ਨਵੀਂ
ਦਿੱਲੀ 30 ਜੂਨ (ਜਸਬੀਰ ਸਿੰਘ): ਸ੍ਰ ਹਰਵਿੰਦਰ ਸਿੰਘ ਸਰਨਾ ਸਕੱਤਰ ਜਨਰਲ ਸ੍ਰੋਮਣੀ ਅਕਾਲੀ
ਦਲ ਦਿੱਲੀ ਨੇ ਇਟਲੀ ਵਿਖੇ ਸਿੱਖ ਸੰਗਤਾਂ ਵੱਲੋਂ ਜਥੇਦਾਰ ਅਕਾਲ ਤਖਤ ਨਾਲ ਕੀਤੇ ਤੱਤਕਾਰ
ਦਾ ਨੋਟਿਸ ਲੈਂਦਿਆਂ ਕਿਹਾ ਕਿ ਜਥੇਦਾਰ ਗਿਆਨੀ ਗੁਰਬਚਨ ਸਿੰਘ ਸਿੱਖ ਸੰਗਤਾਂ ਵਿੱਚੋ ਆਪਣਾ
ਵਿਸ਼ਵਾਸ਼ ਪੂਰੀ ਤਰ੍ਹਾਂ ਗੁਆ ਚੁੱਕੇ ਹਨ, ਤੇ ਉਹਨਾਂ ਨੂੰ ਬਿਨਾਂ ਕਿਸੇ ਦੇਰੀ ਤੋਂ ਜਥੇਦਾਰੀ
ਤੋਂ ਅਸਤੀਫਾ ਦੇ ਕੇ ਘਰ ਬੈਠ ਜਾਣਾ ਚਾਹੀਦਾ ਹੈ।
ਜਾਰੀ ਇੱਕ
ਬਿਆਨ ਰਾਹੀ ਸ੍ਰ ਸਰਨਾ ਨੇ ਕਿਹਾ ਕਿ ਜਥੇਦਾਰ ਅਕਾਲ ਤਖਤ ਗਿਆਨੀ ਗੁਰਬਚਨ ਸਿੰਘ ਆਪਣੇ
ਆਹੁਦੇ ਦੀ ਮਾਣ ਮਰਿਆਦਾ ਨੂੰ ਕਾਇਮ ਰੱਖਣ ਵਿੱਚ ਪੂਰੀ ਤਰ੍ਹਾਂ ਨਾਕਮ ਰਹੇ ਹਨ ਅਤੇ ਸ੍ਰੀ
ਅਕਾਲ ਤਖਤ ਸਾਹਿਬ ਜਿਸ ਅੱਗੇ ਹਰ ਸਿੱਖ ਦਾ ਸਿਰ ਝੁਕ ਜਾਂਦਾ ਹੈ ਦੇ ਜਥੇਦਾਰ ਬਣੇ ਰਹਿਣ
ਦਾ ਅਧਿਕਾਰ ਖਤਮ ਹੋ ਗਿਆ ਹੈ।
ਉਹਨਾਂ ਕਿਹਾ ਕਿ ਗਿਆਨੀ ਗੁਰਬਚਨ ਸਿੰਘ ਦੇ
ਖਿਲਾਫ ਗੁਰੂਦੁਆਰੇ ਵਿੱਚ ਹੀ ਜਿਸ ਤਰੀਕੇ ਨਾਲ ਸੰਗਤਾਂ ਨੇ ਨਾਅਰੇਬਾਜੀ ਕੀਤੀ ਉਸ ਤੋ
ਸਪੱਸ਼ਟ ਹੋ ਗਿਆ ਕਿ ਗਿਆਨੀ ਗੁਰਬਚਨ ਸਿੰਘ ਆਪਣੀ ਸ਼ਾਖ ਪਰੀ ਤਰ੍ਹਾਂ ਗੁਆ ਚੁੱਕੇ ਹਨ।
ਉਹਨਾਂ ਕਿਹਾ ਕਿ ਜਦੋਂ ਤਖਤ ਸਾਹਿਬ ਦੇ ਜਥੇਦਾਰ ਦੀ ਤੌਹੀਨ ਹੁੰਦੀ
ਹੈ ਤਾਂ ਉਸ ਦਾ ਅਸਰ ਤਖਤ ਦੀ ਮਾਣ ਮਰਿਆਦਾ ਨੂੰ ਪਹੁੰਚਣਾ ਸੁਭਾਵਕ ਹੀ ਹੈ। ਉਹਨਾਂ ਕਿਹਾ
ਕਿ ਬੜੇ ਹੀ ਅਫਸੋਸ ਨਾਲ ਕਹਿਣਾ ਪੈ ਰਿਹਾ ਹੈ ਕਿ ਗਿਆਨੀ ਗੁਰਬਚਨ ਸਿੰਘ ਦੀ ਇਟਲੀ ਦੇ
ਗੁਰੂਦੁਆਰਿਆਂ ਵਿੱਚ ਪਹਿਲਾਂ ਵੀ ਕਈ ਵਾਰੀ ਗਿਆਨੀ ਗੁਰਬਚਨ ਸਿੰਘ ਨੂੰ ਵਾਪਸ ਜਾਉ ਦੇ
ਨਾਅਰੇ ਲੱਗਦੇ ਰਹੇ ਹਨ, ਪਰ ਫਿਰ ਵੀ ਇਹ ਬਾਰ ਬਾਰ ਵਿਦੇਸ਼ਾਂ ਵਿੱਚ ਕਿਉਂ ਭੱਜੇ ਜਾਂਦੇ ਹਨ।
ਉਹਨਾਂ ਕਿਹਾ ਕਿ ਇਸ ਵਾਰੀ ਤਾਂ ਬੇਇੱਜਤੀ ਦੀ ਇੰਤਾਹ ਹੋ ਚੁੱਕੀ ਹੈ
ਜਿਹੜੀ ਇੱਕ ਸਧਾਰਨ ਵਿਅਕਤੀ ਵੀ ਬਰਦਾਸ਼ਤ ਨਹੀ ਕਰ ਸਕਦਾ। ਉਹਨਾਂ ਕਿਹਾ ਕਿ ਗਿਆਨੀ ਗੁਰਬਚਨ
ਸਿੰਘ ਸਿੱਖ ਸੰਗਤਾਂ ਵਿੱਚੋ ਆਪਣਾ ਵਿਸ਼ਵਾਸ਼ ਗੁਆ ਚੁੱਕੇ ਹਨ, ਅਤੇ ਨੂੰ ਹੁਣ ਸਿੱਖ ਪੰਥ ਦੇ
ਸਭ ਵੱਧ ਸਤਿਕਾਰਤ ਤਖਤ ਦਾ ਜਥੇਦਾਰ ਰਹਿਣ ਦਾ ਇਹਨਾਂ ਨੂੰ ਕੋਈ ਅਧਿਕਾਰ ਨਹੀ ਰਹਿ ਜਾਂਦਾ।
ਉਹਨਾਂ ਕਿਹਾ ਕਿ ਗਿਆਨੀ ਗੁਰਬਚਨ ਸਿੰਘ ਨੂੰ ਤੁਰੰਤ ਅਸਤੀਫਾ ਦੇ ਕੇ ਘਰ ਬੈਠ ਜਾਣਾ ਚਾਹੀਦਾ
ਹੈ ਤੇ ਆਪਣੇ ਤੋ ਹੋਈਆਂ ਗਲਤੀਆਂ ਦਾ ਪਸ਼ਛਾਤਾਪ ਕਰਨਾ ਚਾਹੀਦਾ ਹੈ।