ਇਸ ਐਤਵਾਰ 05 ਅਪ੍ਰੈਲ 2015 ਨੂੰ ਸਿੱਖ ਮਿਸ਼ਨਰੀ ਗੁਰਦਵਾਰਾ ਸਾਊਥਹਾਲ
ਵਿੱਚ ਮੂਲ ੨੦੦੩ ਵਾਲਾ ਨਾਨਕਸ਼ਾਹੀ ਕੈਲੰਡਰ ਰੀਲੀਜ਼ ਕਰਨ ਲਈ ਦਲ ਖਾਲਸਾ ਦੇ ਸਹਿਯੋਗ ਨਾਲ ਅਨੇਕਾਂ
ਜਥੇਬੰਦੀਆਂ ਦਾ ਇੱਕਠ ਹੋਇਆ, ਜਿਸ ਵਿੱਚ ਮੁੱਖ ਰੂਪ ਵਿੱਚ ਮਨਮੋਹਨ ਸਿੰਘ (ਦਲ ਖਾਲਸਾ), ਟਾਈਗਰ
ਜਥਾ ਯੂਕੇ, ਮਹਿੰਦਰ ਸਿੰਘ ਰਾਠੋਰ ਅਤੇ ਸੋਹਨ ਸਿੰਘ ਢੇਸੀ (ਮੀਰੀ ਪੀਰੀ ਗੁਰਦਵਾਰਾ), ਅਖੰਡ
ਕੀਰਤਨੀ ਜਥਾ ਯੂਕੇ, ਸ਼ਿਰੋਮਣੀ ਅਕਾਲੀ ਦਲ ਮਾਨ, ਸਿੱਖ ਸਟੱਡੀ ਫੋਰਮ ਬਾਰਕਿੰਗ, ਅਨੂਪ ਸਿੰਘ (ਕੌਨਸਲ
ਆਫ਼ ਖਾਲਿਸਤਾਨ), ਗ੍ਰੇਵ੍ਸੈਂਡ ਗੁਰਦਵਾਰਾ, ਗੁਰਦਵਾਰਾ ਸਿੱਖ ਸੰਗਤ ਹਾਰਲੀ ਗਰੋਵ, ਪ੍ਰਿਤਪਾਲ
ਸਿੰਘ ਚਾਵਲਾ ਈਲਿੰਗ ਗੁਰਦਵਾਰਾ, ਮਲਕੀਤ ਸਿੰਘ (ਕੇਸਰੀ ਲਹਿਰ), ਅਮਰਜੀਤ ਸਿੰਘ ਖਾਲੜਾ,
ਸੁਖਦੀਪ ਸਿੰਘ (ਸਾਬਕਾ ਸੈਕਟਰੀ ਗੁਰੂਦਵਾਰਾ ਸਿੰਘ ਸਭਾ ਸਾਉਥਾਲ), ਸਿਰਦਾਰ ਜਸਵੀਰ ਸਿੰਘ ਅਤੇ
ਸਿਰਦਾਰ ਨਿਰੰਜਨ ਸਿੰਘ (ਰੇਡੀਓ ਸਿੰਘਨਾਦ), ਪਰਗਣ ਸਿੰਘ (ਸਿੱਖ ਸਪਿਰਟ ਆਰਗੀਨਾਈਜੇਸ਼ਨ) ਸਮੇਤ
ਹੋਰ ਅਨੇਕਾਂ ਜਥੇਬੰਦੀਆਂ ਅਤੇ ਗੁਰਦਵਾਰਿਆਂ ਦਾ ਸਹਿਯੋਗ ਕਾਨਫ੍ਰੈਂਸ ਦੇ ਦੌਰਾਨ ਫੋਨ ਕਾਲ ਰਾਹੀ
ਹਾਸਿਲ ਹੋਇਆ।
ਇਸ ਦੇ ਨਾਲ ਹੀ ਇਸ ਦਿਨ ਡਰਬੀ ਵਿੱਚ ਭੀ ਅਖੰਡ ਕੀਰਤਨੀ ਜਥੇ ਵੱਲੋਂ
੨੦੦੩ ਵਾਲਾ ਨਾਨਕਸ਼ਾਹੀ ਕੈਲੰਡਰ ਲਾਗੂ ਕੀਤਾ ਗਿਆ।
ਯਾਦ ਰਹੇ ਕਿ ਕੁਝ ਬਾਦਲ ਦੇ ਝੋਲੀ ਚੁੱਕਾਂ ਵੱਲੋਂ ਮਿਡਲੈਂਡ (ਯੂ.ਕੇ.)
ਵਿੱਚ ਪਿਛਲੇ ਹਫਤੇ ਬਿਕ੍ਰਮੀ ਕੈਲੰਡਰ ਰੀਲੀਜ਼ ਕੀਤਾ ਗਿਆ ਸੀ, ਜਿੰਨਾ ਦੀ ਇਸ ਪੰਥਿਕ ਇੱਕਠ
ਦੌਰਾਨ ਤਕਰੀਬਨ ਹਰ ਜਥੇਬੰਦੀ ਦੇ ਬੁਲਾਰੇ ਵੱਲੋਂ ਸਖਤ ਸ਼ਬਦਾਂ ਵਿੱਚ ਨਿਖੇਦੀ ਕੀਤੀ ਗਈ।