30 ਸਤੰਬਰ (ਮਨਜੀਤ ਸਿੰਘ) ਕਨੇਡਾ ਨਿਵਾਸੀ ਪਾਲ ਸਿੰਘ ਪੁਰੇਵਾਲ ਵਾਲੇ ਮੂਲ-ਨਾਨਕਸ਼ਾਹੀ ਅਤੇ ਸ਼੍ਰੋਮਣੀ ਕਮੇਟੀ ਵੱਲੋਂ ਪ੍ਰਕਾਸ਼ਤ 'ਧੁਮਕੜਸ਼ਾਹੀ' ਕੈਲੰਡਰਾਂ ਵਿਚ ਨਵਰਾਤਰੇ ਤੇ ਦਸਹਿਰਾ (ਵਿਜੈ ਦਸਮੀ) ਦਾ ਕੋਈ ਜ਼ਿਕਰ ਨਹੀ, ਕਿਉਂਕ ਇਹ ਨਿਰੋਲ ਹਿੰਦੂ ਤਿਉਹਾਰ ਹਨ। ਗੁਰਸਿੱਖਾਂ ਦਾ ਇਨ੍ਹਾਂ ਨਾਲ ਕੋਈ ਸਬੰਧ ਨਹੀਂ। ਮਿਥਿਹਾਸ ਮੁਤਾਬਿਕ ਦੁਰਗਾ ਦੇਵੀ ਨੌ ਦਿਨ ਤੇ ਨੌ ਰਾਤਾਂ ਦੇ ਯੁਧ ਪਿਛੋਂ ਦਸਵੇਂ ਦਿਨ ਅਸੂ ਸੁਦੀ ਦਸਮੀ ਨੂੰ ਮਹਿਖਾਸੁਰ ਰਾਕਸ਼ ਨੂੰ ਮਾਰ ਕੇ ਵਿਜੈ ਪ੍ਰਾਪਤ ਕੀਤੀ ਸੀ।

👽 ਬਚਿਤ੍ਰ ਨਾਟਕ (ਦਸਮ ਗ੍ਰੰਥ) ਦੇ ਚੰਡੀ ਚਰਿਤ੍ਰ ਤੇ ਚੰਡੀ ਦੀ ਵਾਰ ਵਿਚ ਇਸ ਲੜਾਈ ਦਾ ਬਚਿਤ੍ਰ ਤੇ ਨਾਟਕੀ ਢੰਗ ਦਾ ਕਾਵਿਕ ਚਿਤ੍ਰ ਖਿਚਿਆ ਹੈ, ਜੋ ਮਾਰਕੰਡੇ ਪੁਰਾਣ ਦਾ ਬ੍ਰਿਜ-ਭਾਸ਼ਾਈ ਅਨੁਵਾਦ ਹੈ। ਤ੍ਰੇਤਾਯੁਗੀ ਅਵਤਾਰ ਤੇ ਅਯੁਧਿਆ ਦੇ ਰਾਜਾ ਸ੍ਰੀ ਰਾਮਚੰਦਰ ਨੇ ਵੀ ਲੰਕੇਸ਼ ਰਾਵਣ ਨੂੰ ਮਾਰਨ ਲਈ ਇਸੇ ਦਿਨ ਚੜ੍ਹਾਈ ਕੀਤੀ ਸੀ। ਮਹਾਨਕੋਸ਼ ਮੁਤਾਬਿਕ "ਤਿਥਿ ਵਿਜ੍ਯ ਦਸਮੀ ਪਾਇ । ਉਠ ਚਲੈ ਸ਼੍ਰੀ ਰਘੁਰਾਇ ।(ਰਾਮਚੰਦ੍ਰਿਕਾ) ਇਹ ਵਿਚਾਰ ਹਨ ਅੰਤਰਾਸ਼ਟਰੀ ਸਿੱਖ ਪ੍ਰਚਾਰਕ ਗਿਆਨੀ ਜਗਤਾਰ ਸਿੰਘ ਜਾਚਕ ਦੇ, ਜੋ ਉਨ੍ਹਾਂ ਨਿਊਯਾਰਕ ਤੋਂ ਈਮੇਲ ਰਾਹੀਂ ਸਾਡੇ ਪਤਰਕਾਰ ਨਾਲ ਸਾਂਝੇ ਕੀਤੇ।

👉ਉਨ੍ਹਾਂ ਮੁਤਾਬਿਕ ਸ਼੍ਰੋਮਣੀ ਕਮੇਟੀ ਦੁਆਰਾ ਪ੍ਰਕਾਸ਼ਤ 'ਗੁਰਮਤ ਮਾਰਤੰਡ' (ਭਾਗ ਪਹਿਲਾ) ਵਿੱਚ ਸਪਸ਼ਟ ਲਿਖਿਆ ਹੈ ਕਿ ਜਿਵੇਂ ਖੇਤ ਦੀ ਸੁਰਖਿਆ ਲਈ ਵਾੜ ਅਤੇ ਘਰ ਦੀ ਸੁਰਖਿਆ ਲਈ ਬੂਹਾ, ਜੰਦਾ ਤੇ ਕੁੱਤਾ ਰਖਿਆ ਜਾਂਦਾ ਹੈ, ਤਿਵੇਂ ਹੀ ਖ਼ਾਲਸੇ ਦੇ ਸੁਆਮੀ "ਸ੍ਰੀ ਗੁਰੂ ਗੋਬਿੰਦ ਸਿੰਘ ਸਾਹਿਬ ਨੇ ਸਵੈ-ਰਖਿਆ ਅਤੇ ਦੇਸ਼ ਰਖਿਆ ਵਾਸਤੇ ਸ਼ਸ਼ਤ੍ਰ ਧਾਰਣੇ ਸਮਾਜਿਕ ਨੀਯਮ ਥਾਪਿਆ ਹੈ।" ਪੰਥਕ ਵਿਧਾਨ ਮੁਤਾਬਿਕ ਪੰਜ ਕਕਾਰੀ ਰਹਿਤ ਵਿਚ ਗਾਤਰੇ ਦੀ ਕ੍ਰਿਪਾਨ ਅਤੇ ਖ਼ਾਲਸਈ ਰਾਜ ਦੀ ਮੋਹਰ ਵਿਚ 'ਦੇਗ਼ੋ ਤੇਗ਼ੋ ਫ਼ਤਹ' ਸ਼ਬਦਾਵਲੀ ਇਸ ਹਕੀਕਤ ਦੇ ਅਕੱਟ ਪ੍ਰਮਾਣ ਹਨ।

☝️ ਸਪਸ਼ਟ ਹੈ ਕਿ ਇੱਕ ਅਕਾਲ ਦੇ ਪੁਜਾਰੀ ਖ਼ਾਲਸੇ ਲਈ ਸ਼ਸ਼ਤ੍ਰ ਸੁਰਖਿਆ ਵਜੋਂ ਵਰਤਣ ਲਈ ਹਨ, ਪੂਜਣ ਲਈ ਨਹੀਂ । ਅਤਿਅੰਤ ਦਖਦਾਈ ਗੱਲ ਹੈ ਕਿ ਅਗਿਆਨਤਾ ਵਸ ਖ਼ਾਲਸਾ ਪੰਥ ਦੇ ਤਖ਼ਤ ਅਬਿਚਲ ਨਗਰ ਸ੍ਰੀ ਹਜ਼ੂਰ ਸਾਹਿਬ ਵਿਖੇ ਨਵਰਾਤਰਿਆਂ ਦੇ 9 ਦਿਨ 'ਦਸਹਿਰਾ ਮਹਾਤਮ ਪਾਠ' ਨਾਂ ਦੇ ਕੇ ਚੰਡੀ ਚਰਿਤ੍ਰਾਂ ਤੇ ਚੰਡੀ ਦੀ ਵਾਰ ਦਾ ਪਾਠ ਕੀਤਾ ਜਾਂਦਾ ਹੈ । ਦਸਵੇਂ ਦਿਨ ਬੱਕਰੇ ਝਟਕਾ ਕੇ ਸ਼ਸ਼ਤ੍ਰ ਪੂਜਾ ਕਰਦਿਆਂ ਹਥਿਆਰਾਂ ਨੂੰ ਲਹੂ ਦੇ ਤਿਲਕ ਲਗਾ ਕੇ ਸ਼ਸ਼ਤਰਾਂ ਸਹਿਤ ਮਹੱਲਾ ਕਢਿਆ ਜਾਂਦਾ ਹੈ।

💩 ਉਦਾਸੀ ਮਹੰਤਾਂ ਦੀ ਚਲਾਈ ਹੋਈ ਅਜਿਹੀ ਬਿਪਰਵਾਦੀ ਰੀਤ ਹੁਣ ਸੰਪਰਦਾਈ ਡੇਰਿਆਂ ਤੇ ਸੁਆਰਥੀ ਸਿੱਖ ਨੇਤਾਵਾਂ ਰਾਹੀਂ ਪੰਜਾਬ ਸਮੇਤ ਬਾਕੀ ਦੇ ਗੁਰਦੁਆਰਿਆਂ ਵਿਚ ਵੀ ਪ੍ਰਵੇਸ਼ ਕਰ ਰਹੀ ਹੈ। ਜਥੇਦਾਰ ਸ੍ਰੀ ਅਕਾਲ ਤਖ਼ਤ ਸਮੇਤ ਸਮੂਹ ਖ਼ਾਲਸਾ ਪੰਥ ਨੂੰ ਇਸ ਪੱਖੋਂ ਅਤਿਅੰਤ ਸੁਚੇਤ ਹੋਣ ਦੀ ਲੋੜ ਹੈ।

🇺🇸 ਨਿਊਯਾਰਕ ਵਾਸੀ ਸ੍ਰ ਸਰਬਜੀਤ ਸਿੰਘ ਨੇ 11000 ਡਾਲਰ ਦੇ ਇਨਾਮ ਨਾਲ ਐਲਾਨ ਕੀਤਾ ਹੈ ਕਿ ਹਿੰਦੂਆਂ ਦਾ ਨਵਰਾਤਰੇ ਤਿਉਹਾਰ ਤੇ ਡਾਂਡੀਆ ਨਾਚ, ਯਹੂਦੀ ਤਿਉਹਾਰ 'ਯੋਮ ਕਿੱਪੁਰ' ਦੀ ਨਕਲ ਹੈ। ਇਸ ਪੱਖੋਂ ਉਨ੍ਹਾਂ ਨਾਲ Email- kingcyrusroyalfamily@gmail.com ਰਾਹੀਂ ਸੰਪਰਕ ਸਾਧਿਆ ਜਾ ਸਕਦਾ ਹੈ।

Disclaimer: Khalsanews.org does not necessarily endorse the views and opinions voiced in the news / articles / audios / videos or any other contents published on www.khalsanews.org and cannot be held responsible for their views.  Read full details....