ਐਬਟਸਫੋਰਡ 'ਚ ਅਕਾਲੀ ਸਮਾਗਮ ਦੀ ਅਸਫਲਤਾ ਨੂੰ ਸ. ਸਿਕੰਦਰ ਸਿੰਘ ਮਲੂਕਾ ਨੇ ਕੈਨੇਡੀਅਨ ਪੁਲਿਸ ਦੀ ਨਾਲਾਇਕੀ ਦੱਸਿਆ ਹੈ। ਐਬਟਸਫੋਰਡ ਦੇ ਇਕ ਫਾਰਮ ਵਿੱਚ ਬੈਠੇ ਉਹ ਕਹਿ ਰਹੇ ਹਨ ਕਿ ਐਬਟਸਫੋਰਡ ਪੁਲਿਸ 10-15 ਕੁ ਬੰਦਿਆਂ ਨੂੰ ਰੋਕ ਨਹੀਂ ਸਕੀ ਅਤੇ ਉਨ੍ਹਾਂ ਸਮੇਤ ਹੋਰ ਅਕਾਲੀ ਵੀ. ਵੀ. ਆਈ. ਪੀਜ਼ ਅਤੇ 150 ਦੇ ਕਰੀਬ ਅਕਾਲੀ ਵਰਕਰਾਂ ਨੂੰ ਸੁਰੱਖਿਆ ਨਹੀਂ ਦੇ ਸਕੀ।

ਮਲੂਕਾ ਜੀ ਇਹ ਕੈਨੇਡੀਅਨ ਪੁਲਿਸ ਹੈ, ਪੰਜਾਬ ਪੁਲਿਸ ਨਹੀਂ। ਇੱਥੇ ਗੱਲ ਕਹਿਣ ਵਾਲੇ ਨੂੰ ਵੀ ਆਜ਼ਾਦੀ ਹੈ ਅਤੇ ਵਿਰੋਧ ਕਰਨ ਵਾਲੇ ਨੂੰ ਵੀ। ਬਾਕੀ ਤੁਹਾਨੂੰ ਬਿਨਾਂ ਗਿਆਂ ਕਿਵੇਂ ਪਤਾ ਲੱਗ ਗਿਆ ਕਿ ਉੱਥੇ ਬੰਦੇ 10-15 ਸੀ ਜਾਂ 700-800? ਕੀ ਤੁਹਾਨੂੰ ਲਗਦਾ ਕਿ ਉਹ 10-15 ਬੰਦੇ ਤੁਹਾਡੇ 150 ਅਕਾਲੀ ਸਮਰਥਕਾਂ 'ਤੇ ਭਾਰੂ ਪੈ ਗਏ?

...ਨਾਲੇ ਤੁਹਾਡੇ ਵਰਗੇ ਮੰਤਰੀ, ਜੋ ਖੁਦ ਪੁਲਿਸ ਨਾਲ ਰਲ ਕੇ ਬੇਰੋਜ਼ਗਾਰ ਅਧਿਆਪਕਾਂ ਨੂੰ ਕੁੱਟਦੇ ਹੋਣ, ਦੇ ਮੂੰਹੋਂ ਇਹ ਗੱਲ ਭੋਰਾ ਵੀ ਜਚਦੀ ਨਹੀਂ।

ਗੁਰਪ੍ਰੀਤ ਸਿੰਘ ਸਹੋਤਾ