Main News Page

😧 #ਦੁਖਾਂਤ ਇਹ ਹੀ ਹੈ ਸਿੱਖ ਗੁਰੂ 'ਤੇ ਯਕੀਨ ਹੀ ਨਹੀਂ ਕਰ ਰਿਹਾ, ਸਿੱਖ ਗੁਰੂ ਨਾਲ ਪਿਆਰ ਕਰਦਾ ਹੈ, ਸਤਿਕਾਰ ਵੀ ਕਰਦਾ ਹੈ ਪਰ ਇਤਬਾਰ ਨਹੀਂ ਕਰਦਾ, ਜੇ ਇਤਬਾਰ ਕਰਦਾ ਹੁੰਦਾ ਤੇ ਜਿਹੜੀਆਂ ਗੱਲਾਂ ਗੁਰੂ ੫੦੦ ਵਰ੍ਹੇ ਤੋਂ ਸਮਝਾ ਰਿਹਾ ਹੈ ਉਹ ਤਾਂ ਇਤਬਾਰ ਕਰ ਲਏ, ਹੈਰਾਨਗੀ ਹੁੰਦੀ ਹੈ ਜਿਹੜੇ ਗੁਰੂ ਕੋਲ ਰਹਿੰਦੇ ਨੇ ਗੁਰੂ ਦੀ ਗਲ ਕਰਨ ਵਾਲੇ ਉਹ ਵੀ ਇਤਬਾਰ ਨਹੀਂ ਕਰਦੇ, ਗੁਰੂ ਆਖ ਰਿਹਾ ਹੈ "ਮਾਨੁਖ ਕੀ ਟੇਕ ਬ੍ਰਿਥੀ ਸਭ ਜਾਨੁ ॥ ਦੇਵਨ ਕਉ ਏਕੈ ਭਗਵਾਨੁ॥"

☝️ ਇਕ ਖ਼ਿਆਲ ਕਰਿਓ ਜੇ "ਦੇਵਨ ਕਉ ਏਕੈ ਭਗਵਾਨੁ" ਇਕ ਪੰਕਤੀ ਗੁਰੂ ਦੀ ਇਕ ਬਚਨ ਗੁਰੂ ਦਾ ਮਨੁੱਖ ਦੇ ਸਿੱਖ ਦੇ ਵਿਸ਼ਵਾਸ਼ ਵਿਚ ਆ ਜਾਏ ਤੇ ੯੯ ਪ੍ਰਤੀਸ਼ਤ ਅਪਰਾਧ ਖ਼ਤਮ ਹੋ ਜਾਵੇ, ਕਰੱਪਸ਼ਨ ਉਹ ਹੋ ਕਰਦਾ ਹੈ ਜਿਸਨੂੰ ਵਿਸ਼ਵਾਸ ਨਹੀਂ ਹੁੰਦਾ "ਦੇਵਨ ਕਉ ਏਕੈ ਭਗਵਾਨੁ", ਉਹ ਭਲਿਓ ਇਕ ਖ਼ਿਆਲ ਕਰਿਓ ਗੁਰਮਤਿ ਦਾ ਜਿਹੜਾ ਵੀ ਅੰਗ ਹੈ ਉਹ ਵਿਸ਼ਵਾਸ ਤੇ ਖੜ੍ਹਾ ਹੈ ਤੇ ਕਿੰਨੀ ਅਜ਼ੀਬ ਗਲ਼ ਸਦੀਆਂ ਤੋਂ ਅਸੀਂ ਮੰਗ ਕਰ ਰਹੇ ਹਾਂ ਤੇ ਆਖਦੇ ਹਾਂ "ਸਿੱਖਾਂ ਨੂੰ ਸਿੱਖੀ ਦਾਨ, ਰਹਿਤ ਦਾਨ, ਬਿਬੇਕ ਦਾਨ, ਵਿਸਾਹ ਦਾਨ, ਭਰੋਸਾ ਦਾਨ, ਭਰੋਸਾ ਕੀ ਹੈ ਵਿਸ਼ਵਾਸ।

👉"ਹਕ ਪਰਾਇਆ ਨਾਨਕਾ" ਇਹ ਗਲ਼ ਪੜ੍ਹ ਰਿਹਾ ਹੈ ਗੁਰੂ ਨਾਨਕ ਦੀ, ਜੇ ਇਸ ਗਲ਼ ਤੇ ਉਸਨੂੰ ਵਿਸ਼ਵਾਸ ਹੋ ਜਾਏ ਤੇ ਕਰੱਪਸ਼ਨ ਖ਼ਤਮ ਹੋ ਜਾਏ, ਸਭ ਤੋਂ ਵੱਡੀ ਬਿਮਾਰੀ ਹੈ ਜੀਵਨ ਦੀ ਜਿਹੜੀ ਸਮਾਜ ਵਿਚ ਫ਼ੈਲ ਚੁੱਕੀ ਹੈ, ਆਮ ਲੋਕਾਂ ਨੂੰ ਗੁਰੂ ਦੀ ਗਲ 'ਤੇ ਵਿਸ਼ਵਾਸ ਨਾ ਹੋਵੇ ਵੱਖਰੀ ਗਲ ਹੈ। ਸਾਰੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਬਾਣੀ ਨਾਲ ਸਨੇਹ ਰਿਸ਼ਤਾ ਨਹੀਂ ਰੱਖਦੇ, ਚਲੋ ਜਿਹੜੇ ਨਹੀਂ ਰੱਖਦੇ ਉਹ ਨਹੀਂ ਸਮਝਦੇ ਗਿਆਨ ਨਹੀਂ, ਪਤਾ ਨਹੀਂ ਪਰ ਜਿਹੜੀ ਸੰਸਥਾਵਾਂ ਤੇ ਜਿਹੜੇ ਲੋਕ ਗਲ਼ ਹੀ ਗੁਰੂ ਦੀ ਕਰਦੇ ਨੇ ਤੇ ਰਹਿੰਦੇ ਵੀ ਗੁਰੂ ਦੇ ਦੁਆਲੇ ਨੇ ਕਿ ਉਹਨਾਂ ਨੂੰ ਵਿਸ਼ਵਾਸ ਹੈ ? ਗੁਰਬਾਣੀ ਆਖ ਰਹੀ ਹੈ...

ਮੋਹਿ ਦਾਸਰੋ ਠਾਕੁਰ ਕੋ॥ ਧਾਨੁ ਪ੍ਰਭ ਕਾ ਖਾਨਾ ॥

🙏 ਪ੍ਰਭੂ ਦੇ ਧਾਨ ਖਾਣ ਦੀ ਗਲ ਹੈ, ਜਿਸਨੂੰ ਪ੍ਰਭੂ ਦੇਵੇ ਜਾਂ ਉਸਨੂੰ ਕੋਈ ਸਾਧਨ ਮਿਲੇ, ਜਿੰਨੇ ਵੀ ਰਾਗੀ ਨੇ ਪ੍ਰਚਾਰਕ ਨੇ, ਕੀਰਤਨੀਏ ਨੇ ਇਹ ਸਾਰੇ ਉਸ ਹੀ ਘੇਰੇ ਵਿਚ ਆਉਂਦੇ ਨੇ ਕੀ ਉਹਨਾਂ ਨੂੰ ਵਿਸ਼ਵਾਸ ਹੈ "ਧਾਨੁ ਪ੍ਰਭ ਕਾ ਖਾਨਾ" ਆਪਣੇ ਮਾਲਕ ਦਾ ਦਿੱਤਾ ਖ਼ਾਨੇ ਹਾਂ ਤੁਹਾਡੇ ਮੁਹਥਾਜ ਨਹੀਂ, ਜੇ ਉਹ ਗੁਰਦੁਆਰੇ ਵਿਚ "#ਭਗਉਤੀ" ਦੀ ਅਰਦਾਸ ਕਰ ਰਹੇ ਨੇ ਤੇ ਇਸੇ ਕਰ ਕੇ ਕਰ ਰਹੇ ਨੇ ਕਿਤੇ ਸਾਡੀ ਰੋਜ਼ੀ ਰੋਟੀ ਨਾ ਚਲੀ ਜਾਏ, ਜੇ ਉਹ ਨਿੱਤਨੇਮ ਵਿਚ "#ਚੌਪਈ" ਦਾ ਪਾਠ ਕਰ ਰਹੇ ਨੇ ਤੇ ਇਸੇ ਕਰਕੇ ਕਰ ਰਹੇ ਨੇ ਕਿਤੇ ਸਾਨੂੰ ਛੇਕ ਨਾ ਦੇਣ, ਸਾਡੀ ਸਟੇਜਾਂ ਨਾ ਚਲੀਆਂ ਜਾਣ।

💢 ਮਨੁੱਖ ਬਾਣੀ ਪੜ ਰਿਹਾ ਹੈ ਪਰ ਸਮਝ ਨਹੀਂ ਰਿਹਾ, ਗੁਰੂ ਨੇ ਇਥੋਂ ਤੱਕ ਵਿਸ਼ਵਾਸ ਦਿਵਾਇਆ ਹੈ ਕਹਿੰਦੇ ਨੇ...

ਮੋਹਿ ਦਾਸਰੋ ਠਾਕੁਰ ਕੋ॥ ਧਾਨੁ ਪ੍ਰਭ ਕਾ ਖਾਨਾ॥
ਐਸੋ ਹੈ ਰੇ ਖਸਮੁ ਹਮਾਰਾ॥ ਖਿਨ ਮਹਿ ਸਾਜਿ ਸਵਾਰਣਹਾਰਾ॥
ਕਾਮੁ ਕਰੀ ਜੇ ਠਾਕੁਰ ਭਾਵਾ॥

♦️ ਮੈਂ ਤਾਂ ਉਹ ਕੰਮ ਕਰਾਂਗਾ ਜਿਹੜਾ ਗੁਰੂ ਨੂੰ ਚੰਗਾ ਲਗੇ, ਭਾਵੇਂ ਪ੍ਰਧਾਨ ਨੂੰ ਚੰਗਾ ਲੱਗੇ ਨਾ ਲਗੇ, ਮੈਂ ਤਾਂ ਗੁਰੂ ਕੋਲ ਪੁੱਛਾਂਗਾ ਤੈਨੂੰ ਕੀ ਚੰਗਾ ਲੱਗਦਾ ਹੈ ਤੇ ਕੰਮ ਉਹ ਹੀ ਕਰਾਂਗਾ।

🎯 ਮੈਂ ਤਾਂ ਉਹ ਗੱਲ ਕਰਾਂਗਾ ਭਾਵੇਂ ਕਿਸੇ ਨੂੰ ਕੌੜੀ ਕਿਉਂ ਨਾ ਲਗੇ। ਕੀ ਅਕਾਲ ਤਖ਼ਤ ਦਾ ਜਥੇਦਾਰ ਅਕਾਲ ਪੁਰਖ 'ਤੇ ਭਰੋਸਾ ਰੱਖਦਾ ਹੈ ਕਿ ਮੈਨੂੰ ਦੇਣ ਵਾਲਾ ਉਹ ਹੈ, ਜੇ ਇਹ ਭਰੋਸਾ ਆ ਜਾਏ ਤੇ ਸੰਸਾਰ, ਸਿੱਖੀ ਸੰਵਰ ਜਾਏ। ਕਾਸ਼ ਕਦੀ ਸਿੱਖ ਗੁਰੂ ਦਾ ਹੋ ਜਾਏ, ਸੇਵਾਦਾਰ ਗੁਰੂ ਦਾ ਹੋ ਜਾਏ, ਸਤਿਗੁਰ ਨੇ ਇਸ ਗਲ਼ ਨੂੰ ਬਾਣੀ ਵਿਚ ਸਪਸ਼ਟ ਕੀਤਾ ਹੈ...

"ਰਾਮ ਹਉ ਕਿਆ ਜਾਨਾ ਕਿਆ ਭਾਵੈ"
ਮੈਂ ਨਹੀਂ ਜਾਣਦਾ ਤੈਨੂੰ ਕੀ ਚੰਗਾ ਲੱਗਦਾ ਹੈ, ਮੈਂ ਤਾਂ ਉਹ ਕਰਾਂਗਾ ਜੋ ਤੈਨੂੰ ਲਗਦਾ ਹੈ ।

ਗੁਰੂ ਰਾਖਾ
ਆਤਮਜੀਤ ਸਿੰਘ, ਕਾਨਪੁਰ

👉 ਨੋਟ: ਪ੍ਰੋ. ਦਰਸ਼ਨ ਸਿੰਘ ਖ਼ਾਲਸਾ ਜੀ ਨੇ ਇਹ ਵਿਚਾਰ ਬੀਤੀ ੧੯ ਜਨਵਰੀ ੨੦੨੬ ਨੂੰ ਦਿੱਲੀ ਵਿਖੇ ਇਕ ਗ੍ਰਿਹ ਵਿਖੇ ਗੁਰਮਤਿ ਸਮਾਗਮ ਵਿਚ ਸਾਂਝੇ ਕੀਤੇ ਸਨ ।

ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ। ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥ ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।

Disclaimer: Khalsanews.org does not necessarily endorse the views and opinions voiced in the news / articles / audios / videos or any other contents published on www.khalsanews.org and cannot be held responsible for their views.  Read full details....