Main News Page

ਸਭਰਾਵਾਂ ਦੀ ਲੜਾਈ ਵਿੱਚ ਵਜੀਰ ਲਾਲ ਸਿੰਘ ਨੇ ਮੋਰਚੇ ਬੰਦੀ ਦਾ ਨਕਸ਼ਾ ਅੰਗ੍ਰੇਜਾਂ ਨੂੰ ਭੇਜ ਕੇ ਗੱਦਾਰੀ ਦਾ ਕਲੰਕ ਆਪਣੇ ਮੱਥੇ ਲਾ ਲਇਆ। ਲਾਲ ਸਿੰਘ ਤੇ ਤੇਜਾ ਸਿੰਘ ਗੱਦਾਰ ਸਭਰਾਵਾਂ ਦੀ ਲੜਾਈ ਵਿੱਚੋਂ ਭੱਜ ਗਏ, ਜਾਂਦੇ ਨਦੀ ਦਾ ਪੁਲ ਵੀ ਤੋੜ ਗਏ।

ਗੁਲਾਬ ਸਿੰਘ ਨੇ ਸੌਦੇਬਾਜੀ ਕਰਕੇ ਅੰਗ੍ਰੇਜਾਂ ਨੂੰ ਸਿੱਖ ਰਾਜ ਦਾ ਸਤਲੁਜ ਬਿਆਸ ਦਾ ਵਿਚਕਾਰਲਾ ਇਲਾਕਾ ਦੇ ਕੇ ਓਸਦੇ ਬਦਲੇ ਕਸਮੀਰ ਤੇ ਜੰਮੂ ਨੂੰ ਆਪਣੇ ਤਹਿਤ ਮਨਾ ਲਇਆ ਸੀ।

ਸਰਬਰਾਹ ਅਰੂੜ ਸਿੰਘ ਨੇ ਜਰਨਲ ਡਾਇਰ ਨੂੰ ਸਿਰੋਪਾ ਦੇ ਕੇ ਜੋ ਕਲੰਕ ਆਪਣੇ ਮੱਥੇ ਲਾਇਆ, ਉਸੇ ਤਰ੍ਹਾਂ ਹੀ ਸਿੱਖ ਕੌਮ ਦੇ ਪੰਜ ਅਖਉਤੀ ਜਫੇਮਾਰਾਂ ਨੇ ਝੂਠੇ ਸੌਦੇ ਵਾਲੇ ਨੂੰ ਮੁਆਫੀਨਾਮਾ ਦੇ ਕੇ ਇਤਹਾਸ ਵਿੱਚ ਆਪਣੇ ਮੱਥੇ 'ਤੇ ਗੱਦਾਰੀ ਤੇ ਪੰਥ ਦੋਖੀ ਦਾ ਕਲੰਕ ਲਾ ਲਇਆ।

ਜਿਸ ਨਾਲ ਸਮੁੱਚੇ ਪੰਥ ਦਰਦੀਆਂ ਦੇ ਹਿਰਦੇ ਵਲੂੰਧਰੇ ਗਏ ਹਨ। ਜੇਕਰ ਸਿੱਖ ਕੌਮ ਨਾ ਜਾਗੀ ਤੇ ਸਾਡੇ ਇਤਿਹਾਸਕ ਗੁਰਧਾਮ ਮਹੰਤਾਂ ਵਾਂਗ ਆਰ.ਐਸ.ਐਸ ਦੇ ਅਧੀਨ ਹੋ ਜਾਣਗੇ।

ਸਮੇਂ ਅਨੁਸਾਰ ਗੁਰਦਵਾਰਾ ਸੁਧਾਰ ਲਹਿਰ ਵਾਂਗ ਸਾਰੀਆਂ ਸਿੱਖ ਸੰਸਥਾਵਾਂ, ਜੱਥੇਬੰਦੀਆਂ ਨੂੰ ਇਕਜੁੱਟ ਹੋ ਕੇ ਇੱਕ ਜਗਾ ਇਕੱਠਾ ਹੋ ਕੇ, ਇਨ੍ਹਾਂ ਗੱਦਾਰਾਂ ਤੋਂ ਗੁਰਦੁਆਰੇ ਆਜ਼ਾਦ ਕਰਾਏ ਜਾਣ।