Main News Page

ਸਰਹਿੰਦ, 4 ਅਗਸਤ, 2015: ਪੰਜਾਬ ਦੇ ਹਿੰਦੂ ਸਰੱਖਿਆ ਸਮਿਤੀ ਨੇਤਾ ਮਨੀਸ਼ ਸੂਦ ਨੂੰ 3 ਅਗੁਸਤ ਦੇਰ ਰਾਤੀਂ ਗੋਲੀਆਂ ਮਾਰ ਕੇ ਹਲਾਕ ਕਰ ਦਿੱਤਾ ਦਿਤਾ ਗਿਆ। ਉਸਦੇ 17 ਗੋਲੀਆਂ ਲੱਗੀਆਂ ਅਤੇ ਮੌਕੇ ਤੇ ਉਸਦੀ ਮੌਤ ਹੋ ਗਈ। ਇਹ ਘਟਨਾ ਸਰਹਿੰਦ ਦੀ ਬੈਂਕ ਕਲੋਨੀ ਦੀ ਹੈ ਜਿਥੇ ਕਿ ਸੂਦ ਆਪਣੇ ਨਵੇਂ ਘਰ ਦੀ ਪਹਿਲੀ ਮੰਜ਼ਿਲ 'ਤੇ ਬੈਠਾ ਸੀ। ਅੱਧੀ ਰਾਤ ਨੂੰ 12 ਵਜੇ ਦੇ ਕਰੀਬ ਉਸਨੂੰ ਬਹੁਤ ਨੇੜਿਓਂ ਕਾਰਬਾਈਨ ਦੀ ਗੋਲੀਆਂ ਦੀ ਬੁਛਾੜ ਨਾਲ ਮਾਰ ਦਿਤਾ ਗਿਆ। ਉਸਦੇ ਸਰਕਾਰੀ ਗੰਨਮੈਨ ਸੋਮ ਦੱਤ 'ਤੇ ਹੀ ਸ਼ੱਕ ਹੈ ਕਿ ਉਹੀ ਕਾਤਲ ਹੋ ਸਕਦਾ ਹੈ ।

ਮਨੀਸ਼ ਸੂਦ ਉਹ ਹਿੰਦੂ ਨੇਤਾ ਹੈ ਜੋ ਕਿ ਉਸ ਵੇਲੇ ਅਖਾਬਰਾਂ ਦੀ ਚਰਚਾ ਵਿਚ ਆਇਆ ਸੀ ਜਦੋਂ 11 ਨਵੰਬਰ 2011 ਨੂੰ ਉਸਨੇ ਬੇਅੰਤ ਕਤਲ ਕਾਂਡ ਦੇ ਮੁਜਰਿਮ ਜਗਤਾਰ ਸਿੰਘ ਹਵਾਰਾ 'ਤੇ ਚੰਡੀਗੜ੍ਹ ਦੀ ਜ਼ਿਲ੍ਹਾ ਕੋਰਟ ਵਿਚ ਹਮਲਾ ਕਰਨ ਦਾ ਯਤਨ ਕੀਤਾ ਸੀ । ਇਸ ਤੋਂ ਬਾਅਦ ਹੀ ਉਸਨੂੰ ਪੰਜਾਬ ਪੁਲਿਸ ਵੱਲੋਂ ਸੁਰੱਖਿਆ ਦਿੱਤੀ ਗਈ ਸੀ। ਸੂਦ ਦੇ ਕਤਲ ਦੀ ਜਾਣਕਾਰੀ ਸਭ ਤੋਂ ਪਹਿਲਾਂ ਉਸਦੇ ਡਰਾਈਵਰ ਨੂੰ ਮਿਲੀ ਜੋ ਘਟਨਾ ਸਮੇਂ ਕੁਝ ਦੇਰ ਲਈ ਬਾਜ਼ਾਰ ਆਦਿਕ ਗਿਆ ਸੀ । ਇਸ ਕਤਲ ਦੀ ਖ਼ਬਰ ਸੁਣ ਕੇ ਬਹੁਤ ਸਾਰੇ ਹਿੰਦੂ ਸਰੱਖਿਆ ਸਮਿਤੀ ਅਤੇ ਹਿੰਦੂ ਸ਼ਿਵ ਸੇਨਾ ਨੇਤਾ ਉੱਥੇ ਇਕੱਠੇ ਹੋਣੇ ਸ਼ੁਰੂ ਗਏ ਸਨ ।

Source: http://www.babushahi.in/viewcompletenews.php?id=24414&type=news&refresh=yes

---

ਟਿੱਪਣੀ: ਪਹਿਲਾਂ ਦੀਨਾਨਗਰ, ਗੁਰਦਾਸਪੁਰ 'ਚ ਸਰਕਾਰ ਵਲੋਂ ਰਚਿਆ ਗਿਆ ਡਰਾਮਾ, ਤੇ ਹੁਣ ਮਨੀਸ਼ ਸੂਦ ਦਾ ਕਤਲ... ਇਹ ਸਭ ਪੰਜਾਬ ਦੇ ਹਾਲਾਤ ਖਰਾਬ ਕਰਨ ਦੇ ਕਾਰੇ ਹਨ। ਸਿੱਖਾਂ ਨੂੰ ਖਾਸਕਰ ਨੌਜਵਾਨਾਂ ਨੂੰ ਬਹੁਤ ਸਾਵਧਾਨ ਰਹਿਣ ਦੀ ਜ਼ਰੂਰਤ ਹੈ।

- ਸੰਪਾਦਕ ਖ਼ਾਲਸਾ ਨਿਊਜ਼