Main News Page
ਜੇਕਰ ਇਕੋ ਦਾਤੇ ਦੇ ਸਾਹਮਣੇ ਦਾਤਾ ਹੋਣ ਦਾ ਵਿਖਾਵਾ ਕਰਕੇ ਸੋਨੇ ਦੇ ਮਹਲ, ਸੋਨੇ ਦੇ ਗੁੰਬਦ, ਸੋਨੇ ਦੀਆਂ ਪਾਲਕੀਆਂ ਦਾਨ ਕਰਕੇ ਉਸਦੀ ਖੁਸ਼ੀ ਲੈਣਾ ਚਾਹੇ 'ਤਾਂ ਯਕੀਨ ਕਰ ਉਸਨੂੰ ਐਸੇ ਦਾਨ ਨਾਲ ਨਹੀਂ ਰੀਝਾਇਆ ਜਾ ਸਕਦਾ .... ਜੇ ਕੋ ਹੋਇ ਬਹੈ ਦਾਤਾਰੁ॥ ਤਿਸੁ ਦੇਨਹਾਰੁ ਜਾਨੇ ਗਾਵਾਰੁ ॥ ਉਸਦੀ ਪ੍ਰਸੰਤਾ ਲੈਣ ਲਈ ਮਨ ਭੇਟ ਕਰਣਾ ਪੈਂਦਾ ਹੈ .. ਕੰਚਨ ਸਿਉ ਪਾਈਐ ਨਹੀਂ ਤੋਲਿ ॥ ਮਨੁ ਦੇ ਰਾਮੁ ਲੀਆ ਹੈ ਮੋਲਿ ॥ ਮੰਨਿਆ ਕੀ ਤੇਰੇ ਕੋਲ ਬਹੁਤ ਦੌਲਤ ਹੈ ਜਿਸ ਨਾਲ ਤੂੰ "ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਜਿਲਦ ਵੀ ਸੋਨੇ ਦੀ ਬਨਵਾ" ਸਕਦਾ ਹੈ .... ਪਰ ਯਾਦ ਰੱਖ ਮੇਰਾ ਗੁਰੂ ਤਾਂ "ਸਬਦ" ਹੈ ਉਸਨੂੰ ਸੋਨੇ ਦੀ ਲੋੜ ਨਹੀਂ ਹੈ ਉਸ ਨਾਲ ਸਾਂਝ ਤਾਂ ਸਿਰ ਦੇ ਕੇ ਆਪਾ ਸਮਰਪਨ ਕਰਕੇ ਉਸਦੇ ਹੁਕਮ ਵਿਚ ਰਹਿਕੇ ਹੀ ਬਣਦੀ ਹੈ, "ਦੌਲਤ ਨਾਲ ਨਹੀਂ" .... ਸੰਮਨ ਜਉ ਇਸ ਪ੍ਰੋਮ ਕੀ ਦਮ ਕਿਹੁ ਹੋਤੀ ਸਾਟ ॥ ਰਾਵਨ ਹੁਤੇ ਸੁ ਰੰਕ ਨਹਿ ਜਿਨਿ ਸਿਰ ਦੀਨੇ ਕਾਟਿ ॥ ਤਾਂ ਹੀ ਉਹ ਪ੍ਰੀਤ ਨਿਭਦੀ ਹੈ .. ਮੇਰੀ ਪ੍ਰੀਤਿ ਗੋਬਿੰਦ ਸਿਉ ਜਿਨਿ ਘਟੈ ॥ ਮੈ ਤਉ ਮੋਲਿ ਮਹਗੀ ਲਈ ਜੀਅ ਸਟੈ ॥ ਇਹ ਦੌਲਤ ਨਾਲ ਖਰੀਦੀ ਹੋਈ ਪ੍ਰੀਤ ਕੇਵਲ ਵਿਖਾਵਾ ਬਣ ਕੇ ਰਹਿ ਜਾਂਦੀ ਹੈ। ਇਸ ਲਈ ਭਲੇ ਲੋਕਾ ਇਸ ਦਾਨ ਦੇ ਦੇਖਾਵੇ ਨਾਲ ਗੁਰੂ ਪ੍ਰਮੇਸ਼ਰ ਦਾ ਦਾਤਾ ਨਾ ਬਣ। ਗੁਰੂ ਦਾ ਬਚਨ ਸੁਣ .. ਨਾ ਤੂ ਆਵਹਿ ਵਸਿ ਕਿਤੈ ਸਿਆਣਪੈ ॥ ਨਾ ਤੂ ਆਵਹਿ ਵਸਿ ਬਹੁਤਾ ਦਾਨੁ ਦੇ ॥ ਤੇਰੇ ਇਹ ਅਗਿਆਨਤਾ ਵਿੱਚ ਕੀਤੇ ਦਾਨ ਅਤੇ ਵੱਡੀ ਗੋਲਕ ਕਾਰਨ ਹੀ "ਅੱਜ ਗੁਰਦੁਆਰਿਆਂ ਵਿੱਚ ਤਲਵਾਰਾਂ ਚਲਦੀਆਂ ਮੁਕਦਮੇ ਚਲਦੇ ਆਪਸੀ ਖਾਨਾ ਜੰਗੀ ਚਰਿਤਰ ਹੀਨਤਾ ਜੈਸੇ ਉਪਦ੍ਰਵ ਪੈਦਾ ਹੋ ਰਹੇ ਹਨ" .. ਭਲਿਆਂ ਜੇ ਤੈਨੂੰ ਗੁਰੂ ਨੇ ਦੌਲਤ ਦੀ ਬਖਸ਼ਿਸ਼ ਕੀਤੀ ਹੈ ਤਾਂ ਦਾਨ ਗੁਰੂ ਨੂੰ ਨਹੀਂ, ਗੁਰੂ ਹੁਕਮ ਅਨੁਸਾਰ “ਘਾਲਿ ਖਾਇ ਕਿਛੁ ਹਥਹੁ ਦੇਇ” ਅਤੇ "ਖੇਤੂ ਪਛਾਣੈ ਬੀਜੈ ਦਾਨੁ" ਦੀ ਰੌਸ਼ਨੀ ਵਿਚ ਲੋੜਵੰਦ ਲੋਕਾਈ ਦੀ ਸੇਵਾ ਕਰ। ਸੇਵਾ ਅਤੇ ਦਾਨ ਵਿਚ ਬੜਾ ਅੰਤਰ ਹੈ, ਦਾਨ ਵਿੱਚੋਂ ਹਉਮੈ ਜਨਮ ਲੈਂਦੀ ਹੈ ਅਤੇ ਸੇਵਾ ਵਿਚੋਂ ਨਿਮਰਤਾ ਜਨਮ ਲੈਂਦੀ ਹੈ ਗੁਰੂ ਹੁਕਮ “ਹਉਮੈ ਵਿਚਿ ਸੇਵਾ ਨ ਹੋਵਈ ਤਾਂ ਮਨੁ ਬਿਰਥਾ ਜਾਇ” ਇਸੇ ਲਈ ਗੁਰੂ ਨੇ ਹੁਕਮ ਕੀਤਾ ਹੈ .... ਵਿਚਿ ਦੁਨੀਆ ਸੇਵ ਕਮਾਈਐ ॥ ਤਾ ਦਰਗਹ ਬੈਸਣੁ ਪਾਈਐ ॥ ਉਸ ਹੁਕਮ ਅਨੁਸਾਰ ਅੱਜ ਅਨੇਕਾਂ ਵੀਰ ਲੋੜਵੰਦ ਲੋਕਾਈ ਦੀ ਸੇਵਾ ਲਈ ਪੰਜਾਬ ਅਤੇ ਹੋਰ ਥਾਵਾਂ 'ਤੇ ਨਿਤਰੇ ਹਨ। ਆਓ ਸੇਵਾਦਾਰ ਬਣਕੇ ਇਸ ਸੇਵਾ ਵਿਚ ਤਨ ਮਨ ਧਨ ਨਾਲ ਵੀਰਾਂ ਦਾ ਸਾਥ ਦੇਈਏ। ਯਕੀਨ ਕਰੋ ਸੋਨੇ ਦੇ ਦਾਨ ਨਾਲ ਨਹੀਂ, ਲੋੜਵੰਦ ਲੋਕਾਈ ਦੀ ਸੇਵਾ ਕਰਕੇ ਗੁਰੂ ਨਾਲ ਪ੍ਰੀਤ ਬਣ ਆਵੇਗੀ ..... ਆਪੁ ਗਵਾਇ ਸੇਵਾ ਕਰੇ ਤਾਂ ਕਿਛੁ ਪਾਏ ਮਾਨੁ ॥
ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ।
ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥ ਖ਼ਾਲਸਾ ਨਿਉਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।
Disclaimer: Khalsanews.org does not necessarily endorse the views and opinions voiced in the news। articles। audios । videos or any other contents published on www.khalsanews.org and cannot be held responsible for their views. Read full details....
ਜੇਕਰ
ਇਕੋ ਦਾਤੇ ਦੇ ਸਾਹਮਣੇ ਦਾਤਾ ਹੋਣ ਦਾ ਵਿਖਾਵਾ ਕਰਕੇ ਸੋਨੇ ਦੇ ਮਹਲ, ਸੋਨੇ ਦੇ ਗੁੰਬਦ,
ਸੋਨੇ ਦੀਆਂ ਪਾਲਕੀਆਂ ਦਾਨ ਕਰਕੇ ਉਸਦੀ ਖੁਸ਼ੀ ਲੈਣਾ ਚਾਹੇ 'ਤਾਂ ਯਕੀਨ ਕਰ ਉਸਨੂੰ ਐਸੇ
ਦਾਨ ਨਾਲ ਨਹੀਂ ਰੀਝਾਇਆ ਜਾ ਸਕਦਾ ....
ਜੇ
ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ।
