(ਪੀਟੀਆਈ)
ਲਉ
ਜੀ! ਆ ਗਿਆ ਦੁਨੀਆਂ ਦਾ ਪਹਿਲਾ ਸੁਪਰ ਸਿੱਖ ਹੀਰੋ: ਵਾਸ਼ਿੰਗਟਨ, 27 ਫ਼ਰਵਰੀ : ਬੈਟਮੈਨ ਅਤੇ
ਸੁਪਰਮੈਨ ਜਿਹੇ ਮਸ਼ਹੂਰ ਜੁਝਾਰੂ ਅਤੇ ਤਾਕਤਵਰ ਪਾਤਰਾਂ ਤੋਂ ਬਾਅਦ ਦੁਨੀਆਂ ਦਾ ਪਹਿਲਾ ਸਿੱਖ
ਸੁਪਰਹੀਰੋ ਆ ਗਿਆ ਹੈ। ਦੀਪ ਸਿੰਘ ਇਕ ਸਿੱਖ ਹੈ, ਪੱਗ ਬੰਨ੍ਹਦਾ ਹੈ
ਤੇ ਦਾੜ੍ਹੀ ਰਖਦਾ ਹੈ। ਇਹ ਸੁਪਰ ਹੀਰੋ ਤਾਲਿਬਾਨ ਵਰਗੇ ਦੁਸ਼ਟਾਂ ਦਾ ਨਾਸ ਕਰਦਾ ਹੈ।
ਤੁਸੀਂ 'ਸੁਪਰ ਸਿੱਖ' ਦੇ ਪਹਿਲੇ ਅੰਕ 'ਚ ਸੀਕਰੇਟ
ਏਜੰਟ ਦੀਪ ਸਿੰਘ ਨਾਲ ਰੂ-ਬ-ਰੂ ਹੋ ਸਕਦੇ ਹੋ। ਅਗਲੇ ਹੀ ਮਹੀਨੇ ਇਹ ਅੰਕ ਅਮਰੀਕਾ 'ਚ ਪ੍ਰਕਾਸ਼ਤ
ਹੋਣ ਵਾਲਾ ਹੈ।
ਹੋ ਸਕਦਾ ਹੈ ਕਿ ਤੁਹਾਨੂੰ ਸੀਕਰਟ ਏਜੰਟ ਦੀਪ ਸਿੰਘ ਕਾਮਿਕ ਬੁਕ ਦੇ ਆਮ
ਨਾਇਕਾਂ ਵਰਗਾ ਨਾ ਲੱਗੇ, ਪਰ ਉਹ ਉਨ੍ਹਾਂ ਵਾਂਗ ਹੀ ਬੁਰਾਈ ਨਾਲ ਲੜਦਿਆਂ ਚੰਗਿਆਈ, ਨਿਆਂ ਅਤੇ
ਬਰਾਬਰੀ ਲਈ ਸੰਘਰਸ਼ ਕਰਦਾ ਹੈ।
ਸੁਪਰ ਸਿੱਖ ਆਕਲੈਂਡ ਦੀ ਲੇਖਕ ਇਲੀਨ ਆਡਲੇਨ ਅਤੇ ਸਿਲੀਕਾਨ ਵੈਲੀ 'ਚ
ਕੰਮ ਕਰਦੇ ਸੁਪ੍ਰੀਤ ਸਿੰਘ ਮਨਚੱਢਾ ਦੇ ਦਿਮਾਗ ਦੀ ਉਪਜ ਹੈ। ਸੀਬੀਐਸਲੋਕਲ ਡਾਟ ਕਾਮ ਦੀ ਇਕ
ਰੀਪੋਰਟ ਅਨੁਸਾਰ ਦੀਪ ਸਿੰਘ ਗ੍ਰੇਸਲੈਂਡ ਦੀ ਯਾਤਰਾ ਕਰਦਾ ਹੈ ਜਿਥੇ ਉਹ ਤਾਲਿਬਾਨ ਦੇ ਏਜੰਟਾਂ
ਨਾਲ ਟਕਰਾਉਂਦਾ ਹੈ। ਤਾਲਿਬਾਨ ਦੇ ਇਹ ਏਜੰਟ ਦੀਪ ਸਿੰਘ ਦਾ ਕਤਲ ਕਰਨ ਦੀ ਕੋਸ਼ਸ਼ ਕਰਦੇ ਹਨ।
ਦੀਪ ਸਿੰਘ ਮਸ਼ਹੂਰ ਰਾਕ ਸਟਾਰ ਐਲਵਿਸ ਦਾ ਵੱਡਾ ਪ੍ਰਸ਼ੰਸਕ ਵੀ ਹੈ।
ਦੁਨੀਆ ਭਰ 'ਚ ਦੋ ਕਰੋੜ 80 ਲੱਖ ਤੋਂ ਜ਼ਿਆਦਾ ਸਿੱਖ ਹਨ ਅਤੇ ਉਨ੍ਹਾਂ
'ਚੋਂ 50 ਲੱਖ ਅਮਰੀਕਾ 'ਚ ਰਹਿੰਦੇ ਹਨ। ਕਾਮਿਕਬੁਲਰਿਲੀਜਨ ਡਾਟ ਕਾਮ ਅਨੁਸਾਰ ਕਾਮਿਕ ਬੁਕਸ
ਤੋਂ ਪਹਿਲਾ ਤੋਂ ਹੀ ਪੱਗ ਬੰਨ੍ਹਣ ਵਾਲੇ 20 ਹੀਰੋ ਅਤੇ ਵਿਲੇਨ ਮੌਜੂਦ ਹਨ। ਦੀਪ ਸਿੰਘ ਪਹਿਲਾ
ਅਤੇ ਇਕੋ-ਇਕ ਕਾਮਿਕ ਬੁਕ ਹੀਰੋ ਹੈ ਜੋ ਨਸਲੀ ਅਤੇ ਧਾਰਮਕ ਅਤਿਵਾਦ ਨਾਲ ਲੜਦਾ ਹੈ।
ਭਾਵੇਂ ਦੀਪ ਸਿੰਘ ਜੇਮਜ਼ ਬਾਂਡ ਵਰਗਾ ਲਗਦਾ ਹੈ, ਪਰ ਇਸ ਨੂੰ ਬਣਾਉਣ
ਵਾਲਿਆਂ ਦਾ ਕਹਿਣਾ ਹੈ ਕਿ ਉਹ ਨਵੀਂ ਕਿਸਮ ਦਾ ਹੀਰੋ ਹੈ।