Share on Facebook

Main News Page

ਬਚਕੇ ਰਹੇ 'ਮਿੰਟੂ', ਇਥੇ ਸੱਚ ਬੋਲਣ ਦੀ ਸਖਤ ਮਨਾਈ ਐ
-: ਮਿੰਟੂ ਗੁਰੂਸਰੀਆ

ਕਲਮ ਮੋੜ ਕੇ ਜੇਬ 'ਚ ਪਾ ਲੈ,
ਜਾਂ ਜਥੇਦਾਰ ਦੇ ਪੈਰਾਂ ਵਿਚ ਟਿਕਾ ਲੈ,
ਨਹੀਂ ਤਾਂ ਜੇਲ ਦੀ ਰੋਟੀ ਖਾ ਲੈ,
ਇਹ ਗੱਲ ਸਰਕਾਰ ਨੇ ਆਖ ਸੁਣਾਈ ਐ,
ਬਚਕੇ ਰਹੇ 'ਮਿੰਟੂ',
ਇਥੇ ਸੱਚ ਬੋਲਣ ਦੀ ਸਖਤ ਮਨਾਈ ਐ।

ਫੇਸਬੁੱਕ 'ਤੇ ਅਗਲੇ ਲੱਭਦੇ ਫਿਰਦੇ,
ਮੁੜਕੇ ਤੇਰੇ ਵਰਗੇ ਯੱਬਦੇ ਫਿਰਦੇ,
ਘਰ ਵਾਲੇ ਕੰਧਾਂ 'ਚ ਵੱਜਦੇ ਫਿਰਦੇ,
ਕਿਸੇ ਨੇ ਇਹ ਪੁਠੀ ਰੀਤ ਚਲਾਈ ਐ,
ਬਚਕੇ ਰਹੇ 'ਮਿੰਟੂ',
ਇਥੇ ਸੱਚ ਬੋਲਣ ਦੀ ਸਖਤ ਮਨਾਈ ਐ।

ਨਾ ਕੋਈ ਅਪੀਲ ਸੁਣੇ, ਨਾ ਦਲੀਲ ਸੁਣੇ,
ਨਾ ਕੋਈ ਜੱਜ ਸੁਣੇ, ਨਾ ਕੋਈ ਵਕੀਲ ਸੁਣੇ,
ਬੱਸ ਥਾਣੇ ਦਾ ਮੁਨਸ਼ੀ ਚੀਕਾਂ ਦੀ ਰੀਲ ਸੁਣੇ,
ਮੇਰੀ ਪਿੱਠ ਨੇ ਮਾਰ ਪਟੇ ਦੀ ਖੂਬ ਖਾਈ ਐ,
ਬਚਕੇ ਰਹੇ 'ਮਿੰਟੂ',
ਇਥੇ ਸੱਚ ਬੋਲਣ ਦੀ ਸਖਤ ਮਨਾਈ ਐ।

ਕੋਈ ਗੱਲ ਨਹੀਂ ਜੇ ਮਿੱਤਰੋ ਝੰਬੇ ਗਏ,
ਹਾਵੀ ਹੋ ਅੱਜ ਸਰਕਾਰੀ ਡੰਡੇ ਗਏ,
ਪਰ ਔਰੰਗਜ਼ੇਬ ਵਰਗੇ ਵੀ ਰੰਗੇ ਗਏ,
ਤੂੰ ਨਾਲ ਲਗਨ ਦੇ ਆਪਣੇ ਰਾਗਾਂ ਨੂੰ ਗਾਈ ਜਾ,
ਵੱਧ ਤੋਂ ਵੱਧ, ਜੇਲ ਜਾਂ ਸਿਵੇ ਮਿਲਣਗੇ,
ਮਿੰਟੂ ਸੱਚ ਦੀ ਡੁਗਡੁਗੀ ਵਜਾਈ ਜਾ !!


ਵਾਹਿਗੁਰੂ ਜੀ ਕਾ ਖ਼ਾਲਸਾ, ਵਾਹਿਗੁਰੂ ਜੀ ਕੀ ਫ਼ਤਹਿ॥
ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜੱਥੇਦਾਰ), ਪਖੰਡੀ ਸਾਧ, ਬਾਬੇ, ਪਾਸ਼ਰੂਕ (ਅਖੌਤੀ ਜਾਗਰੂਕ), ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ।
ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।



Disclaimer: Khalsanews.org does not necessarily endorse the views and opinions voiced in the news, articles, audios, videos or any other contents published on www.khalsanews.org and cannot be held responsible for their views.  Read full details...

Go to Top