Main News Page

ਕਲ ਮੈਂ ਭਰਾ ਮਨਪ੍ਰੀਤ ਸਿੰਘ ਕਾਨਪੁਰੀ ਦੀ ਗੁਰਦਵਾਰਾ ਬੰਗਲਾ ਸਾਹਿਬ 'ਤੇ ਕੀਰਤਨ ਕਰਦਿਆਂ ਜੋ ਭੜਕਾਊ ਸਪੀਚ ਉਨ੍ਹਾਂ ਨੇ ਦਿੱਤੀ, ਸੁਣ ਕੱਲ ਬਹੁਤ ਅਫਸੋਸ ਹੋਇਆ। ਇੱਕ ਗੁਰੂਬਾਣੀ ਦਾ ਕੀਰਤਨ ਕਰਣ ਵਾਲਾ ਗਾਇਕ, ਕੀ ਭੋਲ਼ੇ ਭਾਲੇ ਸਿੱਖਾਂ ਦੀ ਭਾਵਨਾਵਾਂ ਨੂੰ ਭੜਕਾ ਕੇ, ਇਸ ਕਦਰ ਨਫਰਤ ਫੈਲਾ ਸਕਦਾ ਹੈ ਕਿ ਉਹ ਉਨ੍ਹਾਂਨੂੰ ਉਕਸਾਉਂਦਾ ਹੋਇਆ ਇਹ ਕਹੇ ਕਿ, ਜੇਕਰ ਤੁਸੀਂ ਕਿਰਪਾਣ ਪਹਿਨੀ ਹੈ ਤਾਂ ਜੈਕਾਰਾ ਛੱਡ ਕੇ ਇਹ ਪ੍ਰਣ ਕਰੋ, ਕਿ ਜੋ ਵਿਅਕਤੀ ਦਸਮ ਗਰੰਥ ਨਾਮ ਦੀ ਕਿਤਾਬ ਨੂੰ ਗੁਰੂ ਗੋਬਿੰਦ ਸਿੰਘ ਸਾਹਿਬ ਦੀ ਬਾਣੀ ਨਹੀਂ ਮੰਨਦਾ ਉਸਦੀ ਜ਼ੁਬਾਨ ਕੱਟ ਲਓ ! ਜਾਂ ਉਸਦੀ ਜਾਨ ਲੈ ਲਓ, ਜਾ ਆਪਣੀ ਜਾਨ ਦੇ ਦੋ। ਅੱਜ ਧਾਰਮਿਕ ਸਟੇਜ ਵੀ ਰਾਜਨੀਤੀ ਦੇ ਅਖਾੜੇ ਬਣ ਚੁੱਕੇ ਹਨ, ਲੇਕਿਨ ਐਸੇ ਉਕਸਾਉਣ ਵਾਲੇ ਬਿਆਨ ਗੈਰ ਕਾਨੂੰਨੀ ਅਤੇ ਮਨੁੱਖੀ ਧਰਮ ਦਾ ਖੁੱਲ੍ਹਾ ਖੁੱਲ੍ਹਾ ਉਲੰਘਣ ਹੈ। ਕਈ ਦਿਨਾਂ ਤੋਂ ਭਰਾ ਮਨਪੀਤ ਸਿੰਘ ਕਾਨਪੁਰੀ ਰਾਗੀ, ਗੁਰਦੁਆਰਾ ਬੰਗਲਾ ਸਾਹਿਬ ਵਲੋਂ ਐਸੇ ਭੜਕਾਊ ਬਿਆਨ ਦੇ ਕੇ ਭੋਲ਼ੇ ਭਾਲੇ ਸਿੱਖਾਂ ਨੂੰ ਜ਼ੁਬਾਨ ਕੱਟ ਲੈਣ ਅਤੇ ਜਾਨੋਂ ਮਾਰ ਦੇਣ ਦੀ ਧਮਕੀਆਂ ਦੇ ਰਹੇ ਹਨ।

ਕੱਲ ਨੂੰ ਜੇਕਰ ਐਸਾ ਕੋਈ ਹਾਦਸਾਂ ਸਿੱਖਾਂ ਵਿੱਚ ਹੋ ਜਾਂਦਾ ਹੈ, ਤਾਂ ਮਨਪ੍ਰੀਤ ਸਿੰਘ ਰਾਗੀ ਕਾਨਪੁਰੀ ਅਤੇ ਮੌਜੂਦਾ ਗੁਰੂਦਵਾਰਾ ਕਮੇਟੀ ਉਸ ਹਾਦਸੇ ਲਈ ਪੂਰੀ ਤਰ੍ਹਾਂ ਨਾਲ ਜ਼ਿੰਮੇਵਾਰ ਹੋਵੇਗੀ। ਕੀ ਧਾਰਮਿਕ ਪਰਚਾਰਕ ਜਾਂ ਕੋਈ ਧਰਮ ਇੱਕ ਦੂੱਜੇ ਦੀ ਜ਼ੁਬਾਨ ਕੱਟ ਦੇਣ ਲਈ ਉਕਸਾਉਂਦਾ ਹੈ।

ਮੈਂ ਅਖੌਤੀ ਦਸਮ ਗੰਥ ਨੂੰ ਗੁਰੂ ਗੋਬਿੰਦ ਸਿੰਘ ਸਾਹਿਬ ਦੀ ਰਚਨਾ ਨਹੀਂ ਮੰਨਦਾ। ਮੇਰੇ ਜਿਵੇਂ ਹਜ਼ਾਰਾਂ, ਲੱਖਾਂ ਲੋਕ ਇਸ ਕਿਤਾਬ ਨੂੰ ਗੁਰੂ ਸਾਹਿਬ ਦੀ ਰਚਨਾ ਨਹੀਂ ਮੰਨਦੇ। ਕੱਟ ਦੋ ਸਾਡੀ ਸਭ ਦੀ ਜ਼ੁਬਾਨ, ਮਰਵਾ ਦੋ ਅਸੀਂ ਸਭਕੋ, ਲੇਕਿਨ ਐਸੀ ਅਸ਼ਲੀਲ ਰਚਨਾਵਾਂ ਨੂੰ ਦਸਮ ਬਾਣੀ ਕਹਿ ਦੇ ਸਾਡੇ ਸਰਬੰਸ ਦਾਨੀ ਗੁਰੂ ਨੂੰ ਬਦਨਾਮ ਨਾ ਕਰੋ। ਪੂਰੇ ਸਮਾਜ ਨੂੰ ਨਫਰਤ ਦੀ ਅੱਗ ਵਿੱਚ ਝੋਂਕ ਕੇ ਇੱਕ ਦੂੱਜੇ ਦਾ ਦੁਸ਼ਮਨ ਨਾ ਬਣਾਓ !

ਜੇਕਰ ਭਰਾ ਮਨਪ੍ਰੀਤ ਸਿੰਘ ਕਾਨਪੁਰੀ, ਇਸ ਰਚਨਾਵਾਂ ਨੂੰ ਗੁਰੂ ਲਿਖਤ ਮੰਨਦੇ ਹਨ, ਤਾਂ ਆਪਣੇ ਗੁਰੂ ਦੀ ਇਸ ਰਚਨਾਵਾਂ ਨੂੰ ਸੰਗਤ ਕੋਲੋਂ ਛੁਪਾਉਂਦੇ ਕਿਉਂ ਹੋ?? ਜੇਕਰ ਤੁਸੀਂ ਦਸਮ ਗੁਰੂ ਦੇ ਸੱਚੇ ਸਿੱਖ ਹੋ, ਤਾਂ ਸਿੱਖਾਂ ਨੂੰ ਭੜਕਾਉਣ ਦੀ ਬਜਾਏ, ਹੇਠਾਂ ਦਿੱਤੀ ਹੋਈ ਇਸ ਕਿਤਾਬ ਦੀ ਐਸੀ ਰਚਨਾ ਦਾ ਕੀਰਤਨ ਕਰਕੇ ਵਿਖਾਉ। ਜੇਕਰ ਇਹ ਗੁਰੂਬਾਣੀ ਹੈ, ਤਾਂ ਸੰਗਤ ਵਿੱਚ ਇਸਦਾ ਕੀਰਤਨ ਕਰਣ ਵਿੱਚ ਪਰਹੇਜ ਕਿਉਂ ? ਕੀ ਤੁਹਾਡੇ ਗੁਰੂ ਨੇ ਇਸਨੂੰ ਸਿੱਖਾਂ ਕੋਲੋਂ ਛੁਪਾ ਕੇ ਰੱਖਣ ਲਈ ਲਿਖਿਆ ਸੀ?

ਸੋ ਨਰ ਪਿਯਤ ਨ ਭਾਂਗ ਰਹੈ ਕੌਡੀ ਮਹਿ ਜਿਹ ਚਿਤ॥
ਸੋ ਨਰ ਅਮਲ ਨ ਪਿਯੈ ਦਾਨ ਭੇਂ ਨਹਿ ਜਾਕੋ ਹਿਤ॥
ਸਯਾਨੋ ਅਧਿਕ ਕਹਾਇ ਕਾਕ ਦੀ ਉਪਮਾ ਪਾਵਹਿ॥
ਅੰਤ ਸਵਾਨ ਜਯੋਂ ਮਰੈ ਦੀਨ ਦੁਨੀਯਾ ਪਛੁਤਾਵਹਿ॥
ਅਖੌਤੀ ਦਸਮ ਗਰੰਥ ਪੰਨਾ ਨ ੧੧੬੧

ਭਾਵ: ਜੋ ਵਿਅਕਤੀ ਭੰਗ ਨਹੀਂ ਪੀਂਦਾ ਉਸਦੀ ਮੱਤ ਕੌਡੀ ਦੀ ਨਹੀਂ ਹੁੰਦੀ। ਜੋ ਵਿਅਕਤੀ ਨਸ਼ਾ ਨਹੀਂ ਕਰਦਾ, ਉਸਦਾ ਦਿੱਤਾ ਹੋਇਆ ਦਾਨ ਵੀ ਵਿਅਰਥ ਜਾਂਦਾ ਹੈ। ਆਪਣੇ ਆਪ ਨੂੰ ਬਹੁਤ ਜ਼ਿਆਦਾ ਸਿਆਣਾ ਸੱਮਝਦਾ ਹੈ, ਪਰ ਕਊਆ ਕਹਾਉਂਦਾ ਹੈ। ਅੰਤ ਸਮਾਂ ਉਹ ਕੁੱਤੇ ਦੀ ਮੌਤ ਮਰਦਾ ਹੈ, ਅਤੇ ਆਪਣਾ ਦੀਨ, ਦੁਨੀਆਂ ਗਵਾ ਬੈਠਦਾ ਹੈ।

ਚੰਚਲਾਨ ਕੋ ਚਿੱਤ ਚੋਰ ਛਿਨ ਇਕ ਮਹਿਂ ਲੇਂਹੀ॥ ਭਾਂਤਿ ਭਾਂਤਿ ਭਾਮਿਨਨਿ ਭੋਗ ਭਾਵਤ ਮਨ ਦੇਂਹੀ॥23॥ਅੜਿਲ॥
ਭਜਹਿ ਬਾਮ ਕੈਫਿਯੈ ਕੇਲੁ ਜੁਗ ਜਾਮ ਮਚਾਵਹਿ॥ ਹਰਿਣਾ ਜਿਮਿ ਉਛਲਹਿ ਨਾਰਿ ਨਾਗਰਿਨ ਰਿਝਾਵਹਿ॥
ਸੌਫੀ ਚੜਤਹਿ ਕਾਂਪਿ ਧਰਨਿ ਉਪਰ ਪਰੈਂ॥ ਹੋ ਬੀਰਜ ਖਲਤ ਹਵੈ ਜਾਹਿ ਕਹਾਂ ਜੜ੍ਹਰਤਿ ਕਰੈਂ॥
ਬੀਰਜ ਭੂਮਿਗਿਰਿ ਪਰੈਂ ਤਬੈ ਮੁਖ ਬਾਇਕੈ॥ ਨਿਰਖਿ ਨਾਰ ਕੀ ਓਰ ਰਹੈ ਸਿਰੁ ਨਯਾਇਕੈ॥
ਅਖੌਤੀ ਦਸਮ ਗ੍ਰੰਥ ਪੰਨਾ 1161

ਭਾਵ: ਜੋ ਵਿਅਕਤੀ ਨਸ਼ਾ ਕਰਦਾ ਹੈ, ਉਹ ਕਾਮੀ ਇਸਤਰੀਆਂ ਦਾ ਚਿੱਤ ਇੱਕ ਪਲ ਵਿੱਚ ਹੀ ਜਿੱਤ ਲੈਂਦੇ ਹਨ। ਉਹ ਭਾਂਤੀ ਭਾਂਤ ਵਿਧੀਆਂ ਨਾਲ ਉਨ੍ਹਾਂ ਦੇ ਸਰੀਰ ਨੂੰ ਭੋਗ ਕੇ ਸਰੀਰਕ ਸੁੱਖ ਪ੍ਰਾਪਤ ਕਰਦੇ ਹਨ। ਜੋ ਮਨੁੱਖ ਨਸ਼ਾ ਨਹੀਂ ਕਰਦੇ, ਉਨ੍ਹਾਂ ਨੂੰ ਯਮਰਾਜ ਡਰਾਉਂਦਾ ਹੈ, ਭਾਵ ਉਹ ਮੌਤ ਤੋਂ ਡਰਦੇ ਹਨ। ਜੋ ਵਿਅਕਤੀ ਨਸ਼ਾ ਕਰਦਾ ਹੈ, ਉਹ ਹਿਰਣ ਦੀਤਰ੍ਹਾਂ ਉੱਛਲ ਉੱਛਲ ਕੇ ਨਾਗਣ ਵਰਗੀ ਭਾਵ ਕਾਮੀ ਇਸਤਰੀਆਂ ਨੂੰ ਰਿਝਾਉਂਦਾ ਹੈ। ਸੂਫੀ (ਨਸ਼ਾ ਨਾ ਕਰਣ ਬਾਲਾ) ਵਿਅਕਤੀ ਇਸਤਰੀ ਉੱਤੇ ਚੜ੍ਹਦੇ ਸਾਰ ਹੀ ਧਰਤੀ ਉੱਤੇ ਆ ਜਾਂਦਾ ਹੈ, ਅਤੇ ਉਸਦਾ ਵੀਰਜ ਝੱਟਪੱਟ ਨਿਕਲ ਜਾਂਦਾ ਹੈ, ਐਸਾ ਵਿਅਕਤੀ ਖ਼ਾਕ ਸੰਭੋਗ ਕਰੇਗਾ।
ਅਖੌਤੀ ਦਸਮ ਗੰਰਥ ਪੰਨਾ ੧੧੬੧

ਮਨਪ੍ਰੀਤ ਸਿੰਘ ਕਾਨਪੁਰੀ ਜੀ ਬੇਸ਼ੱਕ ਸਾਡੀ ਜ਼ੁਬਾਨ ਕਟਵਾ ਦਿਓ! ਸਾਡੀ ਜਾਨ ਲੈ ਲਓ, ਸਾਨੂੰ ਮਰਵਾ ਦਵੋ, ਲੇਕਿਨ ਉਸ ਰੱਬ ਦਾ ਵਾਸਤਾ ਹੈ ਕਿ ਐਸੀ ਅਤਿ ਦੀ ਅਸ਼ਲੀਲ ਅਤੇ ਮਨੁੱਖ ਨੂੰ ਚਰਿੱਤਰ ਹੀਨ ਬਣਾਉਣ ਵਾਲੀ ਕਿਤਾਬ ਨੂੰ ਗੁਰੂ ਦੀ ਬਾਣੀ ਕਹਿਕੇ ਆਪਣਾ ਸਾਰਾ ਵੰਸ਼ ਦਾਨ ਕਰ ਦੇਣ ਵਾਲੇ ਸਾਡੇ ਦਸਵੇਂ ਗੁਰੂ ਨੂੰ ਬਦਨਾਮ ਨਾ ਕਰੋ ।