ਪਹਿਲੀ ਜੂਨ ਦੇ ਸ਼ੁਰੂ ਹੁੰਦਿਆ ਹੀ ਪੁਲੀਸ ਪ੍ਰਸ਼ਾਸ਼ਨ ਨੇ ਜਿਥੇ
ਘੱਲੂਘਾਰਾ ਦਿਵਸ ਨੂੰ ਲੈ ਕੇ ਮੀਟਿੰਗਾਂ ਦਾ ਸਿਲਸਿਲਾ ਆਰੰਭ ਕਰ ਦਿੱਤਾ ਹੈ ਅਤੇ ਸ਼ਹਿਰ ਦੇ
ਹਰ ਚੌਕ ਵਿੱਚ ਪੁਲੀਸ ਦੇ ਦਸਤੇ ਤਾਇਨਾਤ ਕਰ ਦਿੱਤੇ ਹਨ ਉਥੇ ਸ਼ੱਕੀ ਵਿਅਕਤੀਆ ਤੇ ਕੜੀ
ਨਿਗਾਹ ਰੱਖੀ ਜਾ ਰਹੀ ਹੈ। ਘੁੱਲੂਘਾਰਾ ਦਿਵਸ ਨੂੰ ਲੈ ਕੇ ਸਿੱਖ ਗਰਮ ਦਲੀਆ ਨੇ ਆਪਣੀਆ
ਸਰਗਰਮੀਆ ਤੇਜ਼ ਕਰ ਦਿੱਤੀਆ ਹਨ ਤੇ ਇਹਨਾਂ ਜਥੇਬੰਦੀਆ ਨੇ 6 ਜੂਨ ਨੂੰ ਪੰਜਾਬ ਬੰਦ ਦੀ ਕਾਲ
ਵੀ ਦਿੱਤੀ ਹੋਈ ਹੈ ਜਿਸ ਨੂੰ ਨਾਕਾਮ ਕਰਨ ਲਈ ਵੀ ਪੁਲੀਸ ਪ੍ਰਸ਼ਾਸ਼ਨ ਹਰ ਪ੍ਰਕਾਰ ਨਾਲ
ਯਤਨਸ਼ੀਲ ਹੈ। ਗਰਮ ਦਲੀਆ ਦੇ ਕਾਰਕੁੰਨ ਹਰ ਰੋਜ਼ ਸ਼ਾਮ ਨੂੰ ਬਜ਼ਾਰਾਂ ਵਿੱਚ ਇੱਕ ਬੈਨਰ ਲੈ ਕੇ
ਘੁੰਮਦੇ ਹਨ ਜਿਸ ਤੇ ਬੰਦ ਦੀ ਕਾਲ ਦਾ ਸੰਦੇਸ਼ ਲਿਖਿਆ ਹੋਇਆ ਹੁੰਦਾ ਹੈ।
ਪਹਿਲੀ ਜੂਨ ਤੋ ਸਕੂਲਾਂ ਵਿੱਚ ਛੁੱਟੀਆ ਹੋਣ ਕਾਰਨ ਸ੍ਰੀ ਦਰਬਾਰ
ਸਾਹਿਬ ਵਿਖੇ ਸੰਗਤਾਂ ਦੀ ਗਿਣਤੀ ਪਹਿਲੇ ਦੋ ਦਿਨ ਤਾਂ ਕਾਫੀ ਵੱਧ ਗਈ ਸੀ ਪਰ ਤਿੰਨ ਜੂਨ
ਤੋ ਇੱਕ ਦਮ ਸੰਗਤਾਂ ਦੀ ਆਮਦ ਵਿੱਚ ਖੜੌਤ ਆ ਗਈ ਤੇ ਲੋਕ ਕਿਸੇ ਵੀ ਝਮੇਲੇ ਵਿੱਚ ਪੈਣ ਤੋ
ਬਚਾ ਕਰਦੇ ਹੋਏ 6 ਜੂਨ ਵੱਲ ਟਿੱਕਟਿੱਕੀ ਲਗਾ ਕੇ ਵੇਖ ਰਹੇ ਹਨ।
ਖਾਲਿਸਤਾਨ ਦੇ ਆਪਣੇ ਆਪ ਨੂੰ ਮੁਦੱਈ ਦੱਸਣ ਵਾਲੇ ਸ਼੍ਰੋਮਣੀ ਅਕਾਲੀ
ਦਲ (ਅੰਮ੍ਰਿਤਸਰ) ਦੇ ਪ੍ਰਧਾਨ ਸ੍ਰ ਸਿਮਰਨਜੀਤ ਸਿੰਘ ਮਾਨ ਇਸ ਵਾਰੀ ਬੀਮਾਰੀ ਕਾਰਨ
ਹਸਪਤਾਲ ਵਿੱਚ ਦਾਖਲ ਹਨ ਤੇ ਉਹ ਛੇ ਜੂਨ ਨੂੰ ਨਹੀ ਆ ਸਕਣਗੇ ਫਿਰ ਸ੍ਰੀ ਅਕਾਲ ਤਖਤ ਸਾਹਿਬ
ਦੇ ਸਾਹਮਣੇ ਖਾਲਿਸਤਾਨ ਦੇ ਨਾਅਰੇ ਲੱਗਣ ਤੋ ਇਨਕਾਰ ਨਹੀ ਕੀਤਾ ਜਾ ਸਕਦਾ ਜਦ ਕਿ ਪਿਛਲੇ
ਸਾਲ 6 ਜੂਨ ਨੂੰ ਗਰਮ ਦਲੀਆ ਤੇ ਸ਼੍ਰੋਮਣੀ ਕਮੇਟੀ ਵਿਚਕਾਰ ਖੂਨੀ ਝੜਪਾ ਵੀ ਹੋਈਆ ਸਨ ਜਿਸ
ਦੌਰਾਨ ਕਈ ਸ਼ਰਧਾਲੂ ਜਖਮੀ ਹੋਏ ਸਨ।
ਸ਼੍ਰੋਮਣੀ ਕਮੇਟੀ ਦੇ ਗਲਿਆਰਿਆ ਵਿੱਚ ਇਹ ਵੀ ਚਰਚਾ ਪਾਈ ਜਾ ਰਹੀ ਹੈ
ਕਿ ਗਰਮ ਦਲੀਆ ਦੇ ਸ਼ਾਤਮਈ ਢੰਗ ਨਾਲ 6 ਜੂਨ ਦਾ ਦਿਹਾੜਾ ਮਨਾਉਣ ਦੇ ਬਿਆਨ ਆ ਚੁੱਕੇ ਹਨ ਪਰ
ਸ਼੍ਰੋਮਣੀ ਕਮੇਟੀ ਦੇ ਅਧਿਕਾਰੀਆ ਦੀ ਆਪਸੀ ਖਿੱਚੋਤਾਣ ਕੋਈ ਗੜਬੜ ਜਰੂਰ ਕਰਵਾ ਸਕਦੀ ਹੈ ।
ਸੰਨ 2006 ਵਿੱਚ ਰੂਪ ਸਿੰਘ ਨੂੰ ਸ੍ਰੀ ਦਰਬਾਰ ਸਾਹਿਬ ਦਾ ਮੈਨੇਜਰ ਲਗਾਇਆ ਸੀ ਤਾਂ ਉਸ
ਵੇਲੇ ਵੀ ਇੱਕ ਸਮਾਗਮ ਦੌਰਾਨ ਗੁਰੂਦੁਆਰਾ ਮੰਜੀ ਸਾਹਿਬ ਵਿਖੇ ਝਗੜਾ ਹੋ ਗਿਆ ਸੀ ਤੇ
ਸ਼੍ਰੋਮਣੀ ਕਮੇਟੀ ਪ੍ਰਧਾਨ ਸ੍ਰ ਅਵਤਾਰ ਸਿੰਘ ਮੱਕੜ ਦੀ ਕੋਈ ਦਸਤਾਰ ਲਾਹ ਕੇ ਲੈ ਗਿਆ ਜਿਹੜੀ
ਅੱਜ ਤੱਕ ਨਹੀ ਮਿਲ ਸਕੀ ਜਿਸ ਦਾ ਨਜ਼ਲਾ ਵੀ ਸਾਰਾ ਰੂਪ ਸਿੰਘ ਤੇ ਸੁੱਟ ਕੇ ਉਸ ਨੂੰ
ਮੈਨੇਜਰੀ ਤੋ ਲਾਂਭੇ ਕਰ ਦਿੱਤਾ ਗਿਆ ਸੀ ਤੇ ਅੱਜ ਕਲ ਰੂਪ ਸਿੰਘ ਸਕੱਤਰ ਦੇ ਆਹੁਦੇ ਤੇ
ਤਾਇਨਾਤ ਹਨ।
ਇਹ ਵੀ ਚਰਚਾ ਹੈ ਕਿ ਇਸ ਵਾਰੀ ਪੰਥਕ ਜਥੇਬੰਦੀਆ ਨੇ ਭਾਂਵੇ ਸ਼ਾਤਮਈ
ਘੁੱਲੂਘਾਰਾ ਦਿਵਸ ਮਨਾਉਣ ਦਾ ਅਹਿਦ ਲਿਆ ਹੈ ਪਰ ਪੰਜਾਬ ਸਰਕਾਰ ਤੇ ਕੇਂਦਰ ਸਰਕਾਰ ਵਿੱਚ
ਚੱਲ ਰਹੀ ਕਸ਼ਮਕਸ਼ ਨੂੰ ਲੈ ਕੇ ਸਰਕਾਰੀ ਏਜੰਸੀਆ ਵੀ ਕੋਈ ਗੜਬੜ ਕਰਵਾ ਸਕਦੀਆ ਹਨ ਜਿਹਨਾਂ
ਤੋ ਖਾਸ ਕਰਕੇ ਗਰਮ ਦਲੀਆ ਨੂੰ ਸੁਚੇਤ ਰਹਿਣਾ ਪਵੇਗਾ ਕਿਉਕਿ ਸਿਆਸਤ ਵਿੱਚ ਬਾਬਾ ਬੋਹੜ ਵਜੋ
ਜਾਣੇ ਜਾਂਦੇ ਸ੍ਰ ਪ੍ਰਕਾਸ਼ ਸਿੰਘ ਬਾਦਲ ਸਿਆਸਤ ਦੇ ਹਰ ਆਲਣੇ ਦੇ ਖਿਡਾਰੀ ਮੰਨੇ ਜਾਂਦੇ ਹਨ
ਤੇ ਕਿਸੇ ਪਾਸਿਉ ਵੀ ਕੇਂਦਰ ਸਰਕਾਰ ਦੇ ਹੱਥਾਂ ਦੇ ਤੋਤੋ ਉਡਾ ਸਕਦੇ ਹਨ।
6 ਜੂਨ ਦੇ ਘੱਲੂਘਾਰੇ ਦਿਵਸ ਨੂੰ ਲੈ ਕੇ ਜਿਲਾ ਪੁਲੀਸ ਕਮਿਸ਼ਨਰ ਸ੍ਰੀ
ਜਾਤਿੰਦਰ ਸਿੰਘ ਔਲਖ ਤੇ ਡਿਪਟੀ ਪੁਲੀਸ ਕਮਿਸ਼ਨਰ ਸ੍ਰੀ ਪਰਮਪਾਲ ਸਿੰਘ ਨੇ ਅੱਜ ਸ੍ਰੀ ਅਕਾਲ
ਤਖਤ ਸਾਹਿਬ ਦੀਆ ਸਾਰੀਆ ਨੁੱਕਰਾਂ ਦਾ ਮੁਆਇਨਾ ਕੀਤਾ ਤੇ ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਹੈਡ
ਗ੍ਰੰਥੀ ਗਿਆਨੀ ਗੁਰਮੁੱਖ ਸਿੰਘ ਨਾਲ ਇੱਕ ਗੁਪਤ ਮੀਟਿੰਗ ਵੀ ਕੀਤੀ। ਇੱਕ ਪੁਲੀਸ ਅਧਿਕਾਰੀ
ਅਨੁਸਾਰ ਇਸ ਵਾਰੀ ਤਿੰਨ ਹਜਾਰ ਪੁਲੀਸ ਕਰਮਚਾਰੀ ਸਿਰਫ ਸ੍ਰੀ ਦਰਬਾਰ ਸਾਹਿਬ ਕੰਪਲੈਕਸ ਦੇ
ਅੰਦਰ ਹੀ ਤਾਇਨਾਤ ਕੀਤਾ ਗਿਆ ਹੈ ਜਦ ਕਿ ਬਾਹਰ ਲਗਾਈ ਨਫਰੀ ਇਸ ਤੋ ਕਈ ਗੁਣਾ ਵੱਧ ਹੈ।
ਮਹਿਲਾਂ ਪੁਲੀਸ ਦਾ ਵੀ ਵਿਸ਼ੇਸ਼ ਪ੍ਰਬੰਧ ਕੀਤਾ ਗਿਆ ਹੈ।
ਇਸੇ ਤਰ੍ਹਾਂ ਦਲ ਖਾਲਸਾ ਦੇ ਆਗੂ ਕੰਵਰਪਾਲ ਸਿੰਘ ਬਿੱਟੂ ਨੇ 6 ਜੂਨ
ਨੂੰ ਬੰਦ ਕਰਾਉਣ ਬਾਰੇ ਸਪੱਸ਼ਟ ਕਰਦਿਆ ਕਿਹਾ ਕਿ ਇਸ ਦਿਨ ਕੋਈ ਸਿੰਘ ਜਬਰੀ ਬੰਦ ਕਰਾਉਣ ਨਾ
ਜਾਵੇ ਤੇ ਬੰਦ ਦੀ ਕਾਲ ਸਿਰਫ ਦਲ ਖਾਲਸਾ ਨੇ ਹੀ ਦਿੱਤੀ ਹੈ ਤੇ ਬੰਦ ਖਾਲਸਾ ਹੀ ਆਪਣੇ
ਤਰੀਕੇ ਨਾਲ ਕਰਵਾਏਗਾ।
