ਭਾਈ ਸਰਜਨ ਸਿੰਘ ਉਹ ਉਭਰ ਰਿਹਾ ਗਰੁਮਤਿ ਦਾ ਪ੍ਰਚਾਰਕ ਹੈ ਜੋ ਛੋਟੀ ਉਮਰ
'ਚ ਹੀ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਲੜ੍ਹ ਲੱਗ ਕੇ ਬੜੀ ਦ੍ਰਿੜਤਾ ਨਾਲ ਸਿੱਖ ਸੰਗਤਾਂ
ਨੂੰ ਗੁਰਬਾਣੀ ਨਾਲ ਜੋੜ ਰਹੇ ਹਨ। ਬਾਕੀ ਪ੍ਰਚਾਰਕਾਂ ਨਾਲੋਂ ਇਨ੍ਹਾਂ
ਦੀ ਜਿਹੜੀ ਗੱਲ ਵੱਖਰੀ ਹੈ ਉਹ ਹੈ ਇਨ੍ਹਾਂ ਦੀ ਪੰਜਾਬੀ ਅਤੇ
ਅੰਗ੍ਰੇਜ਼ੀ, ਦੋਵਾਂ ਭਾਸ਼ਾਵਾਂ 'ਚ ਪਕੜ, ਜੋ ਕਿ ਅੱਜ ਦੇ ਮਾਹੌਲ ਲਈ ਅਤਿਅੰਤ ਜ਼ਰੂਰੀ
ਹੈ। ਸਾਡੇ ਕੋਲ ਪ੍ਰਚਾਰਕ ਬਹੁਤ ਨੇ, ਪਰ ਬਾਹਰਲੇ ਮੁਲਕਾਂ 'ਚ ਪ੍ਰਚਾਰ ਕਰਣ ਲਈ ਪੰਜਾਬੀ ਦੇ
ਨਾਲ ਨਾਲ ਅੰਗ੍ਰੇਜ਼ੀ ਦਾ ਨਾ ਆਉਣਾ ਅਖਰਦਾ ਸੀ, ਜਿਸ ਦੀ ਪੂਰਤੀ ਭਾਈ ਸਰਜਨ ਸਿੰਘ ਨੇ ਕੀਤੀ ਹੈ।
ਪ੍ਰਚਾਰ ਦੇ ਖੇਤਰ ਨਾਲ ਜੁੜੇ ਵਿਦਵਾਨ ਪ੍ਰਚਾਰਕਾਂ ਨੂੰ ਭਾਈ ਸਰਜਨ ਸਿੰਘ
ਨੂੰ ਆਪਣਾ ਸਾਥ ਅਤੇ ਸੁਝਾਅ ਜ਼ਰੂਰ ਦੇਣਾ ਚਾਹੀਦੇ ਹਨ, ਜਿਸ ਨਾਲ ਸਿੱਖਾਂ ਨੂੰ ਇੱਕ ਵਧੀਆ
ਦੁਭਾਸ਼ੀਆ ਪ੍ਰਚਾਰਕ ਦਾ ਸਾਥ ਲੰਮੇ ਸਮੇਂ ਤੱਕ ਮਿਲ ਸਕੇ।
ਆਸ ਹੈ ਕਿ ਆਉਣ ਵਾਲੇ ਸਮੇਂ 'ਚ ਭਾਈ ਸਰਜਨ ਸਿੰਘ ਗੁਰਮਤਿ ਪ੍ਰਚਾਰ ਦੇ
ਖ਼ੇਤਰ 'ਚ ਕਥਨੀ ਅਤੇ ਕਰਨੀ 'ਤੇ ਪੂਰੇ ਉਤਰਦੇ ਹੋਏ, ਗੁਰਬਾਣੀ ਗਿਆਨ ਦਾ ਚਾਨਣ ਸਿੱਖ ਸੰਗਤਾਂ,
ਖ਼ਾਸ ਕਰਕੇ ਕੇ ਨੌਜਵਾਨ ਪੀੜ੍ਹੀ 'ਚ ਬਹੁਤ ਹੀ ਸੰਜੀਦਗੀ ਨਾਲ ਕਰਣਗੇ। ਜਿਸ ਤਰ੍ਹਾਂ ਦਾ ਨਾਮ ਹੈ
"ਸਰਜਨ", ਆਸ ਹੈ ਕਿ ਪਾਖੰਡ, ਕਰਮਕਾਂਡ ਅਤੇ ਦੁਰਮਤਿ
ਵੀਚਾਰਧਾਰਾ ਦੀ ਸਰਜਰੀ ਕਰਕੇ, ਸਿੱਖਾਂ ਨੂੰ ਚਿੰਬੜੇ ਭਿਆਨਕ ਰੋਗਾਂ ਤੋਂ ਮੁਕਤ ਕਰਨ ਦੀ ਭਰਪੂਰ
ਕੋਸ਼ਿਸ਼ ਕਰਣਗੇ।