Main News Page

ਆਤਮਜੀਤ ਸਿੰਘ ਕਾਨਪੁਰ (01.01.2025)
👉 ਬੀਤੇ ਦਿਨ ਪ੍ਰੋ. ਦਰਸ਼ਨ ਸਿੰਘ ਖ਼ਾਲਸਾ ਜੀ ਨੇ ਗੁਰਦੁਆਰਾ ਸ੍ਰੀ ਗੁਰੂ ਸਿੰਘ ਸਭਾ ਸੇਂਟ੍ਰਲ ਜ਼ੋਨ ਜਨਕਪੁਰੀ ਨਵੀਂ ਦਿੱਲੀ ਵਿਖੇ ਹਾਜ਼ਰੀ ਭਰ ਕੇ ਸੰਗਤ ਨੂੰ ਗੁਰਬਾਣੀ ਕੀਰਤਨ ਤੇ ਗੁਰਮਤਿ ਨਾਲ ਜੋੜਿਆ, ਉਹਨਾਂ ਨੇ...

💢 ਸੋ ਦਿਨੁ ਸਫਲੁ ਗਣਿਆ ਹਰਿ ਪ੍ਰਭੂ ਮਿਲਾਇਆ ਰਾਮ ॥ ਸਭਿ ਸੁਖ ਪਰਗਟਿਆ ਦੁਖ ਦੂਰਿ ਪਰਾਇਆ ਰਾਮ ॥ ਸੁਖ ਸਹਜ ਅਨਦ ਬਿਨੋਦ ਸਦ ਹੀ ਗੁਨ ਗੁਪਾਲ ਨਿਤ ਗਾਈਐ ॥ ਭਜੁ ਸਾਧਸੰਗੇ ਮਿਲੇ ਰੰਗੇ ਬਹੁੜਿ ਜੋਨਿ ਨ ਧਾਈਐ ॥ ਗਹਿ ਕੰਠਿ ਲਾਏ ਸਹਜਿ ਸੁਭਾਏ ਆਦਿ ਅੰਕੁਰੁ ਆਇਆ ॥ ਬਿਨਵੰਤ ਨਾਨਕ ਆਪਿ ਮਿਲਿਆ ਬਹੁੜਿ ਕਤਹੂ ਨ ਜਾਇਆ ॥੫॥੪॥੭॥ {ਪੰਨਾ ੫੪੭}

ਪ੍ਰੋ. ਦਰਸ਼ਨ ਸਿੰਘ ਖਾਲਸਾ ਜੀ ਨੇ ਸ਼ਬਦ ਦੀ ਵਿਚਾਰ ਦੀ ਸਾਂਝ ਪਾਉਂਦਿਆਂ ਹੋਇਆ ਆਖਿਆ ਸ਼ਬਦ ਦਾ ਆਰੰਭ ਵੀ ਦਿਨ ਤੋਂ ਹੈ ਤੇ ਮਨੁੱਖ ਵੀ ਦਿਨ ਹੀ ਮਨਾਉਣ ਲੱਗ ਪਿਆ ਹੈ ਨਾਲ ਹੀ ਆਖਿਆ ਦਿਨ ਦੀ ਆਪਣੀ ਕੋਈ ਵੱਖਰੀ ਫ਼ਜੀਹਤ ਨਹੀਂ, ਦਿਨ ਆਉਂਦਾ ਹੈ ਤੇ ਚਲਾ ਜਾਉਂਦਾ ਹੈ। ਅੱਜ ਜਿਹੜਾ ਦਿਨ ਮਨਾਉਣ ਆਏ ਵਿਸ਼ਵਾਸ਼ ਕਰਿਓ ਇਹ ਦਿਨ ਵੀ ਨਹੀਂ ਰਹਿਣਾ ਇਹ ਦਿਨ ਵੀ ੨੪ ਘੰਟੇ ਬਾਅਦ ਕੱਲ ਬਣ ਜਾਂਦਾ ਹੈ ਤੇ ੨੪ ਘੰਟੇ ਬਾਅਦ ਨਵਾਂ ਅੱਜ ਆ ਜਾਣਾ ਹੈ, ਰੋਜ਼ ਦਿਨ ਬਦਲ ਜਾਂਦਾ ਹੈ, ਗੁਰਬਾਣੀ ਬੜੀ ਡੂੰਘੀ ਹੈ ਗੱਲ ਦਾ ਆਰੰਭ ਦਿਨ ਤੋਂ ਹੋਇਆ ਹੈ ਨਾਲ ਹੀ ਆਖ ਦਿੱਤਾ ਦਿਨ ਆਪਣੇ ਆਪ ਵਿੱਚ ਸਫਲ ਨਹੀਂ ਦਿਨ ਤਾਂ ਰੋਜ਼ ਆਉਂਦਾ ਤੇ ਜਾਂਦਾ ਹੈ।

ਮਹਿਮਾਨ ਸਦਾ ਲਈ ਨਹੀਂ ਹੁੰਦਾ ਇਹ ਵਰ੍ਹਾਂ ਵੀ ਮਹਿਮਾਨ ਹੈ ਪਿਛਲੇ ੧੨ ਮਹੀਨੇ ਪਹਿਲਾਂ ਆਇਆ ਸੀ ਇਸੇ ਤਰ੍ਹਾਂ ਤੁਸੀਂ ਇਸਨੂੰ ਮਾਣ ਸਤਿਕਾਰ ਦੇਣ ਲਈ ਜੀ ਆਇਆਂ ਨੂੰ ਆਖਣ ਲਈ ਇਕੱਠੇ ਹੋਏ ਸੀ। ਇਸ ਸਾਲ ਨੇ ਤੁਹਾਡੇ ਨਾਲ ਇਕ ਇਕ ਪੱਲ ਬਿਤਾਇਆ ਹੈ,ਪਰ ਸੋਚਣ ਦੀ ਗੱਲ ਹੈ ਜੋ ਵਰ੍ਹਾਂ ਜਾ ਰਿਹਾ ਉਸਦਾ ਤੁਹਾਨੂੰ ਦੁੱਖ ਨਹੀਂ ਜਿੰਨੀ ਕਿ ਤੁਹਾਨੂੰ ਆਉਣ ਵਾਲੇ ਨਵੇਂ ਵਰ੍ਹੇ ਦੀ ਖੁਸ਼ੀ ਹੈ।

ਸਾਲ ਆਉਂਦੇ ਰਹਿਣਗੇ ਤੇ ਜਾਉਂਦੇ ਰਹਿਣਗੇ ਪਰ ਗੁਰੂ ਨੇ ਇਸ ਹੀ ਸ਼ਬਦ ਦੀ ਆਖਿਰੀ ਤੁੱਕ ਵਿੱਚ ਫ਼ੈਸਲਾ ਦੇ ਦਿੱਤਾ ਮੈਨੂੰ ਉਹ ਪ੍ਰਭੂ ਉਹ ਪਰਮੇਸ਼ਰ ਉਹ ਨੀਤ ਨਵਾਂ ਮਿਲਿਆ ਹੈ ਜਿਹੜਾ ਆ ਕੇ ਜਾਉਂਦਾ ਨਹੀਂ, ਅਸਲ ਵਿਚ ਅਸੀਂ ਉਸ ਨੂੰ ਮਨਾਉਣ ਆਏ ਹਾਂ ਜਿਹੜਾ ਆ ਕੇ ਨਾ ਜਾਏ, ਇਹ ਦਿਨ ਇਹ ਵਰ੍ਹੇ ਇਹ ਸਾਲ ਤੇ ਆਉਂਦੇ ਜਾਉਂਦੇ ਰਹਿਣਗੇ ਪਰ ਉਹ ਮਾਲਕ ਨੀਤ ਨਵਾਂ ਜਿਹੜਾ ਆਉਂਦਾ ਤੇ ਜਾਉਂਦਾ ਨਹੀਂ ਤੇ ਅਸੀਂ ਇਸ ਨੂੰ ਮਨਾਉਣਾ ਹੈ ਜਿਹੜਾ ਆ ਕੇ ਜਾਉਂਦਾ ਨਹੀਂ ।

ਗੁਰੂ ਰਾਖਾ।
ਆਤਮਜੀਤ ਸਿੰਘ, ਕਾਨਪੁਰ
ਸ਼ਬਦ ਦੀ ਵਿਚਾਰ ਸੁਣਨ ਲਈ ਥੱਲੇ ਦਿੱਤੇ ਲਿੰਕ ਤੇ ਕਲਿੱਕ ਕਰੋ

https://www.youtube.com/live/z2pwJeGgqTw

ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ। ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥ ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।

Disclaimer: Khalsanews.org does not necessarily endorse the views and opinions voiced in the news / articles / audios / videos or any other contents published on www.khalsanews.org and cannot be held responsible for their views.  Read full details....