ਲੁਧਿਆਣਾ
(7 ਜੂਨ 2015) – ਖਾਲਸਾ ਪੰਥ ਨੂੰ ਦਰਪੇਸ਼ ਚਨੌਤੀਆ ਦੇ ਮੱਦੇ ਨਜਰ ਸਿੱਖ ਪਰੰਪਰਾਵਾ ਦੀ
ਪੁਨਰ ਸੁਰਜੀਤੀ ਲਈ ਸ਼੍ਰੋਮਣੀ ਗੁਰਮਤਿ ਚੇਤਨਾ (ਲਹਿਰ) ਸ਼੍ਰੋ: ਗ: ਪ੍ਰ: ਕਮੇਟੀ ਦੇ ਹਰੇਕ
ਚੌਣ ਹਲਕੇ ਅੰਦਰ ਸਿੱਖ ਨੌਜਵਾਨ / ਵੀਰਾਂ / ਭੈਣਾਂ ਨੂੰ ਦਸ਼ਮੇਸ਼ ਪਿਤਾ ਦੀ ਨਵੇਕਲੀ ਨਿਰਾਲੀ
ਵੀਚਾਰਧਾਰਾ ਨੂੰ ਪੰਹੁਚਾਣ ਲਈ ਵਚਨਬੰਧ ਹੈ। ਇਹਨਾਂ ਵੀਚਾਰਾ ਦਾ ਪ੍ਰਗਟਾਵਾ ਕਰਦਿਆ ਲਹਿਰ
ਦੇ ਮੁੱਖੀ ਪ੍ਰਿੰ: ਪਰਵਿੰਦਰ ਸਿੰਘ ਖਾਲਸਾ ਨੇ ਕਿਹਾ ਕਿ ਪਿਛਲੇ ਸਮੇ ਚ ਨਿਰੰਤਰ 35
ਗੁਰਮਤਿ ਕੈਂਪ ਲਾ ਕੇ ਅਸੀ ਇਸ ਸਿੱਟੇ ਤੇ ਪੁਹਚੇ ਹਾਂ ਕਿ ਜਿਥੇ ਗੁਰਮਤਿ ਦੀ ਸਹੀ ਜਾਣਕਾਰੀ
ਦੇਣ ਲਈ ਪਿੰਡ ਪੱਧਰ ਤੇ ਉਪਰਾਲੇ ਕੀਤੇ ਜਾਣ, ੳਥੇ ਵਿਦਿਘਕ ਖੇਤਰ ‘ਚ’ ਪਛੱੜ ਰਹੀ ਸਿਖ
ਨੌਜਵਾਨੀ ਨੂੰ ਭੀ ਸੰਭਾਲਣ ਦੀ ਸਖਤ ਲੋੜ ਹੈ ਅਤੇ ਰਾਜਨੀਤੀ ਦੀ ਗੁਲਾਮੀ ਚ ਕੈਦ ਗੁਰਦੁਆਰਾ
ਪ੍ਰਬੰਧ ਨੂੰ ਅਜਾਦ ਕਰਵਾਉਣਾ ਪਵੇਗਾ।
ੳਨ੍ਹਾਂ ਕਿਹਾ ਕਿ ਸ਼੍ਰੌਮਣੀ ਗੁਰਮਤਿ ਚੇਤਨਾ ਲਹਿਰ ਨੇ ਜੂਨ ਮਹੀਨੇ
ਤਿੰਨ ਵੱਡੇ ਗੁਰਮਤਿ ਸਿਖਲਾੲੀ ਕੈਪ ਲੁਧਿਆਣਾ ਕਪੁਰਥਲਾ ਤੇ ਫਤਹਿਗੜ ਸਾਹਿਬ ਵਿਖੇ ਲਾਉਣ
ਦਾ ਨਿਰਣਾ ਕੀਤਾ ਹੈ ਇਨ੍ਹਾ ਅੰਦਰ ਗੁਰਬਾਣੀ ਸਿੱਖ ੲਿਤਿਹਾਸ ਰਹਿਤ ਮਰਿਯਾਦਾ ਦੀ ਵੀ
ਜਾਣਕਾਰੀ ਵੀ ਦਿਤੀ ਜਾਵੇਗੀ ਗਤਕਾ ਕੀਰਤਨ ਤਬਲਾ ਦੀ ਸਿਖਲਾਈ ਦਾ ਪ੍ਰਬੰਧ ਕੀਤਾ ਗਿਆ ਹੈ।
ਲਹਿਰ ਵੱਲੋ 14 ਜੂਨ ਦਿਨ ਐਤਵਾਰ ਨੂੰ ਲੁਧਿਆਣਾ ‘ਚ’ ਭਾਈ ਰਣਧੀਰ
ਸਿੰਘ ਨਗਰ ਦੇ ਬਲਾਕ ਈ 'ਚ ਪੈਂਦੇ ਸਿੰਘ ਸਭਾ ਗੁਰ ਘਰ ‘ਚ’ ਦੁਪਹਿਰ 2 ਵਜੇ ਸਿੱਖ ਪੰਥ
ਨੂੰ ਦਰਪੇਸ਼ ਚਨੌਤੀਆ ਵਿਸ਼ੇ 'ਤੇ ਸੈਮੀਨਾਰ ਹੋਵੇਗਾ, ਜਿਸ ਵਿਚ ੳਘੇ ਸਿੱਖ ਵਿਦਵਾਨ ਹਿੱਸਾ
ਲੈਣਗੇ।
ਹਰੇਕ ਸਾਲ ਵਾਂਗ ਗੁ: ਫਤਿਹਗੜ ਸਾਹਿਬ ਸਰਹੰਦ ਵਿਖੇ 20 ਜੂਨ ਨੂੰ
ਅਤੇ ਗ: ਸੁਖਚੈਨ ਸਾਹਿਬ ਫਗਵਾੜਾ (ਕਪੁਰਥਲਾ) 29 ਜੂਨ ਗੁਰਮਤਿ ਸਿਖਲਾਈ ਕੈਪ ਲਾਉਣ ਦੀਆ
ਤਿਆਰੀਆਂ ਮੁਕੰਮਲ ਕਰ ਲਈਆ ਹਨ। 14 ਜੂਨ ਨੂੰ ਲੁਧਿਆਣੇ ਤੇ ੫ ਜੁਲਾਈ ਨੂੰ ਗੁ: ਸੁਖਚੈਨ
ਸਾਹਿਬ ਵਿਖੇ ਭਾਰੀ ਅੰਮ੍ਰਿਤ ਸੰਚਾਰ ਹੋਵੇਗਾ।