ਅਕਾਲ ਪੁਰਖ ਦੀ ਜੀ ਕਿਰਪਾ ਸਦਕਾ ਮਿਤੀ 2 ਮਾਰਚ 2015 ਨੂੰ ਪੂਣੇ ਸ਼ਹਿਰ
ਵਿਖੇ ਪ੍ਰੋ. ਦਰਸ਼ਨ ਸਿੰਘ ਜੀ ਖਾਲਸਾ ਨੇ ਗੁਰਬਾਣੀ ਕੀਰਤਨ ਅਤੇ ਵੀਚਾਰ ਦਾ ਪ੍ਰੋਗ੍ਰਾਮ ਇਥੇ
ਗੁਰੁਦੁਆਰਾ ‘ਸਾਧ ਸੰਗਤ’
ਏਅਰਪੋਰਟ ਰੋਡ, ਪੂਣੇ ਵਿਖੇ ਕੀਤਾ। ਇਸ ਦੌਰਾਨ ਉਨ੍ਹਾਂ ਨੇ
ਪਉੜੀ ॥
ਸਤਿਗੁਰੁ ਸੇਵਿ ਨਿਸੰਗੁ ਭਰਮੁ ਚੁਕਾਈਐ ॥ ਸਤਿਗੁਰੁ ਆਖੈ ਕਾਰ ਸੁ
ਕਾਰ ਕਮਾਈਐ ॥ ਸਤਿਗੁਰੁ ਹੋਇ ਦਇਆਲੁ ਤ ਨਾਮੁ ਧਿਆਈਐ ॥ ਲਾਹਾ ਭਗਤਿ ਸੁ ਸਾਰੁ ਗੁਰਮੁਖਿ ਪਾਈਐ
॥
ਮਨਮੁਖਿ ਕੂੜੁ ਗੁਬਾਰੁ ਕੂੜੁ ਕਮਾਈਐ ॥ ਸਚੇ ਦੈ ਦਰਿ ਜਾਇ ਸਚੁ ਚਵਾਂਈਐ ॥ ਸਚੈ ਅੰਦਰਿ ਮਹਲਿ
ਸਚਿ ਬੁਲਾਈਐ ॥ ਨਾਨਕ ਸਚੁ ਸਦਾ ਸਚਿਆਰੁ ਸਚਿ ਸਮਾਈਐ ॥15॥
ਦਾ ਗਾਇਨ ਕੀਤਾ ਅਤੇ ਵੀਚਾਰ ਕੀਤੀ। ਉਨ੍ਹਾਂ ਨੇ ਸਤਿਗੁਰ ਦੇ ਕੀਤੇ ਫੈਸਲਿਆਂ ਦੀ ਸ੍ਰੇਸ਼ਠਤਾ
ਦਰਸ਼ਾਉਂਦਿਆਂ ਇਸ ਗੱਲ ਨੂੰ ਦ੍ਰਿੜ ਕਰਵਾਇਆ ਕਿ ਸਾਨੂੰ ਗੁਰੂ ਨੂੰ ਸਨਮੁਖ ਹੋਣਾ ਹੀ ਬਣ ਆਉਂਦਾ
ਹੈ, ਅਤੇ ਜਦੋਂ ਅਸੀਂ ਅਪਨੀ ਮੱਤ ਨਾਲ ਕੋਈ ਫੈਸਲੇ ਲੈਂਦੇ ਹਾਂ, ਤਾਂ ਉਸ ਨਾਲ ਕੋਈ ਨਾ ਕੋਈ
ਮੁਸਕਿਲ ਹੀ ਖੜੀ ਹੁੰਦੀ ਹੈ।
ਇਸ ਸਮਾਗਮ ਦੀ ਵਿਸ਼ੇਸ਼ ਗੱਲ ਇਹ ਸੀ ਕਿ ਇਸ ਵਿੱਚ ਇੱਕ
ਗੁਰਸਿੱਖ ਜੋੜੇ ਵੀਰ ਜਸਵੀਰ ਸਿੰਘ ਅਤੇ
ਜਸਨੀਤ ਕੌਰ ਦਾ ਅਨੰਦ ਕਾਰਜ
ਜੋ ਕਿ 01 ਮਾਰਚ 2015 ਨੂੰ ਹੋਇਆ ਸੀ, ਉਨ੍ਹਾਂ ਨੂੰ ਪ੍ਰੋ.
ਸਾਹਿਬ ਨੇ ਆਸ਼ਿਰਵਾਦ ਦਿੱਤਾ।
ਇਸ ਸਮਾਗਮ ਵਿੱਚ ਗੁਰਦੁਆਰਾ ਸਾਹਿਬ ਦੇ ਪ੍ਰਧਾਨ ਸ. ਸਰਬਜੀਤ ਸਿੰਘ, ਅਤੇ
ਸਿੱਖ ਸੰਗਤ ਵਿੱਚ ਵਿਸ਼ੇਸ਼ ਤੌਰ 'ਤੇ ਪੁੱਜੇ ਸ. ਸਾਹਿਬ ਸਿੰਘ, ਸ. ਰਾਜਵੰਤ ਸਿੰਘ, ਸ.
ਸਿਮਰਨਜੀਤ ਸਿੰਘ, ਸ. ਜਗਮੋਹਨ ਸਿੰਘ, ਸ. ਹਰਵਿੰਦਰ ਸਿੰਘ, ਸ. ਰਵਿੰਦਰ ਸਿੰਘ, ਸ. ਤਰਨਜੀਤ
ਸਿੰਘ, ਸ. ਤਾਰਾ ਸਿੰਘ (ਡਾਇਰੈਕਟਰ - ਸਾਇੰਸਦਾਨ, DRDO Pune), ਸ. ਅਮਿੰਦਰ ਸਿੰਘ, ਸਰਦਾਰਨੀ
ਮਨਜੀਤ ਕੌਰ, ਅਰਵਿੰਦਰ ਕੌਰ, ਉਸਤਤ ਕੌਰ ਸ਼ਾਮਿਲ ਸਨ।