Main News Page

ਮੁੰਬਈ- ਰਾਧੇ ਮਾਂ ਮਾਮਲੇ 'ਚ ਇਕ ਨਵਾਂ ਮੋੜ ਸਾਹਮਣੇ ਆਇਆ ਹੈ। ਕੁਝ ਦਿਨ ਪਹਿਲਾਂ ਟੀ.ਵੀ. ਅਦਾਕਾਰਾ ਡੌਲੀ ਬਿੰਦਰਾ ਨੇ ਰਾਧੇ ਮਾਂ ਦੇ ਖਿਲਾਫ ਪੁਲਸ ਕੋਲ ਸ਼ਿਕਾਇਤ ਦਰਜ ਕਰਵਾਈ ਸੀ। ਹੁਣ ਉਹ ਗੰਭੀਰ ਇਲਜ਼ਾਮ ਰਾਧੇ ਮਾਂ 'ਤੇ ਲਗਾ ਰਹੀ ਹੈ। ਡੌਲੀ ਬਿੰਦਰਾ ਉਹ ਫਿਲਮ ਅਭਿਨੇਤਰੀ ਜੋ ਰਾਧੇ ਮਾਂ ਨੂੰ ਦੇਵੀ ਮੰਨਦੀ ਸੀ। ਜੋ ਲੋਕਾਂ ਦੇ ਸਾਹਮਣੇ ਰਾਧੇ ਮਾਂ ਦੇ ਗੀਤ ਗਾਉਂਦੀ ਸੀ। ਖੁਦ ਨੂੰ ਰਾਧੇ ਮਾਂ ਦੀ ਭਗਤ ਦੱਸਦੀ ਸੀ। ਮੀਡੀਆ ਰਿਪੋਰਟ ਮੁਤਾਬਕ ਡੌਲੀ ਬਿੰਦਰਾ ਦੇ ਦੋਸ਼:-

* ਰਾਧੇ ਮਾਂ ਦੇ ਬੇਟੇ ਨੇ ਮੇਰੇ ਸਾਹਮਣੇ ਕੱਪੜੇ ਉਤਾਰੇ

* ਰਾਧੇ ਮਾਂ ਦੇ ਕਹਿਣ 'ਤੇ ਨੂੰਹਾਂ ਨੇ ਮੇਰਾ ਯੌਨ ਸੋਸ਼ਣ ਕੀਤਾ

* ਰਾਧੇ ਮਾਂ ਦੇ ਕਹਿਣ 'ਤੇ ਨੂੰਹਾਂ ਨੇ ਆਪਣੇ ਨਾਲ ਅਸ਼ਲੀਲ ਡਾਂਸ ਕਰਨ 'ਤੇ ਮਜ਼ਬੂਰ ਕੀਤਾ

* ਰਾਧੇ ਮਾਂ ਨੇ ਮੈਨੂੰ ਕਿਸੇ ਹੋਰ ਨਾਲ ਸਰੀਰਿਕ ਸੰਬੰਧ ਬਣਾਉਣ ਨੂੰ ਕਿਹਾ

* ਰਾਧੇ ਮਾਂ ਦੇ ਕਹਿਣ 'ਤੇ ਟੱਲੀ ਬਾਬਾ ਨੇ ਮੇਰੇ ਨਾਲ ਅਸ਼ਲੀਲ ਹਰਕਤ ਕੀਤੀ

ਡੌਲੀ ਨੇ ਇਨ੍ਹਾਂ ਗੰਭੀਰ ਦੋਸ਼ਾਂ ਦੇ ਨਾਲ ਪੁਲਸ ਕਮਿਸ਼ਨਰ ਅਤੇ ਥਾਣੇ 'ਚ ਸ਼ਿਕਾਇਤ ਦਰਜ ਕਰਵਾਈ ਹੈ ਜਿਸ 'ਚ ਯੌਨ ਸੋਸ਼ਣ, ਧੋਖਾਧੜੀ, ਜਾਲਸਾਜ਼ੀ, ਧਮਕੀ, ਸਾਜ਼ਿਸ਼ ਅਤੇ ਮਾਨਸਿਕ ਰੂਪ ਨਾਲ ਤੰਗ ਕਰਨ ਦਾ ਦੋਸ਼ ਲਗਾਇਆ ਹੈ। ਡੌਲੀ ਬਿੰਦਰਾ ਦਾ ਕਹਿਣਾ ਹੈ ਕਿ ਉਸ ਨੂੰ ਵੱਖ-ਵੱਖ ਨੰਬਰਾਂ ਤੋਂ ਧਮਕੀ ਭਰੇ ਫੋਨ ਅਤੇ ਸੋਸ਼ਲ ਮੀਡੀਆ 'ਤੇ ਧਮਕੀ ਭਰੇ ਮੈਸੇਜ਼ ਆ ਰਹੇ ਹਨ।