ਕੈਨੇਡਾ ਦੇ ਰੱਖਿਆ ਮੰਤਰੀ ਜੇਸਨ ਕੈਨੀ ਨੇ ਪੰਜਾਬ ਤੋਂ ਕੈਨੇਡਾ ਆਏ ਅਕਾਲੀ ਆਗੂਆਂ ਬਾਰੇ ਬਹੁਤ ਸਖਤ ਬਿਆਨ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਇੱਥੇ ਆ ਕੇ ਮਾਹੌਲ ਖਰਾਬ ਕਰਨ ਨਾਲੋਂ ਪੰਜਾਬ 'ਚ ਨਸ਼ੇ ਤੇ ਕੁਰੱਪਸ਼ਨ ਖਤਮ ਕਰੋ। ਕੈਨੇਡਾ ਇੱਕ ਆਜ਼ਾਦ ਮੁਲਕ ਹੈ, ਇੱਥੇ ਹਰ ਇੱਕ ਨੂੰ ਆਪਣੀ ਗੱਲ ਕਰਨ ਦਾ ਹੱਕ ਹੈ ਪਰ ਇਹਦਾ ਮਤਲਬ ਇਹ ਨਹੀਂ ਕਿ ਕੋਈ ਰਾਜਸੀ ਪਾਰਟੀ ਇੱਥੇ ਆਣ ਕੇ ਮਾਹੌਲ ਖਰਾਬ ਕਰੇ, ਲੋਕਾਂ ਨੂੰ ਲੜਾਏ, ਆਪਣਾ ਸਿਆਸੀ ਪ੍ਰਚਾਰ ਕਰੇ, ਆਪਣੇ ਚੋਣ ਫੰਡ ਇਕੱਤਰ ਕਰੇ। ਉਹਨਾਂ ਕਿਹਾ ਕਿ ਮੈਂ ਬਾਦਲ ਸਿੰਘ (ਪਰਕਾਸ਼ ਸਿੰਘ ਬਾਦਲ) ਨੂੰ ਕਈ ਵਾਰ ਮਿਲ ਕੇ ਇਹ ਗੱਲ ਕਹਿ ਚੁੱਕਾਂ।

ਪੇਸ਼ ਹੈ ਇਸ ਬਿਆਨ ਦਾ ਕੁਝ ਹਿੱਸਾ। ਬੁੱਧਵਾਰ 22 ਜੁਲਾਈ ਨੂੰ ਉਹ ਇਸ ਮੁੱਦੇ 'ਤੇ ਪੰਜਾਬੀ ਪ੍ਰੈਸ ਕਲੱਬ ਨਾਲ ਸਰੀ ਵਿੱਚ ਇਕ ਵਿਸ਼ੇਸ਼ ਪ੍ਰੈਸ ਕਾਨਫਰੰਸ ਕਰ ਰਹੇ ਹਨ।

- ਗੁਰਪ੍ਰੀਤ ਸਿੰਘ ਸਹੋਤਾ

ਟਿੱਪਣੀ:

ਜਾਗਰੂਕ ਸਿੱਖਾਂ ਤੇ ਸਿੱਖ ਸੰਸਥਾਵਾਂ ਨੂੰ ਇੱਕਠੇ ਹੋ ਕੇ ਕੈਨੇਡਾ ਸਰਕਾਰ ਨੂੰ ਇਨ੍ਹਾਂ ਬਾਦਲ ਦਲੀਆਂ ਦੇ ਕੈਨੇਡਾ ਆਉਣ 'ਤੇ ਰੋਕ ਲਾਉਣ ਦੀ ਅਪੀਲ ਕਰਨੀ ਚਾਹੀਦੀ, ਜਿਸ ਨਾਲ ਇਹ ਘਟੀਆ ਲੋਕ, ਇਸ ਖੂਬਸੂਰਤ ਦੇਸ਼ ਨੂੰ ਪੰਜਾਬ ਵਰਗਾ ਦੂਸ਼ਿਤ ਨਾ ਕਰਣ। ਇੱਥੇ ਵਸਦੇ ਬਾਦਲ ਦਲੀਆਂ ਦੇ ਸਮਰਥਕਾਂ ਨੂੰ ਵੀ ਅਕਲ ਕਰਨੀ ਚਾਹੀਦੀ ਹੈ, ਕਿ ਆਪਣੀ ਆਉਣ ਵਾਲੀ ਪੀੜ੍ਹੀ ਲਈ ਕੰਡੇ ਨਾ ਬੀਜਣ। ਪਰ ਜੇ ਐਨੀ ਕੁ ਅਕਲ ਦੇ ਮਾਲਿਕ ਹੁੰਦੇ, ਤਾਂ ਇਨ੍ਹਾਂ ਘਟੀਆ ਕਾਲੀਆਂ ਨੂੰ ਇੱਥੇ ਆਉਣ ਦਾ ਸੱਦਾ ਨਾ ਦਿੰਦੇ।

- ਸੰਪਾਦਕ ਖ਼ਾਲਸਾ ਨਿਊਜ਼