ਅੰਮ੍ਰਿਤਸਰ
26 ਅਗਸਤ (ਜਸਬੀਰ ਸਿੰਘ) ਗਿਆਨੀ ਗੁਰਬਚਨ ਸਿੰਘ ਜੀ ਜਥੇਦਾਰ ਸ੍ਰੀ ਅਕਾਲ ਤਖ਼ਤ ਸਾਹਿਬ ਨੇ
ਪੰਜਾਬ ਦੇ ਮੁੱਖ ਮੰਤਰੀ ਸ੍ਰ. ਪ੍ਰਕਾਸ਼ ਸਿੰਘ ਬਾਦਲ ਨੂੰ ਦਿੱਤੇ ਗਏ ਸ੍ਰੀ ਅਕਾਲ ਤਖਤ
ਸਾਹਿਬ ਤੋਂ ਫਖਰੇ-ਏ-ਕੌਮ ਅਵਾਰਡ ਕੁਝ ਜਥੇਬੰਦੀਆ ਵੱਲੋ ਵਾਪਸ
ਲੈਣ ਦੀ ਕੀਤੀ ਮੰਗ ਨੂੰ ਮੁੱਢੋਂ ਰੱਦ ਕਰਦਿਆਂ ਕਿਹਾ ਕਿ
ਸ੍ਰ. ਬਾਦਲ ਨੂੰ ਇਹ ਅਵਾਰਡ ਇਕੱਲੇ ਸ੍ਰੀ ਅਕਾਲ ਤਖ਼ਤ ਸਾਹਿਬ
ਵੱਲੋਂ ਨਹੀਂ, ਸਗੋ ਪੰਜੇ ਤਖ਼ਤਾਂ ਦੇ ਸਿੰਘ ਸਾਹਿਬਾਨਾਂ ਵੱਲੋਂ ਸਰਬ-ਸੰਮਤੀ ਨਾਲ ਗੁਰਮਤਾ
ਕਰਕੇ ਦਿੱਤਾ ਗਿਆ ਹੈ। ਇਸ ਲਈ
ਇਸ ਉਪਰ ਕੋਈ ਕਿੰਤੂ-ਪ੍ਰੰਤੂ ਨਹੀਂ ਕੀਤਾ ਜਾ ਸਕਦਾ।
ਗੁਰਬਚਨ ਸਿੰਘ ਜੀ ਨੇ ਬੰਦੀ ਸਿੰਘਾਂ ਦੀ ਰਿਹਾਈ ਦੇ ਮਾਮਲੇ 'ਤੇ
ਗਹਿਰੀ ਚਿੰਤਾ ਦਾ ਪ੍ਰਗਟਾਵਾ ਕਰਦਿਆ ਕਿਹਾ ਕਿ ਸ਼੍ਰੋਮਣੀ ਕਮੇਟੀ ਤੇ ਪੰਜਾਬ ਸਰਕਾਰ ਪਹਿਲਾਂ
ਹੀ ਬੰਦੀ ਸਿੰਘਾਂ ਦੀ ਰਿਹਾਈ ਲਈ ਯਤਨਸ਼ੀਲ ਹਨ ਅਤੇ ਇਸ ਸਬੰਧੀ ਕਨੂੰਨੀ ਚਾਰਾਜੋਈ ਕਰਨ ਦੇ
ਹਰ ਪ੍ਰਕਾਰ ਦੇ ਯਤਨ ਕੀਤੇ ਜਾ ਰਹੇ ਹਨ ਜੇਕਰ ਫਿਰ ਵੀ ਪੰਥਕ ਜਥੇਬੰਦੀਆਂ ਕੋਲ ਕੋਈ ਉੱਚ
ਮੁਤਰਬੇ ਵਾਲਾ ਵਕੀਲ ਹੈ, ਤਾਂ ਸ੍ਰੀ ਅਕਾਲ ਤਖਤ ਸਾਹਿਬ ਨੂੰ ਤੁਰੰਤ ਜਾਣਕਾਰੀ ਦੇਣ ਦੀ
ਕਿਰਪਾਲਤਾ ਕਰਨ।
ਉਹਨਾਂ ਕਿਹਾ ਕਿ ਸ਼੍ਰੋਮਣੀ ਕਮੇਟੀ ਵੱਲੋਂ ਵੀ ਇੱਕ ਚੋਟੀ ਦਾ ਵਕੀਲ
ਲੈ ਕੇ ਇਸ ਸਬੰਧੀ ਵਿਚਾਰ ਵਟਾਂਦਰਾ ਕਰਕੇ ਬੰਦੀ ਸਿੰਘਾਂ ਦੀ ਰਿਹਾਈ ਲਈ ਅਗਲਾ ਪ੍ਰੋਗਰਾਮ
ਉਲੀਕਿਆ ਜਾ ਰਿਹਾ ਹੈ। ਉਹਨਾਂ ਕਿਹਾ ਕਿ ਬੰਦੀ ਸਿੰਘਾਂ ਦੀ ਰਿਹਾਈ ਨਾ ਹੋਣਾ ਬੰਦੀ ਸਿੰਘਾਂ
ਨਾਲ ਬੇਇਨਸਾਫੀ ਹੈ ਤੇ ਕੇਂਦਰ ਸਰਕਾਰ ਨੂੰ ਵੀ ਚਾਹੀਦਾ ਹੈ, ਕਿ ਉਹ ਵੀ ਬੰਦੀ ਸਿੰਘਾਂ ਦੀ
ਰਿਹਾਈ ਨੂੰ ਯਕੀਨੀ ਬਣਾਉਣ ਲਈ ਯਤਨਸ਼ੀਲ ਹੋਵੇ। ਉਹਨਾਂ ਕਿਹਾ ਕਿ ਸ੍ਰੀ ਅਕਾਲ ਤਖਤ ਬੰਦੀ
ਸਿੰਘਾਂ ਦੀ ਰਿਹਾਈ ਲਈ ਕਨੂੰਨੀ ਦਾਇਰੇ ਵਿੱਚ ਰਹਿ ਕੇ ਹਰ ਪ੍ਰਕਾਰ ਦਾ ਸਹਿਯੋਗ ਕਰਨ ਲਈ
ਤਿਆਰ ਹੈ।
ਟਿੱਪਣੀ:
ਕਈ ਲੋਕਾਂ ਨੂੰ ਥੁੱਕੇ ਹੋਏ ਨੂੰ ਚੱਟਣ ਦੀ ਆਦਤ ਹੁੰਦੀ ਹੈ,
ਇਹ ਪੱਪੂ, ਸਿੱਖਾਂ ਵਲੋਂ ਥੁੱਕਿਆ ਜਾ ਚੁਕਾ ਹੈ,
ਇਹ ਗ਼ੁਲਾਮ ਮਾਨਸਿਕਤਾ ਵਾਲੇ ਹੀ ਹਨ ਜਿਹੜੇ ਭੱਜ ਭੱਜ ਜਾਂਦੇ ਹਨ, ਜਾਗਦੀ ਜ਼ਮੀਰ
ਵਾਲੇ ਹੁਣ ਇਨ੍ਹਾਂ ਪੱਪੂ ਅਤੇ ਪੱਪੂ ਦੇ ਆਕਾ ਤੋਂ ਆਜ਼ਾਦ ਹੋ ਚੁਕੇ ਹਨ।
ਅਖੌਤੀ ਸੰਘਰਸ਼ ਕਮੇਟੀ ਵਾਲਿਆਂ ਦੇ ਪੱਪੂ ਗੁਰਬਚਨ ਨੂੰ ਮੰਗ ਪੱਤਰ
ਦੇਣ ਤੋਂ ਪਹਿਲਾਂ ਅਤੇ ਦੇਣ ਵਾਲੇ ਦਿਨ ਵੀ ਖ਼ਾਲਸਾ ਨਿਊਜ਼ ਨੇ ਲਿਖਿਆ ਸੀ ਕਿ "ਇਨ੍ਹਾਂ ਲੋਕਾਂ
ਦਾ ਕੀ ਕਰੀਏ", ਜਿਹੜੇ ਭੱਜੇ ਜਾਂਦੇ ਨੇ ਬਾਦਲ ਦੇ ਇਸ ਗ਼ੁਲਾਮ ਪੱਪੂ ਗੁਰਬਚਨ ਕੋਲ਼ ਫਰਿਯਾਦ
ਲੈ ਕੇ...
ਹੁਣ ਇਹ ਲੋਕ ਚੱਪਣੀ 'ਚ ਨੱਕ ਡੋਬ ਲੈਣ, ਲੈ ਲੈਣ ਨਜ਼ਾਰੇ ਪੱਪੂ
ਨੂੰ ਦਿੱਤੇ ਮੰਗ ਪੱਤਰ ਦੇ... ਲੱਖ ਲਾਹਨਤ ਹੈ ਪੱਪੂ 'ਤੇ, ਸੰਘਰਸ਼ ਕਮੇਟੀ 'ਤੇ
ਵੀ...
-ਸੰਪਾਦਕ ਖ਼ਾਲਸਾ ਨਿਊਜ਼