Main News Page

👉 ਜਿਸਨੂੰ ਅਸੀਂ "#ਚੌਪਈ ਸਾਹਿਬ" ਕਹਿੰਦੇ ਹਾਂ ਉਹਦੇ ਵਿਚ ਲਫਜ਼ ਆਉਂਦੇ ਹਨ "ਸਿੱਖ੍ਯ ਉਬਾਰਿ ਅਸਿੱਖ੍ਯ ਸੰਘਰੋ॥" ਸਿੱਖਾਂ ਨੂੰ ਬਚਾ ਲਓ ਤੇ ਜੋ ਸਿੱਖ ਨਹੀਂ ਉਹਨਾਂ ਨੂੰ ਮਾਰ ਦਿਓ, ਕੀ ਇਹ ਗੁਰਮਤਿ ਹੈ ? 💥 ਫਿਰ "ਜਗਤੁ ਜਲੰਦਾ ਰਖਿ ਲੈ" ਦੇ ਕੀ ਅਰਥ ਰਹਿ ਗਏ ? ਅਸੀਂ ਰੋਜ਼ ਪੜ੍ਹ ਰਹੇ ਹਾਂ ਇਹ ਅਰਦਾਸ ਹੈ, ਜਿੰਨੇ ਵੀ ਇਹ ਲਿਖੀ ਕਵੀ ਨੇ ਉਹਨੇ ਅਰਦਾਸ ਕਰਕੇ ਲਿਖੀ ਹੈ ਇਸੇ ਲਈ ਇਸ ਉਪਰ ਬੇਨਤੀ ਲਫਜ਼ ਪਾਇਆ ਹੈ "ਕਬਿਓ ਬਾਚ ਬੇਨਤੀ ਚੌਪਈ"।

🙏 #ਅਰਦਾਸ ਇਹ ਕਰਦੇ ਹੋ, ਗੁਰੂ ਨਾਨਕ ਦੇ ਸਿੱਖ ਹੋ ਕੇ, ਗੁਰੂ ਨਾਨਕ ਤਾਂ ਸੰਸਾਰ ਦੇ ਹਰ ਮਨੁੱਖ ਦਾ ਭਲਾ ਲੋਚਦਾ ਹੈ ਤੇ ਕਹਿੰਦਾ ਹੈ "ਸਭੁ ਕੋ ਮੀਤੁ ਹਮ ਆਪਨ ਕੀਨਾ ਹਮ ਸਭਨਾ ਕੇ ਸਾਜਨ॥" ਜਿਹੜਾ "ਜਗਤੁ ਜਲੰਦਾ ਰਖਿ ਲੈ" ਦੀ ਅਰਦਾਸ ਕਰਦਾ ਹੈ, ਅਸੀਂ ਉਸਦੇ ਸਾਹਮਣੇ ਇਹ ਗਲ ਕਹੀਏ "ਅਬ ਰੱਛਾ ਮੇਰੀ ਤੁਮ ਕਰੋ ॥ ਸਿੱਖ੍ਯ ਉਬਾਰਿ ਅਸਿੱਖ੍ਯ ਸੰਘਰੋ॥" ਜਿੰਨੇ ਵੀ ਅਸਿੱਖ ਨੇ ਉਹਨਾਂ ਨੂੰ ਮਾਰ ਦਿਓ ?

🧐 ਵਿਚਾਰੋ ਭਲਿਓ, ਗੁਰਬਾਣੀ ਹੀ ਸਾਡੇ ਜੀਵਨ ਦਾ ਆਧਾਰ ਹੈ ਹੋਰ ਕੋਈ ਗ੍ਰੰਥ ਜਾਂ ਰਚਨਾ ਨਹੀਂ ।

☝️ ਸਭ ਤੋਂ ਪਹਿਲਾਂ ਸਾਨੂੰ ਇਹ ਗੱਲ ਸਮਝ ਲੈਣੀ ਚਾਹੀਦੀ ਹੈ, 'ਸਿੱਖ ਦਾ ਵਿਪਰੀਤ ਅਸਿੱਖ' ਨਹੀਂ ਹੋ ਸਕਦਾ। ਜਿਵੇਂ "ਗੁਰਮੁਖ" ਦਾ ਅਗੁਰਮੁਖ, "ਮੁਸਲਮਾਨ" ਦਾ ਅਮੁਸਲਮਾਨ ਨਹੀਂ ਹੁੰਦਾ, ਤੇ ਗੁਰਬਾਣੀ ਵਿਚ ਵੀ ਇਹੋ ਜਿਹੇ ਸ਼ਬਦ ਨਹੀਂ ਮਿਲਦੇ, ਅਤੇ ਗੁਰੂ ਸਾਹਿਬ ਵੀ ਕਦੇ ਇਹ ਬਚਨ ਨਹੀਂ ਕਹਿ ਸਕਦੇ "ਸਿੱਖ੍ਯ ਉਬਾਰਿ ਅਸਿੱਖ੍ਯ ਸੰਘਰੋ॥" ਭਾਵ ਸਿੱਖਾਂ ਨੂੰ ਬਚਾਓ ਤੇ ਅਸਿੱਖਾਂ ਨੂੰ ਨਸ਼ਟ ਕਰੋ ਜੋ ਕੀ ਗੁਰਬਾਣੀ ਸਿਧਾਂਤ ਦੇ ਉਲਟ ਹੈ, ਗੁਰਬਾਣੀ ਫੁਰਮਾਨ ਹੈ।

▪️ ਸਭ ਮਹਿ ਜੋਤਿ ਜੋਤਿ ਹੈ ਸੋਇ ॥ (ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਅੰਕ ੧੩)
....ਅਤੇ ਦਸਮ ਪਾਤਸ਼ਾਹ ਨੇ ਭਾਈ ਘਨ੍ਹਈਆ ਜੀ ਰਾਹੀਂ ਵੀ ਜੰਗ ਦੇ ਮੈਦਾਨ ਵਿਚ ਵੀ ਇਹ ਹੀ ਸਿਖਿਆ ਦਿੱਤੀ, ਜੇ ਅਸਿੱਖਾਂ ਨੂੰ ਨਸ਼ਟ ਕਰਨਾ ਹੁੰਦਾ ਤੇ ਭਾਈ ਘਨ੍ਹਈਆ ਜੀ ਜੰਗ ਦੇ ਮੈਦਾਨ ਵਿੱਚ ਪਾਣੀ ਤੇ ਮਰਹਮ ਪੱਟੀ ਨਹੀਂ ਕਰਦੇ।

⚠️ਭਲਿਓ ਇਹ ਕਥਨ ਕਿਸੇ #ਰਾਮ #ਸਯਾਮ ਦੇ ਤਾਂ ਹੋ ਸਕਦੇ ਹਨ, ਗੁਰੂ ਦਸਮ ਪਾਤਸ਼ਾਹ ਦੇ ਨਹੀਂ।

ਗੁਰੂ ਰਾਖਾ
ਆਤਮਜੀਤ ਸਿੰਘ ਕਾਨਪੁਰ

✍️ #ਨੋਟ: ਪ੍ਰੋ. ਦਰਸ਼ਨ ਸਿੰਘ ਖ਼ਾਲਸਾ ਜੀ ਨੇ ਇਹ ਵਿਚਾਰ ਬੀਤੇ ਕੁਝ ਦਿਨ ਪਹਿਲਾਂ ਚੇਨੰਈ ਵਿਖੇ ਇਕ ਗੁਰਮਤਿ ਸਮਾਗਮ ਵਿਚ ਦਿੱਤੇ ਸਨ ।

ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ। ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥ ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।

Disclaimer: Khalsanews.org does not necessarily endorse the views and opinions voiced in the news / articles / audios / videos or any other contents published on www.khalsanews.org and cannot be held responsible for their views.  Read full details....