ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਸਰੂਪ ਦੀ ਹੋਈ ਬੇਅਦਬੀ ਨਾਲ ਜਿੱਥੇ
ਹਰ ਸਿੱਖ ਦਾ ਹਿਰਦਾ ਛੱਲਣੀ ਹੋਇਆ, ਉੱਥੇ ਮੁਸਲਮਾਨ ਭਰਾਵਾਂ ਨੇ ਵੀ ਇਸ ਦੁੱਖ ਦੀ ਘੜੀ 'ਚ
ਸਿੱਖਾਂ ਦਾ ਸਾਥ ਦਿੱਤਾ।
ਸਿੱਖਾਂ ਨੂੰ ਇਨ੍ਹਾਂ ਦਾ ਤਹਿ ਦਿਲੋਂ ਸ਼ੁਕਰਗੁਜ਼ਾਰ ਹੋਣਾ ਚਾਹੀਦਾ ਹੈ। ਪਰ ਸਿਤਮ ਦੀ ਗੱਲ ਇਹ ਹੈ ਕਿ ਜਿਨ੍ਹਾਂ
ਨਾਲ ਸਿੱਖ ਅਖਵਾਉਣ ਵਾਲੇ ਆਪਣਾ ਖੂਨ ਦਾ ਰਿਸ਼ਤਾ ਸਮਝਦੇ ਹਨ, ਰਾਜਨਿਤਿਕ ਗੱਠਜੋੜ ਕਰਦੇ ਹਨ,
ਉਸ ਹਿੰਦੂ ਤਬਕੇ 'ਚੋਂ ਕਿਸੇ ਵੀ ਇੱਕ ਸ਼ਖਸ ਵੱਲੋਂ ਇਸ ਕਹਿਰ ਬਾਰੇ ਇੱਕ ਸ਼ਬਦ ਨਹੀਂ
ਨਿਕਲਿਆ।
ਖ਼ਾਲਸਾ ਨਿਊਜ਼ ਨੇ ਥੋੜ੍ਹੇ ਚਿਰ ਪਹਿਲਾਂ ਲਿਖਿਆ ਸੀ ਕਿ ਜੇ ਕਿਤੇ
ਸਿੱਖ ਤੇ ਮੁਸਲਮਾਨ ਆਪਸ 'ਚ ਕੋਈ ਰਣਨੀਤੀ ਤਿਆਰ ਕਰਣ, ਤਾਂ ਹਿੰਦੂ ਤਾਕਤਾਂ ਇਨ੍ਹਾਂ ਘੱਟ
ਗਿਣਤੀਆਂ ਦਾ ਕੁੱਝ ਨਹੀਂ ਵਿਗਾੜ ਸਕਦੀਆਂ। ਹਾਲੇ ਵੀ ਕੁੱਝ ਕੀਤਾ ਜਾ ਸਕਦਾ ਹੈ।
ਭਲਾ ਸੋਚੋ, ਜਿ ਖੁਦਾ ਨਾ ਖਾਸਤਾ, ਕਿਸੇ ਗਿਰੇ ਹੋਏ ਵੱਲੋਂ
ਕੁਰਾਨ ਸ਼ਰੀਫ ਨਾਲ ਇਹ ਕੀਤਾ ਹੁੰਦਾ, ਤਾਂ ਉਸ ਦਾ ਹਸ਼ਰ ਕੀ ਹੋਣਾ ਸੀ, ਉਸਦਾ ਅੰਦਾਜ਼ਾ
ਲਗਾਉਣਾ ਮੁਸ਼ਕਿਲ ਨਹੀਂ। ਇਸ ਲਈ, ਕੱਟੜ ਹਿੰਦੂ ਮਾਨਸਿਕਤਾ ਵਾਲੀ ਆਰ.ਐਸ.ਐਸ. ਦਾ
ਮੁਕਾਬਲਾ ਕਰਣ ਲਈ, ਸਿੱਖਾਂ ਨੂੰ ਸਭ ਤੋਂ ਪਹਿਲਾਂ ਆਪਣੀ ਟੇਕ ਸਿਰਫ ਤੇ ਸਿਰਫ ਸ੍ਰੀ ਗੁਰੂ
ਗ੍ਰੰਥ ਸਾਹਿਬ ਨਾਲ ਲਗਾਕੇ, ਧਾਰਮਿਕ ਅਤੇ ਸਿਆਸੀ ਅਖਾੜੇ 'ਚ ਏਕੇ ਨਾਲ ਅੱਗੇ ਵੱਧਣਾ
ਚਾਹੀਦਾ ਹੈ, ਨਾਲ ਦੀ ਨਾਲ ਹੋੲ ਘੱਟ ਗਿਣਤੀਆਂ ਨੂੰ ਨਾਲ ਲੈ ਕੇ, ਆਪਣੀ ਤਾਕਤ ਵਧਾਉਣੀ
ਚਾਹੀਦੀ ਹੈ।
ਮੁਸਲਮਾਨ ਭਰਾਵਾਂ ਦਾ ਇਸ ਮੁਸ਼ਕਿਲ ਦੀ ਘੜੀ 'ਚ ਸਿੱਖਾਂ ਨਾਲ ਖੜਨਾ, ਬਹੁਤ ਸਲਾਹੁਣਯੋਗ
ਹੈ। ਪਰ ਸ਼ਰਾਰਤੀ ਅਤੇ ਘਟੀਆ ਸੋਚ ਦੇ ਮਾਹਿਰ ਆਰ.ਐਸ.ਐਸ. ਤੇ
ਬਾਦਲ ਜੁੰਡਲੀ ਲਈ ਇਹ ਮੰਜ਼ਰ ਖ਼ਤਰਨਾਕ ਸਿੱਧ ਹੋ ਸਕਦਾ ਹੈ, ਜਿਸ ਲਈ ਉਹ ਕਿਸੇ ਵੀ ਤਰ੍ਹਾਂ
ਦੀ ਘਟੀਆ ਹਰਕਤ ਕਰਕੇ, ਸਿੱਖਾਂ ਅਤੇ ਮੁਸਲਮਾਨਾਂ 'ਚ ਫਸਾਦ ਕਰਵਾ ਸਕਦੀ ਹੈ।
ਸਿੱਖਾਂ ਨੂੰ ਬਹੁਤ ਸੰਭਲਕੇ ਚੱਲਣ ਦੀ ਜ਼ਰੂਰਤ ਹੈ।
