ਅੰਮ੍ਰਿਤਸਰ
(1 ਮਈ 2015), ਨਰਿੰਦਰ ਪਾਲ ਸਿੰਘ: ਮੁਖ ਮੰਤਰੀ ਪਰਕਾਸ਼ ਸਿੰਘ ਬਾਦਲ ਦੀ ਨਿੱਜੀ ਆਰਬਿਟ
ਬੱਸ ਕੰਪਨੀ ਦੀ ਇਕ ਬੱਸ ਦੇ ਕੰਡਕਟਰ, ਡਰਾਇਵਰ ਤੇ ਉਨ੍ਹਾਂ ਦੇ ਸਾਥੀਆਂ ਵਲੋਂ ਦੋ ਸਵਾਰੀ
ਔਰਤਾਂ ਨਾਲ ਕੀਤੀ ਛੇੜਛਾੜ ਕਾਰਣ ਹੋਈ ਲੜਕੀ ਦੀ ਮੌਤ ਖਿਲਾਫ ਸਿੱਖ ਯੂਥ ਫਰੰਟ ਦੇ ਨੌਜੁਆਨਾਂ
ਨੇ ਮੋਮਬੱਤੀਆਂ ਬਾਲ ਕੇ ਰੋਸ ਪ੍ਰਗਟਾਇਆ।
ਫਰੰਟ ਦੇ ਪ੍ਰਧਾਨ ਡਾ: ਸ਼ਰਨਜੀਤ ਸਿੰਘ ਰਟੌਲ, ਜਨਰਲ ਸਕੱਤਰ
ਪਪਲਪ੍ਰੀਤ ਸਿੰਘ ਦੀ ਅਗਵਾਈ ਵਿੱਚ ਦੋ ਦਰਜਨ ਦੇ ਕਰੀਬ ਨੌਜੁਆਨ ਸਥਾਨਕ ਹਾਲ ਗੇਟ ਦੇ ਬਾਹਰ
ਇੱਕਤਰ ਹੋਏ ਅਤੇ ਮੋਗਾ ਕਾਂਡ ਖਿਲਾਫ ਰੋਹ ਭਰੀਆਂ ਟਿਪਣੀਆਂ ਵਾਲੀਆਂ ਤਖਤੀਆਂ ਲਹਿਰਾਈਆਂ ।
ਰੋਸ ਪ੍ਰਗਟ ਕਰ ਰਹੇ ਨੌਜੁਆਨਾਂ ਨੇ ਹੱਥਾਂ ਵਿੱਚ ਬਲਦੀਆਂ ਮੋਮਬੱਤੀਆਂ ਫੜ੍ਹਕੇ ਰੋਸ ਤੇ
ਰੋਹ ਦਾ ਪ੍ਰਗਟਾਅ ਕੀਤਾ।
ਫਰੰਟ ਦੇ ਪ੍ਰਧਾਨ ਡਾ: ਰਟੌਲ ਨੇ ਕਿਹਾ ਕਿ ਜੇਕਰ ਸਿੱਖ ਸੂਬੇ ਵਿੱਚ
ਤੇ ਸਿੱਖਾਂ ਦੇ ਰਾਜ ਵਿੱਚ ਔਰਤ ਸੁਰੱਖਿਅਤ ਨਹੀਂ ਤਾਂ ਸ਼ਰਮ ਦੀ ਗੱਲ ਹੈ। ਉਂਨ੍ਹਾਂ ਕਿਹਾ
ਕਿ ਜੇਕਰ ਨੰਨੀ ਛਾਂ ਮੁਹਿੰਮ ਚਲਾਉਣ ਵਾਲੀ ਹਰਸਿਮਰਤ ਕੌਰ ਦੀਆਂ ਬੱਸਾਂ ਵਿੱਚ ਔਰਤ ਦੀ ਐਹ
ਦੁਰਦਸ਼ਾ ਹੋ ਰਹੀ ਹੈ, ਤਾਂ ਨੰਨੀ ਛਾਂ ਮੁਹਿੰਮ ਦਾ ਵਿਖਾਵਾ ਖਤਮ ਹੋਣਾ ਚਾਹੀਦਾ।
ਇਸ ਮੌਕੇ ਸ੍ਰ. ਰਣਜੀਤ ਸਿੰਘ, ਭਾਈ ਸੁਖਜੀਤ ਸਿੰਘ ਖੇਲਾ, ਭਾਈ
ਦਿਲਬਾਗ ਸਿੰਘ ਨਾਗੋਕੇ, ਹਰਪ੍ਰੀਤ ਸਿੰਘ ਟੋਨੀ, ਸ਼ਮਸ਼ੇਰ ਸਿੰਘ ਕੁਹਾੜਕਾ, ਭਾਈ ਨਵਦੀਪ
ਸਿੰਘ, ਭਾਈ ਕਵਲਜੀਤ ਸਿੰਘ ਪ੍ਰਮੁਖ ਤੌਰ ਤੇ ਹਾਜਰ ਸਨ।
ਟਿੱਪਣੀ: ਖੱਸੀ ਹੋ ਚੁਕੇ
ਪੰਜਾਬ ਦੀ ਹਾਲਤ ਦੇਖ ਲਓ, 10-15 ਲੋਕਾਂ ਤੋਂ ਇਲਾਵਾ ਕੋਈ ਵੀ ਰੋਸ ਲਈ ਨਹੀਂ ਪਹੁੰਚ
ਸਕਿਆ। ਪਿਛੇ ਜਿਹੇੇ ਦਿੱਲੀ 'ਚ ਹੋਏ ਇੱਕ ਬੀਬੀ ਨਾਲ ਹੋਈ ਬਦਸਲੂਕੀ ਕਰਕੇ ਸਾਰੀ ਦਿੱਲੀ,
ਸਾਰਾ ਦੇਸ਼ ਸੜਕਾਂ 'ਤੇ ਸੀ, ਸਾਰੇ ਖਬਰਾਂ ਦੇ ਚੈਨਲ ਅੱਡੀਆਂ ਚੁੱਕ ਚੁੱਕ ਕੇ ਇਸ ਦੀ
ਕਵਰੇਜ਼ ਕਰ ਰਿਹਾ ਸੀ, ਚੰਗ ਗੱਲ ਸੀ... ਪਰ ਹੁਣ? ਕੀ ਪੰਜਾਬ 'ਚ ਹੋ ਰਹੀਆਂ ਅਣਮਨੁੱਖੀ
ਕਾਰਿਆਂ ਦੀ ਕੋਈ ਗੱਲ ਨਹੀਂ ਕਰੇਗਾ, ਬਾਦਲ ਦੀ ਕਰਤੂਤਾਂ ਖਿਲਾਫ ਕੋਈ ਨਹੀਂ ਬੋਲੇਗਾ...
ਇਹ ਪੰਜਾਬੀਆਂ ਦੇ, ਖਾਸ ਕਰਕੇ ਸਿੱਖਾਂ ਦੀ ਖੱਸੀਪਨ ਦੀ ਨਿਸ਼ਾਨੀ
ਨਹੀਂ? ਹਰ ਘਟਨਾ ਦੇ
ਬਾਅਦ ਦੋ ਚਾਰ ਬਿਆਨਬਾਜ਼ੀ ਹੋਵੇਗੀ, ਫਿਰ ਮੁੜਕੇ ਉਹੀ ... ਬੋਹੜ ਥੱਲੇ...
ਸੰਪਾਦਕ ਖ਼ਾਲਸਾ ਨਿਊਜ਼