਨ, ਇਕ ਜਿਸਨੇ ਚਰਿਤ੍ਰ ਨੰਬਰ 402 ਲਿਖਿਆ ਅਤੇ ਇਕ ਨੇ ਚਰਿਤ੍ਰ ਨੰਬਰ 404 (ਚੌਪਈ ਵਾਲਾ ਚਰਿਤ੍ਰ) ਲਿਖਿਆ?
❓ ਕੀ ਗੁਰੂ ਗ੍ਰੰਥ ਸਾਹਿਬ ਵਿੱਚ "ਸੋਦਰੁ" ਦੀ ਬਾਣੀ ਵਿੱਚ ਕਬਿਉ ਬਾਚ ਬੇਨਤੀ ਚੌਪਈ ਲਿਖੀ ਹੈ? ਜੇ ਨਹੀਂ! ਤਾਂ ਕਿਉ ਨਹੀਂ? ਜਦਕਿ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਮੁੜ ਸੰਪਾਦਨਾ ਤਾਂ ਦਸਮ ਪਿਤਾ ਨੇ ਆਪ ਹੀ ਕੀਤੀ ਸੀ?
❓ ਕੀ ਗੁਰੂ ਗੋਬਿੰਦ ਸਿੰਘ ਸਾਹਿਬ ਭੁਲਣਹਾਰ ਸਨ, ਜੋ ਸੋਦਰੁ ਦੀ ਬਾਣੀ ਵਿੱਚ ਕਬਿਉ ਬਾਚ ਬੇਨਤੀ ਪਾਉਣੀ ਭੁਲ ਗਏ ਸਨ ?
❓ ਕੀ ਅਸੀ ਦਸਮ ਪਿਤਾ ਨਾਲੋਂ ਵੀ ਬਹੁਤੇ ਸਿਆਣੇ ਹਾਂ? ਜਿਨ੍ਹਾਂ ਨੇ ਸੋਦਰੁ ਦੀ ਪਵਿੱਤਰ ਬਾਣੀ ਵਿੱਚ ਇਹ ਕੱਚੀ ਰਚਨਾ ਜੋੜ ਦਿੱਤੀ?
❓ ਕੀ ਖੜਗਕੇਤੁ, ਅਸਿਧੁਜ, ਮਹਾਕਾਲ, ਸ਼੍ਰੀ ਅਸਿਕੇਤੁ, ਜਗਮਾਤਾ ਅਕਾਲਪੁਰਖ ਨੂੰ ਕਹਿਆ ਗਿਆ ਹੈ ?
❓ ਕੀ ਚੌਪਈ ਨੂੰ ਦਸਮ ਪਿਤਾ ਦੀ ਬਾਣੀ ਕਹਿਣ ਵਾਲੇ, ਇਹ ਦਸ ਸਕਦੇ ਨੇ ਕਿ ਸੋਦਰੁ ਦੀ ਪਵਿੱਤਰ ਬਾਣੀ ਵਿੱਚ ਚੌਪਈ ਕਿਸਨੇ ਜੋੜੀ ਅਤੇ ਇਸਦੀ ਸਜ਼ਾ ਕੀ ਹੈ?

☝️ਜੇ ਇਨ੍ਹਾਂ ਸਾਰੇ ਸਵਾਲਾਂ ਦਾ ਜਵਾਬ "ਨਹੀਂ ਹੈ", ਤਾਂ ਕਿਉਂ ਪੂਰੀ ਕੌਮ ਇਸ "ਚੌਪਈ" ਦੇ ਮਗਰ ਪਈ ਹੈ ? ਇਥੋਂ ਤੱਕ ਕਿ ਇਹ ਰਚਨਾਂ, ਪਾਹੁਲ ਸੰਸਕਾਰ ਵਿਚ ਵੀ ਜੋੜ ਦਿੱਤੀ ਗਈ ਹੈ ਅਤੇ ਇਸਤੋਂ ਬਿਨਾਂ ਇਕ ਵੀ ਬੰਦਾ ਸਿੱਖ ਨਹੀਂ ਬਣ ਸਕਦਾ (ਪੰਜ ਪਿਆਰਿਆਂ ਅਨੁਸਾਰ)!!!

😳ਹੋਸ਼ ਵਿਚ ਆਉ ! ਜੇ ਤੁਸਾਂ ਇਸਨੂੰ ਪਾਹੁਲ ਸੰਸਕਾਰ ਵਿੱਚ ਸ਼ਾਮਿਲ ਕੀਤਾ ਹੈ, ਆਪਣੇ ਨਿਤਨੇਮ ਵਿਚ ਸ਼ਾਮਿਲ ਕੀਤਾ ਹੈ, ਤਾਂ ਪੂਰੀ 405 ਬੰਦਾਂ ਵਾਲੀ ਚੌਪਈ ਪੜ੍ਹੋ ਤੇ ਉਸਦੇ ਅਰਥਾਂ ਨੂੰ ਜਾਣੋ। ਫਿਰ ਤੁਹਾਡਾ ਮਨ ਕਰੇ ਤਾਂ ਇਸਨੂੰ ਜੰਮ ਜੰਮ ਪੜ੍ਹੋ। ਲਕੀਰ ਦੇ ਫਕੀਰ ਨਾ ਬਣੋ ਕਿਉਂਕਿ ਸਿੱਖ ਸਵਾਲ ਕਰਦਾ ਹੈ, ਖੋਜ ਕਰਦਾ ਹੈ, ਲਾਈ ਲੱਗ ਨਹੀਂ ਬਣਦਾ। ਮਰਜ਼ੀ ਤੁਹਾਡੀ।

ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ। ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥ ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।

Disclaimer: Khalsanews.org does not necessarily endorse the views and opinions voiced in the news / articles / audios / videos or any other contents published on www.khalsanews.org and cannot be held responsible for their views.  Read full details....